الأخبار
أخبار إقليمية
انطلاق المؤتمر السادس للسودانيين العاملين بالخارج
انطلاق المؤتمر السادس للسودانيين العاملين بالخارج
انطلاق المؤتمر السادس للسودانيين العاملين بالخارج


07-21-2014 12:51 PM
الخرطوم:
ينطلق بالخرطوم اليوم الاثنين المؤتمر العام السادس السودانيين العاملين بالخارج ويستمر المؤتمر حتى الحادي والعشرين من الشهر الجاري وذلك بحضور عدد من قيادات الدولة والأجهزة المختصة. وقال د. كرم الله علي عبد الرحمن نائب الأمين العام لجهاز المغتربين حسب المركز السوداني إن المؤتمر يهدف إلى تبني سياسة وطنية للهجرة وذلك من خلال محاور تشمل اقتصاديات الهجرة وكيفية إدماجها في الاقتصاد الوطني، مبيناً أن المؤتمر سيناقش الرؤية المستقبلية حول الإجراءات الهجرية وقضايا وهموم المغتربين والحلول الممكنة.
وتوقع عبد الرحمن أن يؤسس هذا لمرحلة جديدة في إدارة الهجرة لوضع رؤية جديدة تكون أساساً متيناً لعلاقة الدولة بالمهاجر مشدداً على أهمية دور العاملين بالخارج في الإسهام في الدور التنموي والحضاري تجاه الوطن

الجريدة


تعليقات 14 | إهداء 0 | زيارات 2419

التعليقات
#1063651 [alshafy]
0.00/5 (0 صوت)

07-22-2014 02:25 PM
المغتربون يريدون امتازات واضحه...التامين الصحي
او التكافلي ليس لنا فيه غرض...ولا يوجد مغترب واحد
يبحث عن تامين طبي داخل السودان...نحن نريد الآتي:
1.امتيازات اعفاءات جمركيه للأمتعه التي عادت سلطات الجمارك
لعادتها القديمه في تفتيشها وفي النهايه تدفع لأحدهم رشوه
للتخارج...
2.امتازات باعفاءات جمركيه للسيارات والمعدات الزراعيه والطبيه بكل أنواعه.
3.اراضي زراعيه وسكنيه وتجاريه تباع باسعار تفضيليه وفي مواقع ممتازه داخل الخرطوم وعواصم الأقاليم بالبيع المباشر...وعدم عرضها بسفاراتنا بالخارج لابعاد سماسرة المغتربين...
غير كده يفتح الله....ما تضيع وقتك....

[alshafy]

#1063464 [adamo kenoor]
0.00/5 (0 صوت)

07-22-2014 12:03 PM
انا كنت قبل شهر في السودان لايمكن تصور(لمن لم يذهب للسودان منذ سنة ) الذلة والبهدلة التي حصلت لي علما بانني لا ضرائب علي بس ذكاة سنة ورسوم خدمات (لاادري اي خدمات )التعالي من موظفي الجهاز وكل افراد الشرطة من ضباط وغيرهم ثم سماسرة التأشيرة (اصحاب اكشاك الخدمات) البنات اللابسات ازرق كانهن طالبات الكل يتعمل مع المغترب على اساس انه اما راعي او عامل تربية ماشية او ..... علما بان هولاء يحتاجون اكثر من غيرهم للمساعدة في التوضيح والشرح تقول لي مؤتمر ..... حاج ماجد دا عمل شنو ووين عشان نصدقه يأخي دا تاريخ محفوظ في كل ما اوكل اليه جاي يقول لي تأمين طبي طبي في عينك وكما حزمة مشاريع يعني انا اديك شقاي تلعب بيه وذي البشير الاهبل يوزع على زوجاته واخوانه كلاب .... كلاب

[adamo kenoor]

#1063117 [محمد]
5.00/5 (1 صوت)

07-22-2014 12:39 AM
هههههه انتظرونا

[محمد]

#1063077 [محمد احمد]
0.00/5 (0 صوت)

07-21-2014 11:49 PM
من الذى اختار السادة المغتربيبن الذين سيتحدثون باسمنا ويبصمون بالنيابة عنا و غصبا عنا ويحددون مصيرنا ومصير اولادنا , هل اختارتهم الجاليات التى نشك اصلا فى شرعيتها وطريقة تكوينها ام اختارهم الحزب الحاكم فى بلدان المهجر , اريد ان عرف بس كيف تم اختيار من يمثلنا افيدونى يرحمكم الله !!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟

[محمد احمد]

#1063061 [babo]
0.00/5 (0 صوت)

07-21-2014 11:20 PM
آخر المستجدات هو اتفاق تم بين جهاز المغتربين وشركة شيكان للتأمين لادخال المغتربين تحت مظلة التأمين ولماذا شيكان لأن ادارتها من المؤتمر الوطني ولماذا لا يقوم المغتربون بانشاء شركة تأمين خاصة بهم وبمساهماتهم ثم يتم التأمين لمن يرغب ولا أدري كيف تم اختيار ممثلي المغتربين وعلى أي أساس ....

[babo]

#1062958 [ابو اسيل]
3.00/5 (2 صوت)

07-21-2014 07:16 PM
ريال مابتشموا دا الجارين وراء

[ابو اسيل]

#1062899 [ملعون أبوك بلد]
1.00/5 (1 صوت)

07-21-2014 05:48 PM
نحن في الغربه ولم نسمع بهذا المؤتمر الا اليوم ...

[ملعون أبوك بلد]

#1062858 [مهدي إسماعيل مهدي]
1.00/5 (1 صوت)

07-21-2014 04:27 PM
هل سيبحث هذا المؤتمر مسألة الحقوق الدستورية للمُغتربين، وحقهم في أن يكون لهم مُمثلين (يختارونهم بحُر إرادتهم) في البرلمان؟!.
المواطنة= الحقوق والواجبات.

[مهدي إسماعيل مهدي]

#1062849 [الطيب خالد]
1.00/5 (1 صوت)

07-21-2014 04:16 PM
مؤتمرات المغتربين جعجعة بلا طحين هكذا عهدناها والدليل المؤتمرات السابقة لم تستطع أن تخرج بتوصية تفيد المغترب الذى ملأ خزائن الدولة فى السابق وكان الجواد الرابح فى ثبات الأقتصاد السودانى قبل البترول . خابت آماله فى الدولة العاقة بأبنائها المغتربين ‘ إستخدمتهم ساعة الحاجة ثم كانوا عكس الهواء ويا لها من دولة لا تعرف إلا حملة المزامير

[الطيب خالد]

#1062824 [بادبس]
1.00/5 (1 صوت)

07-21-2014 03:51 PM
ياااااااااا حجي ماجد هل مؤتمر المغتربيين بيعالج مشاكل او يعالج موضوع الجبايه ؟؟؟

[بادبس]

#1062777 [جمال علي]
1.00/5 (1 صوت)

07-21-2014 02:59 PM
أنا بس المحيرني و الغايظني حكاية زبيبة الصلاة دي. دي موضة و لا شنو يا أخوانا؟! الزبيبة دي ما كانت في أو ما كانت منتشرة بي الصورة دي اللهم إلا قليل. كنا نعجب لذلك المسئول الذي كانت تبدو زبيبته و تلمع من بعيد. كنا نقول و الله صلاي خلاص! لكن بعدما ما جات اللنقاذ و عينوهو وكيل أول للوزارة عرفنا حقيته و كشفنا نومتو!!

[جمال علي]

#1062773 [جنوبي]
3.75/5 (4 صوت)

07-21-2014 02:57 PM
المؤتمر حقنا السادس ونحنا المغتربين ما نسمع بيكم الا هسي !!
نلقاها من منو ما عارفين ! تجي تعرس اهلك يخطبوا ليك البت ويحددوا العرس ومرات يعقدوا ليك قبل تجي ويحددوا حقوق العروسه كلها وانت تجي في الاخر وتستلم عروستك وحقوقها عليك , لكن حقوقك عليها مافي زول بتكلم فيها , ويجي جهاز المغتربين يتفاوضوا باسمك ويحددوا حقوق الوطن عليك ويتفقوا علي الضرايب والزكاة والرسوم وما عليك الا تنفذ العليك لكن الليك علي الوطن مافي زول بتكلم فيهو !!

[جنوبي]

#1062737 [د حسين إسماعيل أمين نابرى]
1.00/5 (1 صوت)

07-21-2014 02:22 PM
نحن قبل كل شيء نتساءل هل تمثل الوفود المشاركة حقيقة السودانيين فى الخارج؟ من الممكن لكل سودانى يقيم فى الخارج أن يتساءل هل شارك فى إختيار من يعلنون أنه يمثله؟

[د حسين إسماعيل أمين نابرى]

#1062670 [الغاضبة]
2.19/5 (5 صوت)

07-21-2014 01:18 PM
هل تحتاج مشاكل المغتربين إلى مؤتمرات وكلام كتير وتنظير ..؟؟

ان شاء الله تكونوا حسنتوا خدماتكم وغيرتوا نظامكم وتوقيف المغتربين في الصفوف بالساعات الطويلة وغيرتوا موظفاتكم المكشرات المسيخات باخريات مبتسمات وبشوشات وأمينات يرجعوا الباقي، وما يقولوا ما عندنا فكة ... وان شاء الله تكونوا اختصرتوا الاجراءات وأعني احراءات تحصيل الجبايات على الاقل تدفع في شباك واحد مش هنا استمارة تاشيرة خروج وهناك مساهمة وطنية، ونظفتوا المكان ورتبتوهو ترحيبا واحتراما لضيوفكم الموسميين، أتوقع منكم أفضل خدمة عندما أعود ولا اتوقع أن أقضي اجازتي بين شبابيككم في ذلك المكان القبيح القميء.... الذي كلما اتذكره افضل أن أبقى حيث أنا ليس ذلك فقط بل يمسكني طمام ووجع بطن ... جهاز إذلال المغتربين

[الغاضبة]

ردود على الغاضبة
[معتصم الامين] 07-21-2014 02:49 PM
وفيتى وكفيتى
انه حقاً جهاز اذلال المغتربين بكل ما تحمل الكلمة من معنى .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة