الأخبار
أخبار إقليمية
فشل اجتماع "كنانة".. المرضي يعتصم بداره والشركاء يرفضون الحضور
فشل اجتماع "كنانة".. المرضي يعتصم بداره والشركاء يرفضون الحضور
فشل اجتماع


07-16-2014 04:45 PM

الخرطوم- نازك شمام

فشل اجتماع مجلس إدارة شركة سكر كنانة لليوم التالي على التوالي أمس (الثلاثاء) لعدم اكتمال النصاب، حيث جدد ممثلو الدول والصناديق والمؤسسات العربية رفضهم لإقالة العضو المنتدب للشركة محمد المرضي، ورهنوا دخولهم للاجتماع بالرد على مذكرة تقدموا بها لرئاسة الجمهورية ووزارة الصناعة احتجاجا على انفراد رئيس المجلس (وزير الصناعة) برأيه في إقالة العضو المنتدب للشركة .

وأبانت مصادر لـ(اليوم التالي) أن مذكرة الشركاء في كنانة رأت عدم أحقية الوزير اتخاذ أي قرار بشأن الشركة دون الرجوع إليهم وطالبت المذكرة بإعادة مراجعة أداء الشركة.

وزاد المصدر أن رئيس مجلس إدارة الشركة (وزير الصناعة) السميح الصديق وصل إلى قاعة الاجتماعات بالشركة وفي معيته عدد من موظفي الوزارة وظلوا لساعات دون أن يأتي ممثلو الشركاء في مجلس الإدارة الذين آثروا البقاء في غرفهم بفندق السلام روتانا، ونقل المصدر اعتصام المرضي بداره احتجاجا على منعه دخول مكتبه أمس الأول (الاثنين)، ونوهت المصادر إلى حالة من القلق وسط العاملين بالشركة، وقالت إنهم طالبوا رئيس الجمهورية بالتدخل من أجل استقرار الشركة واستمرار دورها.

وفي محاولة لرأب الصدع وتقريب وجهات النظر والمواقف، كشف المصدر عن قيادة وزير الخارجية لجهود واتصالات بممثلي الشركاء غير أنها لم تسفر عن نتائج مثمرة. بينما قالت مصادر إنه ربما تم عقد الاجتماع اليوم حال إثناء ممثلي الشركاء عن موقفهم الرافض لدخول الاجتماع
اليوم التالي


تعليقات 15 | إهداء 0 | زيارات 7667

التعليقات
#1060294 [j a x]
1.00/5 (2 صوت)

07-18-2014 12:53 AM
هذا هو السودان ...بلد المتناقضات ... يقبع فى ذيل أفقر الدول فى العالم ...السودانى والعايش فى السودان العضو المنتدب لشركة سكر كنانة محمد المرضي التجاني يتقاضى راتباً شهرياً قدره 713, 35 ألف دولار ...نعم شهرياً وليس سنوياً أى 428,556 دولار فى السنة وهو بذلك يتفوق على الرئيس الأمريكى باراك أوباما رئيس أقوى دول العالم إقتصاداً والذى يبلغ راتبه السنوى 400,000 دولار حسب موسوعة ويكيبيديا
http://en.wikipedia.org/wiki/President_of_the_United_States

؟؟؟؟؟؟

[j a x]

#1059654 [murtada eltom]
1.00/5 (2 صوت)

07-17-2014 03:26 AM
the issue now is not whether el mardi good or bad,,his performance is the board responsibilty,,..the main conflect is being created by this ignorant minister who has no idea of article of association laws to follow ,which indicate that ,,only the board is entitled to appoint the genral manager ,and terminate his services if failed to achieve the company targets..............[email protected]

[murtada eltom]

#1059579 [جنوبي]
1.00/5 (2 صوت)

07-17-2014 12:42 AM
واحد يشيل قروش في كيس قمامة ويدخل بيها بلد تانية ولمن يغبضوه الخارجية تعتذر وتقول ما كانت عارفه القوانين ! ووزير يتدخل في اختصاص ما اختصاصو وتجي الخارجية تاااني تعتذر للشركاء وتتوسط عشان تحل المشكلة !
خلاص دخلوا الوزراء والدبلوماسيين ديل كورسات مبتدئين بدل يشرطوا عينا كده !
هسي البشكير علاقته شنو بالمشكلة دي ؟ قرار الوزير لو غلط يرجع الزول ده لشغله ويتبعوا الطرق القانونية لاقالته , دي شركة عالمية لعب هو كمان !

[جنوبي]

#1059548 [غسان بابكر]
2.00/5 (5 صوت)

07-17-2014 12:07 AM
محمد المرضي والله ما بعرفك لكن طالما الوهم ديل ما عايزنك فأنت علي حق والسميح دا قداها في دوله جاره وما في زول سألوا أكيد ح يفتش حته يقدها طالما مافي زول بسألوا..
يا وزير الخارجية في حاجات ما بحلوها بالبركه بتاعتنا نحن السودانيين دي عندنا شراكات كتيره مع أخواننا العرب مفروض نحصل موافقتهم حتي نعوس ومعروفه عواستكم ﻻ في مصلحة الوطن وﻻ في مصلحتهم الله يهديكم شوفوا للسميح دا شغله غير وزارة الصناعه دي ممكن تودوه الدفاع الشعبي مثلاً خلوه يععوس هناك أحسن لينا وأحسن ليه ولي شركاءنا...
الله يحلنا منكم .. قادر يا كريم..

[غسان بابكر]

#1059541 [هاشم حسن]
5.00/5 (1 صوت)

07-16-2014 11:51 PM
لمن لايعرف سكان مدينة كنانة يشتكون من ملوثات مصنع الايثانول الجديد والارقام في مستشفيات كنانة وربك وكوستي خير شاهد بالاضافة الى ان معظم خريجي ربك وكنانة عاطلون عن العمل والوظائف القيادية محصورة على اهل المرضي ومن شايعه بالاضافة الى التشريد الذي حدث بداية عهد المرضي المرة دي عديل دايرين واحد من كنانة يحس بالوجعه لاهل المنطقة مش همو الربح المادي بس

[هاشم حسن]

#1059536 [زول والله بيعرف ;كلشى لأنو اكبر منكم]
0.00/5 (0 صوت)

07-16-2014 11:37 PM
*بالله يا جماعة الخير كدى اهدأوا وانظروا بعين فاحصه وقارنو بين الشخصيتين.. وزير الصناعه (ألأسمو السميح) ما سبب تصغير اسمو؟ وايه اسباب تصغير ألأسماء وألأشياء فى اللغه؟ على ألأقل لصغر السن وجايز لحسن الشكل.. دحين عاينو للسميح دا( خلقتو شريفه)+ سغر السن وعدم المعرفه باينه فى وجيهو) ومن شكلو ما مصدق انه "بقّوهو" وزير يامر وينهى فى خلق الله ألأكبر وافهم و"انقش منو"!!
* زماااان لما ألأنجليز مرقو براهم.. تمت سودنه احد كبار السودانيين و قد عرف بين زملاتو يخفة الدم والسخريه (حتى على نفسو) بعد ما تمت ترقيتو عن استحقاق وجداره (ما تمكين او هرجله ساكت)فى وظيفة مساعد مدير الوزاره "لشؤون الموظفين" فى الوزاره اللى كان شغال فيها.. جاءته الوزاره كووولها تهنى وتبارك فقال للمهنئين: الف كتّر خيركم.. بس يعنى يا جماعه انا عاوز اسالكم: انا بقيت المسؤول ألأول عن التعيين والترقيات والنقل ومجالس التأديب لي عند الر فت من الخدمه؟ ردوا عليه: اى نعم! سالهم تانى: طيب فضل لى شنو انا ما ممكن اعملو فى الموظفين؟ ردوا عليه : مافضل شى!! عاين ليهم بسلامتهم كووولهم ورد عليه: "على الطلاق جاطت"!! وفقعها ضحكه كبيرة اهتزت معها المبانى وتفرق المهنئون ضاحكين!! ( بالله فى ابدع من كدا واجمل من ذلك الماضى)
* نرجع للسميح.. التصغير دا يبدو لأنهو سماحتو ناقصه ويمكن مى موجوده .. قارنو الشخصيه عند السميح وعند المرضى .. طبعا المرضى جاء للوظيفه بالأختيار بعد ان نثرت الدولة"كنانتها " بين يديها وعجمت عيدانها" فوجدت في المرضى (وهو ما سموه المرضى الآ لأنو مرضى عنّو) كافة المواصفات التى تتناسب مع الوظيفة. (طبعن ما فى زول بيعرف احسن م الحوكومه..) الكلام كان قبل اكثر من 4 او 5 سنين.. اهل الوكت داك السميح دا كان وين.. كيف ولد سغير "بيشلّع" ألأكبر منّو!!
* المؤسف و "حقيقة" الحكايه جاطت !!! اها كمان ممثلو الشركاء فى مجلس ألأداره القعدو فى اللكونده وقاطعو اجتماع السميح نقول عليهم ما ناقشين كمان !!! يا ناس احسنوا اختيار المسؤولين!!

[زول والله بيعرف ;كلشى لأنو اكبر منكم]

#1059519 [عزة]
0.00/5 (0 صوت)

07-16-2014 10:59 PM
يا اخوى المرضى
الناس دى اتمرمغت فى الفساد من راسهم الى مخمص ارجلهم
بفتشوا فى ضحايا للاسف الشديد انت واحد منهم وفى تانى واحد كان والى فى الغرب لواء بحرى و كذلك الدور جاى على عبدالرحيم حسين وقبلهم نافع وبقية الكوم
يا حبيب دى فرفرة ساكت الناس دى ختوك فى راسهم يعنى ما حاتفلت
امامك بكرى وخلفك البشير
سلم

[عزة]

#1059498 [Khalidali]
0.00/5 (0 صوت)

07-16-2014 10:00 PM
دى أموال الشعب يتحرق المرضى ويتحرق السميح ويتحرق عمر بنقو معاهم دول شوية اطفال ما مسؤولين .

[Khalidali]

#1059464 [مواطن عادي]
0.00/5 (0 صوت)

07-16-2014 08:09 PM
شكلو كده وزير الصناعة زهجان وما عندو حاجة تشغلوا, نناشد رئيس الجمهورية بان بتتدخل ويشوف حاجة جديدة او اي لعبة بلاي ستيشن تشغل وزير الصناعة

[مواطن عادي]

#1059447 [nor]
4.50/5 (2 صوت)

07-16-2014 07:15 PM
بالله دى بلد اين الرئس الذى لايحل ولايربط اين انت من هذه المهازل اتركوا البلد كفاية تدمير اذهبوا ايها الغجر اسال الله ان يزيل حكمحكم قبل نهاية رمضان يا كلاب

[nor]

#1059432 [nagatabuzaid]
5.00/5 (1 صوت)

07-16-2014 06:51 PM
استميح احد ى المعلقات فى موضوع اعتذار وزارة الخارجية واقتبس تعليقها المناسب لهذه الفضيحة وامتناع الشركاءمن الدول المساهمة ( فضيحتكم دولتوها ) الله يفضحكم كمان وكمان شوهتوا اسم السودان سؤال غير برىء انتوا الجماعة ديل بلقطوا الوزراء والمسؤلين من وين بذكرونى لمن كنا صغار كانت مجنونة يطلق عليها اسم كشو لانها تمشى وتلقط اى شىء تقع عليه عينيها خاصة الحدايد والاسلاك وتلبس وتتدرع وهى ماشة واصوات الحدايد والمصايب المدرعة بيها تكشكش كشو كشو اها حكومتنا كشو كشو وكمان حكاية الطرد بقت موضة رئيس البرلمان يطرد النواب وزير الصناعة يقيل على كيفو ويمنع الموظفين من دخول المكاتب خليه يدخل الى ان يتم الحسم بطريقة مؤسسة حسب نظمكم ولا ما عندكم نظم وقال العاملين طالبوا رئيس الجمهورية للتدخل تفتكروا الوزير لو ما عارف رئيس الجمهورية موافق وراضى ويمكن وراء البهدلة دى كان عمل كدى ؟
لك الله يا وطنى

[nagatabuzaid]

#1059430 [هدهد]
5.00/5 (1 صوت)

07-16-2014 06:47 PM
لا حول ولا قوة الا بالله ..... حكومة هشة كلها ترضيات وجوديات !!!!! وطن يدار بهذه السذاجة والضعف !!؟؟؟ اين رجال الخدمة المدنية واين نظام الدولة الرشيدة ؟؟؟؟ الله يرحمك يانميرى فعلا اعطيت الامانة لغير اهلها وجيىء بحكام الرويبضة عبيد الثروة والسلطة قاتلهم الله .

[هدهد]

#1059408 [ود النو]
0.00/5 (0 صوت)

07-16-2014 06:24 PM
سوال واحد فقط هل المرضي ظالم ام مظلوم طيب لو افترضنا انو الراجل مظلوم ليه كل المدن الثلاث ربك كنانه نفسها كوستي هللت بقرار الوزير بعدين يا تري هل كل البشر ديل غلطانين وهو براه صاح

[ود النو]

#1059376 [ادروب الهداب]
4.75/5 (3 صوت)

07-16-2014 05:34 PM
خﻻص الدور جاء لتدمير كنانه!!!! حسبنا الله ونعم الوكيل.....اللهم انا نسألك بحرمة وبركة هذا الشهر الكريم ان ترينا فيهم قدرتك ياقوي ياعزيز...

[ادروب الهداب]

ردود على ادروب الهداب
Saudi Arabia [جنوبي] 07-17-2014 12:31 AM
آمييييييييييين

Sudan [nagatabuzaid] 07-16-2014 08:41 PM
امييييييين


#1059374 [محسن ابوحراز]
4.88/5 (4 صوت)

07-16-2014 05:30 PM
كالمعتاد عايزين يدمروها عشان يبيعوها للصالح العام ويشتروها حرامية الأنقاذ

[محسن ابوحراز]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة