الأخبار
أخبار إقليمية
لاعب سوداني يقود شباب ألمانيا للفوز بأمم أوروبا.
لاعب سوداني يقود شباب ألمانيا للفوز بأمم أوروبا.
لاعب سوداني يقود شباب ألمانيا للفوز بأمم أوروبا.


08-02-2014 12:45 AM
توّج المنتخب الألماني لكرة القدم، يوم الخميس، بلقب كأس الأمم الأوروبية للشباب (تحت 19 عاماً) التي أقيمت بالمجر. وفاز المنتخب الألماني على نظيره البرتغالي في المباراة النهائية للبطولة بهدف دون رد أحرزه اللاعب هاني مختار.

وينحدر اللاعب هاني مختار من أصول سودانية. وفاز شباب ألمانيا باللقب، بعد فوز الكبار بأيام ببطولة كأس العالم للكبار التي أقيمت بالبرازيل. والمنتخب الصربي هو الفريق الفائز بالنسخة الماضية للبطولة.

وكان كابتن منتخب ألمانيا 17 سنة ولاعب فريق هرتا برلين للناشئين هاني أبوبكر مختار الشهير بـ "ابا" تم تصعيده للفريق الأول لنادي هيرتا برلين الألماني.

ويعد هاني من أفضل اللأعبين الشباب على مستوى دوري الشباب الألماني، ولفت بأدائه الكثير من المدربين والنقاد، مما أهله لارتداء شارة الكابتنية في منتخب ألمانيا الشاب.


شبكة الشروق


تعليقات 13 | إهداء 0 | زيارات 12563

التعليقات
#1070189 [سودانى طافش]
5.00/5 (1 صوت)

08-03-2014 03:40 AM
هانى مختار كابتن منتخب الشباب الألمانى من مواليد ( برلين ) ومن أم ( ألمانية ) وأب ( سودانى) وهو الدكتور (أبوبكر محجوب مختار ) وهو أحد علماء ( الجيلوجيا) فى جامعة برلين ولقد هاجر لألمانيا بعد أن تم فصله للصالح العام من وزارة الطاقة والتعدين .. وهذه إحدى فوائد الكيزان الغير مباشرة !

[سودانى طافش]

#1070085 [حفيد ابوشلوخ]
0.00/5 (0 صوت)

08-02-2014 10:18 PM
له التوفيق
اها خلاص سوداني سوداني لمن تخلو طورتو تلحق كوره الزومه

[حفيد ابوشلوخ]

#1069851 [عصمتووف]
3.50/5 (5 صوت)

08-02-2014 01:13 PM
شكرا هاني شرفتنا وفخورين بك

لو اندمج المهاجرون بني جلدتنا في المجتمعات الغربية لكان افضل لهم من متابعة الموضة والتسكع والنوم وحين يعودنا يتفلسفون علينا الواحد تجده عامل نظافة او ساقي في بار او عاطل عائيش علي المنح ليتهم يتواضعون والحاجة ام الاختراع والظروف تجبرك لتبدع وليس للنوم والتسكع والعمل في جميع المهن المتواضة ليس عيبا لكن العيب ترفضها هنا ببلادك خوف من الفضيحة والعار وكلام الناس ودفلانة كناس ود فلانة غسال عربات وهي مهن شريفة افضل من السرقة واللواط وتوزيع المخدرات هاني مختار شكرا طولته رقبتنا

[عصمتووف]

#1069842 [مهاجر]
0.00/5 (0 صوت)

08-02-2014 12:53 PM
مبروك النجاح والجنسية الالمانية سوداني اصبح من تاريخ اجداده .

[مهاجر]

#1069838 [بجاوي]
4.00/5 (3 صوت)

08-02-2014 12:47 PM
ياجماعه السودانين بقوا عايشين في كل بلاد العالم بعد تطبيق المشروع الحضاري واختطاف الوطن وتسليمه للعصابة الانقاذ قبل كم يوم اوباما كرم السودانية الاء عبدالله وقبلها سودانية شغالة في ناسا وبنت المرحوم بابكر النور حالياً في مجلس بلدية مدينة فرنسية ودي الكودار الكان حتبني السودان وترفعه لفوق لكن للاسف كلهم شدوا الرحال واستقروا في الخارج والموجودين في الداخل يقاتلون لاجل الخروج وعدم العودة نهائياً ويابلد وجعك كبير

[بجاوي]

#1069834 [المشروع]
5.00/5 (1 صوت)

08-02-2014 12:41 PM
الشروق جهاز اعلامي تابع للمؤتمر الوطني والمؤتمر الوطني حزب عنصري اخواني لايهمه نجاح الشباب السوداني لا بالداخل ولا بالخارج وكل ما يهم الاخوان المسلمين والكيزان هو التمسك بالسلطة وتوزيع المناصب فيما بينهم ..كدي امش السفارة السودانية في المانيا تجد من الغفير حتى السفير هو كيزان ولا توجد مواطن سوداني يمثل حزب اخر او مواطن سوداني غير متحزب.
لذلك على الشروق وقنوات الاعلام التابعة للمؤتمر الوطني اتركوا السودانيين في حالهم بعد ان طردتموهم من السودان فلا يحق لكم الحديث عن نجاحهم بالخارج او بالداخل .. انتم لا تمثلون السودان في شئ انتم تمثلون انفسكم فقط ولا تحبون النجاح لأحد بل تحبون النجاح لأنفسكم فقط.. وحتى لو نجح واحد بالخارج تريدون ان يحقق لكم هذا النجاح بعض الايجابيات التي تستفيدون منها كحزب
كدي الواحد يمسك اي واحد من قيادي الحزب الحاكم لا يشعر الواحد ان هؤلاء القادة يحبون الخير لأحد من الناس سواء البحث ليل نهار في الطريقة التي تجعلهم يتمسكون بالسلطة ..
لذلك يا ناس الشروق اتركونا في حالنا واتركوا من هاجر قسرا في حاله وعليكم بنجوم الكيزان في دنيا المال والاعمال والسياسة فهم كثر

[المشروع]

#1069760 [adnan]
1.00/5 (1 صوت)

08-02-2014 11:09 AM
ديل الناس البيعرفو الكورة وبيفهمو فيها دون رشاوى ووساطة اللة يكون فى عون السودانين

[adnan]

#1069718 [yousif]
5.00/5 (3 صوت)

08-02-2014 09:59 AM
هسه يقولو من حوش بانقا فلاتى جعلى

[yousif]

#1069708 [صابر مصبر]
4.82/5 (16 صوت)

08-02-2014 09:29 AM
خلوا الزول في حالو قبال ماتلاحقو امات طه وتشبكو سوداني سوداني لمن كورتو تبقي زي كورتنا

[صابر مصبر]

#1069697 [محمد عثمان]
5.00/5 (3 صوت)

08-02-2014 09:13 AM
خلاص نجح نويتو تجيبو سيرتو انتو تضيعوه ..

[محمد عثمان]

#1069691 [مجروس ق ش م]
3.00/5 (2 صوت)

08-02-2014 09:03 AM
بعد هجره نصف الشعب السوداني بعد اﻻنقاذ . الجيل اﻻول اتي الي دول العالم المتحصر منهك القوي وكان مهموم بتوفير اﻻستقرار للعائله ودعم اﻻهل في ود اﻻحد الذي يسمي السودان اما ابناء الجيل الثاني الذين هم اﻻن في طور المراهقة او الشباب فتوفرت لهم كل اسباب التفوق والنجاح وبداءت نجاحاتهم تظهر في كل دول العالم وقريبا سنري العشرات من نجوم المجتمع العالمي من اصول سودانيه ولكن للاسف لن يسنفيد منهم السودان في شي ﻻن نعلقهم باﻻوطان التي اعطتهم كل شي وليس الوطن الذي سلبهم كل شي حتي طفولتهم البرئيه .سنري مئات مثل هاني مختار واﻻء التي شرفت البيت الأبيض .ومما يزيد في النفس حسرة كثير من ابناء السودانين في اروبا ﻻيجيدون التحدث باللغة العربية وﻻ يعرفون شي عند السودان .بعض اﻻسر من مناطق الهامش السوداني والذين ﻻيعتبرون اللغه العربيه لغتهم الام مثل قبائل دارفور وجنوب كرفان وجنوب النيل الأزرق يمنعون أبناءهم من التحدث بالعربية في البيت .التحدث اما اللغة اﻻنجليزيه او الرطانه وهذا شئ عشته شخصيا في لندن .السودانين بعرفون حناكيش الشهاده العربية من دول الخليج ولكن حتي اﻻن لم يرو حناكيش امربكا واروبا واستراليا

[مجروس ق ش م]

ردود على مجروس ق ش م
Australia [ود ابو زهانة] 08-02-2014 08:11 PM
يا السفير :
طيب ما يقولوا زى ما عايزين لانهم تربوا صاح واتعلموا صاح واخلاقهم صاح فى مجتمع يعلمهم ان الكذب غلط والسرقة غلط وعدم احترام النظام المجتمعى غلط (يعن لو مثلا جيت لقيت الناس واقفين صف عشان يشتروا أو حتى يركبوا المواصلات تقيف آخر الصف وما تحاول تتجاوز وان تقول شكرا لكل من قدم لك خدمة وان تترك مقعدك فى المواصلات او الاماكن العامة لكبار السن ... الخ )وأكبر عيب تتهرب من الضرائب لانها تعود كخدمة للجميع . ينهلون العلم على ارفع المستويات وبأكبر وأرفع الامكانيات العلمية والتقنية فى مدارس وجامعات ذات مستوى عالمى لا تبخل عليهم الدولة بشئ. يعنى ما مكسرين تحت ضل الحيط والشجر ولا قدام الدكاكين أو تحت اعمدة الكهرباء أو فى اركان الشوارع عطالى وبيشاغلوا فى الطالعة والنازلة بالرغم من انه قطاع كبير منهم خريجى جامعات اهملتهم الدولة فصاروا عطالى الا من رحم ربى .. بالله مش أحسن من تربية المشروع الحضارى ياحاقد .
الحناكيش شوفهم فى الشارع السودانى بعد ان افسدتهم سياسات الدولة التى دمرت الشباب مخدرات ولواط ودعارة وكل انواع الموبقات تقرأها كل يوم فى الصحف ..
هل من ذكرتهم حناكيش لانهم عندما يأتوا لزيارة اهلهم فى السودان يكونوا لابسين هدوم كويسة وعندهم مصاريف كفاية ويتحدثون بأدب مع الغير ولا يخطئون فى حق أحد؟ واضح انه عندك عقدة لانك مسمى نفسك السفير ومشتهى تعيش فى الخارج زي السفراء لكن ماعندك طريقة ولو كنت سفير كنت ستعرف كيف يعيش ابناء السودانيين فى الدول المتقدمة ...
يبدو انك لم تفهم ما كتبه الاخ مجروس ولم تعى مقاصده بخسارة السودان لمثل هؤلاء. انت عايزهم يجوا يقولوا ليك : سجم امى ولا ووب على ولا واااااااي
اعتذارى الشديد للاخوة قراء الراكوبة خصوصا الشباب فما قصدت الاساءة اليهم ولكن هذا الدعى المسمى السفير اساء لشباب ناهض يفخر بوطنه رغم غربته الشديدة عنه امام الخواجات ويقدم نماذج رائعة للشباب السودانى ولا شك انهم يوما عائدون لوطنهم الام وكان لا بد من الرد عليه

Saudi Arabia [السفير] 08-02-2014 03:30 PM
بالله يا مجروس حناكيش امريكا واوروبا واستراليا ديل كمان عاملين كيف ؟ بدلا من يااااااى فظيع بقولوا oooooooh my God


#1069639 [الرمدان كر]
3.88/5 (5 صوت)

08-02-2014 04:38 AM
ح يفكروا فيه كيزان بن امية و يقولوا عايزين نرعاه


او نثتسمر موهبتة عند عمكم مصطفي اسماعجيل

[الرمدان كر]

#1069631 [ركابي]
5.00/5 (6 صوت)

08-02-2014 04:05 AM
يعني ممكن بعد كم سنة يلعب مع المانشافت في كاس العالم 2018 في روسيا ..بالتوفيق هاني مختار

[ركابي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة