الأخبار
أخبار إقليمية
بيان من التيار الإصلاحي في القوات المسلحة حول قصف إسرائيل لمخازن الذخيرة بالجيلي
بيان من التيار الإصلاحي في القوات المسلحة حول قصف إسرائيل لمخازن الذخيرة بالجيلي



وزير الدفاع الفاسد يتبجح في إفطار رمضاني بأنهم ردوا على إسرائيل
07-27-2014 08:48 PM
الموافق: 27 يوليو 2014م
النمرة: 4/2014
بيان من التيار الإصلاحي في القوات المسلحة حول قصف إسرائيل لمخازن الذخيرة بالجيلي
قال تعالى في محكم تنزيله: "قُلْ هَلْ نُنَبِّئُكُمْ بِالأخْسَرِينَ أَعْمَالا .الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا ". صدق الله العظيم.
ظلننا منذ يوم الجمعة 16 يوليو نراقب الوضع على الساحة العسكرية بعد قصف طيران العدو الإسرائيلي مخازن الذخيرة التابعة لجهاز الأمن والمخابرات الوطني في منطقة الجيلي. إذ كنا نتوقع أن تتحلى قيادتي جهاز الأمن ووزارة الدفاع بالشجاعة الكافية لإعلان الحقائق على الملأ ومحاسبة الذين جعلوا سماءنا مكشوفة للعدو الصهيوني. لكن عوضاً عن ذلك أصدر جهاز الأمن ووزارة دفاعنا تصريحات هزيلة وكاذبة مفادها أن الإنفجار الذي وقع في مخازن الذخيرة كان بسبب إنفجار قذيفة بإحدى المخازن! ولكن كيف لقذيفة أن تنفجر من تلقاء نفسها؟! والأهم من ذلك كله، كل العاملين في تلك المخازن كانوا في عطلة يوم الجمعة مما يؤكد أن هناك عملاء على الأرض مدوا أجهزة مخابرات دولة الكيان الصهيوني بالمعلومات اللازمة لتنفيذ تلك الضربة دون وقوع خسائر في صفوف العاملين هناك.
في الوقت الذي تستباح فيه سماء الخرطوم، يتبجح وزير الدفاع الفاسد- وفي إفطار رمضاني- أن السودان قام بالرد على إسرائيل عبر الحرب الذي تديرها حركة حماس مع إسرائيل في الأيام المنصرمة الماضية. صحيح أن الأسلحة التي تقاتل بها (حماس) دولة الكيان الصهيوني عبرت إلى قطاع غزة عبر السودان لكن السودان ليس لديه أي دور في الحرب التي تدور رحاها الآن في قطاع غزة. بل لم تستشر قيادة حركة حماس وزير دفاعنا الهمام قبل بدء الحرب مع إسرائيل دعك عن كون السودان قام بالرد على إسرائيل. إذا كانت سماء بلادنا مستباحة ووزير الدفاع يقوم بالتغطية على فشله بنشر أكاذيب عن عمليات القصف المتكرر الذي تقوم به إسرائيل، فتارة "ماكينة لحام" وأخرى "قذيفة" إنفجرت، فكيف له أن يواجه عدوه بخداع شعبه؟!
نطالب وزير الدفاع الفاسد والقيادة السياسية بالنأى بقواتنا المسلحة وبشعبنا الأبى عن جعل بلادنا مطية للغير وساحة لتصفية حسابات بين معسكر إيران-الإخوان وإسرائيل، ومعادة أشقائنا في مصر ودول الخليج العربي. إذ أن مكاننا الطبيعي أن نكون عوناً لأشقائنا العرب وليس إيران الشيعية. وما تقوم به القيادة العسكرية والسياسية هو إنتحار سياسي وعسكري سيقوم بدفع ثمنه شعبنا وليس القيادات الفاسدة، مثلما حدث في قطاع غزة حيث دفع أكثر من ألف مدني حياتهم.
في الختام، نهنيء شعبنا بحلول عيد الفطر المبارك وكل عام وانتم بخير.
والله المستعان
التيار الإصلاحي في القوات المسلحة- الخرطوم


تعليقات 28 | إهداء 0 | زيارات 12143

التعليقات
#1219688 [ada. shata]
0.00/5 (0 صوت)

03-03-2015 09:28 PM
السﻻم عليكم

[ada. shata]

#1067897 [samir]
4.00/5 (1 صوت)

07-29-2014 04:08 PM
مافى حاجه اسمها تيار اصلاحى فى الجيش وده والكلام المكتوب ده مفبرك او وضع أسماء من التيار الاصلاحى.ممكن واحد يقول لدواعى امنيه مامكن.السؤال نحن نصدق كيف؟

[samir]

#1067794 [ابوملاذ]
0.00/5 (0 صوت)

07-29-2014 11:52 AM
بالله ده كلام يقولوا وزير دفاع . على البشير اقالته فورا

[ابوملاذ]

#1067743 [محمد المغترب]
0.00/5 (0 صوت)

07-29-2014 09:49 AM
التيار الاصلاحي وين في القوات المسلحة هههههههههههههههههههههههه

[محمد المغترب]

#1067669 [ود الفاضل]
0.00/5 (0 صوت)

07-29-2014 02:01 AM
مصيبة وبلوة البلد انها اصبحت يقودها حوش وهيشات أسواق لايعرف الواحد منهم كوعه من بوعه فى السياسة ، اذا كان هذا التصريح صدر من ما يسمى وزير الدفاع ، يكون السودان خلاص لحق امات طه ، نه قطعا ستكون اسرائيل الان تعد لضربة قاصمة لظهر القوات المسلحة فى السودان ، هذا الجاهل (((( مخطابة بالقناة الثانية حسب ثقافة السيد / الوزير ......عبدالرحيم محمد هسين ، الزول دي ياكوانا ماعندها مخ ولا شنو دا ، الزول دي ماعندها ربع وقية سياسة ولا هتى ربع وقية مخ ، يأني ياأهوانا كلامها دي ماممكن يودي البلد دي فى ستين داهية اذا قامت اسرائيل ودربتنا دربه قاضية يكون ياربي السبب هو وليد هسين دا ولا شنوا .. وتاني هاجه البشير دي زاته يكون ماعندها مخ ، يعني الزول دي قالوا جعلية والجئلين عمرنا ماشفنا منهم مسئول تعبان زي الزول دي ، ياجماعة البد دي خلاص مافيها راجل يشيل الجماعه دول يرميهم فى النيل يريهنا منهم الى يوم الدين ، (حسبنا الله ونعمل الوكيل ) أها عشان كدا انهنا زاتو البلد خلينا أديل كدا للكلام الفارغ دا ....

[ود الفاضل]

#1067584 [عصمتووف]
1.00/5 (1 صوت)

07-28-2014 08:54 PM
التيار الإصلاحي في القوات المسلحة- الخرطوم * جناح من من الاخوان كلكم مرفوضون نريد تيار جارف عسكري محترف وطني الانتماء للكاااااااااااااااااااااااااكي وليس للملتحين خريجي جامعة افريقيا والقران الكريم وديوان الزكاة يلا بلا عفن تيار انتهازي وليس اصلاح وعقبال علي تل ابيب تقتص لنا منكم جميعا

[عصمتووف]

#1067516 [ِAburishA]
3.00/5 (3 صوت)

07-28-2014 04:32 PM
** ان ما فعله النظام من الانتهاك الصارخ للانسانية والفظائع البشعة التي ارتكبها في اطفالنا ونسائنا وعجائزنا والابرياء في دارفور وج كردفان والنيل الازرق ومناطق اخرى نراها بالطبع افظع مما ارتكبته اسرائيل في حق الفلسطينيين.. وما خلف من يتامى وارامل وثكالى ومشردين ومعوقين ومن ضاقت عليهم الارض بما رحبت..جعلنا مرغمين نلتعاطف مع اسرائيل..نعم اسرائيل.. حتى لو لم نجهر بذلك أو نصرح علناً .. حيث لا مجال لمغالطة ما بدأ يرسخ في عقلنا الباطني ويدور.. بل المؤسف نكاد نصفق ونهتف ..عاشت اسرائبل.. ومزيدا من اذلال النظام!!!

** أي تشوه اخلاقي غرسه فينا هذا النظام الحقير غصبا عنا !!!!

[ِAburishA]

#1067480 [khalid Osman]
3.00/5 (2 صوت)

07-28-2014 02:05 PM
كيف لمثل هذا الوزير الهمام ان يصرح بمثل هذا الكلام ..؟؟ وطبعا هو يعرف اته لا يستطيع ان يرد علي اسرائيل ولو بطلقة .....عموما لقد وجدت اسرائيل الزرائع لضربكم متى شاءت ولا عزاء للاغبياء.........

[khalid Osman]

#1067457 [طارق الباز]
3.00/5 (3 صوت)

07-28-2014 11:49 AM
من القروش البتنهبوا فيها كل يوم اشتروا ليكم رادار يغطى عليكم شوية لانو الصوارمى جاهو التهاب لوز من الكضب والنفى.

[طارق الباز]

#1067451 [radona]
3.75/5 (4 صوت)

07-28-2014 11:33 AM
سبق وان تحدى نائب الرئيس السوداني السابق الحاج ادم بالمنازلة بصورة عادلة بالسواطير مان تو مان ولكن لم يستجب الصهاينة الجبناء لهذه الدعوة الفريدة والشجاعة وتاكيدا لجبن الصهاينة قاموا بقصف مصنع اليرموك بطائرات انوارها مطفاة تماما كالخفافيش
وما زالت الدعوة موجهة للصهاينة لمنازلة النظام الحاكم قي السودان في معركة هادلة بالسواطير حتى يكونوا عبرة لمن يعتبر

[radona]

#1067400 [لست موتمر بطني]
3.00/5 (6 صوت)

07-28-2014 08:05 AM
انت اسرائيل دي بدل ما تضرب كل مرة هدف عسكري كا تضرب اللمبي وبشة ومحمد عطا وناع علي ضار وعلي عثمان السجمان وعوض الجاز الحرامي والكبير ومحمد عطا واي مؤتمر وثني وسخ معفن عشان تريحنا وتريح الشعب السوداني من دفع ثمن عباطة اللمبي وهبالة بشة وعوراة نافع

[لست موتمر بطني]

ردود على لست موتمر بطني
United Arab Emirates [جفال الجلابى] 07-28-2014 12:04 PM
كان راجينها من إسرائيل مابتلقوها أحسن تجيئ مننا


#1067394 [الكبك القديم]
3.00/5 (5 صوت)

07-28-2014 07:51 AM
انا الكبك القديم اتحدي ناس الاصلاح ديل ان يكتبوا اسماءهم ان كان موجودين ودي بينات بتقوم بها مجموعة من الضباط المنظمين التابعين للحكومة لتخفيف الانبحاث وتنفيس المواطنين عن ما يحدث ولو بتزكرو ايام نهب مكتب الوالي عملوا بيان واسع بعد الامطار عملوا بيان واظن ان موقعهم في ادارة الاستبارات شعبة الامن الايجابي طيب انتم كان التيار الإصلاحي في القوات المسلحة- الخرطوم وماقادرين تكتبوا اسماءكم اكتبوا اسماء الضباط المنظمين ودور كل ضابط في عمليات الاحلال والابدال التي نتجت عن رفد اكثر من 6000 ضابط واكثر من 125 الف ضابط صف وجندي واكتبوا عن الذين نفذو اعدامات رمضان من هم واين دفنو الشهداء وماهو دور ضباط سلاح المهندسين في هذه العملية خلونا من البيانات جيبو معلومات عن المنظمين ودورهم والاموال التي نهبوها(اللواء مهندس ح. ص.ا وممتلكاته) يعني ماتوجعوا راسنا ببينات هباب

[الكبك القديم]

#1067376 [شليل]
2.50/5 (3 صوت)

07-28-2014 05:48 AM
التيار الاصلاحي ؟؟؟
دي حقنة بنج جديدة في عضل الشعب الصامت والمخدر بالبيانات .. عبد الرحيم انجر من لسانه والجماعه دايرين يلتقوها الظاهر ...

[شليل]

#1067371 [جدو]
3.00/5 (2 صوت)

07-28-2014 04:59 AM
اتمني من تيار الاصلاح ما يكون جعجه اعلاميه لاننا شبعنا من الجعجه الاعلاميه خلاصونا من هولاء الكيزان كفايه ديل ما بشبعوا في السلطه وبتحدوا عديل كده وقالوا جبنها بسلاح والداير اشيلا بسلاح تحدي عديل كده كلام واضح زي الشمس السواي ما حداث هبوا هبوا ناس التيار الاصلاح ورينا وشوكم

[جدو]

#1067366 [hendawey]
2.50/5 (2 صوت)

07-28-2014 04:28 AM
هل كل مايكتب صحيح.
هل يوجد تيار اصلاحي في الجيش واذا كانت الإجابة نعم هل هذا البيان بالفعل صدر عنهم؟؟؟؟؟؟؟؟؟؟؟؟؟؟؟؟؟

[hendawey]

#1067354 [albrado]
3.00/5 (3 صوت)

07-28-2014 03:56 AM
مصيبة السودان مع الكيزان الماعندهم ذرة عقل مصيبة ما بعدها مصيبة

ولابد من تضحيات جسام حتي يعود السودان في ركب دول العالم فقد اصبحنا

بفضل ايات الله نافع وكرتي وغيرهم نغرد خارج المنظومة العالمية في كل

المجالات وسيدفع الاجيال القادمة ثمنا باهظا لمايدور في السودان حاليا

وعلي الشعب السوداني ان يتدارك الامر قبل فوات الاوان والا فالنفق مظلم

ونهايته الهاوية

[albrado]

#1067339 [دون كيشوت]
2.50/5 (2 صوت)

07-28-2014 03:01 AM
عندما صرح البشير قبل ذلك بالتدخل في ليبيا واليوم يدعي ما يسمى بوزير دفاع السودان بأن له القدرة على الرد على إسرائيل -كل ذلك يعبر عن مدى ضعفهم وهوانهم - إنه تعويض نفسي عن مدى الذل والعجز الذي أصابهم خارجيا وداخليا أيضا بإستخدام المليشيات لتصفية الحساب مع المعارضين. هم الآن في أشد حالات ضعفهم وخوفهم.دون كيشوت

[دون كيشوت]

#1067320 [المستعرب الابطى]
2.00/5 (2 صوت)

07-28-2014 01:46 AM
هل في دفاع في السودان حتى يكون له وزير دفاع !

[المستعرب الابطى]

#1067300 [Haj Ahmed]
2.88/5 (5 صوت)

07-28-2014 12:51 AM
يااخوانا ديل جبهجية عندهم راي في اللمبي ما اكتر.

[Haj Ahmed]

#1067299 [Khalid_Pzu]
2.25/5 (3 صوت)

07-28-2014 12:50 AM
كدة بس بقت ناقصة ليها "سيسي" سوداني حر يكمل الباقي
دور القوات المسلحة هو حماية الدولة والشعب من اي عدو سواء كان خارجي (اجنبي) او عدو داخلي (الاخوان والاسلاميين عامة)
ويحيا السودان شامخاً
وتحيا القوات المسلحة

[Khalid_Pzu]

ردود على Khalid_Pzu
United States [Abu] 07-28-2014 11:01 AM
Mr. Khalid_Pzu
Great you write in “Arabic”, which did not amaze me by the way! Another setback in our tutelage system! No doubt, your Arabic is worse than my 2nd grade English, as you have mentioned in your comment previously.
Your plea for another squaddie to capture power again is a poor appeal indeed! This will by a recycle to the same predicament! What we need is a true return to democracy?
This the only viable solution from all the suffering we are witnessing right now. By the way, the body we have now, cannot be called “army”, boy-scouts are more disciplined and dependable than this organization.
Eid Mubarak
P.S. I commented in English because I know so many of the readers will read this. They do not skip English

Saudi Arabia [mohd] 07-28-2014 06:04 AM
القوات المسلحة كانت زمان

والضباط العاملين فيها تبع القوات المسلحة ديل لا بهشوا ولا بنشوا وكلهم جبهجية كلاب اولاد حرام
ومافيهم راجل قلبه على بلده ولا على شعبهم وكلهم تحت جزم البشير وحزب الماسونيين اخوان الشيطان قاتلهم الله ولو في قوات مسلحة من ابناء البلد ما كان دا حال البلد ولا كان المعتوهين الحاقدين على الشعب ديل قاعدين لليوم
والدليل انه مافي قوات مسلحة اعتمد حزب البشير على الجنجويد لانه ما يسمون بالقوات المسلحة وهم في الحقيقة كلاب الدفاع الشعبي انتفوا وانقرضوا في الغرب وجبال النوبة

الله يلعنهم واحد واحد وينتقم منهم واحد واحد الماسونيين الكلاب


#1067282 [اهل العوض]
3.00/5 (4 صوت)

07-28-2014 12:05 AM
الصواريخ التى تصل حماس عبر السودان عبارة عن العاب نارية ليست لها اى فعالية قتالية
الصواريخ الحقيقية هى صواريخ اسرائيل التى تختار اهدافها وتدمرها بدقة فائقة فى السودان وقتما ارادت
وللمعلومة صواريخ اسرائيل اغلى من الاهداف التى تضربها في الخرطوم وبورتسودان

[اهل العوض]

#1067268 [Adam Ibrahim]
3.00/5 (3 صوت)

07-27-2014 11:42 PM
يا شباب بالله شوفتوا اغبى من هذا الهبنقة؟؟..
يعنى انتو وحماس معلقة فى اعناقكم دماء المواطنين فى غزة زى ما دماء السودانيين البموتوا كل يوم بالحرب والتعذيب والجوع والمرض.. تحملونها وزراً فوق وزر يا اخوان الشياطين..

[Adam Ibrahim]

#1067241 [مالك الحزين جدا جدا]
3.00/5 (3 صوت)

07-27-2014 10:35 PM
دائما نحن عاملين زى فارغات الغرقت في ود راجلها !! بالله لماذا نعرض أمننا ومواطينا للخطر والاستهدافبالصوريخ ؟؟؟ لمصلحة من ؟؟؟ حماس التى اوردت الفلسطينين إلى التهلكه !! أم أيران الشيعيه التى لاهم لها سوى تأجيج الحروب في المنطقه .,, هذه حرب لاناقة لنا فيها ولاجمل ,, فلماذا نحشر فيها ,, ونتلقى الضربات ,, إذا كان بيتك من زجاج...... ونبقى زى حماس

[مالك الحزين جدا جدا]

#1067240 [عبد الله]
3.00/5 (6 صوت)

07-27-2014 10:33 PM
سغاده وزير الدفاع عبد الرحيم محمد حسين
السلام عليكم ورحمه الله تعالى وبركاته
اذا فعلا بانك صرحت بان الخرطوم ردت على اسرائيل عن طريق حماس . بمعنى اخر بانكم من زودتم حماس بالصوراريخ سواء كانت مصنعه بالسودان او ايران , ارى ان هذا التصريح بعيد كل البعد عن الدبلوماسيه والاستراتيجيه الحربيه . لانك بذلك اعطيت اسرائيل بشهاده العالم اجمع الحق بالرد على السودان فى الاماكن التى سوف توجعه كثيرا . نحن سيدى الوزير مكشوفى الظهر والسماء لا رادارات حديثه لنا وليست لدينا القدرات الكافيه لمراقبه سماء السودان وعليه فابشر بالهجوم الاسرائيلى على بنيات السودان التحتيه والهامه . ابشر بصورايخ كروز وتوماهوك . ابشر بالطائرات المدمره التى سوف تسحق كل ما هو مثمر ومنتج فى السودان , وتحمل بذلك المسئوليه نتيجه تصريحك الغير دبلوماسى وغير عسكرى .

[عبد الله]

#1067217 [الشمالية]
3.00/5 (3 صوت)

07-27-2014 09:40 PM
هراطين --- ان انتو رجال ورونا رجالتكم صبيحة العيد

ههههه ههههااااااااااااي قالو اصلاحي

[الشمالية]

#1067208 [سعيد]
2.50/5 (2 صوت)

07-27-2014 09:29 PM
((التيار الإصلاحي في القوات المسلحة- الخرطوم)) ,
و دة شنو دة كمان ؟؟
دى تقليعة جديدة ولة شنو ؟؟
طيب وِكِت إنتو ماعاجبكم الحال الخاليكم ل حسع ساكتين شنو ؟؟ و ليه ما عملتو أى حاجة سوى الكلام و البيانات ؟؟
و مادام ماعاجبكم إذلال و خنوع الجيش الذى أصبح ملطشة لإسرائيل منتظرين شنو ؟؟

مهام الجيوش فى كل أنحاء العالم هى حراسة أراضى البلاد من أى إنتهاكات خارجية و الدفاع على الوطن و مواطنيه , و طالما إنه البلد أراضيه إنتُهكت لأكثر من مرة و من نفس المصدر وهو إسرائيل من دون ان يتحرك جيشكم للرد ف ياترىي لماذا يدفع شعب السودان الكريم كل شهر مرتباتكم و مخصصاتكم ؟؟ عشان شنو ؟؟؟ موش عشان تحرسو ليهو بلدو ؟؟ و طالما إنكم لم توفو بإلتزاماتكم تجاه الشعب َفالشعب غير ملزم و يطالب لتقديمكم للمحاكم بتهمة الخيانة العظمى و التواطؤ ..

[سعيد]

#1067198 [ود نفاش]
2.75/5 (6 صوت)

07-27-2014 09:06 PM
التيار الإصلاحي في القوات المسلحة- الخرطوم%%%%%%%%%%%%%%

ايها التيار الاصلاحى ليس الاصلاح بالبييانات ولكن نريد فعل فان الشارع جاهز فقط يحتاج الى اوف ويطير
فننا نضحك ملئ افواهنا من تصريحات الصوارمى وشطحات وزير دفاعه الخاوى

هيا هبوا فقد بلغت الحلقوم وبداءوا بجهاز الامن ثم محاصرة كماتب الاراضى بكل الاقاليم ثم مصادرة كل مبانى البترول وحجز الاموال فى ماليزيا ودبى وقطر
ثم محاكمات عسكرية دون الاعلان عنها وانشاء مقابر خاصة بهم لاتدفنوهم مع المسلين حتى لا يأذوهم برايحتهم النتنه

[ود نفاش]

#1067195 [فيصل جودة]
3.00/5 (8 صوت)

07-27-2014 08:59 PM
هلا انقذتنونا من الانقاذ

[فيصل جودة]

ردود على فيصل جودة
Canada [المشتهي الكمونية] 07-28-2014 03:21 AM
اسرائيل المرة الجاية حا تضرب بيت وزير الدفاع ردا علي تصريحه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة