الأخبار
أخبار إقليمية
غرب دارفور يطالب المنفذ لمطار صبيرة بالاعتذار الرسمي
غرب دارفور يطالب المنفذ لمطار صبيرة بالاعتذار الرسمي
 غرب دارفور يطالب المنفذ لمطار صبيرة بالاعتذار الرسمي


07-16-2014 12:14 PM

الجنينة: محيي الدين
وقف تشريعي غرب دارفور على حجم الأضرار التي تعرض لها مطار الشهيد صبيرة جراء انهيار بعض أجزائه وطالب الشركة المنفذة بالاعتذار الرسمي. وكشف رئيس لجنة الخدمات بالمجلس صلاح الدين آدم عن استياء المجلس العميق عما جرى للمطار، وأشار إلى غياب الجودة ومطابقة المواصفات، لافتاً إلى وجود خلل في السقوفات والأبواب والأرضيات وأجزاء أخرى، وطالب شركة منافع المنفذة للمطار باعتذار رسمي لمواطني الولاية. والإسراع في الوقت ذاته في مواصلة الصيانة.

الانتباهة


تعليقات 31 | إهداء 0 | زيارات 5850

التعليقات
#1060107 [ود الركابي]
0.00/5 (0 صوت)

07-17-2014 04:37 PM
اعتزار بتاع منو يازول ده كلام غريب منك . باين عليك متواطىء في موضوع المباني البسكويت دي . اكيد الشركة المنفزة للمشروع تابعة لجماعتك الكيزان .. انشاء الله بلااوي متلتلة تلم فيكم تغطس حجركم واحد واحد .. منافقين .

[ود الركابي]

#1059921 [االطفشان من الكيزان]
0.00/5 (0 صوت)

07-17-2014 12:46 PM
جملوووون ملصق بصمغ مطره واحده جابت خبره والله ركبوكم ماسووورة يا ناس الجنينه

[االطفشان من الكيزان]

#1059818 [A BU ALI ALI]
0.00/5 (0 صوت)

07-17-2014 11:06 AM
اغلب المسئولين في الحكومة كانوا مقتربين ابتداء من عمر البشير ومولانا بتاع الاراضي العندة 10 قطعة ارض شافو الدول كيف تعمل العقود وخاصة عندنا في الخليج يعني اي عمل طرفه جهة حكومية حتي لو 200 دولار لا زم يتم ايداع ضمان بنكي من قبل المقاول يعادل 5% من فيمة المشروع يرد بعد عام من تاريخ انتهاء الاعمال وكذلك حجز مبلغ 5% من اخر فاتورة يسمي مبلغ الصيانة يرد بعد عام بعد عمل الصيانة اللازمة

[A BU ALI ALI]

#1059566 [ود كترينا]
0.00/5 (0 صوت)

07-17-2014 12:25 AM
***ياناس المؤتمر الوطنى...يعنى عشان الصادق اعتذر ليكم مرة...لقيتو حيطة قصيرة ودايرنو كمان يعتذر عن الجملون الوقع قزازو ده...ماللدرجة دى كمان!!

[ود كترينا]

#1059540 [زول والله بيعرف احسن منكم]
0.00/5 (0 صوت)

07-16-2014 11:50 PM
اعتذار ايه اللى بيطالب بيه هذا المجلس البئيس. الا يعنى ان من طالب بالأعتذار كان طرفا فى الموضوع؟ شنو يعنى وهل يفيد ألأعتذار عن ضياع ألأموال العامه .. وبرضو الصيانه تظل عند الشركه اللى نفذت المشروع.. مين ادراكم يا ناس ان الشركه حتعمل صيانه صحيحه..

[زول والله بيعرف احسن منكم]

ردود على زول والله بيعرف احسن منكم
Sudan [hassan] 07-17-2014 01:48 AM
كلهم جهلة ودي زاتها كتيرة منهم


#1059505 [gagooom]
0.00/5 (0 صوت)

07-16-2014 10:20 PM
ولو وقع السقف عل من تحته يطالب المنفذ بالفاتحة على ارواح ضحاياه

[gagooom]

#1059482 [احم غبد العزيز محمد]
0.00/5 (0 صوت)

07-16-2014 08:46 PM
مجلس تشريعي بائس بدل مايطالب بمحاسبة الفاسدين يطلب منهم الإعتذار

[احم غبد العزيز محمد]

#1059479 [ابو طالب حسن امام]
0.00/5 (0 صوت)

07-16-2014 08:39 PM
اتفق تماما مع صاحب التعليق الاول ابو عمر و اضيف الي ان االعقد الذي تم بموحبه التنفيذ لابد ان يكون احتوي علي ايداع مبلغ تامين يرد بعد 6 اشهر من تاريخ استلام المشروع ى ذلك لضمان عيوب التنفيذ, كذلك اتسال عن دور وزارة التخطيط العمراني الولائية في الاشراف الفني علي المشروعات الحكومية و بالتالي لماذا لا يقوم المجلس المذكور باستجواب الوزير بدلا عن هذا الطلب الغريب المضحك

[ابو طالب حسن امام]

#1059462 [زول ساي]
0.00/5 (0 صوت)

07-16-2014 07:59 PM
الحق اولا يجلد بتاع المجلس البقول اعتزار دا بكم جلدة بعد داك نشوف موضوع الشركة العمل مطار كلها جملونات زي مدارس بموصفات وزارة التربية

[زول ساي]

#1059452 [Fatmon]
0.00/5 (0 صوت)

07-16-2014 07:25 PM
كوز ودكتور بيطري يعني والي الخرطوم نمبر 2

[Fatmon]

#1059449 [كرزاي]
0.00/5 (0 صوت)

07-16-2014 07:16 PM
والله يا سودانيين عمركم السودان دا ماها يتطور
كل غش
كل احتيالات
كل سرقه
كل موامرات
كل دسائيس
كل تفرقه
الي الججججججججججججججججججججججججججججججججججججججججججيم يا رب حسبي الله عليكم يا حراميه اللي ما بتخافوا منالله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[كرزاي]

ردود على كرزاي
Saudi Arabia [ابو] 07-17-2014 10:59 AM
من امن العقوبة اساء الادب المفروض يعدم المقاول لكن الان العقوبة المطلوبة الاعتذار وبس


#1059445 [tarig riky]
0.00/5 (0 صوت)

07-16-2014 07:13 PM
لعن الله الكيزان كما الفناهم دائما الانانيه علي حساب الوطن مع غياب الضمير ارازل

[tarig riky]

#1059422 [الحازمي]
5.00/5 (2 صوت)

07-16-2014 06:41 PM
غيروا الاسم ل راكوبه صبيرة للخريف
بلا مطار بلا هباب
أين المشرف و كيف استلم هذه الراكوبة؟؟؟!!!!
فساد في فساد!!!!!
خموا يا ناس الجنينة
انهم الكيزان
"يفوقون سوء الظن العريض"!!!!

[الحازمي]

#1059375 [ابو عمر]
0.00/5 (0 صوت)

07-16-2014 05:33 PM
اعتذار مين والناس نايمين انت فاكر الشركه دي صحت زول من النوم
ده انهيار يعني مفروض تكون في فترة ضمان وشرط جزائي مش اعتذار يا بتوع المدارس

[ابو عمر]

#1059350 [حسكنيت]
3.00/5 (1 صوت)

07-16-2014 04:35 PM
عليكم السفر بالجمال والحمير والبغال ،
أن تصل فى 40 يوم خير من أن تروح زى الشهداء
مطار وإتهلهل زى مظلة المرحوم فلان ..
وبلد دى كان مطاراتو ..الله يستر من طياراتو
وأصلا المطار إتعمل عشان إتلغف ما عشان إتعرف

[حسكنيت]

#1059349 [سوداني جد]
5.00/5 (1 صوت)

07-16-2014 04:34 PM
تغلطوا انتوا يا الحلوين
نجيكم نحنا بالاعزار

[سوداني جد]

#1059334 [hashim]
0.00/5 (0 صوت)

07-16-2014 04:16 PM
المطار معمول هنقر ولا شنو كلو حديد وزنك ... دي المعيير العالمية التي وصفوا بيها المطار عند الافتتاح ... لك الله يا بلدي

[hashim]

#1059333 [سيف]
0.00/5 (0 صوت)

07-16-2014 04:15 PM
السلام عليكم . علي ما أظن هذه الشركة تابعه للكيزان .
من اسمها.. ( منافع ) كلمه وارده في القران الكريم
وثانيا.. وقوع العطاء للشركة في هذا الزمان . عهد الإنقاذ
وثالثاً.. عدم الجوده والمواصفات والامانه .
وأخيرا.. نوع العقوبة . الاعتذار الرسمي
واستغفر الله العظيم أن بعد الظن إثم

[سيف]

#1059332 [ود الدلنج]
0.00/5 (0 صوت)

07-16-2014 04:15 PM
إذا كان المطار مبني جملونات وفيه خلل في السقوف والأبواب والأرضيات تاني فضل شنو يعني باختصار المباني كأنها غير موجودة ، وطبعاً الشركة المنفذة مؤكد تكون شرطة واحد كوز متسبق طفيلي ما عنده أي علاقة بالهندسة عامة ولا المقاولات ولا المواصفات وعلى درجة عالية جداً من قصرالنظر والمستوى الذي يطمح إليه ليس أعلى من بيت ناس فلان في حلتهم

[ود الدلنج]

#1059271 [موسى محمد]
0.00/5 (0 صوت)

07-16-2014 03:27 PM
أول مرة سامحتك تاني مرة سامحتك عاشر مرة سامحتك.

[موسى محمد]

#1059259 [سيد أحمد منصور]
0.00/5 (0 صوت)

07-16-2014 03:17 PM
يا بابا صيانة شنو دا أصلا ما نافع من الاول. فتح في يوم وفي الثاني انهار، وين الاستشاريين الذين قاموا بالاستلام وين المسئولين والمراقبين وين الجودة. دا زي المستشفي الصيني في ام بدة بقي خراب ينعق فيه البوم.

[سيد أحمد منصور]

#1059218 [ود السجانه]
3.00/5 (2 صوت)

07-16-2014 02:28 PM
الأعتذار فقط لا يكفي وهذه مهذلة أنظروا وشاهدوا أيها السودانيين شهادة أخرى على فساد الإنقاذ وماذا ينتظر رئيس النظام بعد هذه الشهادات هي ينتظر جبل الرجاف للوصول للخرطوم ويعلن فساد النظام الشركة المنفذة تابعه للإنقاذ والمؤتمر اللاوطني .

[ود السجانه]

#1059194 [babo]
5.00/5 (1 صوت)

07-16-2014 02:10 PM
أي اعتذار تقصدونه هذه أموال شعب وهل يجدي الاعتذار والتحلل في مرفق عام ، المتعافي طلب مليار جنيه تعويض اشانة سمعة والخضر كذلك فلماذا تكون كارثة المطار اعتذارا ووسام نيلين من الطبقة الاولى وأين لجنة الاستلام ولماذا لم تقم باختبارات الجودة عند الاستلام أم الموضوع مهرجان لغف وهدر زيادة على المصائب التي تداهمنا من كل جانب ...

[babo]

#1059165 [المنجلك]
5.00/5 (1 صوت)

07-16-2014 01:49 PM
معقولة غشو فى مواد البناء حتى المسامير والصواميل لحسوها.

[المنجلك]

#1059162 [سوداني وافتخر]
5.00/5 (1 صوت)

07-16-2014 01:48 PM
حكاية الاعتذار دي شنو ؟؟؟ اول مرة تمر علي ؟؟؟ وين القانون؟؟؟ ويواصل في الصيانة ليه وهو متسبب بضرر ؟؟؟ اما الاجدى والانفع ان يتم محاسبته قضائيا وتعويض المتضرر ؟؟؟ دا جهل بالقانون ولا استعباط لعقول الناس ؟؟؟
اسئلة نطرحها على تشريعي الولاية ان كان فيهم من يعقل او يسمع او يفهم

[سوداني وافتخر]

#1059159 [adil a omer]
5.00/5 (1 صوت)

07-16-2014 01:46 PM
برضو حيتحلل !!

[adil a omer]

#1059134 [زول وطني غيور]
5.00/5 (1 صوت)

07-16-2014 01:30 PM
إعتذار فقط !! إعتذار وتعويض بل وغرامة مالية كبيرة لكي يتعظ بقية الفاسدين الآخرين.

[زول وطني غيور]

#1059098 [ابومحمد]
3.50/5 (4 صوت)

07-16-2014 01:02 PM
الإعتذار الرسمي فقط

هذه أموال الشعب المغلوب على أمره لماذا هذه الأشياء لا نراها الا في السودان اهمال وعدم مبالاة لا مواصفات لا مقاييس العالم عايشين بالبركة رجعنا مائة سنة للوراء في هذا العصر يتم انشاء واجهات بهذا الشكل دي واجهات لا تصلح ان تكون واجهات محلات ناهيك عن انها تكون واجهة لمطار أصوات الطائرات قوية ويجب أن يكون المطار بمواصفات عالمية وليس كموقف حافلات ولكن ألا توجد شروط جزائية واللا المنفذ كوز او مشارك كوز .
حسبنا الله ونعم الوكيل
الكيزان والعصر الحجري

[ابومحمد]

#1059083 [sasa]
5.00/5 (3 صوت)

07-16-2014 12:55 PM
الاعتذار والتحلل ؟؟؟؟ عجبى ثم عجبى فى كيان يسمى دولة ؟؟؟؟؟؟؟؟؟؟؟؟؟؟؟؟؟

[sasa]

#1059069 [الغول]
4.00/5 (2 صوت)

07-16-2014 12:49 PM
حمش ياخى................

[الغول]

#1059048 [موسى الموسى]
4.00/5 (2 صوت)

07-16-2014 12:40 PM
اذا كانت هناك في بلدنا عدالة يحاسب حسابا عسيرا وكل من يقصر في عمل اوكل اليه يجب ان لا تاخذكم بهؤلاء رحمة بتاتا ، ودا سبب ضياع البلد وضياع موارده بسبب المحاباة حتى في العمل الرسمي عشان كدا تخلفنا عن ركب الامم التي من حولنا واصبحنا اكثر تخلفا في كل شيء والدليل شوفوا بلدنا كيف ماشي للحضيض .


اللهم ولى من يصلح على حكم السودان ، وارفع البلاد والغلاء عن بلادي وسائر بلاد المسلمين .


اللهم ارفع عن بلادي الغلاء والبلاء والفساد . يا الله يا الله يا الله .

[موسى الموسى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة