الأخبار
أخبار إقليمية
برلمانيون يحذرون من كارثة انسانية ويطالبون الوزير النزول للشارع
برلمانيون يحذرون من كارثة انسانية ويطالبون الوزير النزول للشارع
برلمانيون يحذرون من كارثة انسانية ويطالبون الوزير النزول للشارع


وزير البنى التحتية: (أدعو الله ان تكون الامطار خفيفة)
07-18-2014 11:59 AM
الخرطوم: عازة ابو عوف
حذر نواب بالمجلس التشريعي لولاية الخرطوم من حدوث كارثة إنسانية حال هطول الامطار دون اجراء التحسبات اللازمة ، فضلاً عن سكن المتضررين من خريف العام الماضي بالعراء ، وانتقدوا استعدادات وزارة البنى التحتية بالولاية لخريف العام الحالي ووصفوها بالضعيفة ، في وقت قال الوزير (ادعو الله ان تكون الامطار خفيفة).
وفي السياق طالب النائب محمد ابو حريرة وزير البنى التحتية (بالنزول للشارع وخلع بدلته للوقوف على معاناة المواطنين )، وشن النائب صلاح محمد الأمين هجوماً على والي الخرطوم واتهمه بعدم تنفيذ وعوده للمتضريين من السيول العام الماضي واشار خلال جلسة المجلس التشريعي أمس المخصصة لمناقشة استعدادات وزارة البنى التحتية والمواصلات للخريف ، أشار إلى ان المتضررين مازالوا يسكنون في العراء .
وفي الاثناء حذر النائب مختار الضو من مغبة عدم فتح مصرف الدخينات ، وقال ان المواطنين سيلجأون لتنظيم وقفات وإحتجاج وربما قاموا بأعمال شغب حال عدم التوصل لاتفاق مع صاحب المزرعة الذي لم يذكر إسمه ، وزاد "سيكون الدم ماشي " فيما وصف النائب عبد القادر محمد زين عجز الوزارة عن انشاء مصارف للمياه (بعجز القادرين على التمام ).
وفي ذات السياق شددت نائب رئيس لمجلس التشريعي نجاة كرداوي على ضرورة مراجعة القوانين والتشريعات المتعلقة بحماية المواطنين بمجاري السيول .
من جهته قال وزير البنى التحتية احمد قاسم ادعو الله ان تكون الامطار خفيفه واقر في الوقت نفسه بوجود اشكالات في الاستعداد للخريف وارجعها لعدم وجود (مال) وزاد"نحنا عايزين نشتغل لكن أين الفلوس ؟ ورد على طلب خلع البدلة بالقول "بدلتي ماقاعد ألبسها الا في التشريعي والولاية ".

الجريدة


تعليقات 10 | إهداء 0 | زيارات 3769

التعليقات
#1061109 [adrob2]
0.00/5 (0 صوت)

07-19-2014 03:14 PM
حاك المطر ده .

[adrob2]

#1060906 [سوداني]
0.00/5 (0 صوت)

07-19-2014 10:05 AM
الا تستحي من الله ؟ بدعوتك هذه
اذا كنت تعرف الله حق المعرفة ما كنت حتكون فاسد يا فاسد الاهي ربنا يطمجا ليكم و

[سوداني]

#1060739 [ود كترينا]
0.00/5 (0 صوت)

07-19-2014 12:38 AM
***والله ياوزير الهنا... أضحك الله سنك!!!محمد أحمد عوض قال ليك....بعد ده كلو كمان بتبكى...ماكفاية الشفتو منك والله أكتر من ببكى!!!رحم الله الفنان محمد أحمد عوض وأسكنه فسيح جناته فى هذا الشهر الكريم...آمين
***ياخوانا ويازملانا فى الراكوبة...انتو (وزراء الرديف)!!ديل لقطوهم من وين...واحد منهم قال...( أرفع نخرتك فوق انت مؤتمر وطنى)!!!ها ها ها...والتانى شال النايب البرلمانى هو والعساكر بتيعين البرلمان ورمو النايب برة المجلس الوطنى وكسرو نضارة النايب الجايبها من والى الخرطوم بالتمويل الأصغر!!!والتالت فى اجتماع مع المسثمرين الأجانب السعوديين والكويتيين طلع السكين من ضراعو!!! وهسع وزير البنى التحتية الاسمو أحمد قاسم قال...أدعو الله أن تكون أمطار الخريف ده فى الخرطوم خفيفة...عشان البدلة البتسلفا ماتتبلة!!!لسوء حظ الوزير انو فى نفس اليوم قرينا فى النت فى صحف الخرطوم تصريح لواحد اسمو محمد شريف محمد زين وقالو ده اسمو (خبير )التوقعات الجوية بالهيئة العامة للارصاد الجوى...(الخبير الجوى ) ده قال...(ستشهد ولايات الخرطوم والجزيرة والقضارف أمطار غزيرة خلال الاسبوع القادم...)...وتوقع الخبير أن تكون الأمطار هذا العام أعلى من المعدل خلال السنوات الخمس الأخيرة وبخاصة فى ولاية الخرطوم!!!!شفتو حظ الوزير كيف!!!
***والوزير قال...مافى فلوس عشان نشتغل...)...ده كان نايم وين؟؟؟ياسيد الوزير انت تنوم النهار كلو فى رمضان؟؟؟ياخى الفلوس فى أكياس القمامة السوداءالمحمولة جوا...أسأل الوالى العندو 800 مليار من بيع الأراضى هو وولده وراجل بته وراجل اختو وصاحبو فضل محمد خير قول ليهم وين الفلوس المشغلنها فى العملة وبيع العربات؟؟؟الوالى وحكومة الولاية انتو مطعمكم حرام ومشربكم حرام وملبسكم حرام وغذيتم بالحرام...فأنى يستجاب لكم؟؟؟؟!!!جاياكم مطرة وكتاحة (تقييييييييلة)!!!

[ود كترينا]

ردود على ود كترينا
[ابو ياسر] 07-19-2014 03:51 PM
صاحب الاغنية عبد الله محمد وليس محمد احمد عوض الله يرحمه ياود كترينا وكل سنة وانت طيب .


#1060724 [Adil A Omer]
0.00/5 (0 صوت)

07-19-2014 12:08 AM
خلاص انتو اخدوا اجازة عشان تدعو ان الامطار تكون خفيفه

[Adil A Omer]

#1060646 [العارف عزو]
0.00/5 (0 صوت)

07-18-2014 07:50 PM
الجماعة ديل حتى رمضان فاجأهم ، فما بالك بالخريف!!!

[العارف عزو]

#1060593 [كمال كوكو]
0.00/5 (0 صوت)

07-18-2014 05:38 PM
هههههههههههههههههههههههههههههههههههههه
ههههههههههههههههههههههههه
هههههههههههههههههههههههههههه
والله حاجة تضحك ياخي.
لكن ما تظلمو وزير البني التحتية كتير.
الرجل قال هو عايز يشتغل لكن مافي قروش NO MONEY !!!!!!!!!!
طيب يعمل شنو الوزير المسكين الفقير إلي الله ده؟؟
وناس البرلمان زنقوهو زنقة الكلب في الزقاق وقالو ليهو أقلع بدلتك الفخمة دي عشان تحس بالمواطنين شوية هههههههههههههه والوزير قال ليهم أنا ما بلبس البدلة إلأ لما أجيكم إنتو بس يا البرلمانيين ههههههههههههااااي

والله بصراحة قلع البدلة ما بتفيد في حاجة إلأ لو الوزير مشي سوق سعد قشرة وباع البدلة بقروش كتيرة كافية لعمل مصارف للامطار هههههههههههه

مافي قرووووووووووووووووووووووووووش !!!!!!
أنا مفلس وصاحبي مفلس والشعب مفلس والوزير كمان مفلس.. دي شنو البلد المفلسة كلها دي؟.

أنا زهجت خلااااص من البلد دي وداير أتخارج لكن المشكلة إنو المخارجة زاتها دايرة قروش تقيلة.. سألت واحد قريبي جاء إجازة من السعودية عن أسعار الفيز فقال لي بتكلفك 30-40 مليون ج علي الاقل، قلت ليهو لو أنا عندي قروش قدر ده أسافر لشنو؟؟؟هههههههههههههههه غايتو الحكاية بقت مقفلة تقفيلة شديدة خلاص.

[كمال كوكو]

#1060560 [radona]
4.00/5 (1 صوت)

07-18-2014 04:41 PM
نفس الاسطوانة نسمعها كل عام بعد هطول الامطار وحدوث الفيضانات والسيول
الجديد
هذه المرة تم تشغيل الاسطوانة قبل هطول الامطار وحدوث الفيضانات والسيول استباقيا
وقد دعا الوزير ان تكون الامطار خفيفة وانى يستجاب لدعوة الوزير
لان الدعاء المستجاب له موجبات
ل تحتاج هذه لتوضيح

[radona]

#1060504 [القادمون الجدد]
4.00/5 (1 صوت)

07-18-2014 02:24 PM
وزير البنى التحتيه يتمنى ان تكون الامطار خفيفه
وزير الزراعه يتمنى ان تكون الامطار غزيره
وزير السياحه يتمنى ان لا تكون هناك امطار
وزير الدفاع يتمنى ان تكون الامطار فقط في مناطق الجبهه الثوريه
وزير الطرق والجسور يتمنى ان تصب الامطار في النيل مباشره

اما النائب الاول ما جايب خبر انو في شي اسمو خريف من الاصل

[القادمون الجدد]

#1060501 [كبسول]
5.00/5 (1 صوت)

07-18-2014 02:17 PM
المنطق ان يدعو الوزير بأمطار ثقيلة تروي الزرع والضرع
ولكن لان ذلك ليس من همه فهو يدعوا برشات خفيفة ترطيبة يعني
لا تكشف انهيار البني التحتية من جسور ومصارف ولا توضح قصوره والوالي

[كبسول]

#1060465 [أبوعلي]
4.94/5 (6 صوت)

07-18-2014 12:20 PM
قال وزير البنى التحتية احمد قاسم ادعو الله ان تكون الامطار خفيفه

لو أنّك تعرف الله ولك ضمير طاهر ولست بفاسد
لما كان أصلا قد عيّنت وزيرا فالتزوير للفاسدين
دعوتك إلي الله لن ترتفع عن صرّة كرشك النتنة

[أبوعلي]

ردود على أبوعلي
[أرسطو] 07-18-2014 01:16 PM
والله صدقت يا أخى - لكن خفف شوية و نحن صيام - تخيل يا أخى مقدار الفساد الذى نعيشه - بسبب مزرعة يمتلكها شخص واحد منتسب لهذ المؤتمر الوثنى الشيطانى - بسبب هذه المزرعة التى تسد مجرى السيل والامطار تتهدد بيوت كل المواطنين !!!! هل هناك حماية للفساد أكثر من هذا !!!!- اللهم العنهم جميعا لعنا كبيرا .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة