الأخبار
أخبار إقليمية
برئاسة عمر البشير..لجنة (7+7) تجيز خارطة الطريق للحوار بين حزب البشير وأحزاب " الفكة "
برئاسة عمر البشير..لجنة (7+7) تجيز خارطة الطريق للحوار بين حزب البشير وأحزاب " الفكة "
برئاسة عمر البشير..لجنة (7+7) تجيز خارطة الطريق للحوار بين حزب البشير وأحزاب


سينطلق عقب عيد الفطر المبارك
07-25-2014 04:06 PM
(سونا) اجازت الالية التنسيقية العليا للحوار الوطنى (7+7) فى اجتماعها برئاسة المشير عمر البشير رئيس الجمهورية خارطة الطريق للحوار والذى سينطلق عقب عيد الفطر المبارك
وقال ،بروفسير إبراهيم غندور، نائب رئيس حزب المؤتمر الوطني فى تصريحات صحفية عقب اجتماع الالية الذى انتهى فجر اليوم انه تم الاتفاق موعد انطلاق الحوار الوطنى عقب عيد الفطر المبارك بارادة سودانية خالصة وان اجل الحوار من شهر الى ثلاثة اشهر بجانب الاتفاق على مهام اللجنة التنسيقية العليا ومهام المؤتمر العام واللجان الفرعية وموضوعات الحوار وكيفية تنفيذ مخرجات الحوار الوطنى
واشار غندور الى ان نقاط الخلاف فى المسودة لم تكن كبيرة وقال " اتفقنا ان نتحاور داخل المؤتمر على ما هى الالية التى تنفذ مخرجات الحوار مومنا على اهمية مشاركة كل الاحزاب والقوى السياسية والاحزاب فى المؤتمر
وقال ان الالية التنسيقية ناقشت المسودة التى خرجت من الاجتماعات المتتالية خلال الايام الماضية مبينا ان احزاب المعارضة سترجع الى كلياتها الشورية للخروج برؤية للاتفاق حولها وزاد قائلا " نقطة الخلاف ليست كبيرة وان رؤيتنا التمثيل المتساوى لكل الاحزاب "
دعا غندور كل الاحزاب والقوى السياسية والحركات التى تحمل السلاح المشاركة فى هذا الحوار السودانى الوطنى الكبير منوها الى الدور الكبير الذى تقوم به اجهزة الاعلام فى دعم عملية الحوار
من جانبه اكد الدكتور فضل السيد عيسى شعيب رئيس حزب الحقيقة الفيدرالي ان الضامن الاساسى للحوار هو ارادة الشعب السودانى والسيد رئيس الجمهورية الذى اطلق عملية الحوار مشيرا الى ان خارطة الطريق قد اكتملت لانطلاق الحوار الوطنى الشامل فى الداخل بحضور مراقبيين من الاتحاد الافريقيى والجامعة العربية كشهود فقط للحوار ان معظم النقاط التى وردت فى الورقة تم الاتفاق حولها
وابان دكتور فضل السيد عيسى شعيب ان الالية التنسيقية العليا للحوار الوطنى (7+7) اتفقت خلال اجتماعها اليوم على خارطة الطريق واضاف " ووحدنا الورقة التى سيتنطلق بها الحوار بعد عيد الفطر المنبارك لافتا الى انه تم الاتفاق على تكوين الية لتنفيذ لمخرجات الحوار الوطنى بعد انعقاد المؤتمر مبينا ان احزاب المعارضة ستعقد اجتماعا مع الاحزاب المعارضة



تعليقات 9 | إهداء 0 | زيارات 2643

التعليقات
#1066512 [ود الركابي]
0.00/5 (0 صوت)

07-26-2014 04:47 PM
نحن السودانيين اثبتنا بشكل قاطع باننا ماقدرنا ندير بلدنا لمدة 60 سنة لذلك نعين ليها مدير خواجة لمدة 5 سنوات قابلة للتجديد . ويعين مساعدنه بمعرفته ونشوف حيحصل آيه ..

[ود الركابي]

#1066279 [شاهد اثبات]
0.00/5 (0 صوت)

07-26-2014 11:33 AM
نحن خارطة طريقنا 9-طويلة تبدا باصلاح المحكمة الدستورية العليا اولا

وما يمارسه المؤتمر الوطني من عبث سياسي لن يفيد وماتمارسه المعارضة المصطنعة التي لا تمثل احدا في المركز ايضا لا يحل مشكلة السودان(الاصل) وليس الافتراضي والمتوهم الذى نعيش فيها من 50 سنة
على المؤتمرالوطني قبل ما يفكر في الانتخابات والتسجيل لها في شهر عشرة ...الالتزام بما وقع عليه عبر الزمن من 2005 ولحدي اان 2014

1-خارطة الطريق للاستقرار في المنطقتين-جنوب كردفان والنيل الازرق هي اتفاقية مالك عقار/نافع علي نافع 2011 والالتزام بالقرار 2046..وهذا مسار بنفسه له بدايات وله مالات...و مقرها اديس ابابا والاليةالافريقية ويلهيا مجلس الامن وتخص الحركة الشعبية قطاع الشمال والمؤتمر الوطني
2-خارطة طريق الاستقرار في دارفور اتفاقية الدوحة للسلام والسلطة الانتقالية د.التجاني السيسي وان يرفع المركز يده عن دارفور ويترك الامر لاهل دارفور عبر السلطة الاقليمية الانتقالية
3-خارطةطريق السودان ككل الالتزام اتفاقية نيفاشعةا ودستور 2005 بعد تنقيته من الشوائب وتفعيل كافة صلاحيات المحكمة الدستورية العليا برفدها بتسعة قضاة محترمين وغيرحزبين كما ينص الدستور لتقوم
1- اطلاق سراح كافةالمعتقلين السياسيين
2- تسجيل الحزب الجمهوري
3- الالتزام بالحريات الاربعة مع دولة جنوب السودان..والتركيز على حل كافةالقضايا العالقة بين الشطرين...
هذاذا اذا كان ناس (7+7) ديل واعين بسودان 1 يناير 1956

[شاهد اثبات]

#1066172 [ود الحله]
0.00/5 (0 صوت)

07-26-2014 05:39 AM
هييييييييييييييييع
نقه ساااااااااااااي ومصاريف طالعه من روح الشعب ده
قمه ح تفيدنا في اااااااااااااااايه

[ود الحله]

#1066055 [ربع الرطل الملا القزازه]
0.00/5 (0 صوت)

07-26-2014 12:33 AM
يعنى نتوقع السبعة الديوثيين ديل سيعيدوا الزوجة المطلقة منذ 14 عام لزوجها السابق حسن الترابى بعد العيد ؟
مبروك وستنطلق الافراح فى المنشية سابع ايام العيدد

، شايف ام الحسن بنت الامين بدت تتفاصح ،قول ليهو الترابى مش حا ينسى ليك نبذك ليهو يوم عدت للمؤتمر الوطنى . هو اشترط على اهل المره اول شئ يشيلو نافع وعلى عثمان والجاز معقول يخليك يا جربوع

[ربع الرطل الملا القزازه]

#1066041 [حلفاوي السوداني]
5.00/5 (1 صوت)

07-25-2014 11:41 PM
لو اختصر أهل ( المؤتمر الوطني ) و (المؤتمر الشعبي ) هذه الدراما في ( حلقة واحدة ) يعلن في نهايتها ( اعادة توحيد ) الحزب ( اذا كان اصلا قد انقسم ) لكان ذلك انفع لهم وارحم بنا .....

الموضوع لا يحتاج لكل هذه الطلعات والنزلات والكومبارس موجود وتحت الطلب ( احمد بلال ) و ( الزهاوي إبراهيم مالك ) و ( جلال يوسف الدقير وعائلته ) .....

والقاعات زي الهم علي القلب ( شوية موسيقى عسكرية ) و ( شوية هتيفة ومهللاتية ومكبراتية ) و (كلام خارم بارم )
و( ثلاثة كاميرات تلفزيون ) و( احمد البلال الطيب ) و ( الضي ود بلال ) وعرضة من ( جمال فرفور ) ....

وانتهينا ....

[حلفاوي السوداني]

#1066037 [سن ألفيل]
0.00/5 (0 صوت)

07-25-2014 11:34 PM
ليس من الصعب اثبات نظرية المغرور عندور ان 7+7 تساوي صفر كبير

[سن ألفيل]

#1065952 [حاتم]
5.00/5 (2 صوت)

07-25-2014 06:39 PM
دا كلو تاخير للزمن وللاصلاح الحقيقى , ضيعتو عمرنا يا غندور كدى سيبوا اولادنا , انتو اولادكم ديل حا يتعلمو وين وحا يسوقو سيارات وين وحا يمشو ويتفسحو وين وحاياكلو وين وحا يخروا وين وحا يبولو وين وحا يتنفسو وين وحا ............... وين ؟ مش فى السودان دا ؟ طيب الانانية ليكم شنو ؟ ما تصلحوهو عشانهم بس , انتو قايلين القروش السرقتوها دى حا تكفيهم لمتين ؟ انا ما شفت غباء بهذه الدرجة ويؤسفنى ان اقول غباء لشعب كامل , اولادكم لانو ما فى قانون حا يعيشو فى سعادة زائفة , سعادة ما عندها طعم بس لانو ما فى قانون وما فى دستور يا غندور , ومهما حاولتو تماطلو و تتزاوقو برضو ما بنفع لازم يكون فى قانون ودستور فى البلد ويشاركو فيه كل الناس , جميع الناس او الحرب , الكلام دا الحمار بيستوعبوا اسرع منكم , بلد ما فيها قانون و متراضين عليه كل الناس ما بتمشى ولا بتتقدم شبر

[حاتم]

#1065921 [أبو قنبور]
4.50/5 (2 صوت)

07-25-2014 05:50 PM
الكيزان والطائفية وجماعات الغلو الديني والعلمانيين كل هؤلاء وأولئك ارتكب في حق السودان جرائم تقتصر وتمتد وتصغر وتعظم، ولكنها في النهاية جرائم أقعدت الوطن.
نريد من الحوار الوطني أن يفتح خلاط كبير زي خلاط الخرصانة، وكل جماعة تصب أفكارها داخل هذا الخلاط، كيزان، صوفية، هوس ديني، طائفية دينية، طائفية قبلية، علمانية، شيوعية، قومية .... الخ
ثم تخلط جميع هذه الأفكار كما تخلط الفواكه ليخرج عصير، فيه طعم المنقا بس ما منقا، فيه طعم الجوافة بس ما جوافة، فيه خلاصة كل الفواكه الاستوائية الجميلة.
هذا العصير هو الذي يحدد هوية السودان وكيف يحكم، منهجاً ودستوراً وأسلوباً لتداول السلطة.
عندي أفكار معتدلة؟ كبها في خلاط الحوار.
عندك أفكار متطرفة؟ كبها في خلاط الحوار.
هذا إن أردنا أن نتوافق ونخرج وطننا من هوته السحيقة.

[أبو قنبور]

#1065883 [jimi]
5.00/5 (2 صوت)

07-25-2014 04:22 PM
بلا سبعة بلا بطيخ
غازي والترابي والبشير فقط بالاضافة الي الاحزاب التي لم يسمع بها أحد
والموضوع سيكون توفير الغطاء الشرعي لاستلام بكري للسلطة تنفزيا والترابي تشريعيا وكل ذلك متفق عليه الا موقع غازي من الاعراب واظنه مجرور لانه من الاسماء العشرة
الاهم طبعا والمهم شديد
الجنائية الدولية عندما يصبح البشير مواطنا عاديا
وكيفية مواجهتها او الزوغان اوتقديم المذيد من التنازلات كما جري في نيفاشا وما قبلها

[jimi]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة