الأخبار
أخبار إقليمية
حرائق النخيل …..الفاعل ذلك المجهول !!
حرائق النخيل …..الفاعل ذلك المجهول !!



08-05-2014 03:46 AM
مديحة عبدالله

قضى حريق كثيف بمنطقة صواردة بمحلية حلفا على (3) ألف نخلة وحوالى (15) منزلا وحسب صحيفة السودانى الصادارة امس فأن اسباب الحريق لازالت مجهولة !!! وقال المعتمد انه سيعمل على (تعويض) المتضررين وتعهد بكشف الاسباب التى ادت لاندلاع الحريق

عودة للبداية عند اندلاع اى حريق بالشمالية يلتهم اعداد كبيرة من اشجار النخيل حيث الفاعل مجهول وحيث الفعل مفقود من قبل السلطات الاتحادية والولائية , فمنذ ان بدأت هذه الظاهرة الخطرة تطل برأسها فى الشمالية (وعدت الحكومة بتقصى الحقائق ) حول الاسباب وراء الحرائق والكشف عن من يقف خلفها , تلك الوعود لم تثمر شيئا , ولان الحرائق لايمكن ان تندلع هكذا فجأة ودون فاعل يبقى السؤال قائما من يقف خلفها وما هى الجهة المستفيدة من حرق اشجار النخيل (بالجملة ) وما هى النتائج المتوقعة من تلك الحرائق ؟

لقد استقر فى ذهن المواطنين فى تلك المناطق ان الحرائق اداة طرد وتهجير قسرى حتى يتسنى للسلطات اقامة السدود التى تجد مقاومة مستمرة من قبلهم لعواقبها المتعارضة مع مصالحهم وكان يمكن للحكومة ان تخلى طرفها من اى شبهة لو تقصت فى الامر بنزاهة وكشفت للرأى العام اسباب الحرائق وعملت على حماية المواطنين وممتلكاتهم من خطر الحرائق ’ اما تكرار الكلام دون فعل جاد فهو يفتح الباب لاستنتاجات ستقود لمشاكل اجتماعية السودان فى غنى عنها .

سجل حكومة الانقاذ وافر بافعال الحقت الضرر بالمواطنين وحقوقهم الاقتصادية والاجتماعية والثقافية والضرر الذى يلحق بالمواطنين فى الشمالية يستدعى وقفة تضامن من قبل الاحزاب المعارضة ووسائل الاعلام والمنظمات المدنية بممارسة كافة اشكال الضغط حتى يتم الكشف عن اسباب الحرائق وتوفير الحماية للمواطنين وممتلكاتهم وحقهم فى الحياة الامنة , فهذه الحرائق تمثل ضررا يتخطى حدود الشمالية ومواطنيها ليلحق الاذى باقتصاد السودان المنهك .

الميدان


تعليقات 3 | إهداء 0 | زيارات 1975

التعليقات
#1072098 [احمد التجانى بابكر]
0.00/5 (0 صوت)

08-05-2014 03:22 PM
ذات الحرائق المتعددة والمتكرره سبق وان اشتعلت العام الماضى بمنطقة الشريك بولاية نهر النيل وهى المنطقة المقترحة لسد الشريك لذا فإن هناك ارتباط قوى بين تلك الحرائق والسدود .

[احمد التجانى بابكر]

#1072084 [memed]
0.00/5 (0 صوت)

08-05-2014 03:03 PM
ابو غثمان
اول شئ انت راجل كذاب لمن تقول انا مزارع مافي مزاع اسمو ابو عثمان
ابو عثمان دا اسامي مغتربين الخليج زثانيا انت لو مزارع والان وقت تجهيزياتو موسم دا البيجهز ليه بالله في شهز اغسطس

واصلا لو انت كنت مزارع وين لقيت النت عشان تكتب قي الراكوبة

انت رجل كوز ومنافق ليس الا

[memed]

#1071873 [أبو عثمان]
5.00/5 (1 صوت)

08-05-2014 11:11 AM
الحكومة شماعة ساي ... الحرائق دي من زمن أجدادنا بتحصل في الوقت ده لأنو ده وقت تجهيز للموسم الشتوي .. وأغلب المزارعين بيتخصلوا من الحشائش عن طريق الحرق .. والفاعل معروف لدى المزارعين بس المجاملات بتخلي الناس تكتم عليهو .. الفرق بين حريق حسع وحريق زمان ... زمان كان في رجال بطفو الحريق قبلما يصل النخلة التانية بخبرتهم وحكمتهم وحبهم لغيرهم لكن للاسف الان ما في خبرة وما في حكمة .. الناس بقت تتفرج على الحريق وتنظر وهي وافقة بعيد .. أنا كمزارع من المنطقة بقول الحكومة ما ليها يد خالص .. والحكومة لو عايزة تغرق البلد البمنعها منو؟؟؟ هي قتل أرواح ما تغرق نخيل ؟؟؟

[أبو عثمان]

ردود على أبو عثمان
Saudi Arabia [ظلال النخيل /فريد محمد مختار] 08-05-2014 07:16 PM
الحكومة لو عايزة تغرق البلد بنمنعها نحنا الاحرار يا أرزقي يا ما عندك انتماء. وكمان تكذب كذبا صراحا بواحا وتقول الحرائق دي موجودة من زمان(الله بيسألك) والله عمرنا ما سمعنا بها الا بعد ما جات حكومة السجم بتاعتك أيها المقتات من فضلات الاخرين .والله انت وحكومتك ومجموعتك الضالة لن تستطيعوا اغراق حجر واحد في ارض النوبة ونحن أحياء..
ونقولها لك نعم النخلة عندنا زي قتل الروح ما تفرق عنها شئ .النخلة هي التاريخ هي الام هي الاب هي الجد هي الجدة هي الحياة تماما كما النيل هو الحياة...
وأضيف انك واحد من اثنين إما كوز أرزقي جاهل مقتات أو لاجئ دخيل على المنطقة انت وعائلتك من الناس النزحوا من الخلا وشغالين في نظافة النخيل وعلف البهائم وحفر الآبار يعني بالمعنى الواضح ما أصحاب طين....

[رعد] 08-05-2014 01:18 PM
معقول ابو عثمان انت مزارع من المنطقة وتقول الكلام دا ؟؟ كويس كدي طيب اطلع وقول كلامك دا يمين الله الا يرموك في النار وتتشوي أمثالك بقى المتهمين واذا مافي حد يقدر يمنعها خلي يعمل السد بدل الحريق واللف والدوران وهم طالما قادرين تركو كجبار وراحو مروي ليه ؟؟

Saudi Arabia [Gazafi] 08-05-2014 12:25 PM
[المتجهجه بسبب الانفصال]
5.00/5 (1 صوت)

08-04-2014 12:10 PM
حريق النخيل بهذه الكميات تكرر عشرات المرات في ظاهرة غريبة عجيبة لم نسمع بها من قبل،، ولما كان الانقاذيون مجبولون على المؤامرات وبيع العقارات والاراضي ودفع الناس بعضهم ببعض لتركها اعتقد ان الموضوع مرتبط بتفليس ملاك الاراضي وسياسة الاستثمار الاجنبي،،

دة رد لاحد الاخوة هو ايضا يقول لم نسمع بالحرائق دى .لادرى اين تعيش واى منطقة التى تحدث فيها الحرائق سنويا من زمن الاجداد .

والللللللله غيظتنى

Saudi Arabia [Gazafi] 08-05-2014 12:04 PM
موسم ايه يا ابو موسم ؟ عمرنا كلو عايشين فى المنطقة لم نرى حرائق ممنهجة زى دى . لو كانت فى حرائق زى دى من زمن اجدادك لاحترق كل السودان مش النوبة بس .
انت او ما نوبى او نوبى كوز وتنظيمك اهم عندك من بلدك الصغير والكبير وكلنا عارفين انو تنظيم الاخوان العالمى اهم عند الكيزان من السودان عشان كدة مناصرة غزة وحماس الاخوانية اهم من نجدة منكوبى السيول والحروب القبلية .
قبل ان تاتى الحكومة الملعونة لم نسمع بحرائق ممنهجة ولا حروب فى دارفور ولا فى الشرق .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة