الأخبار
أخبار إقليمية
9 مليار دولار عائدات متوقعة من تنفيذ مشروع مدينة (نوباتيا ) السكنية للمغتربين
9 مليار دولار عائدات متوقعة من تنفيذ مشروع مدينة (نوباتيا ) السكنية للمغتربين



08-03-2014 03:46 PM
الخرطوم (سونا)-قال المعز محمد عثمان سآتي رئيس مجموعة نوباتيا للمقاولات إن المجموعة تعتزم قريبا تنفيذ مشروع مدينة المغتربين في المنطقة الواقعة جنوب سوبا وغرب طريق مدني- الخرطوم، بهدف توفير سكن مناسب للمغتربين بأسعار معقولة وتحقيق فوائد اقتصادية للدولة، كما يمكن تطبيق نفس الفكرة في مدن السودان المختلفة من خلال تأسيس وإنشاء أحياء خاصة للمغتربين بدلا عن مدن، مما يوفر تشغيل خريجين وعمالة سودانية أكثر بتلك الولايات.
وقال اليوم إن التقديرات المالية الأولية تشير إلى أن مشروع مدينة نوباتيا السكنية للمغتربين بالخرطوم المكون من 225 ألف وحدة سكنية، يتوقع أن يحقق دخلا للبلاد يصل إلى تسعة مليار دولار أمريكي عبر الجهاز المصرفي الرسمي خلال سنوات المشروع الثلاث ، مما يؤدي إلى استقرار سعر الجنيه السوداني.كما يتوقع أن يوظف المشروع نحو 150 ألف من العمالة السودانية غير المهرة، وتأسيس نحو ألف شركة للمهندسين والخريجين.
وأضاف المعز أن نجاح وقيام مشروع المدينة السكنية للمغتربين يتطلب توفير قطعة أرض للوحدة السكنية بسعر رمزي معلنا أن المشروع إذا تحقق ، يمكن أن ينفذ مجمعاً للوزارات و المصالح الحكومية، التي تقرر نقلها من مواقعها الحالية على شارع النيل بالخرطوم، و كذلك بناء مجمعات سكنية لموظفي تلك المرافق العامة، مشيرا إلى أن كبر حجم العمل في المدينة يتطلب توظيف وتدريب نحو 150 ألف عامل في مجال مهارات البناء.
وأشار رئيس مجموعة نوباتيا إلى أن مدينة المغتربين سيكون لها تأثيرا على أسعار العقار في الخرطوم وإيقاف تحويلات الشركات الأجنبية للخارج والمقدرة بمليار دولار، حيث إن زيادة المعروض من المباني والوحدات السكنية سيقلل من الطلب و بالتالي سيزيد من العرض مما يؤدي إلى هبوط أسعار الأراضي والبيوت والشقق لأسعار حقيقية وواقعية، كما أن قيام المدينة سيوقف نشاط مصانع البلوك الأجنبية التي تسيطر حاليا على 90 في المائة من سوق البلوك والانترلوك في ولاية الخرطوم.
وحول دور جهاز تنظيم السودانيين العاملين بالخارج في المشروع قال المعز إنه سيتولى الجوانب الإدارية الخاصة بالمشروع وما يتعلق بالتعامل مع المغتربين، من ناحية ترتيب أولويات الاستحقاق الأقدم في الاغتراب، أو من لهم أبناء في مرحلة الجامعات أو أي ترتيب آخر، بجانب تنظيم العمل والسمنارات واللقاءات التفاكرية والاستبيانات في الدول العربية و الخليجية والأوروبية والأمريكية و الدول الأخرى لمعرفة رغبات واحتياجات المغترب في مجال السكن .


تعليقات 35 | إهداء 1 | زيارات 8220

التعليقات
#1071341 [زولى]
1.00/5 (1 صوت)

08-04-2014 04:14 PM
هام ومهم وضرورى /////التحيه لكل عاقل وكل حريص (انتهى البيان)

[زولى]

#1071312 [كضاااااب]
1.00/5 (1 صوت)

08-04-2014 03:20 PM
ههههه كدي واحد يحدد لينا موقع المشروع
والله حنك سنيين

[كضاااااب]

#1071299 [زول]
1.00/5 (1 صوت)

08-04-2014 03:07 PM
اولا من اين لهذه الشركة الارض والمنطقة ارض زراعية وربما يكون هو ارض مشروع سندس
ثانيا كم مساحة كل وحدة سكنية
ثالثا: هل هي شقق ام فلل
رابعا: كم تساوي سعر الوحدة السكنية
خاما: مساحات الدوائر الحكومية
يعني لو سلمنا جدلا فان المشروع سوف يمتد حتى مدينة ود مدني
وين الخدمات من مدارس ومستشفيات ودور عبادة
نصابين وحرامية
وبعد هذا كله احجزوا لقطعة ارض بمساحة 400 متر بالقرب من المسجد والمدرسة والمستشفى
وانا قروشي كاش بالدولار
وابقى اعرف ثمن المتر المربع بهذه المدينة الساحرة

[زول]

#1071107 [Taitawi]
3.00/5 (2 صوت)

08-04-2014 11:52 AM
الى المدعو المعز محمد عثمان سآتي .. كما يقول المثل الدارج اللي قبلك كان أشطر .. دفعنا دم قلبنا في نوفمبر من عام 1999 للحصول على قطعة ارض 100م فقط بأربعة ملايين جنيه(عندما كان المليون مليون)! والتي اعلنت من قبل الدولة كورش للصناعات الصغيرة والحرفيين وكان حلما بالنسبة لي ولأمثالي الكثر للعودة والاستقرار .. وحتى تاريخه (15) سنة لم نحصل لا على قطعة الأرض الموعودة ولا استعادة أموالنا التي دفعناها جعلها الله بالساحق والماحق لمن حولها لمصلحته الشخصية وأن لا يبارك له في مال ولا بنون ودعوة المظلوم في الأسحار معروفة في كل الديانات السماوية وليس المتأسلمين ويدعون الاسلام فقط !.. والله المستعان .

[Taitawi]

#1071022 [ود السودان]
3.00/5 (2 صوت)

08-04-2014 10:12 AM
من هو هذا الشخص المعز محمد عثمان ومن هي شركة نوباتيا ومن الذي أعطاه الحق في الحصول على هذا المشروع وهل أي شخص يعلن عن مشروع كبير مثل هذا والحكومة توافق على إعلانه عبر سونا ومن أين يحصل على هذه الأراضي الضخمة ومن الذي أعطاه مثل ذلك الحق وأي سلطات الأراضي ووزير التخطيط العمراني ووزارة العدل أليس هذه إعلان وهمي عن أرض دولة السودان وأكيد يقف معه التنظيم والمؤتمر الوطني وحاج ماجد سوار أيها المغتربين إنتبهوا حتى لا تتكرر موضوع سندس الزراعي وقبله البنك الوطني للتنمية الشعبية وشركة لاما بتروليوم والبنك السوداني والذي كانت قيمة سهمه دولار والآن 20 قرش .

[ود السودان]

#1071020 [YASEEN]
1.00/5 (1 صوت)

08-04-2014 10:11 AM
متى يبدأ هذا المشروع ؟؟؟
مافى حدى يقدر يغشنا... دا كان زمان ....
الآن تتم الدراسة بتمعن..وإذا كل الضمانات متوفره...فلامانع لدينا ...والله نحن فى حاجه ماسه لمثل هذه المشاريع....المغترب حلمه بيت يلموا ويلم اولادوا....
أنظروا الى الاخوة المصريين بكل بساطة.. الواحد يتحصل على الشقه...يدفع المقدم ويستلم وبأقساط بسيطة مقدور عليها.... هل هذا المشروع يكون بمثل هذه البساطه؟؟؟؟ أتمنى ذلك...
أتمنى أن يراعى هذا المشروع ..امكانيات وظروف المغترب..وأن نكون السكن فى متناول اليد مثل المصرييين أتمنى ذلك...
ماعايزين لف ودوران ...كل شى يكون واضح..وسينجح هذا المشروع..

[YASEEN]

#1071018 [زول اصيل]
3.00/5 (2 صوت)

08-04-2014 10:09 AM
لا يلدغ المؤمن منجحر مرتين وانا لدغت في الوادي الاخضر عندما اشترتها كانت تساوي 36000 جنيه 36مليون بالقديم الان تساوي 13000 يعني 13 مليون بالقديم انا مشيت بنفسي عرضتها قبل شهرين يعني شهر 5/2014 ما جابت خسارتها وهاك يا مقلب من وزارة المغتربين بقى المغترب هو اخر بقرة حلوب للجيوب انتبهوا واحذروا اشتروا من سوق الله اكبر احسن لكم واسال مجرب

[زول اصيل]

#1071007 [النقر عثمان]
3.00/5 (2 صوت)

08-04-2014 10:00 AM
أولا صلحوا مطار الخرطوم الغرقان بموية المطرة ده ما بكلف 9 مليار....... قروش رسوم المغادرة بس بتكفي .....شرطو عينا مطار دولي قال !!!!
الاياتا ما شايفة شغلها المفروض تجي تشطب دولي ومعاها مطار ،،، ماليننا فضائح وسط العالم .... مطار مطرة واحدة تسوي فيه كده!!!!

[النقر عثمان]

#1070968 [ماممون علي]
3.00/5 (2 صوت)

08-04-2014 09:17 AM
ده لما تحصل القطعة بسعر رمزي وتخططها تماما وتجهز الاوراق الثبوتية من شهادة بحث وغيرها بعدين اتكلم والسودان اسعار مواد البناء كل يوم في الطالع كيف تحدد عوائدك وانت لسه في الهوا ده النصب الاقتصادي بعينه المفروض تكون في لجنة اقتصادية توضح للناس مش انت يا شاطر واساميكم دي بتشكك الزول ورينا الاسم ده من وين ومعناه لغويا وبلاش لعب بعقول الناس كفايه

[ماممون علي]

#1070931 [ابومحمد]
3.00/5 (2 صوت)

08-04-2014 06:55 AM
هذا نهب ممنهج انا التدغت قبل كده فى الاندلس فى ليبيا لما كانت القطعة بثلاثة الف دولار كان وقتها الازهرى ارخص لو ارسلت المبلغ السودان عام 94 والى الان الاندلس بإعتبارها بعيدة ومتخلفة جداً للدعاية التى كانت معملوة من قبل وقد الحكومة بتاع الاراضى ولكن بعد كدة وبوصى كل اخواننا بأن لايشتروا ارض من السفارة او وفد اراضى زائر لانها كلها خارج التغطية فمن كان له مبلغ ان يذهب الى البلد ويشوف بعيونه ويشترى اخسن ...

[ابومحمد]

#1070870 [عزيز]
2.75/5 (3 صوت)

08-04-2014 02:18 AM
حتي في أسماء المدن تدخلون العتصرية البغيضة ؟ الي متي هذا التخلف ولإصرار علي إرتكاب الأخطاء وما يوحي به الإسم إن علي كل قبيلة أو عنصر في السودان من المغتربين أن ينشأ مدينته الخاصة (شايقاتيا)( جعلتاتيا) (شكرتاتيا)(بديرتاتيا)(رزقتاتيا)(مسيرتاتيا)( زقاوتاتبا)وهكذا . ويهذا علي كل قبيلة أن تكون شركة وتطالب بأرض بسعر مخفض ومدعوم من السلطات حتي تقيم عليها مدينة لمغتربيها تسميها يإسم القبيلة (دار فورتاتيا) مثلا وهكذا حتي تستطيع كل قبيلة أن تسكن في مدينة واحدة وتتكلم بلهجتها المحببة أو رطانتها المحببة !!!!!! علي كل المغتربين الذين لا ينتمون الي عنصر (نوباتيا) أن يبعدوا عن هذه المدينة لأنهم لن يأخذوا راحتهم فيها وسيجدون أنفسهم أغراب فيها وعلي الجهات التي صدقت بهذا الإسم أن تطالب هذه الشركة العنصرية أن تغير هذا الإسم في أسرع وقت وإلا فعليها أن تبنيها ما بين دنفلا وحلفا القديمة لأن الخرطوم هي العاصمة المركزية والوطنية لكل السودانيين بمختلف قبائلهم وعناصرهم السكانية ويجب أن يشعر أي سوداني آت من الجنينة في أقصى الغرب وسواكن في الشرق والمازين في الجنوب وحلفا في الشمال إنه في مدينته وفي قريته وفي فريقه وحارته---قال نوباتيا قال-هؤلاء هم الذين يخربون أوطانهم بأيديهم !!!!!!

[عزيز]

#1070757 [سوداني وبس]
3.00/5 (2 صوت)

08-03-2014 10:46 PM
والله انا استبشرت خير من هذا المشروع العملاق ..
لكن لمن قريت تعليقات الناس هنا .. اصابني الهلع والخوف

والله دي مصيبة .. لم يعد احد يثق في هذه الحكومة بتاتا ..

وبعدين .. الحل شنو ؟؟؟

[سوداني وبس]

ردود على سوداني وبس
South Africa [العمرابي الاول] 08-04-2014 09:17 AM
المشروع فعلا عملاق بس مع الجماعة ديل حيفضل حبر على ورق, كل هذه الشوشرة و الازعاج مجرد حملة اعلانية تعبانة لأنو الخزينة فارغة و المغتربين من اخر الكروت.
الحل يا اخي الكريم ببساطة شديدة:
اوووول ما ينشف مطار الخرطوم الدولي و تجف الميادين و ترجع الناس حياتها الطبيعية تمشي بيرجلينك و تشوف بي عينك. و رجاء اخوي طووول بالك لو عايز تشتري راكووبة لاازم تطول بالك. ان شاء الله سنة كااملة ماشي جااي لأنو سماسرة اكتر من البضايع و كلو ما فاهم حاجة. يتكلمو بالمليارات و هما ما شافو ألووف,, قصص فارغة عن بيوت باعوها و عليم الله بطونهم فااارغة و لا توجد حيلة غير الحيلة.. , و اي زول يحلف ليك او يجيب ليك سيرة قريب وساطة في الاراضي أو الامن كزاب او ناوي يتلاعب...
عذرا على الاطالة بس امانة علي و على كل مجرب احفظ مالك عليك لزمان افضل و قيادة تخاف الله سبحانه و تعالى


#1070743 [أكره النفاق]
3.00/5 (4 صوت)

08-03-2014 10:06 PM
9 مليار دورار !!!! دايرين تنهبوها وأطلع أنا حمار ؟؟؟

[أكره النفاق]

ردود على أكره النفاق
Saudi Arabia [إمام شمنتود] 08-04-2014 10:32 AM
بسم الله الرحمن الرحيم

بإختصار شديدهذا المشروع الكبير الذي يوصفه شركة نوباتيا اعتبره حلم كبير يراود شركة نباتيا لماذا ؟
لانه حتى تاريخنا لم يتم إنجاز مشروع بهذا الحجم والميزانية في أي بلد عربي وأتحدى أن بذكر لي احد مشروع سكني بهذه الميزانية 9 مليار دولار !!!!!
ومن المستحيل أن يتم إنشاءه في دولة مثل السودان ميزانيته لا تتعدى ثلاثة مليار دولار سنويا
هذا رابع المستحيل أن يتم إنشاء مشروع بهذا الحجم إلا بعد عشرات السنوات من العمل ..
ومن العجب أن العمالة بالمشروع سودانيين مستحيـــــــــــــــــــــــــل !!!


#1070732 [الله يلزمنا الصبر]
3.00/5 (8 صوت)

08-03-2014 09:18 PM
(وحول دور جهاز تنظيم السودانيين العاملين بالخارج في المشروع قال المعز إنه سيتولى الجوانب الإدارية الخاصة بالمشروع وما يتعلق بالتعامل مع المغتربين، من ناحية ترتيب أولويات الاستحقاق الأقدم في الاغتراب)
انا من اقدم المهاجرين ومتنازل من حقي في الاقدميه لواحد اهبل عايز يفقد مدخراته ويسلمها للحراميه المتاسلمين علشان يهربوها لماليزيا

[الله يلزمنا الصبر]

#1070695 [أبو ماجد]
3.00/5 (5 صوت)

08-03-2014 07:46 PM
غايتو إلا تحصلوا ناس ماجربوكم قبل دا وماسمعو بي سندس والعمارات الجنب مستشفى الخرطوم المن أول مطرة بلكوناتن عامن ...
لقوها عند غافل ياكيزان حتى كان بقت صدقة الله الغني ...
أنا غايتو ملدوغ منكم مرتين واحدة قطعة إشترتها بي خمسة ألف دولار وجيت بع 4 سنوات عرضتها سعرها في السوق ماجاب 3 ألف .. وماتبت تاني إتورطت في الوادي الأخضر وطلع مجرى سيل أها بعد دا كان صدقتكم أكون أيه ...

[أبو ماجد]

#1070666 [mohd]
3.00/5 (6 صوت)

08-03-2014 07:00 PM
دي افكار الصافي جعفر ومشروع سندس الزراعي


العبوا غيرها المغتربين عقل الواحد فيهم يوزن كلاب المؤتمر العفني كلهم

قوموا بلاش كلام فارغ معاكم

[mohd]

#1070664 [ابو الراء]
3.00/5 (7 صوت)

08-03-2014 06:58 PM
موتمر نهب المغتربين !!! العبو غيرها لا يلدغ المومن من جحر مرتين ؛ قبلتو علينا خلاص الله لا غزي فيكم بركة.

[ابو الراء]

#1070662 [ابن الشذاذ الأفاق]
3.00/5 (6 صوت)

08-03-2014 06:55 PM
9 مليارات من عائد بيع 225 ألف وحدة سكنية، يعني الوحدة بحوالي 40 ألف دولار أمريكي، ثم يأتي هذا الأخ ويدعي أنها بسعر رمزي، الله يخرب بيوتكم من أين للمغترب مثل هذا المبلغ، لا أعرف، إنهم لصوص وبس

[ابن الشذاذ الأفاق]

ردود على ابن الشذاذ الأفاق
Qatar [A. Rahman] 08-03-2014 11:04 PM
و الحالة دي الأربعين الف دولار، اللي انت شايفها كتيرة دي، هي ذاتها في السودان ما تبني ليك مطبخ مع حرامية الحكومة و الجوكية بتاعينهم ناس نوباتيا ديل اللي عايزين يحلوا مشاكل السودان في ثلاث سنوات.


#1070659 [سفيانوف]
3.00/5 (3 صوت)

08-03-2014 06:53 PM
ارى كل المعلقين يحاولون التشكيك و الطعن في مصداقية الشركة و للعلم فأن المغتربين من اكثر الفئات التي يتم الضحك عليها في الاراضي و بدون تدخل الحكومة حيث قاموا بشراء اراضي في مناطق سيول و كوارث فاذا قام شخص مستقر في السودان بشراء هذه الاراضي بمبلغ زهيد فله العذر لأن ظروفه لا تسمح له بشراء اراضي بسعر مرتفع اما المغتربين فما هو عذرهم ؟؟؟ ثانيا المنطقة التي ذكرها مدير الشركة من اميز المناطق في السكن لأنها تقع على الاقل قريبة من الشارع الرئيسي وفي ولاية الجزيرة و يمكن تقييم الاراضي من خلال اختصاصيين او من الاقارب و الاصدقاء ,,, و بعدين في مغتربين قروشهم كثيرة و محرقه روحهم انتو ما لكم؟؟؟؟

[سفيانوف]

#1070653 [كوكى قرفان]
3.00/5 (2 صوت)

08-03-2014 06:48 PM
ههههههههههههههههههههههههه كتلتونى بالضحك.

[كوكى قرفان]

#1070650 [الماشي]
3.00/5 (2 صوت)

08-03-2014 06:45 PM
انا قررت احجز لي قطعة خلاص ملينا من الاجار
ايش رايكم

[الماشي]

ردود على الماشي
[زول اصيل] 08-04-2014 03:15 PM
يا بختك بكرة القطعة تجيب لك مليار


#1070646 [مصطفي دنبلاب]
3.00/5 (2 صوت)

08-03-2014 06:43 PM
لا بلوك ولا انترلوك يعني زبالة تموص مع اول مطرة ...مسكين المغترب عجيب السودان.

[مصطفي دنبلاب]

#1070641 [أبوعلي]
3.00/5 (2 صوت)

08-03-2014 06:38 PM
مدينة ل 225 ألف وحدة سكنيّة
فيها كم وحدة لبيوت الأشباح!
وكم استراحة للجنجويد؟!
حيل وخدع مكشوفة ومكرّرة
أنتم أغبياء بلا حود

[أبوعلي]

#1070629 [wd bara]
3.00/5 (2 صوت)

08-03-2014 06:12 PM
شكيتكم علي الله يالكيزان ! قضيتو علي الاخضر واليابس ماكفاكم ودايرين تقبلو علينا نحن المساكين ديل .... الهم اجعل كيدهم في نحرهم .

[wd bara]

#1070628 [ابو وليد]
3.00/5 (2 صوت)

08-03-2014 06:10 PM
معليش والله الفلم ده دخلناه قبل كده كتير وليس مشروع سندس بالبعيد شوفو أي محاولة لحلب المغتربين اوالمواطنين بالداخل ليصبحوا نقاطة ترغعو بيها ميزانيتكم اقول لكم من الان مشروعكم فاشل ولن ياتي لكم الا عبيط او اهبل فيفضل ان تكسبو الزمن وتشوفو ليكم مخرج اخر غير اللعب في الاراضي واذا غلبكم خلوها ويجي الاكفاء منكم .

[ابو وليد]

#1070610 [حسكنيت]
3.00/5 (4 صوت)

08-03-2014 05:34 PM
كما سيتم بناء المدارس والمساجد ورياض الأطفال والمستشفيات والملاعب الرياضية والطرق المسفلتة وشبكات الصرف الصحى وأعمدة الإنارة وخطوط الهاتف ومجارى تصريف المياه على نفقة الدولة وستغطى الخضرة الحدائق العامة والساحات من شارع مدنى وحتى (مشروع سندس الزراعى )

[حسكنيت]

#1070608 [مسكدول]
3.00/5 (2 صوت)

08-03-2014 05:30 PM
اسم نوباتيا اسم لشركة تاسست فى بداية السبعينات من اموال المغتربيين من مناطق الشمالية وتوقفت الشركة منذ فترة طويلة ولغاية اليوم ما عارفيين راس مالها ويين مشت

[مسكدول]

#1070602 [حسكنيت]
1.00/5 (1 صوت)

08-03-2014 05:22 PM
ZORBA THE GREEK___ANTHONY QUINN
أحييك من عند الزمن الجميل

[حسكنيت]

#1070601 [كاسبر]
1.00/5 (1 صوت)

08-03-2014 05:22 PM
يا جماعة المرة دى صدقونا نوباتيا نوباتيا ولو ما دايرين تصدقوا ممكن نحلف ليكم عالمصحف!!!!!!!
قالوا للحرامى أحلف............قال جالك الفرج!!!!!!!

[كاسبر]

#1070595 [اسير الغربة]
1.00/5 (1 صوت)

08-03-2014 05:09 PM
ديــــــــــــــــــــــــل حراميه اولاد كلب
والله مليم احمر م ح تلقو مننا

ي سفااااااااااااااااااااكين دما
يا علوج ع قول العراقي

العبو بعيد من المغتربين عشو الشعب المسكين الي معاكم

[اسير الغربة]

#1070593 [ود البلد]
3.00/5 (2 صوت)

08-03-2014 05:08 PM
اذا لم يتم تخطيط الارض وعمل البنيات التحتية من تمديدات الكهرباء والمياه والصرف الصحي ورصف الطرق وانارتها وتجهيز شهادات البحث بحيث يتم تمليك الارض اولا بارقام معروفة وفق المخطط وتحديد المساحات لن يدفع لكم مغترب مليم واحد لانو الحكومة دي فقدت المصداقية في كل ما تقول خاصة في مثل هذه المشاريع الجذابة والتي تخفي خلفها النصب والاحتيال مع سبق الاصرار والترصد وقد بداءت مؤشرات النصب بتحديد فترة تنفيذ المشروع خلال ثلاثة سنوات .. من يصدق ان دولة منهارة اقتصاديا وسياسيا تنفذ مشروع يتكون من 225 الف وحدة سكنية بالاضافة للمؤسسات الحكومية والخدمية وتوفير سكن لمنسوبي هذه المؤسسات خلال 3 سنوات هذه الحكومة لو منحوها 20 سنة لتنفيذ هذا المشروع لن تستطيع والمشاريع المتوقفة كثيرة وابحثوا عنها والمشاريع الفاشلة كثيرة وايضا ابحثوا والمشاريع التي كانت قائمة وانهارت كثيرة وهي ماثلة اما اعينكم ولا تحتاج الى دليل انظروا الى المشاريع الصغيرة مثل الكباري التي يتشدقون بها كم اخذت من الوقت .. لن تجدوا مليما واحدا من المغتربين ما لم تثبتوا جديتكم في تنفيذ المشروع وتجهيز الارض خاصة وانتم تبحثون عن الدولار بثمن بخس .. يخس عليكم

[ود البلد]

#1070588 [صلاح عثمان]
3.00/5 (4 صوت)

08-03-2014 04:59 PM
يتم شراء الارضي الزراعية الفدان 4200 متر بسعر مائة مليون جنية بالقديم وتحويله الي اراضي سكنية وبيع القطعة 400متر بالاقساط للمغتربين بسعر ثمانين الف ريال كما حدث في مشروع اللؤلوة بشرق النيل - يعني العائد علي الفدان 800 الف ريال =
نصحية للشركة المنفذه
هذا الاعلان بعد تحديد المنطقة سيزيد سعر الارض في تلك المنطقة يعني لو ما بتملكوا الارض من الاول مستحيل تحصلوا فيها متر لان بتاعين شهامة حا يسبقوكم ويشتروا كل المساحة
ما تستعجلوا علي هبوط سعر الارضي لان الكارثة قادمةوحا تهبط الارضي لاسفل سافلين لان المغتربين فلسوا ودخلوا في ديون مبالغ فيها والديل علي ذلك شراء الحكومة لديون المغتربين في الامارات وادخالهم للسجن في السودان .

[صلاح عثمان]

ردود على صلاح عثمان
[osama dai elnaiem] 08-03-2014 06:52 PM
اخي صلاح عثمان -- لك الود والتحية وكل عام وانتم بخير--- نعم ستهبط الاراضي الي سعر خيالي لان السودانيين مثل القرود في عملية الاستثمار ود فلان لو عمل طاحونة في ركن البيت بعد اسبوع تجد عدد مهول من طواحين الدقيق واذا ( سندس) مرر كذبته عليهم واتكأ الصافي جعفر يعظ الناس بعد ان لغف ريالاتهم وهو مطمئن من اي عقاب ستجد من يحذو حذوه من الاخوان جماعة دولار ريال وتحويلات من البطحاء وغيرها والجماعة في الاونة الاخيرة وعبر بنوكهم استغلوا ايداعات البشرية وهاك يا غسان وغيره اراضي اراضي واعماهم الله ان السكن الجميل يكون في ضاحية تبعد عن العاصمة وضجيجها كما في ضاحية سري قرب لندن ايضا يمكن ان تكون الخليلة او الفكي هاشم او التي هي المنتجع لاصحاب العقول وتترك وسط الخرطوم لمطرودي الاخوان من مصر والاخوة من اثيوبيا ومكاتب الضرائب --- نعم ستهبط الاراضي حتما لان اسعارها الحالية مفتعلة نتيجة سياسات مالية خرقاء وجهت كل المدخرات نحو الاراضي في اماكن بعينها ولم توجهها الي سكن استرتيجي يجمع بين هدوء الريف وخدمات المدن وستنخفض الي اكثر واكثر بعد ان يصحو عقل المخطط السوداني ويكتشف ان المدينة العالمية تحتاج الي قطارات انفاق وشوارع بسعات معينه للباصات العامة فيها مسارات محددة بحيث يمكنك ركن سيارتك الخاصة وامتطاء الباص العام اذا كنت مستعجلا--- لك الود والتحية واوافقك الراي في تلك النظرة الحكيمة


#1070576 [عابدين ميرغني حمزة]
3.00/5 (8 صوت)

08-03-2014 04:38 PM
هههههههههههههههههههههههههههههههههه
قال نوباتيا قال نحن المغتربين لن نلدغ من نفس الجحر ايها الفساد مرتين لانحتاج لسكنكم ولن نحول اموالنا لكم ولدولتكم الفاشله
العبوا غيرها ههههههههههههههههههههههههه (قال مؤتمر المغتربين قال) حرامية معفنين ومغفلين ولن تجدوا مليما احمر منا ونحن نعرف كيف ندخل اموالنا لمصلحتنا ولاهلنا متي اردنا ذلك
يا فاشلين في اي شيء
قاتلكم الله
يا حاج ماجد سوار يا بتاع مطاعم نمره 2 والعمارات والشكس

[عابدين ميرغني حمزة]

ردود على عابدين ميرغني حمزة
Saudi Arabia [ABOALKALAM] 08-03-2014 05:40 PM
صدقت وماتنسوا مشروع سندس الزراعي وكيف اتخر بت بيوت الناس


#1070575 [الولايات المتحدة السودانية]
3.00/5 (5 صوت)

08-03-2014 04:37 PM
9 مليار دولار !!! يحولوها ليكم المغتربين عشان تودوها ماليزيا !!!
الاخوة المهجرين عن الوطن ,, بعد أن تم قطع أرزاقكم بالصالح العام ,, وحوربتم في ارزاقكم ,, الآن يجب عليكم أن تشتروا الوهم والسراب حتى تشبع بطون تجار الدين هؤلاء(هذا إن كانت تشبع)!!
خذوا حذركم وإتخذوا الساتر حتى انجاء هذه الغمة !! مدن المغتربين !!!!!!!!!!! قاتلكم الله وقطع دابركم !!

[الولايات المتحدة السودانية]

#1070574 [zorba]
3.00/5 (12 صوت)

08-03-2014 04:35 PM
تحذير للمغتربين:
حكومة شيطان بعد ما أفقرت السودانيين بالداخل ولم تجد أي بنود جبايات جديدة وبعد أن تأكدت من نهب كامل موارد السودانيين بالداخل وأصبح لسان حالهم يقول "ايه ياخد الريح من البلاط" الآن عيونهم علي أموال السودانيين المقيمين بالخارج.
وستنهار مباني هذا المشروع خلال فترة أقل من 10 سنوات والسبب مكتوب في العنوان بالخط العريض "9 مليار دولار عائدات متوقعة" يعني هم عيونهم علي عائدات المشروع قبل أن يبدأ المشروع.
ومن يعتقد من المغتربين أن هذا المشروع هو لخدمة المواطن السوداني المقيم بالخارج فهو واهم وما بيعرف الكيزان لأن تحديد عائد 9 مليار من الآن في بلد تتدهور عملتها كل صباح مقارنة بالدولار ولحين بداية واكتمال هذا المشروع سيرتفع الدولار لحدود 20 - 25 ألف جنيه وبحسابات بسيطة ستزيد تكلفة المشروع عن التكلفة في الدراسة الحالية. فكيف سيتم سد العجز في التكلفة مقارنة بارتفاع الدولار المؤكد؟ الإجابة: عن طريق التلاعب في مواد التسليح من اسمنت وسيخ ورملة و التلاعب في مواد التقفيل والتلاعب في مواد التشطيب "أرخص الخامات الصينية". وممكن المشروع يتوقف في النص ويفضل معلق زي مشروع المطار الجديد "والبلد مستهدفة واسرائيل وغيرو" لعنكم الله قبل اسرائيل.
ولو المباني والعمارات دي اتهدت بعد فترة قصيرة علي رؤوس ساكينها التبرير موجود قبل بداية المشروع "هذا إبتلاء من الله ليمتحن مدي صبرنا" ودا كلام الله ولا أنتو عندكم عليهو إعتراض؟
وهم لو كان فيهم خير كانوا خدموا السودانيين المقيمين معاهم بالداخل قبل أن يخدموا مواطن مقيم بالخارج ويحرك عجلة الانتاج في بلد أخري. فما علاقتهم بهذا المواطن القاصي غير العائدات.
لذلك وجب التنويه.

[zorba]

ردود على zorba
Saudi Arabia [إمام شمنتود] 08-04-2014 10:38 AM
أؤيد كلامك لا يمكن إنجاز مشروع كبير بهذا الحجم من الموازنة في بلد غير مستقر إقتصادياً وعملته في هبوط متواصل يومياً مستحيل ورابع المستحيلات ... وكمان في غضون ثلاثة سنوات وبعمالة سودانية ... وهذا رابع المستحيلات ... أضرب 3 في 10 = 30 سنه . والله المستعان ...

Saudi Arabia [prjct] 08-03-2014 05:55 PM
My computer is not writing Arabic , sorry : This is a valuable advice , for myself I wash my hands off this project, even though it is juicy .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة