الأخبار
أخبار إقليمية
حكومة "الخرطوم" تنفي تسرب مواد إغاثة إلى الأسواق
حكومة "الخرطوم" تنفي تسرب مواد إغاثة إلى الأسواق
حكومة


08-06-2014 03:34 AM
الخرطوم – خضر مسعود

قطعت حكومة ولاية الخرطوم، بعدم تسرب مواد إغاثة المنكوبين جراء الخريف، إلى الأسواق حسب ما أشاع البعض، وقال صديق الشيخ الوالي بالإنابة في تصريح صحفي أمس إن الحديث عن تسرب إغاثات المتأثرين بالسيول والأمطار للأسواق عارٍ من الصحة، وجزم صديق بأن الإغاثات يتم تسليمها بالمخازن عبر دفاتر ومستندات رسمية وتتم مراجعتها، وأشار في تصريحات صحفية محدودة إلى أن هناك أربع لجان تعمل ضمن اللجنة العليا في جانب الإغاثة فضلا عن لجان أخرى بالمحليات وقال: "ما في طريقة بعد اللجان دي كلها تتسرب الإغاثة للسوق

اليوم التالي


تعليقات 20 | إهداء 0 | زيارات 4983

التعليقات
#1073402 [مسطول]
0.00/5 (0 صوت)

08-07-2014 12:02 PM
يا ربي الاغاثة دي مافيها بنقو ؟

[مسطول]

#1073115 [albrado]
0.00/5 (0 صوت)

08-07-2014 01:58 AM
مستحيل يا كوز كلامك البتقول فيه ومافي زول حيصدقكم

والي المتمة اصر يسلموه الاغاثة والقطريين العارفنكم

رجعوا بالاغاثة......

كذاب والف كذاب ... ماسرقتوا شنوا عشان نصدقكم

تكون فاطر اليوم في بيتك من زيوت ودقيق الاغاثة

معقولة تفوت عليكم حاجة زي دي يا ابالسة ؟؟؟؟

ده انتوا بتسرقوا اموال الذكاء والكهرباء من

المساجد ما تسرقوا مواد اغاثة ؟؟؟؟؟

[albrado]

#1072846 [طارق الباز]
5.00/5 (1 صوت)

08-06-2014 04:52 PM
العبارة الصحيحه: بأن الإغاثات يتم سرقتها من المخازن عبر دفاتر ومستندات رسمية.

[طارق الباز]

#1072711 [الكنزي]
0.00/5 (0 صوت)

08-06-2014 01:48 PM
ياحكومة الولايه اللجان دي مكونه من منو,فيها حزب امه فيها بعثيين فيها شيوعيين فيها ناس الجبهه ثوريه فيها ديموقراطيين فيها مؤتمر سوداني اكيد لا ,,طبعا كلها مؤتمر وطني اي حركه اسلاميه وده بيت القصيد ومربط الفرس والفساد امشي سوق ليبيا والسوق المركزي بتلقي البضاعه كلها هناك يامفتري

[الكنزي]

#1072641 [رأس القوم]
0.00/5 (0 صوت)

08-06-2014 12:27 PM
والله لو عملتوا مية لجنة يا هو حالكم .. اصلا واحد من اثنين يا بعتوها في السوق .. او دخلتوها المخازن حتى تفسد

[رأس القوم]

#1072587 [ود النيل]
4.00/5 (1 صوت)

08-06-2014 11:40 AM
الاغاثة القطرية كلها عبارة عن 48 طن يعني شحنةzs برضو دايرين تجازفوها يا جماعة؟؟

[ود النيل]

#1072545 [موسى الموسى]
0.00/5 (0 صوت)

08-06-2014 10:41 AM
اخلصوا يا حكومة وولاة لهذا الوطن حتى يخرجنا من نفق ضيق العيش الذي رميتم به السودان واهله.


اخلصوا لله واعلموا ان دوام الحال من الحال فان الموت يدركم ولو كنتم في بروج مشيدا .


واذا غشيتم اهلنا فانكم لن تغشوا الله فهو مطلع عليكم ولن تخفى عليه خافية واتذكروا يوم تقبرون الواحد تلو الواحد ايها الاخوة دوام الحال من المحال .


اخلصوا لله ثم الوطن أو اخروجوا من الحكم .

[موسى الموسى]

#1072539 [موسى الموسى]
0.00/5 (0 صوت)

08-06-2014 10:38 AM
اذا صدقتم فالله هو المطلع عليكم يا حكومة وولاة السودان ، اذا غشيتونا فلن تغشو الله ، واعلموا انه مطلع عليكم وحتى وانتم نياما .


اصدقوا يا حكومة السودان واخلصوا له فان دوام الحال من الحال غدا تقبرون كانكم للدنيا لستم منها تعبرون . يوم التلاقي قادم لا محالة يوم يحشر الناس ضحى .


فالله لن تغيب عليه غائبة صغيرة ام كبيرة .

مواد الاغاثة يجب ان تسلم لاصحابها فهي امانة من اناس مخلصين اتو لمساعدة اهلنا عليكم بايصالها لهم حيث كانوا ولا تحل لاي احدا منكم مهما بلغت به المكانة الوظيفية والحساب سيكون يومالحساب .

[موسى الموسى]

#1072507 [بامكار]
0.00/5 (0 صوت)

08-06-2014 09:58 AM
ما فى دخان بدون نار

[بامكار]

#1072505 [بت البلد]
5.00/5 (2 صوت)

08-06-2014 09:58 AM
ياربي أمناء المخازن ديل هبطوا من السماء وماعندهم علاقة بالانقاذ؟؟؟ استغفر الله ...

[بت البلد]

#1072465 [Ali]
0.00/5 (0 صوت)

08-06-2014 08:51 AM
ياتو مخازن وياتو دفاتر دفتر الاستاذ لو فضل فيها استاذ ولا دفتر التحلل لا عاد ديل كتااااااااااااااااااااااار...!!!
ياخي اختشي كان ما يسمى بالمخزون الاستراتيجي عفن في المخازن يبقى بتاع الاغاثة شنووووووووووووووو............؟

[Ali]

#1072447 [عمو]
5.00/5 (1 صوت)

08-06-2014 07:50 AM
اياها تصريحاتكم من قمنا , واصلا لو م قلتو كدا تبقو م كيزان ....

[عمو]

#1072437 [ابومرام]
5.00/5 (3 صوت)

08-06-2014 07:17 AM
ممكن سؤال بسيط ياوالي الهناء وصاحب بدعة التحلل الخيم الموجودة في سوق ليبيا مع المكيف ومولد الكهرباء جات من وين؟؟؟؟؟؟؟؟؟؟؟؟؟؟؟ يااخي والله العجوة الجاية اغاثة في بيوت الكيزان ووقصورهم خلي السوق قوم لف بلا انا والي بلا تحلل بلا وهم معاك

[ابومرام]

#1072424 [خازوووق]
5.00/5 (2 صوت)

08-06-2014 06:14 AM
يأخي ما يحتاج تسريب وبيع ولاية والي الفساد تٌسرق عينك يا تاجر وتحلل ويقول أنا ربكم الأعلي دون إستحياء صحيح المواطن مفروض يستحي مش إنتو,المواطن دة ذاتو مفترى وقليل أدب وما بيؤمن بالقدر ومحمل الحكومة أقصد العصابات!! أكثر من طاقتها أنتو أسيادنا ونحنا عبيدكم نزلوا البضاعة دة فى السوق رسمى وخلى المتضرر يمش يعمل فحوصات وشهادات وصور والرقم الوطنى ويجهز أوراقوا ويمشي للسوق عشان يقدر يأخد بضاعة الإغاثة بنصف السعر ولازم المواطن المتأثر يتعب عشان يتحصل على خيمة لو في السوق بقرشين يدوه بقرش نحن المواطنين عبيدكم وننفذ أوامركم
وهذا توقيعي المواطن العبد لأسياده خازوووق

[خازوووق]

#1072420 [خازوووق]
5.00/5 (2 صوت)

08-06-2014 06:01 AM
يأخي المواطن دة ذاتو مفترى وقليل أدب وما بيؤمن بالقدر ومحمل الحكومة أقصد العصابات!! أكثر من طاقتها أنتو أسيدنا ونحنا عبيدكم نزلوا البضاعة دة فى السوق رسمى وخلى المتضرر يمش يعمل فحوصات وشهادات وصور والرقم الوطنى ويجهز أوراقوا ويمشي للسوق عشان يقدر يأخد بضاعة الإغاثة بنصف السعر ولازم الموطن المتأثر يتعب عشان يتحصل على خيمة لو في سوق بقرشين يدوه بقرش نحن المواطنين عبيدكم وننفذ أوامركم
وهذا توقيعي المواطن العبد لكم خازوووق

[خازوووق]

#1072405 [سودانى شديد]
5.00/5 (2 صوت)

08-06-2014 05:03 AM
لجان إيه با أبو لجنة!! بلدنا ما عندها حكومة و لا دولة و انت جاى و نفسك قايم و تقول لينا لجنة و لجان!! انت و مديرك جماعة لصوص و حرامية ارزقية و عواطلية و لا تعرفون ابجديات ادارة الدول و نحن عارفين انو فى ناس (برة) معيننكم موظفين ب job responsibilities تتلخص فى تعطيل البلد و نهب موارده و عدم الاهتمام بانسانه. لذلك إخرص و ضع لسانك فى خشمك و اقفله حتى لا تتقيأ لنا هنا عشان بصراحة فى ناس بيقرفوا!!!!

[سودانى شديد]

#1072404 [Haj Ahmed]
3.00/5 (3 صوت)

08-06-2014 04:58 AM
اللجان دي ما التسرب ذاته ياسعادتك

[Haj Ahmed]

ردود على Haj Ahmed
Netherlands [atif] 08-06-2014 08:13 AM
هههههههههههه يا اخي ديل حرامية حرمنة و بي شهادات كمان !!! الغريبة الشعب كـولو عارف


#1072399 [ود الباشا]
5.00/5 (2 صوت)

08-06-2014 04:24 AM
والله العظيم ما كملت الخبر رغم قصره وكتفيت بالجملة الاولى بعد العنوان انى فهمت الرسالة

[ود الباشا]

#1072397 [العمرابي الاول]
4.75/5 (3 صوت)

08-06-2014 04:19 AM
لا اعلم ما رأي الاخوة المنكوبين و اسرهم في الخارج ولكن تعودنا منما "يقطعو" و "ينفو" و "عار و ما ادراك ما العااااار" الواحد بقول "حسبنا الله و نعم الوكيل"
ناس الانقاذ مفروض تصريحاتهم تكون "الله اعلم و حسن الظن و مأدراك ما حسن الظن"

ياهو كان صح فبارك الله فيهم الرعاااة الصالحين اكان كذب يكون مخيريين بالتحلل!

الية الكشف عن الفساد وقت المحن و الابتلائات القومية:
1- كم عدد ايي مصيبة جات؟
2-منو استلم؟ و استلم كم؟؟
3- سلم كم و سلم منو؟؟
4- و سجلو احصائيات المساعدات و الجهات المعنية في ملف "بعد الانقاذ" لأنو الشعب يريد رد الجميل و حفظ ما تبقى من ماء وجه بعد الازالة و مأدرااك ماا الازااااالة.

او تختصرو الموضوع تجيبولينا صور من سوق ليبيا, سعد قشرة و دكاكيكين مايسمى بالسوق العربي "الكووشى".

[العمرابي الاول]

#1072394 [نونا]
5.00/5 (1 صوت)

08-06-2014 03:46 AM
الله!!! لو الجماعة نفوا معناها إثبات حالة. الله يكضب الشينة و مااا ظنيت المرأ ألفي الكاريكاتير دي هوّالة !

[نونا]

ردود على نونا
Sudan [المتضرر ضرر من الكيزان] 08-07-2014 08:14 AM
ينفو ما ينفو يا ها الحقيقه واضحه وكل الشعب السوداني مقتنع إنو الكيزان حراميه وبليه وسفاحين وما في حد بيصدقكم يصدقكم يا حراميه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة