الأخبار
أخبار إقليمية
الاعتداء على ثلاث طبيبات وسستر بمستشفى النو
الاعتداء على ثلاث طبيبات وسستر بمستشفى النو
الاعتداء على ثلاث طبيبات وسستر بمستشفى النو


07-21-2014 12:43 PM
الخرطوم : ندى رمضان
هدد أطباء وطبيبات بمستشفى النو بأمدرمان بالتوقف والإضراب عن العمل في أعقاب الاعتداء على ثلاث طبيبات وسستر من قبل مرافقي مريضة توفيت بعد تلقيها للعلاج بالمستشفى ورهنت الكوادر الطبية والصحية بالمستشفى تقديم الخدمات الطبية للمواطنين بتوفر الأمن والحماية الشرطية في إشارة منهم لارتفاع معدلات التردد الى أكثر من 650 مريض في اليوم. في وقت فتحت إدارة المستشفى ومدير إدارة المستشفيات بوزارة الصحة الولائية د. يوسف تبن بلاغاً بشرطة الحارة الرابعة في مواجهة المعتدين فيما ناشدت وزارة الصحة معتمد محلية كرري بتوفير عناصر شرطة لتأمين وحماية الكوادر الطبية والصحية والعاملين بالمستشفى.

الجريدة


تعليقات 22 | إهداء 0 | زيارات 10858

التعليقات
#1063591 [احمد]
5.00/5 (1 صوت)

07-22-2014 01:48 PM
دكتور يوسف تبن: اختصاصي الجلدية بوزارة الصحة ولاية الخرطوم وفي نفس الوقت مدير عام مستشفي عوض حسين التخصصي التابع لوزارة الصحة ولاية الخرطوم وفي نفس الوقت مدير عام ادارة المستشفيات بوزارة الصحة ولاية الخرطوم...
تلاااااااااااااااااااااتة وظائف وتلاااااااااااااااااااته مرتبات...
يعني خلااااااااااااااااااااص كوز غيرو ماف؟؟

[احمد]

#1063565 [almokashfi]
0.00/5 (0 صوت)

07-22-2014 01:25 PM
المانجلك لا أدري من هو الشيخ صالح الذي صرح في التلفزيون بالامتناع المهم لست طبيباً ولا شيخاً ولكن هنالك قاعدة أصولية تقول ما لا يدرك جله لا يترك كله سمعناها من مشايخنا قبل مجئ موضة شيوخ القنوات ...
المهم القصور حاصل وعلي وجه الخصوص في هذا المجال الطبي. .لكن الموضوع المكتوب هو اعتداء علي نساء طبيبات وكادر مساعد ..تقولي الشيخ صالح قال ...

[almokashfi]

#1063347 [كافونجا]
0.00/5 (0 صوت)

07-22-2014 10:00 AM
مستشفي النو لاترقي للخدمات الطبيه لتلك المناطق ولدي تجربه معها واسألوا أهل العلم ان كنتم لا تدرون
من كل الجوانب لا اعتقد بانها في المستوي المطلوب مقارنه بالمستشفيات الأخري في الولاية ،ديل مويه حقن ما عندهم

[كافونجا]

ردود على كافونجا
[almokashfi] 07-22-2014 12:56 PM
د.كافونجي
مع احترامي وتقديري
بس لا يمكن تعمم تجربة شخصية في نوبتجية ...وتتحيز ضد الدكتورات ديل ...اها الدكتورات عرفناهن السستر دي مالها ...
نحن ما دكاترة بس خبرنا الدنيا وسافرنا مافي بلد بدقو الدكاترة زي حكام الكورة في ميادين الأحياء
...والدكاترة ما زنبهم لو ما في موية مقطرة وما دا زاتو الخلاها تكون زهجانة وترد عليك بفظاظة وهذا معروف في علم النفس defense mechanism
.
...ياريت الشباب ديل يفرغوا غضبهم وحزنهم بصورة تستصحب أخلاقيات عدم ضرب النساء ....
كسرة ...يا دكتور أنت قابض اليورو وديل قابضات الجمر ...
تاني كسرة د.يوسف تبن دا كوز كان كوز إن شاءالله قوليهو حاسب نفسك معاك بالمرة ...


#1063190 [كافونجا]
5.00/5 (1 صوت)

07-22-2014 02:59 AM
أنا طبيب قديم واعمل خارج السنوات في احدي الدول الأوروبية وللأسف لي موقف حدث لي مع طبيبات مستشفي النو عندما حضرت الي المستشفي بخصوص حاله اضطراريه في المنطقه وعندما ذهبت للمستشفي في الساعات الاولي من الفجر وسالت عن بعض الادويه المنقذه للحياه لإنقاذ المريضة قوبلت بكل فظاظه وعدم احترام من احدي الطبيبات وبالرغم من تعريفي لها بأنني استشاري وان أهل المريضة طرقوا بيتي للإسعاف ،،مهنه الطب تتطلب الرحمه والعناية بالمريض والأخلاق الحميده،علي الزميل يوسف تبن بان يتحقق من تعامل الاطباء والطبيبات للمرضي و مرافقيهم،فعلا صدمت جداً بتصرف الطبيبات في ذاك اليوم ،شي مؤسف للغايه،أرجو عمل تحقيق أولا قبل البدء في فتح البلاغ،اااه يا بلد وياحليل أخلاق هذه المهنه الرحيمة في بلادنا

[كافونجا]

#1063130 [جنوبي]
0.00/5 (0 صوت)

07-22-2014 01:01 AM
طول ما نحن بنتفتن قبيلة مع قبيلة ومريض مع طبيب ومواطن مع موظفة الشباك بتاع الكهرباء عشان دمج رسوم الموية مع الكهرباء ومواطن مع متحصل رسوم النفايات و.. و.. ونسيب المتسبب الرئيسي حيبقي الحال كما هو عليه !
هل سألنا نفسنا كم تساوي نسبة ميزانية مستشفي النو من نسبة وزارة الصحة الهي اصلا ما تمثل شئ من الموازنة العامة ؟
وكم راتب الطبيب ؟ والدواء المتوفر ليهو شنو عشان ينقذ بيهو مريض ؟
منو المتسبب الحقيقي وليه نحنا بنعمل رايحين ونفش غبينتنا في بعض !!؟
ما أي مريض يموت معناها خطأ طبي وحتي الاعلام ليهو دور كبير في ترسيخ الفهم ده عند الناس بالاخبار البينشرها قبل التحقيق مع الطبيب واثبات الخطأ الطبي ان وجد .

[جنوبي]

#1063110 [آمال]
0.00/5 (0 صوت)

07-22-2014 12:29 AM
اذا الطبيبات ديل قصرن في شغلهن يستاهلن ده لان اهم شيء في الطبيب انه يؤدي عمله بإخلاص و يراعي للمرضى بدون اي تقصير و في اطباء بالجد ما عندهم هم غير القروش فما بتهمهم حالة المريض على الاطلاق بس يقبضوا قروشهم

[آمال]

#1063064 [ود الشيريا]
5.00/5 (2 صوت)

07-21-2014 11:25 PM
لولا جامعات الفكة (( الخرابات )) التى انشأها الكيزان فى الولايات لما درس غالبية الاطباء الذين يترفعون ويتأففون عن خدمة الفقراء والمساكين .....هؤلاء لايستحقوا اصلا ان يعملوا فى هذا المجال فاغلبهم (( مرتزقة )) فارغين تافهين لا يعرفون الخمسة من الطمسة ناهيك عن التهذيب والادب مع المرضى ...قلة ادب الطبيبات و السستر وتاخرهن فى الحضور لمعاينة المريضة التى ساءت حالتها بحجة انهن (( فى ستراحة )) وعدم احترامهن لاهل المريضة وردهن المتعجرف اللئيم عليهم هو سبب العلقة الساخنة التى استحققنها بجدارة ..والملاظ فعلا انه كثر فى الاونة الاخيرة التهاون والاهمال من الاطباء وعدم احترامهم لانسانية وأدمية المرضى تلقى الواحد فيهم يعاين فى المريض يموت قدامو ويقول لاهله انتظروا شوية ..

[ود الشيريا]

ردود على ود الشيريا
Saudi Arabia [قاسم] 07-22-2014 05:19 AM
انت الطب عميان منو كان زمان كان هسي ما تروح عليهو ولا تتكلم بعقل .... اي واحد فيكم ما بنظر للطبيب كانسان يعاني ولديه التزاماتهووووو بس ملاك جاء من السماء وبعالج عالجوه اولا ثم طالبوه ثانيا وهذا ليس يعني انني مع تسيب او عدم انسانية الاطباء ولكن مع المنطق


#1063024 [سودانية]
3.00/5 (2 صوت)

07-21-2014 10:02 PM
السلام عليكم حقيقة الأطباء و الطبيبات في السودان يحتاجوا لتوعية والله رأيت بعيني و كنت بصحبة طفلتي المريضة في عيادة اخصائي جراحة داخل مستشفى الخرطوم ,داخل هذه العيادة هنالك ستة امتياز و لا قضاء خدمة جميعهم منشغلين مع موبايلاتهم و لابتوباتهم هذا هو حال الطب في السودان اين المسئولين؟ الله يسألكم عن هؤلاء المرضى.و لا داعي لهذا الترفع و الافتراءانها مسئولية امام الله

[سودانية]

ردود على سودانية
Saudi Arabia [قاسم] 07-22-2014 05:22 AM
عيادة اخصائي يعني ديل طلبة او امتياز وفي الحالتيين ليس لديهم الحق في علاج بنتك الا اذا كنت تريد منهم المجاملة الاجتماعية والمواساة .0... وعادي ممكن يكونو بزاكروا علي الموبايل


#1063019 [dracula700pm]
0.00/5 (0 صوت)

07-21-2014 09:39 PM
يجب ان يكون الاحترام متبادلا بين الطبيب والمريض ومرافقيه كما يجب ضبط النفس عند المصائب ولا بد من تواجد حمايه للاطباء كما اقول للذين ينادون بضرب الاطباء عليكم بعلاج الحقد الاجتماعى بداخلكم والسلوك الحضارى هو مقياس تقدم الشعوب

[dracula700pm]

#1063009 [المنجلك]
3.00/5 (2 صوت)

07-21-2014 09:07 PM
فى مقابلة تلفزيونية قال الشيخ صالح يجب ان نتوقف عن تسمية هذه البنوك اسلامية فليس فى نظامها المالي مقارنة بالقواعد الشرعية السليمة

كذلك يجب ان نتوقف عن تسمية هذه مستشفيات فليس فى خدماتها مقارنة بمفهوم الصحة المجتمعية
وعلينا الاتصال بمنظمات مثل الصليب الاحمر وانشاء مستشفيات ميدانية ( دة لو لقينا ميدان فاضى)

لعنكم الله ايها الكيزان لعنة كبيرة و لعنة ممهورة بمعانات كل مريض فى هذا الوطن.

[المنجلك]

#1062980 [nagatabuzaid]
3.00/5 (2 صوت)

07-21-2014 07:59 PM
لا ادرى هل كل الاطباء بالنو على شاكلة واحدة تستحق الضرب بالجملة ام هناك البعض على اخلاق احكى لكم حكاية يسالنى الله يوم الموقف العظيم ان افتريتها العام الماضى وانا احضر العيد فى السودان كانت العلاجات التى احضرتها معى قد انتهت فتذكرت التامين الصحى الذى لا استفيد منه كثيرا كان يوم الوقفة ذهبت الى اقرب مركز وجدته فى اجازة ذهبت الى اخر قالوا لى نحن اجازة والنو تعمل اذهبى الى النو وكانت هذه اول مرة ادخلها ورغم علمى ان ماصرفته امجادات وركشات يجيب لى ثمن العلاج كم شهر بالتامين لكن اصريت قلت على قول صحفينا سعد الدين النشوف اخرته وانا اصلا عندى تار مع اخصائى احد المراكز يعنى تار مع طبيب من التامين الصحى دخلت المستشفى مقدمة قدمى اليمين بدات بالبسملة لماكنت اسمعه عن مستشفى النو والحقيقة كانوا العاملين فى التامين الصحى الموظفين من احسن مايكون دخلت الحجرة وجدت طبيبتان وطبيب قالوا لى بذوق نحن ما مسؤولين عن التامين الصحى ارجعى ليهم يوروك الطبيب فلان المسؤول الموظفة الجالسة فى الصالة اشارت لى لحجرة فيها الطبيب الذى كان يجلس فى حجرة مغلقة ورفض الخروج ذهبت ليه الموظفة وترجته ان يخرج للمرضى خرج واقفا فى الباب فاذا بشاب صغير يافع وسيم قسيم ماشاء الله ملفلف شعره بالبسموه جل ولا جلى الوجه لا يخلوا من مسوح منعم منغم وقال لى بطريقة لا اريد وصفها فابوظ مجهود هذه الايام اصلوا نحن ما بنقدر نغطى مرضى التامين الصحى تصوروا كنا كم نحن اثنين فقط وغضبت غضبة مضرية قلت ليه يا ولد مفروض اقول لك يا دكتور لكن الان اثبت انك لا تستحق صفة دكتور اوطبيب انت مفروض تطلع وتشارك مع اخوتك فى حجرة الكشف ونحن كم التابعين للتامين الصحى اطلع شوف بنفسك ورايت نظرة الشماتة فى وجوه الواقفين فى الصلة حتى الموظفين قال لى يللا ومشى معاى انا امامه وهو خلفى لحجرة الكشف فطلب من الثلاثة اطباء المزحومين بالمرضى ان يقوموا معى باللازم هو يا عينى عليه ما بقدر الحمد لله كان لحقنى امات طه بتشخيص خطا ء وكل من الطبيبتان حولتنى لاختها فقام الطبيب وهو شاب زى ما بنقول اخضرانى ليس نعومة فى مظهرة وقلت ليه ما عايزة اى كشف بس العلاج الى ان ينتهى العيد واقابل طبيبى وعندما ذهبت الى مكتب التامين لختم الروشتة سالنى قال لى مالك قلت له طبيبكم ما عايز يشتغل فرد كان تكلمينى من الاول لكن كويس انك اصريتى على موقفك وكيف ما اصر وده حقى وباخده كل كم سنة وبتخصموا قروشى فى الفاضى اسال الله ان يكون الطبيب نعومة من المجضمين المرصعين المكفتين واكيد الطبيب نعومة خريج احدى الجامعات اياها والى موعد اخر مع قصة من قصص اطباء التامين الصحى شيب وشباب فى النو وغير النو ورمضان كريمولا شماته وعلقة مباركة ولاهل المرحومة الاعمار بيد الله لكن الاهمال حار والحقارة ما بتندار

[nagatabuzaid]

ردود على nagatabuzaid
Sudan [nagatabuzaid] 07-22-2014 01:44 PM
يا سيد عبد الهادى ضحكتنى متين وبىوين كانت الركشات والامجادات بوبار ؟؟ بالله لو كنت قلت سيارتى ال BMW او المرسيدس او اسماء انا ذاتى ما بعرفه كنت قلت شنو ؟ اما علاجى ايوه بجيبوا معاى وكان داير ليك ولامك الما ادبتك لسببين لانه رخيص و ما لاحق الصح زى ادويتنا وكويس ان شاء الله اجيب معاى اجزخانة وممكن تكون زبون دائم بس ما عندى من الحبوب اياها البتخليك خارج الشبكة

Sudan [nagatabuzaid] 07-22-2014 01:34 PM
السلام عليك يا عزو واحييك لاسلوبك المهذب وانا مثلك اكره العنف واغضب منه واغضب لمن يمارس ضده وان كنت عانيت معاناتى الشخصية ومرتين متتاليتين فى مركزين مختلفين مع طبيبين مختلفين فى العمر ربما يكون الاخير حفيد الاول لا يجمعهما الا مهنة الطب والعمل فى مراكز التامين التى يبدو انهما غير مقتنعين بها لعذرتنى واما تعته بالدكتور نعومة والله ان شاهدته لما صدقت انه دكتور ورغم ذلك اعتذر ان كانت غير مقبولة وايضا اقر انى مثلك لا احب المساس بالاخرين من جوانب معينة ولكنى لا اسكت عن كل مظهر او سلوك شاذ وذلك الطبيب كان هكذا مظهرا وسلوكا وان كان وقع نظرك على احد تعليقاتى لعلمت ذلك ولكل من لم يرضى من المحترمين بالراكوبة عن تعليقى هذا فله العتبى حتى يرضى ورمضان كريم يا عزو واكرمك الله لاكرمك لى بهذه اللفتة الكريمة وتسلم ولا تنسانا فى التهجد من الدعاء ان يهدى اطباء التامين الصحى ويعاملوا مرضاهم كادميين لانهم لا يستطيعون ارتياد عياداتهم الداخلية

[عزو] 07-22-2014 04:04 AM
تحية وسلاما
اولا انا اشجب وادين العنف الجسدى واللفظي بصورة مطلقة سواء وقع على طبيب او صحفى او اى زول حايم ساى دي واحدة يا نجاة ، انا استغرب لك عندما كتبتي (علقة مباركة) والدكتور نعومة ! هذا اسلوب غريب فى التفشي واذا كل واحد ياخد حقو بضراعة لما بقي منا احد سليم هههههه تعالى نعود نفسنا على احترام الاخر والنظر بعيدا لاصل المشكلة بدلا من التعامل العاطفي الذي لايخدم غرض المرحلة الحرجة فى ثقافة العنف دي!ولا رايك شنو؟

[عبدالهادي عيسي] 07-21-2014 11:55 PM
يا بت ابو زيد
إنتي ما عندك موضوع وتاني لمن تنزلي إجازة جيبي معاك صيدليه!
وما تقعدي تتبوبري عليناامجادات وركشات كانت جابت لي الدواء !!


#1062953 [حقيقه]
4.75/5 (6 صوت)

07-21-2014 07:03 PM
الاطبا ينضربو ويستاهلو عشان بخدمو في امه مابتعرف طز من الواو الضكر
والدكاتره يستاهلو ضرب بالجزمه عشان بيخدمو امة بتسكت من الراكبنها و
تعرف تهيج في البمسح دموعها ،
كل يوم الانقاذ بايته معاهم ومغتصباهم في كل شي وفي النهايه يقول ليك
الدكاتره يستاهلو ،الدكاتره عندهم واتساب ، الدكانره يستاهلو عندهم
تلفونات ،الاطبا يستاهلو قاعدين يفطرو،
طز في امه جاهله ومغتصبه ماقادره تحاكم المغتصب وتتشطو علي الدكانره،،،،؟؟؟!!!

[حقيقه]

ردود على حقيقه
Saudi Arabia [السندباد] 07-22-2014 01:58 AM
ما قصرت عدييييييييييييييل كده
(اديتهم في التنك)عافي منك


#1062937 [ود البلد]
3.00/5 (2 صوت)

07-21-2014 06:41 PM
اولاً الامر لايخلو من تقصير بعض الطاقم الطبي في مباشرة مرضاهم بالسرعة والاهتمام المطلوبين مما يكون احيانا سببا في فقدان البعض حياتهم, واحيانا أخري يودي الطاقم الطبي كل ما يستطيعه ويكون القدر اسرع. انا لا احمل اي طبيب/طبيبة درس/درست مرحلة الاساس في عهد الافلاس الوطني اي مسئولية, لأنه حصل علي تعليم ضعيف منذ مرحلة الاساس وحتي تخرجه من كلية الطب, ولم يعلمهم أحد فن التعامل مع المرضي, فلا يجوز لنا أن نطالبهم أو نتوقع منهم أن يقدموا لنا ما لا يملكون, بل سنرفع أكفنا بالدعاء علي من ظلمنا وظلمهم

[ود البلد]

#1062878 [الراخى اضانو]
3.00/5 (2 صوت)

07-21-2014 05:07 PM
يستاهلن قليلات ادب ..بصراحة مستوى الطبيبات تدهور لدرجة عجيبة ..لداحة وبجاحة وغتاتة وقلة تهذيب فى معاملتهن للمرضى .وتلقاهن طوالى مشغولات بالواتساب والمكالمات اثناء الشغل والمريض ينتظر واذا ما احتج اهل المريض على ذلك يقوموا يرسلوه يعمل فحصوصات او تخطيط قلب او اشعة لا داعى لها فقط(( للانتقام منهم )) عشان يخسروهم قروش ويخلوهم ينتظروا نتائج التحاليل ......

[الراخى اضانو]

ردود على الراخى اضانو
Saudi Arabia [قاسم] 07-22-2014 05:26 AM
انت اللديح وقليل الادب لانك بتحكم علي شي انت لا حاضر ولا ملم بالتفاصيل ولو ده حصل لاختك عادي


#1062841 [القويضى]
1.00/5 (1 صوت)

07-21-2014 04:09 PM
اذا الناس بالقنوات الرسمية لن تتحصل على شئ فماذا يفعلون !!! فدائما هناك كثير من الاخطاء من الاطباء واذا اشتكيت تشتكى لطبيب لا ينصفك فهم يقفون مع بعضهم البعض حتى في الاخطاء الواضحة ز فحسبنا الله ونعم الوكيل في الاطباء الذين يرون انهم لا يخطئون وانهم سناير للمجتمع

[القويضى]

#1062797 [حزين جداً]
2.75/5 (3 صوت)

07-21-2014 03:20 PM
من أروع وأجمل المستشفيات مسنشفي النو بالتورات . هذه المستشفي يغطي معظم حارات الثورات

وإمتداداتهاالجديدة الحارات 60 ، 58 ,59, 63 , 34 , 36, و34 ، 42 والخدير وقرية الجخيص .

هذا المستوصف الصغير يتحمل فوق فوق طاقته ....

وبصراحة هنالك قصور كبير كبير من قبل وزارة الصحة في حق هذا المستوصف . وبصغره وقلة إمكانياته

يتحمل بلاوي ....

فضلاً أرجو أن لا يكون هنالك نقص ليقع الإطباء والسسترات ضحية ثورة المواطن المغلوب على أمره .

فضلاً ...فضلاً تغطية قصور هذا المسنوصف . لأنه رفع العبء عن مستشفي أم درمان الكبير الفشوش الفشوش

لقد توفي فيه أخي الشقيق قبل شهور بسبب القصور والإهمال . الله يرحمه .

فضلاً دعم مسنوصف النو فضلاً .....

بس حزين للحال الذي وصل فيه القصور بمستشفياتنا حد الموت . وإلى متي ؟؟؟؟

[حزين جداً]

#1062772 [مستغرب]
2.00/5 (3 صوت)

07-21-2014 02:56 PM
يجب التحقيق في الأمر.. قد يكون في إهمال من الكادر وهذا ما أدى للإنزعاج والغضب من مرافقي المريض ولكن الإندفاع وسوء التصرف مرفوض وليس من شيم وطيبة الشعب السوداني.

[مستغرب]

ردود على مستغرب
Saudi Arabia [السندباد] 07-22-2014 01:54 AM
طيبة ميين يا عم والله الكيزان ديل خلوا في البلد دي نوعية بقوا المصريين اخير منهم، حسي زمان سمعت ليك (راجل ) بيضرب ليه مره؟!مافي ،الا في زمنا ده.
الله يلعن الكان السبب


#1062753 [hajabbakar]
4.00/5 (8 صوت)

07-21-2014 02:34 PM
كل من يموت لديه مريض يفش غبينتو فى بؤساء الاطباء الذين لاياخذوا الا الفتات فى بيئة غير صالحة لممارسة المهنة. واخرون بعد وفاة والدتهم من عملية اجريت لها قبل عامين يهددون الجراح بالويل والثبور.
الموت فى كل مستشفيات الدنيا يحدث بمافى ذلك الاكثر تطورا واذا كان هنالك تقصير فهو من الدولة وفرد العضلات دا ضد الاناث من الطبيبات مكانه عصابات المؤتمر الوطنى

[hajabbakar]

ردود على hajabbakar
Saudi Arabia [المقدوم مسلم] 07-21-2014 03:14 PM
كلمة حق بصراحة الطبيبات الشغالات فى مستشفى النو تعاملهن مع المريض والمرافقين جاف غليظ وغير انسانى ..تخيلوا طبيبة تنهر المريضة وتقول ليها (( تفوا عليكى قحى بعيد ما تعادينى بى مرضك ده )) ؟؟؟ او ((انت لو ما عندك حق الدواء جايينا هنا لى شنو ؟؟ امشى موت موتك ساى )) !!!!! هذه شاكلة الطبيبات الموجودين فى ذلك المستشفى ..اضافة الى انهن متجهمات و (( وصارات وجوههن )) المزلوطة بالتقشير والمتفسخة بفعل كريمات التبييض ....ديل اكيد خريجات جامعات الفكة التى تم انشائها فى عهد الانقاذ ....يستاهلوا الضرب والرجم اذا كانوا يتعاملوا مع المرضى بمثل هذا المستوى الوضيع .


#1062729 [أفرو]
2.97/5 (6 صوت)

07-21-2014 02:14 PM
يجب أن يتم الأعتداء علي كل طبيب وطبيبة سودانية حتي يغادرو هذه البلاد التي أتعستها حكومتها وتخاذل شعبها الجبان وصار أطباؤها ضحايا لتردي خدماتها وعدم توفر الأدوات وكفاية التأهيل وعدم وجود رواتب تقيهم العوز وغياب قوانين وأمن يحميهم..
تبا" لكل للإنقاذ ولكم أيها الجهلاء

[أفرو]

#1062719 [المقدوم مسلم]
2.00/5 (4 صوت)

07-21-2014 02:07 PM
كلمة حق بصراحة الطبيبات الشغالات فى مستشفى النو تعاملهن مع المريض والمرافقين جاف غليظ وغير انسانى ..تخيلوا طبيبة تنهر المريضة وتقول ليها (( تفوا عليكى قحى بعيد ما تعادينى بى مرضك ده )) ؟؟؟ او ((انت لو ما عندك حق الدواء جايينا هنا لى شنو ؟؟ امشى موت موتك ساى )) !!!!! هذه شاكلة الطبيبات الموجودين فى ذلك المستشفى ..اضافة الى انهن متجهمات و (( وصارات وجوههن )) المزلوطة بالتقشير والمتفسخة بفعل كريمات التبييض ....ديل اكيد خريجات جامعات الفكة التى تم انشائها فى عهد الانقاذ ....يستاهلوا الضرب والرجم اذا كانوا يتعاملوا مع المرضى بمثل هذا المستوى الوضيع ..

[المقدوم مسلم]

ردود على المقدوم مسلم
[aborasil] 07-22-2014 06:54 AM
اكيد مشوكش من طبيبة

Saudi Arabia [السندباد] 07-22-2014 01:50 AM
ياخ ان شاءالله يفسخوا وشوشهم.
انت جاي تتعالج ولا جاي (حاجة تانية)
وبعدين هم براهم البيفسخوا وشهم؟!ما كتاااار بيعملوا الحاجات دي واكتر.
ما دي ياها شناتنا المن زمان عارفنها داير تمشي مستشفى النو تلقى لبنانيات ولا شنو؟!

Singapore [رد عليه] 07-21-2014 05:33 PM
دي كلها تصرفات شخصية ولا يحق لأي شخص إنو يرفع يده ويضرب بيها إناث لأنها ما من الرجولة وشكلك ما راجل لو بتقول كلام زي ده. ما عندك شغلة بيهن قرن وين ولا بقشرو وشهن بشنو إنت ما أبوهن ولا أخوهن عشان تقول ليهم كلامك ده شوف أخواتك وين وامسكهن عليك ... لو ما عاجبك صرات وشهن تطلع تشوف ليك مستشفى تاني غيره وبلا فارغ معاك. نوع المتخلفين الزيك ديل هم المودرين البلد ومرجعنها 25 سنة لورا ...

United States [Nura] 07-21-2014 04:20 PM
والله دى مشكلة الطبيبة السودانية ومساختها وعدم فهمها لإتكيت التعامل مع المريض وبعدين كلهم فاسخين وجوهن بالكريمات السامة بدلاً ان يكونوا قدوة في الصحة بمعرفتهن بأضرار سموم هذه الكريمات تجد الأغلبية منهن مستعملينها بكثرة مما يدل على عدم الوعي التام
يجب فتح بلاغ على كل طبيب او طبيبه يسىء إلى مريض في حديثه


#1062676 [سوداني كردفاني]
3.00/5 (3 صوت)

07-21-2014 01:22 PM
العمل الانساني الدي يقوم به الكادر الطبي يجب ان يقابل باحترام من المرافقين

[سوداني كردفاني]

ردود على سوداني كردفاني
Sudan [بعاتي و ما فاضي] 07-21-2014 02:49 PM
لكن صراحة الدكاترة بقوا قليلين ادب، تجي خاشي الحوادث و دمك رااااشي و هم بتونسوا بالواتساب والفيس و بيناتهم... و لمن تجي جنبوا تقول ليه تعال شوف الحالة يقول ليك دقايق بس لحد ما اخلص و بي زهج يقولها ليك... خليهم اليدقوهم يستاهلن. بكونوا استعملو دوا غلط اساسا النو من يومها شعارها : تجي برجلينك، نطلعك جنازة.


#1062659 [almokashfi]
3.00/5 (7 صوت)

07-21-2014 01:11 PM
والله ديل ناس ضعيفين إيمان بس ...الله يرحمها ويغفر لها ...المريض يجيبوه في الرمق الأخير بعد تقنع منه الداية والفكي
والمستشفي زي النو ...غير الترابيز والكراسي ما فيهو شئ
بغض النظر عن تفاصيل أي حادثة الشعب السوداني الفضل ده رجالتو مع الكادر الصحي غير المدجج بالسلاح وخصوصا لو كانوا دكتورات ومعاهن سستر ....
انتوا ما تضاربوا بقية عصابة نافع القال بعالجكم بالقرض إن شاءالله الشباب الضربوا البنات ديل تجيهم بواسير ويعالجوها باللالوب ...

[almokashfi]

ردود على almokashfi
United States [المنجلك] 07-22-2014 09:49 AM
1- الخطوة تجاه العلاج ورؤية الطبيب خطوة كبيرة يتجنبها المواطن لعوامل الفلوس وضعف الكوادر الطبية الخ وحقيقة ليس هناك علاج وقائي فى السودان بل حالات متردية.

2- يجب ان يفهم هولاء الاطباء با النقص الذى يعانون منه من حيث مستوى التأهيل والامكانيات وعليهم مصارحة المريض وأهله بما يستطيعون فعله ولا يستطيعون فعله وعدم الوقوع فى المحظور والتحول الي جزار بشري بدل عن طبيب معافي للمرض

Saudi Arabia [السندباد] 07-22-2014 01:46 AM
الله يديك العافية يا المكاشفي
رجالة اخر ومن
عينهم للفيل ويطعنوا في ضله
لكن بعض الناس ما بيهمهم البيحصل في البلد وما ينتبهوا الا لما الفاس تقع في الراس
وبعد ده فلاحتهم في موظفات مسكينات دايرات يساعدوا بالموجود.
والله الرجالة بقت اي كلام!!

Saudi Arabia [كركاب] 07-21-2014 10:55 PM
ههههههههههه
والله حيرتونا (Almokashfi))انت وعم الراجل داك
خليت الدق وقبلتوا على اللاوب
ههههههه قولتوا لى يطلع الابداع من رحم المعانه

Sudan [الراجل] 07-21-2014 08:29 PM
كلمة حق والله اى مره راجعت فيها مستشفى حكومى وجدت كل تعاون من بناتنا الطبيبات الصغيرونات الحليوات الله يحفظهم لى اهلهم . انت اللاوب بعالج البواسير بالصح

United States [Sadeik] 07-21-2014 06:15 PM
البواسير بتاعت نفع عاوزه ليها لالوبه صومالية من النوع الكبير

United Arab Emirates [النقر ابو الشوش] 07-21-2014 02:26 PM
لك كل تحية وتقدير المكاشفي ... كفيت ووفيت



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة