الأخبار
أخبار إقليمية
حزب البشير : لا نحتاج لحوافز غربية للحوار والمهدى لايستطيع ان يهددنا الان او عندما كان حاكماً.
حزب البشير : لا نحتاج لحوافز غربية للحوار والمهدى لايستطيع ان يهددنا الان او عندما كان حاكماً.
حزب البشير : لا نحتاج لحوافز غربية للحوار والمهدى لايستطيع ان يهددنا الان او عندما كان حاكماً.


07-25-2014 04:32 AM
الخرطوم-بكري خضر

أكد المؤتمرالوطنى أن الحكومة ليست بحاجه لحوافز من الدول الغربيه لانجاح الحوار الوطنى واصفا وعودالمجتمع الدولى بالجوفاء مبينا انه مجرد كلمات رنانه وقال نقول للمهدى أن جلسه أفطار مع سفراء لايمكن أن تحدد مستقبل السودان . وهاجم محمد الحسن الامين القيادى المجتمع الدولى واتهمه بتحريض قيادات المعارضة السياسية وحركات التمرد معنويا وماديا لاسقاط النظام نافيا أمتلاك المهدى لاى كروت ضغط على الحكومة او سند خارجى وقال كل له مأرب فى الحوار يريد ان يحققها أو يعلن فشل الحوار نقول له بان الحوار ماض ولن تكون هناك نتائج بين عشية وضحاها قاطعا بان الانتخابات فى موعدها وانهم لن يلقوا بها عرض الحائط واشار الحسن الى ان المرجعية الشعب وليست احزاب معدومة السند الجماهيرى وقال ان المهدى لايستطيع ان يهددنا الان او عندما كان حاكما.

آخر لحظة


تعليقات 25 | إهداء 0 | زيارات 4284

التعليقات
#1066122 [بجاوي]
0.00/5 (0 صوت)

07-26-2014 02:55 AM
ياجماعة بقي زي الشحاد في حارة اليهود يشيل يطرح في المبادرات والكيزان ولا شغالين بيه ماعارف الراجل ده بيقتنع امتي انه الكيزان ما بتاعين مفاوضات ولا حوار ونافع قالها بالواضحة ومن الان نشمر السواعد وهيلا هيلا نطير الكيزان.

[بجاوي]

#1066089 [مغبون]
0.00/5 (0 صوت)

07-26-2014 01:47 AM
شي مقرف بالامس نافع واليوم يتحدث شخص انتهازي كمحمد حسن الامين عن الصادق المهدي ! احس بان هنالك شي متفق عليه بابعاد الصادق عن السياسه
ارجع واقول ان الصادق المهدي يستاهل لانه وضع نفسه بان يتطاول عليه امثال محمد حسن الامين ونافع وغيرهم
لماذا لم يضع الصادق المهدي حداً لهذه التصريحات الهوجاء من مخانيس واشباه رجال المؤتمر الوطني حتي لو اضطر ان يقابل البشير !!
واين صهره الترابي من تصريحات هذا اليافع والما نافع ؟ ارجع واقول الصادق المهدي يستاهل لانه وضع نفسه في هذه المواقف ولم يكن مثل عقار او الحلو او حسنين
يستاهل ويستاهل ويستاهل اللهم لا شماته

[مغبون]

#1066087 [اوكانبو]
0.00/5 (0 صوت)

07-26-2014 01:38 AM
اكلم اهلى ارشح الشيطان وامشي معاه في مثلث برمودا خير لي من الكيزان واعوانهم

[اوكانبو]

#1066071 [karkaba]
0.00/5 (0 صوت)

07-26-2014 01:09 AM
هذا السفية الكرية المدهزة ام الحسن بت الامين من قرية الجزيرة اسلانج شمال امدرمان مفرور ومكروة اهالي القرية

[karkaba]

#1066042 [الدنقلاوي]
0.00/5 (0 صوت)

07-25-2014 11:44 PM
والله الأسد عجز والعنماية لحست ....
(أنا قاصد دقنو البرتقالية عشان الأحباب ما يزعلوا)

[الدنقلاوي]

#1065995 [حجاج]
0.00/5 (0 صوت)

07-25-2014 09:03 PM
هههههههههههههههههههها بت الحسن قام ليها قرون وشنب !!.. عقبال الضنب ..عجبني ليك ياود المهدي الهوين انشاء تعيش وتشوف اكتر اصلو الناس ديل من ماتقول ليهم سلمية ووسطية وحاجات ذى دى طوالي يركبوا ليك في راسك ويجي ذي بت الامين ده يرد ليك .. ود المهدي سلمية مانفعت ماتجي نعمل ذى ابوك الطرد النجليز بدون سلمية ونلم الدور ونرتاح من الناس ديل !! هاك السلمية دى ياودالمهدي .

[حجاج]

#1065994 [albrado]
0.00/5 (0 صوت)

07-25-2014 09:00 PM
يا جماعة الصادق المهدي مريض سلطة وجاه ما شايفين صورته

وهو يتقلد الوسام؟؟؟ والوسام من من ؟؟؟؟؟؟

هذا المريض الدجال رغم انه الرئيس المنتخب من الشعب قبل

ان يقلد وسام من قائد انقلاب ورئيس غير شرعي

[albrado]

ردود على albrado
Switzerland [محمد سعيد] 07-25-2014 10:11 PM
صدقت المهدي مريض، كيف يقف امام مغتصب السلطة، عشان أكرموه ، جاتك بلاوى تغتس حجرك يا الصادق زفت
مريم وقفت امام الموت متحدية محاكم التفتيش، ولم تهتز لها شعرة امام سلطان الهوس الدينى، اما صادقنا ما صدق الجبان الرعديد الضليل،


#1065953 [حزب الراكوبة]
0.00/5 (0 صوت)

07-25-2014 06:41 PM
ياسارة كلمي مريم خليها ترد على كلام أم الحسن فريع البانة

[حزب الراكوبة]

#1065891 [radona]
4.25/5 (3 صوت)

07-25-2014 04:52 PM
الحقيقة ليس للمؤتمر الوطني سند شعبي ابدا والشعب يعاني الامرين من الجوع والفقر والمرض لذلك المراهنة على السند الشعبي تلك مغالطة
اما الامام الصادق المهدي اخر رئيس وزراء منتخب وقد سرق المؤتمر الوطني منه السلطة ليل بهيم كثير الغيوم شحيح المطر فكان من الاولى مخاطبة الرجل باحترام وتوقير على اقل تقدير احتراما لسنه وفكره وتسامحه بان يقبل الحوار على مائدة من اغتصبوا سلطته فالحياء شعبه من شعب الايمان
اما سقوط النظام فقد اصبح امر حتمي سواء بالطرق السلمية او بالوسائل الاخرى ولكن الافضل بالوسائل السلمية ولكن هل المؤتمر من الشجاعة بان يعترف بانه فشل في حكم السودان ومزق وحدته ودمر اقتصاده وفرق ابنؤه بممارسة 3 حروب اهلية وهل يمكن ان يواجه المؤتمر الوطني محاكمات الفساد ومطاردات المحكمة الجنائية .. الشعب السوداني يعلم ان حسابات المؤتمر معقدة ومخيفة ولكن التشبث بالسطة ليس بمخرج من واحدة من هذه المازق فانه اتيكم اتيكم وقريبا جدافاين المفر

[radona]

#1065890 [kalifa ahmed]
5.00/5 (2 صوت)

07-25-2014 04:41 PM
الحبيب الامام بقى ملطشة من كل الاتجاهات واخرها أم الحسن فريع البان وحليل أيام الداخليات !!!!!!!!!!!!

[kalifa ahmed]

ردود على kalifa ahmed
Switzerland [محمد سعيد] 07-25-2014 10:15 PM
معطشة وبس دا الجماعة ديل ماسكين ليهو وساخة والإمام وسخ عشان كدا ناس ام الحسن ادقنوا بالبراطيش


#1065887 [Mohammed Ahmed Mustafa]
0.00/5 (0 صوت)

07-25-2014 04:38 PM
واصفا وعودالمجتمع الدولى بالجوفاء مبينا انه مجرد كلمات رنانه
What about yours (NCP) isn't it the same!? COMPARE
وهاجم محمد الحسن الامين القيادى المجتمع الدولى واتهمه بتحريض قيادات المعارضة السياسية وحركات التمرد معنويا وماديا لاسقاط النظام
Do you think so! We have a saying that say:- What you do always condemn people doing it. Why because it is in you and you always do it that way. People have seen you in many places as a man of nothing, just a talkative person. Please keep the few respect that you still have by saying something good or otherwise you will be sorry the rest of your life

[Mohammed Ahmed Mustafa]

ردود على Mohammed Ahmed Mustafa
United Kingdom [قرفان من الكل والمقرضمين زيك] 07-25-2014 10:26 PM
يا ود المصطفي الفلفسة ليك شنو ؟؟؟
عامل لينا فيها ابو عرام ولا شنو،،؟؟.
ياخ نحن اعتبرنا عنقالة من الشعب الموتوا كلكم فيهو روح التغير والفرج والثورة والحلم الآتي البقي بعاتي،، الصادق،،الترابي،،الميرغني وكمان طلع لينا غازي كلمها زي ما مضييقنها ناس مناوئ وعقار وطنبار وابو فرار وسجمان،،، وعيد الواحد المنفوخ قرب يطرشق ومن السفسفة والبيرة وناس دارفور قارضهم الجوع،،،
ياخ ما ترحمونا من حرماتكن دي ،،، في داعي وفي لزوم تكتب الحاجة بي العربي وتعلق ولا تسجم عليها بي الانجليزي؟؟؟
في داعي يا راعي؟؟؟
ياخ الشعب السوداني فيهو 40 في المية خريجين جامعات ما بعرفو يفكو الخط بي الحروف الانجليزية وناس متخرجة دكاترة ما قادرة تقرا النشرة الطبية علي الدواء ولا علي اي فتيل لافي،، تجي ات كمان هنا في راكوبتنا دي الما صدقنا جينا نقعد تحتنا نسمع كل لسان من بلدنا،، تقوم ات تتحالي علينا بي انك عارف ليك سطرين إنجليزي عايز تقدنا بيهن؟؟؟
طبعا حيكون عذرك يا اللخو ،، والله الكيبورد مافي عربي!!! ما بتمشي علي زول دي تاني بقت غوغل وسامسونغ فيها مية نوع من الكيبوردات العربي وعلي قفا من يشيل،،
ياناس كرهتونا الواحد يخش يقرا ويعلق،،
تلقي الواحد كاتب اسمو بي الانجليزي التقول مغالطنو فيهو،،، ولا فأكريننا يعني عندنا قنابير،،،
والله تاني اي واحد يعلق بي الانجليزي انا اهاجمو،،، مافارقة معاي الكاتبو شنو اعرف معناه وقصدو ولا ما اعرفو ببقي لي في حلقو
كرهتونا القراية والسياسة والتعليقات ذاتها،،،
كنا بنمشيها لي إخوانا من جنوب السودان لان أسماءهم ولغتهم إنجليزي وما مجبورين علي عربينا دة ،،،. لكن تجي من ناس محمد. وخالد. ومين مش. عارف مين الحواتي،،، ما بنقبلها ،، عايزين التغيير يجي بي جهود ورضا ودعم الجميع نوحد لغتنا ،، وكلمتنا ،، وتاييدنا لتوجه واحد وخريطة طريقة واحدة،،، وحكاية ستين حزب وخمسماية معارضة وستمائة حركات مسلحة دي ما تنفع،،، عايزين تغيير بي جد جد الجميع يتلم ويقولو لبيك يا شعب شوفو في كوز تاني بقعد في البلد؟؟؟
لغة واحدة توجوه واحد هدف واحد وكيان واحد لان العدوء قدام الجميع واحد وهو الحكومة دي،،،
ويا ود المصطفي ما تقدنا بي انجليزيك دة،،،خاطب نا بي الدارجي انشأ الله برضو عندنا امخاخ وبنفهم

اللهم هل بلغت فاشهد،،،


#1065886 [جلد الفيل]
5.00/5 (4 صوت)

07-25-2014 04:31 PM
والله يا ود المهدي بقيت هوين حتى "أم الحسن" بقت تتفاصح وترفع صوتها عليك ويمكن كان كترت تديك بالبرطوش ... خسارة يا ودالمهدي .. اللوم ما عليهم بل اللوم عليك إنت القبلت بالذلة والهوان لمن طمعت في الدنيا .. يدوك ليها بالقطارة وبالبزازة ... خسارة يا ود المهدي الزحف على غردون في الخرطوم بجيش كأنه الذي عناه المتنبي حين قال :
خميس بشرق الأرض والغرب زحفه وفي إذن الجوزاء منه زمازم
تجمع فيه كل لسن وأمة فمـــا تسمع الحداث إلا التراجـــم
كان في جيش جدك الهدندوة الشعث الغبر وفيهم النوير السود الطوال كأنهم أشجار الأبنوس وكان فيه النوبة أهل أم دبالو الأقوياء وفيهم العرب من كل بادية وفريق على متون الخيل والنوق وراجلين وعميانين شايلينهم المكسرين ... وما رجعوا إلا بعد دخلوا القصر الأبيض وقطعوا راس غردون ...دا كله ضيعته يا ود المهدي ؟ ... وقعت في حفرة حب الدنيا الحذر منها جدك أشد التحذير ... قعدت فاتح خشمك راجيهم ينقطوا ليك فيه ... وقبلت بالهوان وأنت تدفع بإبنك مساعد حلة ... مساعد تشريفاتي ... حفلات وافتتاحات ... وأهو آخرتها بقيت ملطشة "لأنصاص" الرجال ناس "أم الحسن" .. حالتك كمان حفيد كسار قلم مكميك؟ الحمد لله هم الماتوا قبال ما يشوفو الهوانة الهنتها لي نفسك وأهلك وشعبك وبلدك..... خسارة يا ود المهدي وصدق من قال :
من يهن يسهل الهوان عليه ما لجرح بميت إيلام
بل وصدق زولنا القال: النار "تخــ ...ى الرماد"

[جلد الفيل]

#1065871 [معاذ ود العمدة كجرت]
5.00/5 (1 صوت)

07-25-2014 03:52 PM
اللهم تلطف على اهل السودان وجود عليهم بمن يخافك ويتقيك

[معاذ ود العمدة كجرت]

#1065824 [المشروع]
0.00/5 (0 صوت)

07-25-2014 02:17 PM
والله الصادق المهدي يستاهل اكثر من كده اليوم يرد عليه محمد الحسن الامين وغداً يرد عليه وزير الدولة بالاعلام والمرة الجاية يرد عليه غفير وزارة الاعلام والمرة التي تليها يرد عليها حارس بوابة المؤتمر الوطني بالخرطوم
وصدق الشاعر حين يقول
من يهن يسهل الهوان عليه ما لجرح بميت ايلام ..
الصادق المهدي هو من اعطى الكيزان القدرة على التطاول عليه وهو من اعطاءهم الفرصة على الحديث عنه ولو هددهم تهديد صحيح وقام بتحريك فصيل واحد بس لمجرد التهديد لما تطاول الهر محمد الحسن الامين وامثال عن الحديث عن الامام
ولكن الامام يستاهل
قال سلمية قال

[المشروع]

#1065813 [n k]
5.00/5 (2 صوت)

07-25-2014 01:33 PM
مع انه المعروف ان الغربيين دافعين ملايين الدولارات عشان قالوا عايزين حق الحوار زيما اليابانيين دافعين ليهم حق نظافة مدينة الخرطوم يجي الاهبل ده ود السروراب يقول ما عايزين حوافز من الغربيين -- الى متى ايها الاغبياء تعتقدون اننا اغبياء ؟

[n k]

#1065798 [شبتاكا]
4.50/5 (4 صوت)

07-25-2014 12:46 PM
زماااان لمن كنت عامل فيها نصير لشيخك بعد المفاصلة وقامو صوموك وقفلو لك سكة استطعام المطايب وضربتك سموم التهميش لمن راسك سخن وبقيت تتوقع وتوسط لحد ما حنو عليك وشالوك ونضفوك وركبوك فى منصب لا تهش منه ولا تنش ومن وكسة التجربه الحارة امنت وعرفت سكة المشى جنب الحيط وختيت الخمسه فى الواحد بمنطق دعونى اعيش وهسع لمن شيخك رجع وبقى يعد فى سيناريو لملمة اجنحة الحركة الماسونيه قلت احسن تستبق اقرانك وتقوم تطلع كم شوكة وبحسب الموضه على طريقة عمك نافع و بتصريحاتك الناريه دى عشان تحجز لك مقعد من مقاعد المبشرين باقتسام كيكة سلطة نظامكم المصوبنه وبقيت تفتى فى الحوافز ووتتغزل فى مؤتمركم الماسونى الوعاء الجامع لنفايات الامة السودانيه والمستمد شرعيته من انقلاب عسكرى قوض ديمقراطيه لمع نجمك فى ابتزالها باعتراضاتك الصبيانيه الشهيره وده بخلاف ما اصبته ابان مرحلة التمكين فى عشرتها الاولى حيث تقلبت فى المناصب الكبيره حاكما ونلت من الحوافز واصبت رغدا من العيش واستحليت السلطة والجاه وكان يقينك فى الاستمرار لقوة شيخك وحتمية انتصاره على تلاميذه لا تحده حدود ولحظك العاثر كان التلاميذ اشطر ولمن عصروك ادرت قفاك لشيخك وجريت جرى الوحوش للحاق اوكازيون اقتسام المغانم
والان ونظامكم الهش الذى تحاصره كل دوائر الفشل التى برع فى صناعتها دارت به الدوائر وهو لا محالة مواجه مصيره المحتوم بالانهيار الكامل ولن تنفع وصفات شيخك فى تمديد زمن اضافى له والرهان فى التغيير صدقنى ح يجى من حيث لا تحتسبون فعصابات الجنجويد المستجلبه لحماية نظامك لن تصمد كثيرا فى مواجهة الغضب المكتوم وعواصف سبتمبر الفائت ستعاود من جديد لاقتلاع جذور العفن

[شبتاكا]

ردود على شبتاكا
United States [Abu] 07-25-2014 03:03 PM
Utterly Fabulous........ Thank you indeed


#1065789 [المنجلك]
5.00/5 (3 صوت)

07-25-2014 12:20 PM
السيد الصادق لا يهددكم فهو سلمي قولاً وفعلاً. كلنا نعلم ما يهددكم وهو سوء اعمالكم وانتم محاصرون داخلياً وخارجياً على السيد الصادق ترككم تترجعون السموم التي سقيتموها هذا البلد. وعود القذافي سناريو ليس بعيد.

[المنجلك]

#1065786 [اركاداش...............اسطنبول]
4.75/5 (4 صوت)

07-25-2014 12:18 PM
والله زمن ....انت ياكوز ياعواليق السيد الصادق لمن كان حاكم كنت وين ياجزمة ..اولاد مخنسين الترابي لماكم عايزين تعملو رجال وتتكلمو كمان....دنيا والله ... ماكنت زمان من المغرب بتتدسا زي البنات ...............هانت الزلابيه

[اركاداش...............اسطنبول]

#1065778 [A. Rahman]
5.00/5 (4 صوت)

07-25-2014 12:05 PM
اها يا الامام، يقولوها ليك كم مرة، و الان اصبحت ضمن الاحزاب التي ليس لها سند في رأيهم؟

[A. Rahman]

#1065757 [zozo]
4.75/5 (4 صوت)

07-25-2014 11:15 AM
عجبى
أم الحسن الأمين تتكلم عن الأنصار أرجل ناس فى الدنيا كلها
دا كلام شنو دا ؟

[zozo]

ردود على zozo
United Kingdom [بت النيل] 07-25-2014 10:59 PM
سجم يا zozo يا خوي حليل الأنصار وحليل ايام ضربة ود نوباوي،،،
ياخوي أنصار الليلة ديل حرابهم البلاستيك دي والله ما تقد ليهم طاقة في الطابية ام طين ،،خليها ساي يا اخوي البيت بقت ،،
الأنصار البتقول عليهم ارجل ناس في الدنيا ديل زمااااان ماتو في كرري والباقي طفش بعدما سلمو المهدي راس غردون بعدما قاليهم دة سنو يا دراويش الله لا قزا فيكن بركة انا قلت ليكن جيبو النبوس راسو الخواجة دة لانو معانا ،، ما قلت ليكن جيوبا لي راسو!!!
اغربوا عن وجهي فأنتم الطلقاء لا فائدة فيكن ولا المن بعدي،،،
إها يا zozo لي يوم الليلة دي تاني الأنصار ما قامت ليهن قايمة وخاصة بعدم حكاية طيارات حسني مبارك الرشت الموية ورمت المنشورات في خنادق الجزيرة أباً
مرقو من حجورهن سيدنا قلب السلاح موية والقنابل ورق،، ، دي القرضتهم من اليوم داك بعد رشاهم حسني مبارك بي الطيارات الما لعب،،،


#1065746 [الضكر]
5.00/5 (2 صوت)

07-25-2014 10:46 AM
كلب منافق دجال

لعنة الله على الكيزان ومن تابعهم الى يوم الدين يوم الخلاص قريب ونشوف يامن شردت عمال السكة حديد وقطعت معايشهم تكون اليوم داك لابد ليك في مجري صرف صحي او جحر ضب انت وضار وغندور ومندور وربيع وغيركم من الكلاب التي تعوي خوفا من ذهاب ملقي الفتات والكرته والعفن لها لتقتات به من دم الشعب الذي يعرف من يحكمة وكيف يحكمة

ليكم يوم ونحسبة قريب وتحسبونه بعيد

[الضكر]

#1065745 [سوداني ود بلد]
5.00/5 (4 صوت)

07-25-2014 10:43 AM
اقول لقادة المؤتمر الوطني اذا كان طغيانكم وتكبركم علي الشعب لم يتبغي له إلا ان تقولوا له ما قاله فرعون لإمته " لا اري لكم من إله غيري" و "انا ربكم الأعلي" أو وصل الي طغيان القذافي الذي وصف شعبه بالجرزان, فماهو مصير فرعون وماهو مصير القذافي سوي عود غليظ في مؤخرته فإحزروا فالشعب مازال موجودا والأعواد الغليظه كثر ولا عذر لمن انذر, اللهم اني قد بلغت.

[سوداني ود بلد]

ردود على سوداني ود بلد
[نزار] 07-25-2014 03:22 PM
ههههههههههههههههههههههه كلامك صاح ياسودانى


#1065728 [زول والله ما بيعرف ايتها حاجه لاكين]
5.00/5 (2 صوت)

07-25-2014 09:38 AM
اها يا عبحميد يا فضل الحوافز رفضوها!! ايه البيجمع كلمة "سلميا" مع "أنتزاع الحقوق" ودى ذات نفسه الزد محمد الحسن اعتبرها تهديد!!
* ان الثمانين وقد بلغها ألأمام 000 قد احوجت سمعه الى ترحمان
لم يبق للحبيب الرمز الأمام الا 000 ان يجرتق البشرى وعبرحمان
ويفضها سيره ويقنع من السياسة 000 بتوبة واذكار وتلاوةالقرآن

[زول والله ما بيعرف ايتها حاجه لاكين]

#1065693 [sudani]
5.00/5 (1 صوت)

07-25-2014 06:19 AM
انتو عايزين شرعية فقط لانكم جئتم بانقلاب عسكرى
حتى الجيش السودانى مسؤول عن ارتدائكم زيه فى الانقلاب
الانتخابات السابقة انتم ساقطين وعارفين الحقيقة تماما
وفى عهد الدميقراطية صرفتم اموال لم تصرفها الاحزاب مجتمعة
وبعدها كان عندكم 29 دائرة دوائر خريجين و10 دوائر فيها اكثر
من مرشح للحزبين
يا نقطة نظام خليك !! انته فقط وراء اللحس لمن تلحس كوعك

[sudani]

#1065678 [زهجان من الكيزان]
4.50/5 (3 صوت)

07-25-2014 05:33 AM
العشر قام ليه شوك نقطة نظام بهدد في السيد الامام والله عشنا وشفنا .... ها الهوان دا والله ولد صغير من حفظة القرأن في مسجد السيد عبدالرحمن المهد اجيب خبرك يا جبان يا كوز يا متخلف يا يا يا يا يا يا ......

[زهجان من الكيزان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة