الأخبار
أخبار إقليمية
النيل الأبيض : 27 قتيلاً في حادث مروري مروع
النيل الأبيض : 27 قتيلاً في حادث مروري مروع



07-22-2014 12:40 AM
قتل 27 شخصاً بينهم سبع نساء وطفل واحد، وأصيب تسعة آخرون في حادث مروري مروع يوم الإثنين، قبالة مدينة القطينة في ولاية النيل الأبيض، نتيجة لتصادم حافلة ركاب متجهة للخرطوم وشاحنة في طريقها لمدينة الأبيض بشمال كردفان.

ووقع الحادث عند منطقة أب عاج، وتم نقل الجثث، وأسعف المصابون إلى مستشفى القطينة.

وأفاد المكتب الصحفي للشرطة السودانية في بيان، أن الحادث وقع نتيجة انحراف الشاحنة عن مسارها الرئيسي ودخولها في مسار الحافلة من الاتجاه المعاكس.

وقال البيان، فور وقوع الحادث استنفرت شرطة مرور النيل الأبيض آلياتها ودورياتها وعربات الإسعاف، بإشراف مدير دائرة المرور السريع ومعتمد القطينة، اللذين وقفا على عمليات نقل الجثث والمصابين للمستشفيات واتخاذ الإجراءات القانونية اللازمة.


شبكة الشروق


تعليقات 9 | إهداء 0 | زيارات 6655

التعليقات
#1063958 [ash]
0.00/5 (0 صوت)

07-22-2014 11:21 PM
اسعاف المصابين زاتو ما نافعين فيه،،انا طبيب وكنت شغال في مستشفى الدويم عيد الفطر السنة الماضية حصل حادث حركة الساعة 7 صباحاً فيه تمانية وفيات ومصابين،،من المصابين واحد عندو حالة نزيف داخلي،،والمستشفى ما عندها امكانيات قدر كدة حالات قررت احولو الخرطوم بالاسعاف،،قسماً بالله العظيم الساعة 10 مساء الاسعاف جاء راجع ومعاه المريض قال ما في مستشفى راضية تستلمو قال ايه قال مجهول هوية ،،،انتظر لحد ما اتوفى ربنا ينتقم من الكان السبب....

[ash]

#1063856 [محمد]
0.00/5 (0 صوت)

07-22-2014 06:43 PM
والله ناس بحر ابيض ديل اكتر ناس مساكين في كل السودان و الغنماية تاكل عشاهم

الولاية الفيها اكبر مصنعين للسكر في افريقيا كنانة و النيل الابيض اضافة لسكر عسلاية سعر السكر فيها اغلى من سعره في الخرطوم !!!

واحد يفهمني

[محمد]

#1063795 [الحرية]
0.00/5 (0 صوت)

07-22-2014 05:04 PM
ولاية النيل الابيض دى ماعندها وجيع ربنا يقيل عثرتها

[الحرية]

#1063668 [العمده]
0.00/5 (0 صوت)

07-22-2014 02:42 PM
يا جماعة انتو متفائلين شديد انو يعملو ليكم طريق موازي نحن في شرق النيل القذافى الله يرحمه اعطاهم التكلفة كاملة حق طريق موازي . لما جاء يفتتح الطريق لقاه خط واحد قال ليهم هذا اللى رايج فين ال جايي ؟؟ وبهت الذين سرقو هذه المبالغ وان شاء الله ما تنفعهم وربنا يرحم القائد الثورى القذافي ملك ملوك العالم . ويرفع سوداننا

[العمده]

#1063457 [صلاح مصطفي أحمد]
0.00/5 (0 صوت)

07-22-2014 11:59 AM
رد علي أخونا قاطع حبلو والله أنت شكلك متفائل جدا بخط موازي أحمدو ربكم نحن في الجزيرة والينا لا رد الله ولايته من كبري حنتوب في أتجاه رفاعة زي 2 كيلو متر منذ خمسة سنوات وحتي الأن لم يحرك ساكن لانو ماجاء بهذا الطريق ( قاعدين ساكت في المكيفات ) كيف يعرف في طريق خربان والله عديل دعواتي أن يستجيب ليك الوالي ويكلف نفسة ولو بردمية مش العافية درجات . رحم الله الأموات

[صلاح مصطفي أحمد]

#1063310 [قاطع حبلو]
0.00/5 (0 صوت)

07-22-2014 08:53 AM
لا حول ولا قوة الا بالله انا لله وانا اليه راجعون دا طريق الموت الثالث بعد طريق مدني وطريق التحدي لك الله يا بلدي يا جماعة مافي ودحلال من الخليجييين ديل يتبرع يرصف لينا طريق موازي للطريق دا يكون اتجاهين حتي يقلل من الحوادث ويكون انقذ مئات الارواح من الهلاك المحتوم الحكومة قنعنا منها خليها تصلح طياراتها البتواقعن ديل مافاضيه من خم الميزانية ويختوها في جيوبن ويمشو يتحللو ويدو عمرة كمان لزوم التحلل النهائ .لك
الله يابلدي !!! وين الشنبلي دا ماشاف محمد طاهر ايلا حول بورسودان الي جنة في الارض ! ماقادر يرصف طريق موازي للطريق دا! ارجو من مواطني النيل الابيض ان يطالبو رئيس الجمهورية ان يقوم بتعيين السيد محمد طاهر ايلا واليا علي البحر الاحمر والنيل الابيض حتي يرصف لهم هذا الطريق @

[قاطع حبلو]

ردود على قاطع حبلو
Saudi Arabia [ss] 07-23-2014 01:21 AM
جنة الله في الارض بورسودان تعرف ده ياهو الي بيخلي الناس ديل يركبوا ويلولحو كرعينون ياخ بورسودان دي زي بنات السودان كريمات ساي وشها ممسح ادخل الاحياء بعيد من الكرنيش والبحر وحي السوق وشوف جتة الله في الارض دي ولا الصيف ولا الذباب الي فيها في الصيف ولا الخريف ولا الغربان ياخي انتو بتحلمو بمدينه فاضله ساي ولا غلابه اي شي بيعجبكم


#1063299 [كوكى قرفان]
0.00/5 (0 صوت)

07-22-2014 08:25 AM
فالحين فى لم الجثث اجراءات وقائيه ماف بس خف مدير علان ومعتمد فرتكان فى كل مره لم الجثث واسعاف المصابين المواطنين براهم بسووها قوموا لفوا زاتو المصابين بعالجهم منو ووين؟ هو فضلت مستشفيات؟

[كوكى قرفان]

#1063235 [طارق الباز]
5.00/5 (3 صوت)

07-22-2014 04:48 AM
يعنى هسع الحكومة دى غالبا تضيف خطوط للطرق السريعه؟؟ هو اصلا الخطين رايح جاى ما بجيبن مساحة خط واحد حسب المقاييس المعمول بيها. ياخى اكلوا قروش البترول بس بباقى الزفت سو لينا شوارع تحفظ الارواح.

[طارق الباز]

#1063224 [قرضمة]
5.00/5 (1 صوت)

07-22-2014 04:14 AM
ربنا يرحمهم وين اسماء المتوفين؟

[قرضمة]

ردود على قرضمة
Saudi Arabia [mohamd] 07-22-2014 03:14 PM
داير تستخرج ليهم جوازات ولا شنو ؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة