الأخبار
أخبار إقليمية
إتهام «عروس» بتهمة تصل عقوبتها الإعدام رجماً
إتهام «عروس» بتهمة تصل عقوبتها الإعدام رجماً
 إتهام «عروس» بتهمة تصل عقوبتها الإعدام رجماً


07-21-2014 12:58 AM

الخرطوم-مسرة شبيلي

وجهت محكمة جنايات أم درمان جنوب برئاسة القاضي صلاح عبد الحكيم الاتهام بمخالفة المادة «64» الفقرة «أ» والتي تصل عقوبتها الى الإعدام رجماً في حق «عروسة» قدمها زوجها للمحاكمة بتهمة الزنا في مواجهة المحصن.

وأفاد الشاكي امام المحكمةر بأنه بعد «51» يوماً من الزواج شعرت المتهمة بإعياء وتوجه بها الى المستشفى وبعد اجراء الفحص الطبي لها علم بأنها حبلى وفي الشهر الثاني من الحمل.

وأشار الشاكي زوج المتهمة بأنها كانت في تلك الفترة في عدة رجل آخر حدث بينهما طلاق وبعده تقدم هو لخطبتها وقام بإكمال مراسم الزواج، وتفاجأ بأنها حبلى بعد اسبوعين من الزواج وفي شهرها الثاني، مما دفعه لتدوين بلاغ في مواجهتها بمخالفة المادة «64/أ» المتعلقة بإرتكاب جريمة الزنا للمحصن، وبعد إكتمال التحريات الأولية معها أحيلت الى المحكمة ومن ثم كانت اجراءات البلاغ.

اخر لحظة


تعليقات 18 | إهداء 0 | زيارات 16050

التعليقات
#1063139 [ود الركابي]
0.00/5 (0 صوت)

07-22-2014 01:11 AM
ياجماعة صدقوني البنت دي بريئة بس جاهلة واستعجلوا في موضوع الزواج الثاني ومافي داعي نسىء الظن .. عيب والله الواحد ما بيقبله في نفسه ..

[ود الركابي]

#1063021 [الراجل]
0.00/5 (0 صوت)

07-21-2014 09:49 PM
خلاص تانى دايرين تورطو الحكومة فى قضية رجم ولسع مشكلة المرتدة مريم ما اتحلت.قال عدة قال واقعد فى البيت من غير عدة؟

[الراجل]

#1062985 [mada1966]
1.00/5 (1 صوت)

07-21-2014 08:16 PM
العريس اضينة كيف يتزوج واحدة مطلقة.قبل ان تكمل العدة.
وسجم الرماد اﻻسمو ماذؤن وين.لما عمل عقد.الزواج.
وﻻ يكون اصﻻ مافاهم في شي اسمو العدة.

[mada1966]

#1062872 [osman]
1.00/5 (1 صوت)

07-21-2014 04:56 PM
معلومة دينية للاخوة المعلقين الاحصان لا ينكسر بطلاق او موت زوجة او زوج كل من تزوج هو محصن حتي لو اصبح مطلق او ارمل وراجعوا دينكم كويس

[osman]

#1062865 [نصر الدين سراج]
2.75/5 (5 صوت)

07-21-2014 04:41 PM
والله ما عارف أقول شنو ! ، طيب اذا فرضنا انها كانت في عدة رجل اخر وحملت ، نقول انها ليست بزانية الا اذا كانت في طلاق غير رجعي اي طلاق ثلاثة مرات ، هنا ممكن نقول إنها زانية ، العريس هو المجرم لانه تزوج امراءة في العدة ، فالمازون والشهود أيضاً شركاء في الجريمة ، لان من شروط الزواج من المطلقة ان تحضر قسيمة طلاق توضح تاريخ الطلاق وبالتالي حساب العدة ، هنا المجرمون هم الزوج والمازون والشهود . هذا في حالة أني فهمت الخبر بشكل صحيح

[نصر الدين سراج]

#1062845 [yousif]
3.00/5 (2 صوت)

07-21-2014 04:12 PM
الشريعه تعتبرها غير زاني لان الحمل داخل عدة الرجل السابق وهذا الطفل للرجل السابق

[yousif]

#1062806 [وندينق]
1.00/5 (1 صوت)

07-21-2014 03:29 PM
اتخيلو ابو سكسك ساكيهو ابليس ؟














واتخبل

[وندينق]

#1062778 [أبو زهانه.]
1.00/5 (1 صوت)

07-21-2014 03:00 PM
حملها ود إبليس يعني ولا،،،شنو؟

[أبو زهانه.]

#1062738 [فاروق بشير]
1.00/5 (1 صوت)

07-21-2014 02:22 PM
خبر ركيك المنطق 51 يوم تساوى اسبوعين متزوجة شرعا وتكون زانية.؟؟

[فاروق بشير]

#1062694 [husseinmusa]
1.00/5 (1 صوت)

07-21-2014 01:40 PM
ياجماعة انا بستغرب من جلد ورجم وقتل النساء المارسن الجنس والحملن
بدون ان يكون هنالك عقوبة للفحول الشاركوا معاهم في الشغلة...تركبوا
ساي وتشبعوا غرايزكم بدون ان يكون هناك مراعاة للعواقب..ظلم والله ظلم..
انا نصيحتي لبايعات الهوي تاني راجل دون ضمانات ماتدوا.

[husseinmusa]

#1062634 [نكس]
1.00/5 (1 صوت)

07-21-2014 12:41 PM
يمكن قاصد بعد انقضاء العدة وبعد الزواج ب15 يوم وجدها حامل - يعني البت دي جنها عرس وما فارقة معاها العدة يعني شنو - قايلاها وقف اطلاق النار وشكلها المسكينة ما اوقفت اطلاق النار زي حميدتي بتمجمج في كل الجبهات - مافي داعي للمحاكم ياراجل - عليك ان تحاسب نفسك لحاجة فيك بتخليك ما بتحسن الاختيار

[نكس]

#1062529 [freedomfighter]
3.00/5 (4 صوت)

07-21-2014 10:58 AM
صحفيون متهجمون على الصحافة
لغة ركيكة و خط قبيح وعبارات معلبة ومكرورة وصياغة متناقضة

[freedomfighter]

ردود على freedomfighter
South Africa [العمرابي الاول] 07-22-2014 01:08 AM
ياها صحافة و اعلام النظام. على نفس المستوى المنحط

United Arab Emirates [جفال الجلابى] 07-21-2014 12:55 PM
ومكررة


#1062513 [سامي]
1.00/5 (1 صوت)

07-21-2014 10:43 AM
حمل مقدم يعني دفعة مقدمة ؟ يجب اللجؤ الى الكشف قبل الزواج رغم صعوبته فى مجتمعنا .

[سامي]

#1062504 [gmeel]
1.00/5 (1 صوت)

07-21-2014 10:34 AM
طيب كانت متزوجة
وبعد اتطلقت من زواجها الاول جا السجم دا وخطبا وطوالي عرسا
وين العدة بتاعتا؟
اذا هو بعد عرسا بي 51 يوم لقاها حامل ليها (شهرين)
وين زنا المحصن هنا؟ اذا كانت هي حملت قبل مايعرسا؟
لا حولا لا حولا

[gmeel]

ردود على gmeel
United Arab Emirates [امير] 07-21-2014 03:10 PM
أكمل ( لا حول ولا قوه إلا بالله )

[الحسامى] 07-21-2014 11:42 AM
يقصد خمسة عشر يوماً و ليس واحد و خمسين


#1062476 [المتشائل]
1.00/5 (1 صوت)

07-21-2014 09:51 AM
يا أخوانا الأسبوع فيهو كم يوم..؟؟

[المتشائل]

ردود على المتشائل
South Africa [العمرابي الاول] 07-22-2014 01:09 AM
حسب الولاة؟


#1062451 [قاطع حبلو]
1.00/5 (1 صوت)

07-21-2014 08:06 AM
تكون حملت في فترة العدة ي جماعة واللا كيف انا غايتو مافاهم الغلوتية دي راسي داش في نص الكلام دا

[قاطع حبلو]

#1062438 [عودة ديجانقو]
3.00/5 (2 صوت)

07-21-2014 06:35 AM
العريس ممنون غلبوا الصبر
صاحى غلبوا النوم وين يا دقر
العريس فرحان غلبوا الصبر
هز فى الشبان غلبوا الصبر
العروس فى الحوش غلبوا الصبر
والبرش مفروش وين يا دقر

والله إنت دقر صحى صحى

[عودة ديجانقو]

#1062402 [ابو سكسك]
2.75/5 (4 صوت)

07-21-2014 04:23 AM
"قدمها زوجها للمحاكمة بتهمة الزنا في مواجهة المحصن"

ثم
"أفاد الشاكي امام المحكمةر بأنه بعد «51» يوماً من الزواج شعرت المتهمة بإعياء وتوجه بها الى المستشفى وبعد اجراء الفحص الطبي لها علم بأنها حبلى وفي الشهر الثاني من الحمل"

ثم
"أشار الشاكي زوج المتهمة بأنها كانت في تلك الفترة في عدة رجل آخر حدث بينهما طلاق وبعده تقدم هو لخطبتها وقام بإكمال مراسم الزواج"

ثم
"وتفاجأ بأنها حبلى بعد اسبوعين من الزواج وفي شهرها الثاني"

[ابو سكسك]

ردود على ابو سكسك
[ابو سكسك] 07-21-2014 02:28 PM
يا جمائة انا لخست ليكم الكلام عسان تفحمو، تجو تقولو ابليس يطردوني. لكن المسل بقول الحصنة في الملئون زي الشرا في الغندول.

رمضان كريم

Sudan [سامى كوريا] 07-21-2014 01:06 PM
ابو سكسك نقل لينا الخلاصة بتاعت المقال من وجهة نظروا واكيد هو نفسه مافاهم وعايزنا نشرح ليه !!!

Saudi Arabia [معاوية ابو عشرة] 07-21-2014 12:22 PM
هههههههههه والله زي ما قال شهيد مشروع الجزيرة انت تنقل الكلام ولا تعلق عليهو ... نعم الاضافة و الله زي ما قال عادل امام فوق انها رقاصة كانت بترقص ...

Sudan [hubs] 07-21-2014 11:03 AM
الكاتب كان يقصد 15 يوم ولكنه أخطأ وكتب 51

Sudan [المتشائل] 07-21-2014 09:52 AM
شكلو كده خبر مشتول

European Union [تعليق] 07-21-2014 09:22 AM
كيف يكون 51 يوما من الزواج شهرت بأعياء وطلعت حامل في شهرين ...وتفاجا بانها حبلة بعد أسبوعين من الزواج في شهرها التاني,,, انا لو القاضي بحكم للزواج بالجلد للكذب الواضح ..اذا هي في عدة رجل اخر وحدث الحمل مافي عقوبة لانها كانت غير متزوجة فقط تجلد حد الزنا اذا حملت من شخص قبله...كيف تكون محصن وهو يقول بعد أسبوعين من الزواج كانت في الشهر الثاني ...بس عاوز اعرف كيف ترجم وهي لم تكون متزوجه دا شنو الهبل والعبط دا

United Arab Emirates [محمود] 07-21-2014 09:11 AM
نعم ضعق شديد وربكة في تقديم الخبر لا تقنع تلميز ثامن ولا حتى صياغة ما عندنا نحن افلسنا للاخر

Saudi Arabia [شهيد مشروع الجزيرة] 07-21-2014 08:30 AM
ابو سكسك يسكك ابليس انت قالوا

ليك علق على المقال ولا قالوا ليك

انقلوا لينا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة