الأخبار
أخبار إقليمية
والي الخرطوم يشكو الجريدة للمرة الثالثة ويطالب بمليار آخر
والي الخرطوم يشكو الجريدة للمرة الثالثة ويطالب بمليار آخر



07-24-2014 03:30 AM
الخرطوم : سعاد الخضر
مثل الكاتب بالجريدة حيدر خير الله أمس أمام نيابة الصحافة في البلاغ الثالث الذي دونه ضده والي ولاية الخرطوم الدكتور عبد الرحمن الخضرتحت المواد 159 / من القانون الجنائي والمادة 24 / 26 على خلفية نشر الكاتب مقال بعنوان بلاغ الوالي ( بلاغ الوالي هذه المرة يطالب بمليار تعويضا بعد البلاغ السابق رقم 3432 مقال تحت عنوان (الشباب يسك الوالي حتى الباب) ومثل الشاكي والي ولاية الخرطوم الضابط الاداري النذير عبد النبي خوجلي واستنكر خير الله الخطوة وقال إن اتهامه باشانة سمعته غير منطقية ودلل على ذلك باعتراف الوالي بتورط بعض موظفيه في استغلال النفوذ في قضية بيع أراضي بالولاية ثم اعلانه تحللهم باعادة الأموال وأضاف لوكان الوالي حريصا على سمعته لكان احرص على الوظيفة العامة .. واعتبر إن اعلان الوالي بانه لن يترشح فى الانتخابات القادمة اقرار بالفشل الذريع فى ادارة هذه الولاية ، وأضاف ( الكاتب نحن لانشين سمعته لكنا نقوم بدورنا تجاه هذا الشعب ونؤدى مسؤولية القلم بماهو حقيق به وان تزايدت المحاكم وتضاعفت التعويضات المليارية )


تعليقات 15 | إهداء 0 | زيارات 5743

التعليقات
#1065641 [ســـــــــــرحــــــــــــــــــــان]
0.00/5 (0 صوت)

07-25-2014 03:31 AM
ياخ العوير ده ما يمشى يفتح خزنة أبوه الفى مكتب الولايه و يشيل المليار و يريحنا !

و الله عوير عواره !

[ســـــــــــرحــــــــــــــــــــان]

#1065451 [albrado]
0.00/5 (0 صوت)

07-24-2014 08:58 PM
يا جماعة والي الخرطوم ما تعملوا كشف تلموا ليه القروش دي

وتريحونا منه الظاهر ما لقي شئ عند ستات الشاي مع الرمضان

[albrado]

#1065237 [abdulazim elhaj]
5.00/5 (1 صوت)

07-24-2014 02:19 PM
اذا هو بطالب بمليارين نحن نطالبه بكم

[abdulazim elhaj]

#1065178 [ابو الشيخ]
0.00/5 (0 صوت)

07-24-2014 01:31 PM
قالوا السفيه نبذ الباشا

انت يا حيدر خير الله وكت ما عندك ولا حتى مليار بس بتطول لسانك على الناس ليه؟؟؟

عموماً الرجل ده صاحبى وزميل دراسه انا مستعد اتوسط ليك عنده بس تدينى نص مليار بس بعد داك نشطب القضيه

بعدين الرجل اتعامل معاك باسلوب حضارى وهو القضاء ما احسن مما يلحقوك امات طه ول عثمان مرغنى

[ابو الشيخ]

#1065139 [غسان بابكر]
0.00/5 (0 صوت)

07-24-2014 12:53 PM
الخرج الفوق ضهر الحمار...
بعد العملتو تخن جلدك زياده ﻷنه أصلو تخين وناس حيدر ديل متلقيين حجج ساكت ومفلسين بس أنتظر المحاكمه ما بنخليك مابنخليك..
تلقاها من وين وﻻ من وين من ناس كرم الله أبضراع الطردك من القضارف وﻻ من ناس حيدر الشاطر. ..
الله يلعنك ويلعن الواطي عثمان طره الجابك الله يحرق دمكم زي ما حرقتوا دم الشعب السوداني. ..

[غسان بابكر]

#1065133 [وحيد]
5.00/5 (1 صوت)

07-24-2014 12:50 PM
منذ ان رايت هذا العلج القبيح و انطباعي انه ابله و متخلف عقليا ... افعاله و تصريحاته الخرقاء و البلهاء تؤكد لنا ضعف عقله و هبالته ..... كل بلاغ يقدمه هذا الابله هو مضاعفة لاشناة سمعته الشينة اصلا ... راعي الفساد بولاية الخرطوم لا يدري انه يدين نفسه كل يوم

[وحيد]

#1065121 [بشير]
4.00/5 (1 صوت)

07-24-2014 12:26 PM
عن افعال هذا الوالي يسأل والي القضارف السابق شيخنا كرم الله عباس وكم هي المليارات التي اختلسها من ولاية القضارف وماهي المناسبة التي ذكر فيها كرم الله عباس افعال قوم سيدنا لوط

[بشير]

#1065100 [abubaker]
1.00/5 (1 صوت)

07-24-2014 11:56 AM
يا الوالي بقيت منشار من الدولة لهفة مليارات وما كفتك كمان قبلت على ناس الصحف مليار مليار (يازول انت عايش لمتين كمت العندك وتعال شيل ثاني )

[abubaker]

#1065087 [kamal]
5.00/5 (1 صوت)

07-24-2014 11:41 AM
اقتباس :

" مليار بعبوص فى خرقك "

عبدالله التعايشى

[kamal]

#1065060 [fenkoosh]
5.00/5 (1 صوت)

07-24-2014 11:01 AM
يا حيدر حرام عليك ....والينا دا رغم (حوامتو ) تلايت الليل داخل ولايتو ليرى هل هناك أطفال ( بايتين القوا ) و رغم المساسقة فى جهات الولاية الأربعة ..رغم دا يا حيدر يصلى الصبح حاضر ...ألم يشهد له بذلك ...لا أقول زملاء و لا رفقاء و لكن أخوان صلاة الفجر الذين أبانو جزاهم الله خيراأنه يسعى معهم للمسجد رغم تعبه ...فالوظيفة عنده تكليف و ليس تشريف ...و ها هو عشان نقتكم الكتيرة دى فى اليسوى و الما يسوى يا حيدر و يا ناس الجريدة و معاكم ناس شبونة و كل بتاعين الشمارات ديل ...الراجل حلف ما يترشح تانى لا لى منصب والى ولا أى حاجة و يقعد فى بيتو و يرتاح من نقتكم دى و (يحتسب ) فترتو القضاها فى الولاية دى و يعتبرها خطى كتبها عليه التنظيم و مشاها و السلام ...أها تانى وين يا حيدر تلقو زول تبروهو و تنقنو شعيرو زى ما سويتو لى والينا الما كان مابينا كلو كلو الا بعد نقتم الكتيرة دى.... وسمعنا تحت تحت أن رفقاء ...أسف أخوان صلاة الصبح مشو لهيئة علماء السودان عشان يلقو ليهم فتوى لى حليفة الوالى دا عشان يترشح تانى لكى لا ينقطع منهم فى صلاة الصبح وقيل و العهدة على الغواصة الأورد الشمار أن هيئة العلماء جندت ليها واحد من (خيرة ) علماءها و هو خبير فى سمكرة الفتاوى حتى يسمكر ليهم فتوى ما تخرش المية ...فتوى لا يطالها النقد لا عن شمائلها ولا عن يمينها و لا يحتاج أن يدافع عنها أحد فهى فتوى فريدة عصرها و سمط دهرها...تدقو فيها يا حيدر و تجو راجعين لا ينفع معاها بن باز ولا بن أم قيردون يا الحاجة...و بعدين يا حيدر نحن بنقرا جريدة الزعيم عشان سلك و فى عمود سلك فقرة شمارات الوالى ...يعنى دايرين الزعيم ما توزع و تخسر و تقيف ..و جمال الوالى باعا لى زول تانى ....و بالتالى تفقد الأمة المريخية أحد الواجهات التى كانت تقف سدا منيعا ضد الأعلام الأزرق الذى يتحين مثل هذه الفرص ...أنت أظنك (فوالى ) يا حيدر ...أرجوكم خفوووووو شوية على الراجل فهو ما عمل حاجة مخالفة لنهج أخوانو عشان تفتحو فيهو نيرانكم دى ...شنو يعنى موضوع غسان ما هو أتحلل و السلام و حايم فى أمان الله .. الشريعة أقرت التحلل ...يعنى جابو من راسهم ..و للا عندكم راى كمان فى الشريعة ....؟

[fenkoosh]

#1065024 [ِAburishA]
3.50/5 (3 صوت)

07-24-2014 10:08 AM
الوالي ده جنّ ولا شنو!! لو قالوا ليهو سلام عليكم يقول ليك مليار.... هو قايل الشغلانة قمار..كومشن .. ولا غسيل اموال !!!

[ِAburishA]

#1065018 [ابو الراء]
5.00/5 (1 صوت)

07-24-2014 10:00 AM
المليارات الاتلبعت دي كلهاما شبعته داير زوادة مليار ولا شنو؟؟؟

[ابو الراء]

#1064951 [بومدين]
5.00/5 (2 صوت)

07-24-2014 06:28 AM
حــرامـي وعـــينو قــويه .. يســـرقك بـعـد يصـلـي الـفـجـر ، ويشــتـكيك بـعـد صــلاة الـظـهـر ؟؟!!.

[بومدين]

#1064950 [صحفي متقاعد]
5.00/5 (1 صوت)

07-24-2014 06:26 AM
انتو الوالي ده ما شبع من سرقاتو الدولارية وجاي يطالب بمليار جنيه سوداني تعبان تعويض من صحفي لا يملك سوى راتبه الهزيل ؟؟؟

[صحفي متقاعد]

#1064901 [كبسول]
5.00/5 (4 صوت)

07-24-2014 03:40 AM
هو الوالي فضلت ليه سمعه عشان يشتكي
صحيح الاختشوا ماتوا

[كبسول]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة