الأخبار
أخبار إقليمية
المجلس الوطني يشكل لجنة للتحقيق في منع قياداته من دخول مستشفي (الزيتونة)
المجلس الوطني يشكل لجنة للتحقيق في منع قياداته من دخول مستشفي (الزيتونة)



ادارة مستشفي مامون حميدة اتهمتهم بانهم يحملون (بكتيريا)
07-24-2014 11:37 PM
الراكوبة - في محاولة لرد الاعتبار بعد الاهانة التي تلقاها وفد المجلس في مستشفي وزير الصحة الولائي مامون حميدة (مستشفي الزيتونة)، قالت رئيسة لجنة الإعلام بالمجلس الوطني عفاف تاور إنه تم إستدعاء وزير الصحة الإتحادى عبر لجنة الصحة بالبرلمان للتحقيق حول ما تعرض له وفد الهيئة التشريعية القومية من تعامل غير لائق من قبل (مستشفى الزيتونة).
وكانت ادارة المستشفي قد رفضت السماح لوفد المجلس بالدخول لزيارة عثمان ميرغنى رئيس تحرير صحيفة التيار الذى تعرض "لإعتداء من قبل ملثمين" ، فيما سمحت في نفس اليوم للقائم بالأعمال الأمريكى وفئات أخرى بزيارته.
وقالت تاور، أن ما حدث فيه إساءة بالغة للبرلمان والهيئة ، خاصة وأن المبررات التى ساقتها إدارة المستشفى مستفزة وهى أنهم (يحملون بكتيريا) ، موضحة أن اللجنة ستتقصى حول دواعى المنع و موقف إدارة المستشفى ، وأكدت إهتمام اللجنة بالقضية كونها لجنة مختصة ومعنية بالصحافة .


تعليقات 17 | إهداء 0 | زيارات 3604

التعليقات
#1066366 [kiku]
0.00/5 (0 صوت)

07-26-2014 01:22 PM
اذا كان نوابنا البرلمانيين اصحاء متعافيين لما وصلت بلادنا هذه المرحلة من التردى الاخلاقى والدينى والاجتماعى الله يعينك يا شعب السودان المسكين

[kiku]

#1065810 [البصير ابو حمد]
5.00/5 (2 صوت)

07-25-2014 01:16 PM
وفى نبأ عاجل افاد بان ( البكتريا) قد طالبت بتعويض عن اساءة السمعه.

[البصير ابو حمد]

#1065776 [مرفعين]
0.00/5 (0 صوت)

07-25-2014 12:03 PM
يعني في لزوم تمنعوهم وتخلو مامون حميدة يخش
دا شنو الكيل بمكيالين دا
ما مامون حميدة فيه نفس البكتريا
اخس عليكم

[مرفعين]

#1065762 [سوداني ود بلد]
5.00/5 (1 صوت)

07-25-2014 11:31 AM
اقول لناس المجلس الوطني الذين لم يسمح لهم بزيارة عثمان ميرغني إن الموضوع واضح لمن له ذرة فهم وهو أن عثمان ميرغني شخصيا من اعطي تعليمات لإدارة المستشفي بعد السماح لكم بزيارته وله الحق في ذلك وامشوا أسألوا نائبة رئيس المجلس سامية عن السبب.
ثم لماذا كل هذه الزوبعة ولم نسمع لكم صوتا في استدعاء حت غفير في قضايا تهم الشعب مثل قضايا الفساد, ولا وجعتكم حكاية انكم تحملون بكتريا؟

[سوداني ود بلد]

#1065690 [Sadeik]
2.00/5 (1 صوت)

07-25-2014 06:07 AM
أنتو الزعل دي لانو دخلو سيدكم الامريكي يا جزم وما شايف اي سبب تاني زيارت المريض يا وهم حسب الغرفة أزا كان أمريكي او فرنسي تمنع إنعاش ممنوع الدخول غرفه ركفري المضوع عادي أمريكي ولا جبهجي معفن يسمح الدخول

[Sadeik]

#1065655 [الدم والدهب]
1.00/5 (1 صوت)

07-25-2014 03:56 AM
تكتلو الكتيل وتمشو فى جنازتو؟؟؟.

[الدم والدهب]

#1065590 [سيمو]
5.00/5 (3 صوت)

07-25-2014 01:53 AM
ديل مش شايلين بكتيريا هم زاتهم بكتيريا وجراثيم محتاجين لمطهر ديتول،، الله خلصنا منهم ببركة هذا الشهر الكريم وآتيهم من حيث لم يحتسبوا،،

[سيمو]

#1065577 [جنوبي]
5.00/5 (1 صوت)

07-25-2014 01:33 AM
استدعوهوا بصفته وزير الصحة ولآ بصفته صاحب المستشفي !! مِحنْ !!!!!!!!!!!!
هي لو نائبة رئيسكم قالت يستاهل ! انتو الماشين ليها شنو ؟ تفلقوا وتداوا !

[جنوبي]

#1065553 [المشروع]
1.00/5 (1 صوت)

07-25-2014 12:53 AM
بس دا الفالحين فيهو ؟ ما في الف مشكلة حصلت لماذا لم تستدعوا الوزراء والمسئولين للتحقيق فيها؟ مع العلم ان مستشفى الزيتونة تابع لكم ولو معنويا واعتقد لو كان دا مستشفى بتاع واحد معارض لاغلقتموه تاني يوم قبل ان تصدر لجنة التحقيق قرارها

[المشروع]

#1065546 [قرضمة]
5.00/5 (1 صوت)

07-25-2014 12:45 AM
ديل شايلين بكتيريا الفساد و علاجهم البتر

[قرضمة]

ردود على قرضمة
[ashafokhalo] 07-25-2014 02:14 AM
ديل شايلين بكتيريا الفساد و علاجهم البتر
اول مره مستشفي الزيتونه يقول حاجه صاح


#1065542 [ابو التيمان]
0.00/5 (0 صوت)

07-25-2014 12:41 AM
حسنا فعلت مستشفى الزيتونة اذا كان نائبة رئيس البرلمان الذين تمثلونه قالت ما قالت في حق عثمان ميرغني ... وبعد دا جايين للزيارة ؟ واحدين يتهموا عثمان واخرين يزرونه بالمستشفى انتو الله ما ليكم ولا شنو؟ دا عبط منكم ؟ ما كان تجيبو سامية معاكم عشان تزوره بالمستشفى... ويا لجنة الاعلام انتو ضد الاعلام وضد حرية الصحافة وضد كشف المفسدين ولم تقفوا في حياتكم مع الحق ودائما الوطني على حق ؟ انتو قاعدين تستهبلوا على الناس ساكت..

[ابو التيمان]

#1065536 [ود كترينا]
3.50/5 (2 صوت)

07-25-2014 12:31 AM
***ياخ والله عفاف تاور دي دايما حاقرين بيها!!!أتذكر مرة قريت فى الصحف الالكترونيى أعتقد السنة الفاتت انها مشت تتفقد التلفزيون القومى بصفتها رئيسة لجنة الاعلام بالمؤتمر الوطنى ومعاها وفد...فناس الاستقبال منعوهم وبعد تحنيس خلوهم يقعدو فى الاستقبال ومدير التلفزيون القومى عارفهم جايين وفتح ليها خلاها قاعدة ساعتين ولا تلاتة ماعارف!!!هسع دى التانية جاتا من مستشفى الزيتونة!!!
***لكن ياخوانا بأمانة شديدة...الطب طب...والسياسة سياسة...اذا دخلت السياسة فى الطب بوظت الطب واذا دخلت السياسة فى الدين خربت الدين!!!ولأنو مامون حميدة بحسب تصريح والى الخرطوم بينفذ سياسة المؤتمر الوطنى فى نجفيف المستشفيات وخصخصة القطاع الطبى بكامله لذلك نختلف معه تماما ونهاجمه!!
***لكن مامعنى كده انك انت رئيس لجنة فى البرلمان تقوم تسوق جماعتك وتركبو ليكم أربعة لاندكروزرات بيضاء تظليلها مية المية وسايقين معاكم كم واحد شايلين كلاشنكوفات واللاندكروزرات منزوعة لوحتها وتمشو توووووووش تدخلو الزيتونة فى غير وقت الزيارة وماعارفين المريض داير يقابلكم ولا لا...وده شى بيكون بين المريض وطبيبه...ممكن المريض اذا فى حالة بتسمح ليهو يتكلم يقول لطبيبه أنا ماداير أشوف خلقتهم...فالدكتور مايقدر يجبرو يقول ليهو لازم تلاقيهم...بعدين المريض فى العناية المكثفة...يعنى حالتو حرجة والمريض الفى العناية المكثفة بتكون مناعتو أقل من الشخص العادى عشان ده لو اتعرض لى أى فيروس أوبكتريا أوفطريات ممكن حالتو تتدهور وممكن يموت بسبب زى ديه...عشان كده فى أى عناية مكثفة فى اى مستشفى على مستوى العالم كان ذلك المستشفى فى دبى ولا فى فيجى أو فى باربادوس أو لندن أو ليخنشتاين ممنوع قطعيا دخول العناية المكثفة لغير الطاقم الطبى...ولو كان المستشفى سمح ليكم بالزيارة مفروض يتقفل طوالى...وبعدين حكاية انكم (حاملين بكتيريا) دى ماحقيقة علمية...أى انسان فى الدنيا دى حامل بكتريا حتى وهو فى كامل صحته...ومعروف فى أى انسان فى بكتريا فى الأنف وفى الفم وفى الحلق وفى الأذن وتحت الأظافر...فلما قالو ليم كده ده كلام صحيح...لكن لقلة معرفتكم الصحية رغم انكم لجنة اعلام بالمجلس الوطنى افتكرتوها اساءة ليكم وأخدتوها انو ناس المستشفى قالو نحن وسخانين!!!منعوكم من الزيارة عشان ماتنقلو البكتريا للمرضى الموجودين فى العناية المركزة الهو أمانة فى عنق أطباء المستشفى!!
***انتو اتعقدتو من كلمة حاملين بكتيريا لأنكم فهمتوها انكم حاملين بكتيريا الفساد لأنو الحرامى فى راسو ريشة ده الخلاكم تهيجو وتتعقدو!

[ود كترينا]

#1065533 [كبسول]
0.00/5 (0 صوت)

07-25-2014 12:26 AM
الإجابة بسيطة
سيدعي مأمون ان لا علم له بالموضوع
وان المنع تم بواسطة الحراس الذين لديهم تعليمات
صارمة بعدم دخول الأفراد الي العناية المركزة
خوفا من العدوي.......كما هو الحال في كل غرف
العناية المركزة في العالم
الغلطة ليست غلطة الزيتونة ....هل اتبع الوفد
الإجراءات الصحيحة في اخطار المستشفي مسبقا
بالزيارة ......والترتيب لها ام تمت ارتجالا
من يهن .....يسهل الهوان عليه

[كبسول]

#1065525 [غسان بابكر]
0.00/5 (0 صوت)

07-25-2014 12:16 AM
يا طير الراجل ما عايز يشوفكم رجاله الشغله يعني يا طير بتزيدو ليه الحموضه وزيادة نبض وسكر وضغط وتقيؤ .....
الله يريحنا منكم يا وهم....

[غسان بابكر]

#1065514 [أبو قنبور]
0.00/5 (0 صوت)

07-24-2014 11:58 PM
لو مامون حميدة له عمل حميد واحد (وهو غير وارد بتاتاً البتة) فإننا نحسب له هذا العمل، وهو منع ممثلين من برلمان الكيزان بدخول المستشفى لأنهم يحملون بكتيريا.
لا أعرف هل قام المستشفى بأخذ مسحات منهم للتحليل أم اعتمد على ما عرف عن ممثلي الشعب المزعومين بأنهم يحملون جميع الأمراض المعديةالفتاكة التي أوردت الأمة السودانية بأسرها موارد الهلاك؟

[أبو قنبور]

#1065506 [سن ألفيل]
5.00/5 (1 صوت)

07-24-2014 11:50 PM
كان تجيبوا معاكم واحد جنجويدي من حثالة القوم مش تخشوا الزيتونة كان القصر الجمهوري

[سن ألفيل]

#1065500 [ود نفاش]
5.00/5 (1 صوت)

07-24-2014 11:45 PM
الله حد يشتكى الحكومة مامون حميدة حكومة واحسن الموضوع ده تخله سوف يتدخل الريئس وينهى الموضوع؟
انت نواب؟؟؟انتو فردة شراب ليس لكم هيبة انتو تمامة عدد جابوكم تصوتوا وتهللوا هيه لله
مالكم ماكلين وشاربين وقابضين
والله اكلم ليكم سامية ؟؟؟؟؟؟

[ود نفاش]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة