الأخبار
أخبار إقليمية
ضبط تاجري مخدرات بحوزتهما سيارة سوناتا و "15" ألف رأس حشيش
ضبط تاجري مخدرات بحوزتهما سيارة سوناتا و "15" ألف رأس حشيش
ضبط تاجري مخدرات بحوزتهما سيارة سوناتا و


08-05-2014 12:59 AM
أم درمان – بخيتة زايد

كشفت الإدارة العامة للمخدرات عن ضبط (15,000) رأس من الحشيش وصلت العاصمة مخبأة بعناية فائقة داخل شحنة من جوالات العرديب والأمباز، وتم إيداعها في مخزن تم استئجاره في منطقة الصناعات بأم درمان في عطلة عيد الفطر، وقال اللواء المكي محمد المكي مدير الإدارة العامة لمكافحة المخدرات أمس إن الضبطية جاءت هدية لأهل العاصمة بعد جهد ومتابعة لمعلومات توفرت عن شحنة مخدرات في طريقها للعاصمة من إحدى الولايات الغربية، وتمت متابعتها منذ 19 رمضان الماضي وتكللت مجهودات فرق المكافحة بالنجاح بعد المتابعة اللصيقة بالقبض على (2) من تجار المخدرات المعروفين للمكافحة أثناء تحميلهما كميات من الحشيش المخزن في عربة سوناتا تم ضبطها ووضعها معروضات بجانب المخدرات، مشيرا إلى أن الكمية المضبوطة من النوعية المميزة، وأن الضبطيات التي تحققت كبيرة وكانت كفيلة بتدمير عقول الشباب، منها (18,500) ألف رأس تم ضبطها في الصالحة جنوب أم درمان، وأكد المكي أن إدارته تقف بالمرصاد وتمكنت من السيطرة على كل وارد من المخدرات لولاية الخرطوم، وناشد اللواء المواطنين أن يكونوا عونا للمكافحة في توفير المعلومات اللازمة لأنها أساس العمل، وأوضح الفريق شرطة محمد أحمد علي مدير شرطة ولاية الخرطوم أن الضبطية تمت بعد متابعة لصيقة للتجار أيام العطلة رغم أن طريقة تخبئتها تمت بدقة فائقة، مشيدا بجهود المكافحة في الفترة الماضية لأن الضبطيات كانت كبيرة، واعتبر أن الجهود المبذولة تصب في مصلحة البلاد العليا بحماية العقول، ودعا المكافحة إلى الاجتهاد والمزيد من الجهد، مبينا أن الداء الأخطر والمستشري هو (الشاش مندي) لأن المادة المخدرة فيه مضاعفة وأصبح الأكثر استخداماً في الآونة الأخيرة، وأكد اليسع صديق التاج معتمد محلية أم درمان أن إدارة مكافحة المخدرات هي صمام الأمان لشباب السودان لأن الكمية المضبوطة يمكنها تدمير عقول عدد كبير من الشباب، وتعتبر المخدرات أشد خطرا من الرصاص، وأعلن اليسع عن تحفيز القوة التي شاركت في العملية.

اليوم التالي


تعليقات 15 | إهداء 0 | زيارات 3540

التعليقات
#1072211 [ابوحسن]
0.00/5 (0 صوت)

08-05-2014 07:01 PM
الله يحفظ السودان

[ابوحسن]

#1072103 [كجرو]
5.00/5 (1 صوت)

08-05-2014 03:26 PM
طيب خبر الحاويات شنو خلاص غطست في البحر ولي رجعتوها اليونان يا ناس المكافحة

[كجرو]

#1072073 [ابوقندول]
5.00/5 (1 صوت)

08-05-2014 02:49 PM
"الكمية المضبوطة يمكنها تدمير عقول عدد كبير من الشباب، وتعتبر المخدرات أشد خطرا من الرصاص،"
مش برضو احسن من الهوس الدينى ياوهم

[ابوقندول]

#1072032 [Khwajaa Sudani]
0.00/5 (0 صوت)

08-05-2014 02:06 PM
مشيراً الى ان الكمية المضبوطة من النوعية المميزة . ههههههههههههههههههه يعني جربوها في الاول

[Khwajaa Sudani]

#1071891 [ابوقرض]
0.00/5 (0 صوت)

08-05-2014 11:37 AM
صورة النائب علاقتها شنه في صياغة الخبر ولا خلاص الراجل أصبح زعيم الحشاشين ووكيل حصري لراكبي الفيل وما أدراك ما الفيل

[ابوقرض]

#1071888 [ود جحا]
0.00/5 (0 صوت)

08-05-2014 11:32 AM
وايه علاقة الصورة مع المضبوطات يا مخبولة

[ود جحا]

ردود على ود جحا
Uganda [العنطـــــــــــــــــــــج] 08-05-2014 03:52 PM
اصحي يا بريش ,,,, هو انت لسه بتسأل ههههههه


#1071870 [عثمان]
0.00/5 (0 صوت)

08-05-2014 11:08 AM
صورة فىى محلها تماماً

[عثمان]

#1071865 [بامكار]
0.00/5 (0 صوت)

08-05-2014 10:59 AM
إدارة مكافحة المخدرات هي صمام الأمان لشباب السودان

[بامكار]

#1071766 [حوت الصحراء]
5.00/5 (1 صوت)

08-05-2014 09:27 AM
حتى البنقو ده ما دايرين تخلوهو لينا ... يعني بس نعمل شنو نحن ...

طيب ما ياهو ده بكري حسن صالح بنفخ .. وربيع عبدالعاطي بنفخ .. وأمين بنفخ .. لكن عبدالرحيم بتاع الداخلية ما أظن بنفخ لأنو لو ضرب واحدة ريالتو حتصل الواطا .. والبشير بينفخ .. ونافع بنفخ .. وسبدرات بنفخ .. وندى القلعة بتضرب شيشة .. ومحمود الله يرحمو كان بنفخ .. البلد كلها بتنفخ .. طيب عايزين تمنعوا البنقو ليه؟
سؤال ده ولا ما سؤال؟

بعدين هي البلد غرقانة ذاتها .. يعني لو عايز أشتري بنقو ما ح أقدر أتحرك فما داعي للحركات بتاعتكم دي .. شنو يعني البنقو كان في سوناتاوداسنو بعناية وحركاتكم الفارغة دي .. أنا بحذركم والله .. الموضوع ده ممكن يجيب مظاهرات ويقلب الحكومة فخلوا بالكم .. أطلقوا سراح الناس ديل وفكوا الشحنة دي خلوا البلد يتنفس شوية ..
ثم ثانياً.. إيه قصة حميدتي دي كمان؟
السؤال ده موجه للبتكلم باسم الجيش ما عارف اسمو لكن هو واحد كده مرة بنضارة مرة من غير نضارة .. سمعت أول أمبارح إنو ممكن حميدتي ده يحكم السودان .. نتمنى إنو يكون زول كويس لأنو بي صراحة البشير ده ما كويس والله ..

[حوت الصحراء]

ردود على حوت الصحراء
Sudan [الراجل] 08-05-2014 06:15 PM
يا معلم دى من وين

Uganda [العنطـــــــــــــــــــــج] 08-05-2014 03:55 PM
ههههههههههههههههههههه و الله انت العسل زاتو.... يا اخوانا فكو السوناتا و و ريحو الحواته و خلونا بضوق في الناس حلاتا

Saudi Arabia [ابويوسف] 08-05-2014 03:45 PM
هههههه شكلو الصنف بتاعك يا حوت الصحراء صنف جدييييد بالله عليك من وين جبتو

United States [الفكى الصينى] 08-05-2014 02:26 PM
ههههههههههههه
شكلك هسى دخاخينك عاجه ،
فى ذمتك لافيها بكم سيجاره


#1071754 [ترحال]
0.00/5 (0 صوت)

08-05-2014 09:18 AM
وضع صورة النائب الأول في أول الخبر أن "الجهة المقصودة والمعنية بهذه الكمية حاجات هاي هاي". لينا الله.

[ترحال]

#1071746 [ajid]
0.00/5 (0 صوت)

08-05-2014 09:08 AM
يا ناس الحكومه لو عايزين تقضوا علي المخدرات في البلد مفروض اعدام اي تاجر او مروج للمخدرات والمؤسف يتم القبض علي التاجر ويسجن كم شهر وبعدها يخرج ويرجع يمارس تجارة المخدرات مره اخري

[ajid]

#1071743 [مسطووووول]
0.00/5 (0 صوت)

08-05-2014 09:04 AM
سبقوهم ليه؟؟؟؟

كان يقولوا لناس البوليس دي علفة النائب الأول وخلاص، خسارة!!!
طيب هي الشحنة دي هسع خاتنها وين؟؟؟

[مسطووووول]

#1071741 [مسطووووول]
0.00/5 (0 صوت)

08-05-2014 09:04 AM
سبقوهم ليه؟؟؟؟

كان يقولوا لناس البوليس دي علفة النائب الأول وخلاص، خسارة!!!
طيب هي الشحنة دي هسع خاتنها وين؟؟؟

[مسطووووول]

#1071661 [المتألم حتى العضم]
0.00/5 (0 صوت)

08-05-2014 04:07 AM
اقتباس:
وأكد اليسع صديق التاج معتمد محلية أم درمان أن إدارة مكافحة المخدرات هي صمام الأمان لشباب السودان لأن الكمية المضبوطة يمكنها تدمير عقول عدد كبير من الشباب، وتعتبر المخدرات أشد خطرا من الرصاص.

اخير لينا البنغو دا من رصاص الكيزان.

[المتألم حتى العضم]

#1071647 [caeser]
0.00/5 (0 صوت)

08-05-2014 02:41 AM
حلوة صورة النائب المسطول في اول الخبر

[caeser]

ردود على caeser
Sudan [عثمان] 08-05-2014 09:40 AM
النائب المسطول وراء كل البلاوى الحاصلة دى يعنى ماف زول عادى كدا يتجرأ ويخاطر بالطريقة دى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة