الأخبار
أخبار إقليمية
شاهد الفيديو: زنقة زنقة - شعر للمقاومة السودانية
شاهد الفيديو: زنقة زنقة - شعر للمقاومة السودانية
شاهد الفيديو: زنقة زنقة - شعر للمقاومة السودانية


07-19-2014 06:07 PM
للمقاومة السودانية تاريخ طويل في توظيف الفنون في نشر التوعية السياسية والاجتماعية و تشكيل الحس و الوجدان و الراي العام الوطني. فاستعان السودانيون في حركة مقاوماتهم شتى انواع الفنون من شعر تقليدي و حديث و قصة قصيرة و احاجي و اركان النقاش ومخاطبات في الاسواق والكتابة والرسم على الحائط التي انتشرت اخيرا بواسطة الحركات الشبابية مثل حركة ( قرفنا) و غيرها.
اما الشعر فكان من اقوى انواع اسلحة الحماسه في زمن الحروب التقليدية بين القبائل وصولا لمرحلة مقاومة الاستعمار. فكان للنساء والرجال، الحكامات و الشعراء دور كبير في تحريض المجتمع من اجل المقاومة مثل (مهيره بت عبود و المغني العطبروي).
وبعد نهاية الاستعمار وخاصة في فترة الحكومات العسكرية و الدكتاتورية اشتهر كثير من شعراء، مغنيين و فنانين تشكيليين سودانيين بفنهم و رسالتهم الهادفة و الداعمة للتغييرالاجتماعي و السياسي. وفي سبيل الذكرالشاعر (القدال، حميد، محجوب شريف .. الخ) وهذا الاخير الذى ألهب مشاعر الشارع السوداني في الانتفاضه السودانية الاولى و الثانية. وايضا المغنين من امثال (وردي، ابوعركي و مصطفى سيد احمد). و الفنان التشكيلي (حسن موسى و عمر دفع الله). فصارت كثير من الاغنيات و القصائد شعارات للمقاومة، و اصبح يردها كثير من الشعب السوداني.
فبرغم الكبت و الرقابة الشديدة على اهل الفن و ضيق الحريات وقلة و سائل الاعلام و حكرها من قبل الحكومات الدكتاتورية، الا ان الفن في السودان استطاع ان يتطور ويكون حاضرا. ومع انتشار حركات المقاومة بانواعها المختلفة و توغلها في المجتمع السوداني و ارتباطها بالمجتمع المدني اصبح الفن اداة رئيسية في المقاومة. ولاسيما التصميم الجرافيكي و الافلام القصيرة التي تلعب دور كبير في التوعية وخاصة بعد انتشار الوسائط الاجتماعية هذه الايام.
عدسة شبكة (عاين) رصدت احد الشعراء المحليين يلقي شعرا للمقاومة السودانية وسط حشد من المواطنين في مناطق الصراع بجبال النوبة. قصيدة زنقه زنقه ألهبت مشاعر الحشد تفاعل الجميع مع الشاعر و طريقة عرضه و قراءته وبساطة و عميق كلماته. فكيف لا يتفاعل المواطنين مادام الشاعر يحدثهم عن التراب، ارض الاجداد، الوطن، الحقوق، الحرمان، الظلم، العدل، حتى انه لم ينسي نساء النوبه الشامخات:
اشانك يا وطن نطفي النار و نتصدى هجوم
و اشان ناس ليلا و زينب مريم فاطمة و حليمة
نشيل الفاس نساهر الليالي نحرس اراضينا
و بفرحتم تؤمنا سعادة تصبحنا و تمسينا

.


عاين


تعليقات 25 | إهداء 1 | زيارات 18037

التعليقات
#1062885 [ملعون أبوك بلد]
1.00/5 (1 صوت)

07-21-2014 05:21 PM
أيها الاخوان المتأسلمين ... شوفوا الظلم يوصل الناس الى أين ... أنتم قرأتم في جامعات وداخليات 5 نجوم ... وكان الاوجب رد الدين لهذا الشعب ... الذي تعلمتم بإستحقاقاته ...
الآن شيدتم القصور ... والفرهات ... والاربعة ... الخ فين حتمشوا من الغبش دول ... والله هذا الشاعر أنبل منا جميعا ... يا أهل الانقاذ ... وكان صادقا في تعبيره ... ولو أن العمر مضى الكثير منه لالتحقت بهولاء الافذاذ وهم أصحاب قضية حقيقية ...

معليش أخي الشاعر ... من هم العبيد ... أقوليك من الترابي حتى البشير هؤلاء عبيد ... والصادق المهدي عبد ... ومحمد عثمان الميرغني عبد ... ورينا منو الجدو الرسول (ص) في السودان ... هذا كله هراء ... والله لأأنتم يا أهل الجبال أفضل منهم نسبا وكل شيىء أنتم أصليين بلونكم ودمكم ... عايزين نعرف أصالتهم وين ... عندك البشير شلاليفوا 20 متر أهذا هو العربي الاصيل ...

[ملعون أبوك بلد]

#1062609 [Kamal Mustafa]
1.00/5 (1 صوت)

07-21-2014 12:19 PM
هذا هو السودان وهولاء هم أهل السودان وأتمني أن تسود هذه الروح الجميع لانه لو اصبح الهدف للجميع هو السودان الوطن الكبير ولم نتفؤق شيعا وقبائل زي ما قال هذا الشاعر لا نافع لا علي عثمان بيعملوا
شي والله أكبر والعزة لشعب السودان بداية من جبال النوبه ومرورا بحلفا وعودة الي دارفورا وهابا للجزيره ونزولا للنيل الازرق والصعود الي تلال الشرق الحبيب ونتوحد ونقول كردفان الغراء أم خيرا بره وجوه وياهو دا السودان وبلاش انقاذ وحقيقتها ليست انثاذ بل قتل وتدمير وسلب ونهب

[Kamal Mustafa]

#1062576 [سوداني]
1.00/5 (1 صوت)

07-21-2014 11:47 AM
هذه الحماسات الثورية نتاج طبيعي لسياسات التهميش والإقصاء التي سادت بلادي
كلام بسيط لكنه معبر ويدعو للتغيير ومصلحة السودان الوطن الكبير

[سوداني]

#1062250 [ود انقو]
2.38/5 (4 صوت)

07-20-2014 11:02 PM
التحية للشاعر الملهم الذي يقول شعره دون كتابه وبدون ديوان انها كلمات رصينه وقوية ومرتبه
يرددها بقوة وعمق هي شيمة الرجال والان ولدت حواء السودانية رجال يلهموا الثورة بهذه العبارات يجب على الشعب السودانى حفظ هذه الابيات لتكون هي مفتاح الانتفاضة الشعبية لو لهذا الشعب نخوة.

[ود انقو]

#1062205 [nagatabuzaid]
3.00/5 (4 صوت)

07-20-2014 09:21 PM
لكم التحية معلقى الراكوبة اليوم التعليقات خالية من العنصرية البغيضة تشرحوا القلب ما عدا ذاك الرزيقى اخجل يا هذا من تعليقات اخوتك الاحرار فى الراكوبة وعاش السودان حرا مستقلا ارواح شهداء رمضان تناديكم ومن تركوهم رضعا صاروا رجال فلتحيا ذكرى كل الشهداء ان شهر رمضان هو شهر الشهداء فلنكثر فيه الدعاء

[nagatabuzaid]

ردود على nagatabuzaid
Sudan [nagatabuzaid] 07-22-2014 01:53 PM
الله يكرمك يا ود الركابى على المداخلة الكريمة الطيبة وربنا يحفظ اجيالنا القادمة من شرور العنصرية التى غرسها هؤلاء المرضى العنصرية مرض مستعصى لا يصاب به الا من هو جاهل وترانا بنجاهد ونعافر لكى لا تنمو اكثر مما هى الان مع تحياتى

[ود الركابي] 07-21-2014 10:05 PM
تسلمي يااستاذه . في عنصرية معناه اتدمر بلدنا .. لعنة الله علي اللي كان السبب .. المشكلة غالبية عظمي من السياسيين والمواطنين مااتغربوا ولاعاشروا شعوب اخري علشان يتعلموا العالم ده ماشي كيف بكل اسف ..


#1062160 [Ali]
1.00/5 (1 صوت)

07-20-2014 06:45 PM
nuba got talents.
nuba got courage.
omer .albasir .by ready .set and flee
lions of mountains are on the way they will devour you a live

[Ali]

#1062030 [منو العوض]
1.00/5 (1 صوت)

07-20-2014 03:36 PM
الشعب يريد اسقاط النظام !!!!!!

[منو العوض]

#1061985 [سعيد لورد]
2.50/5 (2 صوت)

07-20-2014 02:30 PM
اشانك يا وطن نطفي النار و نتصدى هجوم
و اشان ناس ليلا و زينب مريم فاطمة و( أم كلثوم )
نشيل الفاس نساهر الليالي نحرس اراضيناو ( ما بنوم )
و بفرحتم تؤمنا سعادة تصبحنا و ( تنسينا هموم )
لكم عاطر التحايا المضمخة بأريج الدماء الطاهرة الذكية التي اهريقت لإعلاء شأن الوطن والمواطن

[سعيد لورد]

#1061853 [محمد سليمان]
1.00/5 (1 صوت)

07-20-2014 12:37 PM
ما شاء الله عليك .... كلمات جميلة جدا و معبرة جدا .... هناك مواهب مدفونة ... مثلك هذا مفروض يكون له إهتمام خاص

[محمد سليمان]

#1061796 [المنجلك]
1.00/5 (1 صوت)

07-20-2014 11:51 AM
كلماتك اقوى من صوت البندقية وقد يموت الرسول وتبقي الرسالة.
ستقاتل النوبة دفاعاً عن تاريخهم وحضارتهم ونحن على الدرب سائرون

[المنجلك]

#1061728 [AL KIRAN]
1.00/5 (1 صوت)

07-20-2014 10:54 AM
That .. Man is Sudanese "Bruce Lee" > isn't Chinese > He got all girls loves over there >> while other men are sleeping even without no kitty

[AL KIRAN]

#1061636 [من المركز]
2.75/5 (3 صوت)

07-20-2014 06:38 AM
نحيكم من المركز ونقول ليكم ما براكم المظلومين . السودان كله مظلوم من الطغمه الحاكمه الظالمه.
نسال الله ان يفرج علي الجميع ببركة هذا الصباح في هذا الشهر الفضيل ويعجل به
الا لعنة الله علي الظالمين

[من المركز]

ردود على من المركز
Sudan [nagatabuzaid] 07-20-2014 09:06 PM
امين

Canada [AL KIRAN] 07-20-2014 09:53 AM
Really .. we don't care about all Sudan right now > That's except to them : North, west. because I can't do everything while other people are sleeping beside their wifes and walking like a chicken, and talking like a lady > You...[Min Al Markaz] > You must wakeup and kill that president > but Nuba of Mountain don't Ever Touch it,, thanks


#1061553 [بنت الناظر]
2.75/5 (5 صوت)

07-20-2014 03:05 AM
تحية لشعبنا العظيم و يارب السنة الجاية نصوم رمضان بدون كيزان ...

[بنت الناظر]

ردود على بنت الناظر
United Arab Emirates [بيكانتو] 07-21-2014 12:12 PM
مستعدين نشرب من الجك طوالى

Sudan [freesudanese1] 07-20-2014 03:14 PM
اللهم امين يا ارحم الارحمين يا رب الطف بعبادك السودانيين فانهم لا ناصر لهم سواك يا قاصم الجبارين و قاهر المتكبرين اللهم ارنا فيهم عظيم قدرتك و جلال سلطانك

Canada [AL KIRAN] 07-20-2014 10:27 AM
Yes .. Mam > Ameen >> Ramadan in Kuoda... like Ramadan in Eden


#1061450 [ود الركابي]
2.88/5 (8 صوت)

07-20-2014 12:12 AM
شعب واعي وزكي وراسه مليان .. مايستحق يحكموهوا الكيزان المنافقين ..

[ود الركابي]

#1061444 [الحران الرزيقي]
2.25/5 (5 صوت)

07-20-2014 12:00 AM
الله عليك ما دام ناديت باسم السودان انت سوداني اصيل وودبلد ونحن سياسات اولاد البحر ديل كرهناها غير دمرو البلد وفرقو بين قبايلو وقسموهو واستفردو بالحكم من زمن الاستقلال و لهسة و بنقول لحميدتى الناس ديل احزر غدرهم و ما تطيع اوامرهم وتمشي تقاتل اهلك في جبال النوبة بلا صيف حاسم بلا لخمة معاهم الصيف الحاسم عليهم هم ان شاء الله

[الحران الرزيقي]

ردود على الحران الرزيقي
[ود الركابي] 07-21-2014 09:52 PM
خليك من اولاد البحر واولاد الخور يارزيقي .. تكلم عن السودان بلدنا وبس . سيبك من العنصرية والكلام الفاضي ده .. قبلية وجهوية لافي مصلحة بلدنا ولافي مصلحتنا . الله يجازي اللي كان السبب ..الله لايوفق المنافقين ولعنة الله عليهم دنيا وآخرا ..

Sudan [nagatabuzaid] 07-20-2014 09:12 PM
انهم فئة قليلة من البحر وليس كل اولاد البحر مطعمين بفئة من دارفور وليس كل دارفور تشاركهم فئة من كردفان وليست كل كردفان والجنجويد ومن تناديهم من الرزيقات وليس كل الرزيقات اتفق معك فى ان الصيف الحاسم عليهم هم ان شاء الله


#1061391 [نقطة نظام]
2.50/5 (4 صوت)

07-19-2014 10:51 PM
كلام حماسى ولكن صوت البندقية مسموع اكثر

[نقطة نظام]

ردود على نقطة نظام
Canada [AL KIRAN] 07-20-2014 10:03 AM
That's >> my business > You can't tell me what my doing... keep sleeping


#1061373 [الرمدان كر]
2.00/5 (4 صوت)

07-19-2014 10:26 PM
ابشر يا وطن

الخير موجود في السودان

[الرمدان كر]

#1061366 [الشمالية]
1.97/5 (6 صوت)

07-19-2014 10:19 PM
والله كلام جميل وكلام رجال ونحن شباب الشماليه سند قوي لكم

ديل اهلي الاقيف في الداره نص الداره واتنبر واقول للدنيا كل الدنيا ديل اهلي


عرب ممزوجه بي دم الزنوج الحارة ديل اهلي ديل قبيلتي وكت افصل للبدور فصلي


وان ماجيت من زي ديل كان اسفاي واسفاي وا ماساتي وا زلي .


شاعر السودان ابن الشمالية الراحل المقيم / اسماعيل حسن --- طيب الله ثراه

البشير والترابي والعصابه دمرو كل شي - امرنا لله

[الشمالية]

ردود على الشمالية
Sudan [nagatabuzaid] 07-20-2014 09:14 PM
تسلم وابشر وسيرجع السودان ويتوحد كما كان ولك التحية

Canada [AL KIRAN] 07-20-2014 10:07 AM
To >>> the desert direct action > amen


#1061297 [ساب البلد]
2.88/5 (6 صوت)

07-19-2014 08:47 PM
******** كلمات جميلة و معبرة ******** التحية لشعب النوبة ********* معا من اجل سودان واحد خالي من الكيزان و العنصريين ********** معا من اجل السلام و الاستقرار و التنمية *******

[ساب البلد]

ردود على ساب البلد
Canada [AL KIRAN] 07-20-2014 10:16 AM
Hay, my buddy > where are you ? long time man... Welcome Enjoy > there's lots of chicken + dog > which one's , you like me to kill for you sire


#1061296 [سوداني حر]
2.00/5 (4 صوت)

07-19-2014 08:46 PM
والله ما في اجمل من شعر الوطن المقاوم واولادنا ويناتنا في كردفان وجبال النوبة تحية ليكم ولي صمودكم

من كل السودان تحية لكم ولكل الشعب السوداني العظيم رمز الصمود ضد الحكومات الظالمة دي

شعب عظيم وواعي

[سوداني حر]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة