الأخبار
أخبار إقليمية
الجيش يتأهب والشارع متوجس..مخاوف من ضربة إسرائيلية
الجيش يتأهب والشارع متوجس..مخاوف من ضربة إسرائيلية
الجيش يتأهب والشارع متوجس..مخاوف من ضربة إسرائيلية


08-07-2014 04:51 AM
تقرير ـ طارق عثمان

أعلنت القوات المسلحة السودانية عن اتخاذ إجراءات لحماية السودان ضد أية ضربة قد توجهها إسرائيل للخرطوم.

حالة توجس

وعمت حالة من التوجس الشارع السوداني عقب تهديدات صدرت بعدة مواقع اسرائيلية بضرب السودان على خلفية اتهامه بتسليح حركة حماس. ورغم ان تلك التهديدات لم تصدر من جهة رسمية اسرائيلية الا ان خبراء عسكريين سودانيين طالبوا الحكومة السودانية بأخذها على محمل الجد، مستندين إلى ضرب اسرائيل لعدد من المواقع السودانية خلال السنوات القليلة الماضية كان آخرها ضرب مصنع اليرموك للاسلحة بالعاصمة الخرطوم في العام 2012 وسبق ذلك عدة ضربات في اوقات متفرقة نفذها الطيران الاسرائيلي على اهداف بمدينة بورتسودان الساحلية.

نفي ضربة

وتأتي هذه التهديدات في ظل انباء نفتها السلطات السودانية تشير إلى ان الطيران الاسرائيلي نفذ خلال الاسابيع الماضية ضربة استهدفت مستودعا للاسلحة بمنطقة الجيلي شمال الخرطوم، فيما نفت القوات المسلحة السودانية اختراق إسرائيل لاجواء السودان ووصفت ذلك بالإشاعات، وفي ذات الوقت نفى وزير الخارجية السودانية علي كرتي ارسال السودان اسلحة الى حركة حماس بغزة، وقال إن »على اسرائيل ان تبحث لها عن كبش فداء غير السودان«.

احتياطات الجيش

واكد الناطق الرسمي باسم القوات المسلحة السودانية العقيد الصوارمي خالد سعد عن احتياطات الجيش السوداني لحماية البلاد ضد أية ضربة توجهها إسرائيل سواء هدد الإسرائيلون بضرب البلاد أو لم يهددوا، غير انه استبعد حدوث ضربة. واضاف الصوارمي أن القوات المسلحة لا تتوقع حدوث ضربة من قبل دولة الاحتلال، وقال في بيان له ان»الحديث عن أن الكيان الصهيوني هدد بضرب السودان لم يصدر رسمياً من قبل مسؤول صهيوني إسرائيلي وإنما حديث في المواقع الإلكترونية وبعض الوكالات غير الرسمية«، مؤكداً أن قواته تدقق في صحة المعلومة ولن تفرط في حماية البلاد.

تهديدات جدّية

بدوره طالب الخبير العسكري السوداني اللواء المعز عتباني في تصريح لـ»البيان« الحكومة السودانية بأخذ التهديدات الاسرائيلية على محمل الجد، لا سيما وان اسرائيل سبق وان نفذت عدة هجمات على اهداف سودانية بالعاصمة الخرطوم وولاية البحر الاحمر.

واضاف: »اسرائيل لا تفكر مرتين فهي تهدد ثم تنفذ فيجب التعامل بجدية مع تهديداتها«، وقال ان المشكلة في التعامل مع الاعتداءات الاسرائيلية قائمة في ظل ضعف منظومة الدفاع الجوي السودانية. واضاف أن على الحكومة السودانية مراجعة منظومتها الدفاعية اولا ومن ثم المجاهرة بدعم المقاومة الفلسطينية بحيث انها لا تستطيع ان تدعم المقاومة وفي ذات الوقت ليس لديها الامكانية لمواجهة الضربات الاسرائيلية.

واستبعد فيه العتباني وبشكل قاطع ان تكون الاسلحة التي تحارب بها المقاومة الفلسطينية سودانية.

ثمار التهديدات



يرى المحلل العسكري السوداني العميد حسن بيومي في تصريح لـ»البيان« ان اسرائيل نجحت من خلال تهديداتها بضرب السودان سواء نفذت هجومها ام لم تنفذه وذلك من خلال الاثر النفسي الذي ادخلته إلى الرأي العام السوداني خاصة وان السودانيين رأوا استهداف الطيران الاسرائيلي لعدد من الاهداف في السودان والتي حققت فيها اسرائيل عنصر المفاجأة.

البيان


تعليقات 80 | إهداء 0 | زيارات 23908

صفحة 1 من 212>
التعليقات
#1073978 [اليهودى السودانى]
5.00/5 (1 صوت)

08-08-2014 05:45 AM
ما تبقى من الجيش يتاهب بالنظر وسماء البلد محمية بالدفاع بالنظر ، ناس العاصمة وما حولها نوموا قفا ما يجيكم شئ ، قصف دقيق جدا واهداف منتقاة، واسرائيل قشة ما تعتر طريقها

[اليهودى السودانى]

#1073897 [zorba]
5.00/5 (1 صوت)

08-08-2014 01:34 AM
الجيــــــش يتأهـــــبََ!!!!!


تصريحات الخبير العسكري السوداني اللواء المعز عتباني:

1. وقال ان المشكلة في التعامل مع الاعتداءات الاسرائيلية قائمة في ظل ضعف منظومة الدفاع الجوي السودانية!!!!!

الجيــــــش يتأهـــــبََ!!!!!

2. واضاف أن على الحكومة السودانية مراجعة منظومتها الدفاعية اولا.

الجيــــــش يتأهـــــبََ!!!!!

3. ومن ثم المجاهرة بدعم المقاومة الفلسطينية بحيث انها لا تستطيع ان تدعم المقاومة وفي ذات الوقت ليس لديها الامكانية لمواجهة الضربات الاسرائيلية.

الجيــــــش يتأهـــــبََ!!!!!
الجيــــــش يتأهـــــبََ!!!!!
الجيــــــش يتأهـــــبََ!!!!!

الرمال كال حامد ...... بلد مِحن.

[zorba]

#1073880 [من الولايات]
5.00/5 (1 صوت)

08-08-2014 12:40 AM
كيف يكون الحال لو قصفت اسرائيل بالخطا مخازن سلاح حزب اللة في الخرطوم بقنبلة نووية

[من الولايات]

ردود على من الولايات
United Kingdom [سمر] 08-08-2014 04:47 AM
بعدها لن يحلق طائرة انتنوف ليقتل مواطن في دارفور وجنوب كردفان والنيل الازرق


#1073874 [هيبة]
5.00/5 (2 صوت)

08-08-2014 12:29 AM
يجب على اليهود ان يستهدفوا رؤوس النظام كما يستهدفون قادة حماس

[هيبة]

#1073862 [الحازمي]
5.00/5 (1 صوت)

08-07-2014 11:56 PM
"وقال ان المشكلة في التعامل مع الاعتداءات الاسرائيلية قائمة في ظل ضعف منظومة الدفاع الجوي السودانية"
يا لك من خابور وطني و لست بخبير
أحسن تفرش ليك شوال بصل بدل الفضايح دي
و لا انت ما تعرفوا الفضيحة فقد مات الحياء!!!

[الحازمي]

#1073841 [نكس]
5.00/5 (1 صوت)

08-07-2014 11:19 PM
والله مافي مقارنة بين اسرائيل وقوات التدخل السريع السودانية دا طبعا الاسم الجديد للقوات المسلحة - واسرائيل اعتقد ما بتهدد بس بتنفذ - وانتهاك لسيادة السودان اعتقد وبكل امانة والله كان من قبل قوات المؤتمر الواطي في 89ومستمر حتي الان -

[نكس]

#1073839 [عادل السناري]
5.00/5 (1 صوت)

08-07-2014 11:17 PM
الضربة كانت في مخازن الاسلحة و الزخيرة في الجيلي و كانت مباغتة و محكمة و ادت اغراضها لدي اسرائيل --- لكن هول المفاجأة ألجمتهم و اجبرتهم غلي عدم الاعتراف بها في حسنها --- اليوم و بعد اتضح فشل و عجز الحكومة في مواجهة كارثة السيول و الامطار ارادت الحكومة ان تشغل الناس بخطر خارجي و همي عسى و لعل ان يفك عزلتها --- لكن هيهات .

[عادل السناري]

#1073831 [ود كترينا]
5.00/5 (1 صوت)

08-07-2014 11:05 PM
***يوم 17.05.2013 وبعد أيام من دخول الجبهة الثورية لأم روابة سرت الشائعات بأن الهدف التالي هو الخرطوم..فى ذلك اليوم خاطب والى الخرطوم مولانا الخضر (النحنا أبدا ما ح نتحملو !!)...خاطب حشدا كبيرا وخطب طالبا من أهل الولاية أن يرقدوا وينومو قفا لأنو دى اشاعات والخرطوم آمنة!!وها أنذا نيابة عن والينا (الغرقان!) أطمئن من موقعى هذا السيد وزير الدفاع بالنظر بأن الخرطوم( وليست مصر!) مؤمنة تماما ..فان كانت اسرائيل قد حمت مواطنيها بالقبة الحديدية فان الخضر يطمئنكم بأن الخرطوم مؤمنة من هجمات اسرائيل( بقبب)حديدية!!... نذكر منها على سبيل المثال لا الحصر..قبة بلة الغائب الحديدية...قبة وزير الخارجية الجديد الشيخ الأمين ودالعجوز الحديدية...قبة الشيخ المقرئ جمال الوالى الحديدية...قبة الشيخ عصام البشير الحديدية...قبة عمة حسين خوجلى الحديدية...قبة الكلاكلة القبة الحديدية...ولا نامت أعين الجبناء!!

[ود كترينا]

#1073811 [نقطة نظام]
5.00/5 (1 صوت)

08-07-2014 10:14 PM
اسرا ئيل غير التكتيك وفى الضربات الجاية سيقطع رؤس الافاعي ، لذا الجماعة بقوا يهلوسوا

[نقطة نظام]

#1073807 [اهل العوض]
4.75/5 (3 صوت)

08-07-2014 10:09 PM
البشير وجماعته هم المتوجسين ، اما المواطن العادى ما عنده اى شغلة بالضربات الاسرائيلية ويتمناها اليوم قبل غدا ، نرحب باى ضربة اسرائيلية ، تكالف الضربات اغلى من الاهداف التى تقصف

[اهل العوض]

#1073803 [عثمـــــان]
5.00/5 (1 صوت)

08-07-2014 10:00 PM
اللهم اميييييييييييييييييييين
ي ساسا

[عثمـــــان]

#1073802 [IHassan Alamin]
5.00/5 (1 صوت)

08-07-2014 10:00 PM
اسراىيل لن تضرب أهداف مدنبه و حتى الأهداف العسكريه ستضرب أماكن إنتاج الصواريخ التي استخدمت ضد المدنين في اسراىيل . اسراىيل ليست لها عداء مع شعب السودان .

[IHassan Alamin]

#1073772 [الفاتح]
5.00/5 (1 صوت)

08-07-2014 09:05 PM
الفي بطنو حرقص براه برقص

[الفاتح]

#1073769 [هوج الرياح]
3.00/5 (2 صوت)

08-07-2014 08:58 PM
ارحمونا من صورة هذا الهبنقا

قرفنا .وقرف قرفنا

[هوج الرياح]

#1073759 [على الحسن]
5.00/5 (1 صوت)

08-07-2014 08:31 PM
المدهش ان حكومتنا السنية عادت لتعترف بالضربات التي تلقتها في شرق السودان لاحقا ولكنها لم تفعل شيئا من باب أضعف الإيمان بأن تقدم شكوى للأمم المتحدة أو تدعو لقد جلسة طارئة لمجلس الأمن عن طريق المجموعة العربية او الأفريقية للاعتداء على سيادة الدولة لم تفعل أي شيئ من قبل ذلك والامر نفسه عندما وقع اعتداء على مصنع الزخيرة الإيراني في منقطة الشجرة
الا رحم الله المتنبي
ومن يهن يسهل الهوان عليه ما لجرح بميت إيلام
ثم نسمع الضحيج عن السيادة ودور عزة السودان وتحرير القرار وفحولة البشير في أغاني البنات وما شابه

[على الحسن]

#1073755 [ZA HAGAN]
5.00/5 (2 صوت)

08-07-2014 08:24 PM
If Israel is your enemy , do you think your enemy will alert you before he attacks you ? any simple mind military person will understand that , the last attacks were carried out without warnnings , why do you think they have to warn you this time ?

[ZA HAGAN]

#1073748 [Faisal]
5.00/5 (1 صوت)

08-07-2014 08:05 PM
Ameen Mr. sasa, but you forget to call by distruction for the comunist party as well (alhizb alshyw3y)

[Faisal]

#1073743 [almungash]
5.00/5 (1 صوت)

08-07-2014 07:57 PM
والله ي اسرائيل المرة دي جهزنا ليكي الدفاع بالنظر* عدييييييل كدة!!!!!


*الدفاع بالنظر :الية دفاعية حديثة الابتكار تستمل حصرياً في السودان.

[almungash]

#1073714 [مصطفى]
5.00/5 (1 صوت)

08-07-2014 07:11 PM
.
دى كلها جِرسة و هضربة كيزانية لأنهم شاعرين بضعفهم و عارفين إمكانية نظامهم الضعيف المتهالك , لكن كل هذه الولولة هى مجرد فبركة لرفع شعبية نظامهم الفاسق و خاصة بعد قصص الفساد المتتالية فى الآونة الأخيرة التى ابطالها من مسئولى الصف الأول فى النظام , و كذلك بعد تقاعسهم وفشلهم المُزمن فى التعامل مع كوارث الامطار وهدم البيوت التى أضرت كثيراً بالمواطن ,

و هى أيضاً لإستدرار العطف والمؤآزرة الخارجية بعد إفتقار النظام للأصدقاء فى المجال العربى و الإقليمى و أصبح وحيداً منبوذاً داخلياً و خارجياً ..

ثم ثانياً لو أرادت إسرائيل توجيه ضربة لأحد فإنها لا تنتظر بالأسابيع و الشهور لكى تفعل ذلك , بل لكانت ضربتها سريعة و حاسمة , لأنها لا تأبه ولا تخاف من أى رد فعل عربى أو دولى أو أمم متحدة أو بطيخ ..


.

[مصطفى]

#1073704 [ست النفر]
5.00/5 (1 صوت)

08-07-2014 06:51 PM
زمان كانت ماكينة لحام هسه بقت اسرائيل

[ست النفر]

#1073674 [منى]
5.00/5 (1 صوت)

08-07-2014 06:00 PM
الغايظنى اكتر من حكومة السجم ضعفنا وهواننا على الدول البتهدد فينا ونحن منتظرين بس بتين تضرب ضربتا وندعو الله يخفف علينا ...لو كنا دوله محترمه وعندها قوه كان على الاقل يعملوها بالغموتى كده بدل انتظرونا نحن احتمال فى اليومين الجاين ديل نديكم كف والغريبه لاحكومه لا شعب هاميهو

[منى]

ردود على منى
France [كرتوت] 08-07-2014 11:50 PM
الاخت نى قبل ما تتكلمي في غيظك احسبي لي الدول العربية والدول الاسلامية وبعدين شوفي امكانياتها وتعالي شوفي امكانياتنا يعني كان في داعي نوجه اسرائيل ونحن لي يوم الليلة بيوتنا مبنية بالقش والطين ومواصلاتنا في الريف حمير ؟وزي ما قلتي لو كنا دولة محترمة كنا ننصر فلسطين معنويا فقط لان اهلنا مازالوا في معسكرات النزوح محتاجين لامن وسلام واغاثة .

[Adroab] 08-07-2014 09:12 PM
ياختي ماتخافي نحن عندنا سلاح النظر الفتاك ابتكارات وزير الدفاع ماشايفة الاهبل حتي ماخايف من ذبابة تسي تسي تدخل حلقوا وتصيبوا بمرض النوم ويريحنا ويريح نفسوا حتي يحافظ علي نظروا بلا هوان معاكي وضعف وبعدين اسرائيل لما تضرب تنتقي اهدافها كما فعلت في بورتسودان ومصنع الذخيرة هجمتها اشبة بالعملية الجراحية ودائماً عملياتها بالليل ساعة الجماعة يطفوا لمباتهم وعمك الوزير يكون نائم ومغمض عيونوا ختي لا يستطيع رؤوية الطيران المهاجم سلاحوا فتاك
وأخيراً وليس اخراً الله يكون في عون الشعب مادام الشعب غلبان وما عندوا غليان الا في الراكوبة واخاف الراكوبة تقع

Saudi Arabia [رانيا] 08-07-2014 07:32 PM
هههههه


#1073637 [لللللللللللل]
5.00/5 (5 صوت)

08-07-2014 05:14 PM
يا عالم هوي افهموا اسرائيل لا حتضرب ولا لمحت بالضرب ديل كالعادة لمان يحسوا انحسار في تايدهم ووقوف الجبهة الداخليه ضدهم يفبركوا قصة يوهموا به الشارع ولازم يدخلوا الدين في القصة اسرائيل الغرب يا ناس التوجه الحضاري والشرعية في خطر وهلم جرة ديل حيروا بليس \اتو

[لللللللللللل]

ردود على لللللللللللل
India [ahmed] 08-07-2014 07:10 PM
as you said bro . wish that to bit sudan


#1073629 [Sawt Al Hag]
4.88/5 (5 صوت)

08-07-2014 05:02 PM
شغلوكم و هم قاصدين .. تنشغلوا عن الفاسدين
شغلوكم و هم ماشيـن .. فى السكة تجار الدين

[Sawt Al Hag]

ردود على Sawt Al Hag
Norway [mon] 08-07-2014 09:55 PM
مطلع ممتاز لمونالوج تعبوي ...يا ريت تكمل بنفس النسق


#1073620 [ِAburishA]
4.72/5 (6 صوت)

08-07-2014 04:50 PM
****** بيان هام *****
بهذاا نطمئن جميع مواطني ولاية الخرطوم بأن " ينوموا قفا" وان كل هذه الاشاعات هي استهداف خارجي من العملاء والخونة.. نؤكد لكم ان الخرطوم محمية بقوات الدعم السريع من الجنجويد ضد أي ضربة اسرائيلية.. كمانطمأنكم بأن اسرائيل ممكن "تضرب من الجو بس وتمشي" لكن نؤكد لكم تماما بأنها لن نستطيع النزول الى الواطا.. لان الدنيا غرقانة للركب ومافي شبر واحد فاضي من الموية والطين عشان تتحرك فيه وهذه من نعم الله علينا..

التوقيع:
رئيس اللجنة العليا للضربة الاسرائيلية

صورة لوزير الدفاع بالنظر لاستيراد منظار جاليلو بصورة عاجلة
صورة لجماعة حمزة للتجهيز لاي معركة برية او بحرية
صورة لحميدتي للاعتماد..

[ِAburishA]

ردود على ِAburishA
United States [سوداني قافلة معاو] 08-07-2014 10:52 PM
وصورة للسيد / الحاج ادم يوسف لتجهيز ما يلزم من السواطير من سوق حداحيد رهيد البرد

India [ahmed] 08-07-2014 07:13 PM
haahahahhaaahaahahaahh you r right


#1073602 [Adil A Omer]
5.00/5 (1 صوت)

08-07-2014 04:26 PM
بدوره طالب (((((( الخبير العسكري السوداني اللواء المعز عتباني )))))) في تصريح لـ»البيان« الحكومة السودانية بأخذ التهديدات الاسرائيلية على محمل الجد، لا سيما وان اسرائيل سبق وان نفذت عدة هجمات على اهداف سودانية بالعاصمة الخرطوم وولاية البحر الاحمر.

وده خريج ياتو ادبخانه ؟؟ يكون خريج كلية ساند خرا العسكريه التركيه باسطنبول

اخرتها البلد عدمت الراجل بقو يحرسوها الاتراك

[Adil A Omer]

#1073590 [الخمجان]
0.00/5 (0 صوت)

08-07-2014 04:08 PM
للاسف هناك مشكلة فى فقه الجهاد لدى كثير من المسلمين حتى المعتدلين منهم وليس المتطرفين فقط امثال الاخوان المسلمين كحماس وحكومة المؤتمر الوطنى نتمنى ان ينبرى العلماء الحقيقيون لتوضيح المفهوم الحقيقى لفقه الجهاد

[الخمجان]

#1073584 [التوم الصديق]
0.00/5 (0 صوت)

08-07-2014 04:02 PM
في الواقع البيتو من قازق(زجاج)م بجدع الناس بالحجار ... شخصيآ لا أشك في قدرات قواتنا بس قياداتنا جبانه للدرجة الاندساس عندما يكون هناك حدث يستحق الرد وفوري مثلآ ..الضربات التي تلقيناها من اسرائيل لم نجد الرد وإن كانفي ( كلام خشم ساي) وبعداك ببقوا رايحين .إنتوا خائفين من الموت ؟؟؟
(كدي ابدوها واضرب ويتلقونا قدامكم ونحن بسدها ليكم) عشان انتوا م تموت وتقعدوا وسفوا البلد جبانين

[التوم الصديق]

#1073581 [اب زرد]
3.00/5 (1 صوت)

08-07-2014 03:56 PM
هو حكومة السودان لو عندها اسلحة زي دي كان رجع كاودا وبقية المناطق لدى التمرد .. ممكن ان تكون بلدكم معبر للسلاح لانها سايبة

[اب زرد]

ردود على اب زرد
United Kingdom [نقطة نظام] 08-08-2014 12:32 AM
كاودا بقت مثل القدس

Saudi Arabia [رانيا] 08-07-2014 07:34 PM
ما شفت مسدس البلاستيك الماسكه في الصورة هههه


#1073573 [نبض التعب]
4.94/5 (5 صوت)

08-07-2014 03:45 PM
طلع الموتمر علينا
من ثنيات الرعاع
طلع الموتمر علينا
لبس الدِّين قناعْ
فرض القهر علينا
ورأى الأنثى متاعْ
ورأى النصر المبينا
فى نكاح وجماعْ
أيها المملوء طينا
إنما العقل شعاع
وظلام الملتحينَ
يكره النور المشاع
أيها المدسوس فينا
جئت بالقول الخداعْ
جئت خرّبت المدينة
وقلبتَ السقف قاع
جئتنا بالأمر المُشينا
جئت بالهمج الرعاعْ
سكنوا الكهف سنينا
قوم فقدوا الشراعْ
شَوّهُوا دنيا ودينا
جعلوا الله صراعْ
وأباحوا السرقة فينا
كاللصوص فى المراعْ
وتحلل اشرعوه
ضيعوا الدين المهاب
فى ديار السودانين
مرض مسَّ النخاع
طلع الجهلُ علينا
قال للعلم الوداعْ
إدَّعَ القول الرصينا
واشترى الدِين وباعْ
وجب الصبر علينا
ما دعا للصبر داعْ
ليسوا أتباعَ نبينا
إنهم محض صداعْ

[نبض التعب]

ردود على نبض التعب
United States [الأرباب] 08-07-2014 09:11 PM
بلاغه وخيال رائعين

Saudi Arabia [رانيا] 08-07-2014 07:34 PM
جميل جميل .


#1073532 [ممغوووووس 25 سنة]
3.50/5 (2 صوت)

08-07-2014 02:43 PM
الزول الفي الصورة دا عارف انو عوير ؟كلمو

[ممغوووووس 25 سنة]

ردود على ممغوووووس 25 سنة
Saudi Arabia [رانيا] 08-07-2014 07:36 PM
حاولت أكلمه إتمنّع وإفتكرني " بعاكس " !


#1073524 [خالد حسن]
5.00/5 (1 صوت)

08-07-2014 02:28 PM
وين حميرتو وده المره مايكون عمل حمد لبد
ولارجالاتك يامخنث مع الاطفال والنساء والعزل

[خالد حسن]

#1073506 [فارس]
5.00/5 (1 صوت)

08-07-2014 02:07 PM





إسرائيل لا تهدد ولم تهدد يوما بل تنفذ وتنفذ مباشرة مستغلة عنصر المفاجئة،، وهى بهذه السياسة فقذ هزمت جميع العرب،، هذه هى العقيدة العسكرية لها.

[فارس]

#1073499 [خالد حسن]
4.00/5 (1 صوت)

08-07-2014 01:59 PM
ياحمير جيش الماسوداني ( لانه الواقع بقول انكم ماجيش الشعب السوداني)
انتو قدر اسرائيل؟ الاجابه بدون تفكير حتي الحمير عارفه الاجابه لا
طيب مدخلننا في حرب مع اسرائيل ليه ياحمير؟
الحل ياحمير الجيش انكم تتركو دعم حماس والكلام الفارغ البتعملوا فيه ده
وكان ما فهمتو ياحمير ان شاءالله اسرائيل تدمر الجيشالسوداني كله وتقتل كل افراده
لانه جيش خايب ومالاقين منه اي خير
وماتنط لي جداده وتقول لي خط احمر وخط بنفسجي وده جيش وطنك
لانه ده لاجيشنا ولاقاعد يخدمنا ولابخدم بلده ديل عصابات بتخدم كروشه وشغالين تجارة فحم وحطب وبزنس
غير الانقلابات الفاشله وحكم الحمير والحروب علي الشعب ماشفنا منهم شي

[خالد حسن]

#1073498 [الشعب المقهور]
4.50/5 (2 صوت)

08-07-2014 01:55 PM
لا فى ضربه ولا حاجه الكيزان ديل بيتمنوا تتوجه ليهم ضربه عشان ينالوا عطف من العرب خاصة السعوديه .... لكن اسرائيل ما شغاله بيهم الشغله ولا معبراهم زاتو .... ياخى ديل عاملين زى السكران الما لاقى ليو مكان ينوم فوقو يقوم يمشى للعسكرى فى مكانو عشان يقبضو ويدخلو الحراسه عشان ينوم وياكل ويرتاح من مشاكل الدنيا ... وبرضو العسكرى يطنش يقبضو ..... ديل ح يصلوا صلاة استسقاء عشان اسرائيل تضربهم واهو يلقو ليهم كم مليار من قطر وكم شحنة سلاح تعويض من ايران.

[الشعب المقهور]

#1073489 [عبدالاله]
5.00/5 (1 صوت)

08-07-2014 01:42 PM
هههههههههههه الوزير الابله

[عبدالاله]

#1073475 [الكنزي]
3.82/5 (5 صوت)

08-07-2014 01:28 PM
نفى وزير الخارجية السودانية علي كرتي ارسال السودان اسلحة الى حركة حماس

صدقناك ياكرته ,طيب ماتفسر الكلام القالو اللمبي في حفلة افطار رمضان للصحفيين واذكرك بيها , (نحن قلنا حنضرب ونرد في الوقت المناسب علي الضربات الاسرائيليه في بورسودان واليرموك والان ده الوقت المناسب الصواريخ البتضرب بيها حماس في العمق الاسرائيلي صواريخنا ونحن السلمناها لحماس )

[الكنزي]

#1073470 [ود عز]
4.95/5 (11 صوت)

08-07-2014 01:23 PM
للاسف المتضرر من اى ضربة هو الشعب المسكين فاى ممتلكات تدمر هى ملك له و اى روح تزهق من ابنائه .... ماذا نفعل مع هؤلاء ، اى يوم اضافى لهم فى السلطة سيزيد من مصائبنا ... اللهم الطف بنا و خلصنا من هذه العصابة

[ود عز]

#1073457 [حمدي]
4.70/5 (8 صوت)

08-07-2014 01:06 PM
الانقاذ ادخلت السودان في جحر ضيق بخلق عداء مع اسرائيل و هي لا تستطيع دفع استحقاقات هذا العداء لضعفها و تخلف جيشها --- ختي هذا الجيش الضعيف في طريقه الات الي الانحسار و التلاشي و تم استبداله بمليشيات قبلية و عصابات مجرميين لحماية كراسي الحكم -- اما الوطن و حدوده و وحدة اراضيه تعتبر لدى الاسلاميين اصنام من صنع العلمانيين --- هذا الفكر المتحلف المهزوم لا ينتج الا الدمار و الحروب علي الضعفاء و المدنيين العزل .
دب الرعب في قلوبهم بعد ان تأكد لهم ان تسرائيل ايدا لاحقة .

[حمدي]

#1073436 [عماد الدين سيدى سلامة]
2.77/5 (8 صوت)

08-07-2014 12:41 PM
والله بمعارضتكم للحكومة اصبحتم لاتفرقون بين الصح والغلط ونسيتوا أنه دى بلدكم ووطنكم ماحقت الانقاذ

[عماد الدين سيدى سلامة]

ردود على عماد الدين سيدى سلامة
Saudi Arabia [القرفان] 08-07-2014 03:03 PM
يا سلاااااااااااااام على الوطنية الحقة
وكمان كاتب اسمك رباعي ؟؟
يلا تعال راجعنا عشان عندنا ليك قطعة ارض في منطقة ( حساسة ) اقصد مميزة ..
التوقيع ..
جهاز العفن الكيزاني

United Arab Emirates [kaaaak] 08-07-2014 02:27 PM
نعم يا عماد نسينا الله يدينا البذكرك ده

United Kingdom [خالد حسن] 08-07-2014 02:27 PM
هوي ياجداده
الماعندو وطنيه هي حكومتك الكيزانيه البتحشرنا في مشاكل اكبر مننا
هنديك مصر جيشها اقوي من جيش المخنثين بتاعك ده رغم كده ماقاعده تناكف اسرائيل لانه عارفيين انه ممكن تمسحهم من الارض
انتو وقت مابتقدروا علي اسرائيل الجعجعه ليكم شنو
مره مظاهرات تاييد للفلسطينيين ومره دعم لحماس بالاسلحه
ماتمد رجليك علي قدر لحافك
اها الجهاد العاملين فيها بتفتشوه في غزه جاكم لغاية عندكم يلا ياكيزان اذهبوا انتم والترابي وعبدالرحيم والبشير فقاتلوا انا هاهنا قاعدون ىمتفرجون ولاسرائيل مشجعون
قوم لف قال وطنيه اخر الزمن عملاء حماس دايرين يعلمون الوطنيه


#1073431 [سوداني]
3.88/5 (6 صوت)

08-07-2014 12:33 PM
علي اسرائيل ان تبحث كبش فداء غير السودان انشاء انتو يا حكومة الفساد تكونوا كبش الفداء وتكون اسرائيل كدة ضحت عن الشعب السوداني خاصة اسعار الخرفان حتكون مولعة

[سوداني]

ردود على سوداني
United Kingdom [السيسى] 08-08-2014 11:36 AM
اذا ارادت اسرائيل ان تبحث عن كبش فداء فلن تاتى للميتة ، اسرائيل فقط تقصف مواقع الارهاب من اجل حماية شعبها


#1073427 [أبوالكجص]
3.38/5 (6 صوت)

08-07-2014 12:31 PM
بخلوكم لما تهدوا من الشعوطة والنفخ الإنتو فيهو دا وبعد داك يدوكم على راسكم عشان مايدوكم فرصة ياحكومة تعملوا فيها بطولات ... قال إحتياطات قال.

[أبوالكجص]

#1073410 [منو العوض]
4.42/5 (8 صوت)

08-07-2014 12:14 PM
انتم ماقادرين تطلعوا موية المطر وكنتم متأهبين للخريف عايزين تقدروا علي اسرائيل مازال المرء يكذب ويتحري الكذب حتي يكتب عند الله كذابا والعياذ بالله

[منو العوض]

#1073403 [sudani bs]
4.62/5 (9 صوت)

08-07-2014 12:04 PM
اللهم دمر كل من شارك فى دمار الوطن الجميل
اللهم عليك بالكيزان فانهم لا يعجزونك
اللهم آآآآآآآآآآآآآآآآآآمين ,, اللهم أجعلهم يشتهون الماء ولا يستطيعون شرابها ويتمنون الموت من شدة الالم فلا ينالونه ,, اللهم عذبهم بكل أم بكت أنصاف الليالى على فلذة كبدها أو زوجها أو أبيها ,, اللهم عذبهم وزبانيتهم بحق كل فم جاااع ,, وبطن قرقرت ومريض مات من عدم أستطاعته توفير الدواااء اللهم عذبهم بحق كل زفرات شوق وبعاد يعانيها ابناء المهاجرين والمتغربين الفارين من الوطن بسبب سياساتهم وأفسادهم ,, اللهم أجعلهم يشتهون الطعام فلا يتذوقونه بحق كل شبر من أراضى السودان التى باعوها والتى حبسوا عنها الماء فصارت بووورا تشكوهم لربها ,,, اللهم أنا غير شامتين ولكن أمرتنا بالدعاء على من ظلمنا لذا دعوناك ,, فأن كنتم أيها السودانيين تظنون أن البشير والكيزان ظلموكم فعليكم بالدعاء فأنه أمضى سلااااح ,,أدعوا عليهم بالويل والثبوور وعظائم الامور من سرطان وأمراض

الترابى .. البشير .. على عثمان .. نافع .. الجاز .. الزبيرين .. ربيع .. امين حسن .. غندور
قطبى .. مصطفى اسماعيل .. بكرى .. الخضر .. احمدهارون .. عثمان كبر .. وقوش .. والمتعافى ودوسة .. وسبدرات .. ومامون حميدة .. وحاج ماجد سوار .. وكل باقى التنابلة
وكل من اشترك فى دمار وتشريد محمد احمد دافع الضريبة

[sudani bs]

#1073401 [satalization]
4.32/5 (5 صوت)

08-07-2014 12:01 PM
يا أخوانا عدد "حقوق الرد" المحتفظين بيها وصل كم؟

[satalization]

#1073397 [نتنياهو]
4.60/5 (7 صوت)

08-07-2014 11:58 AM
نحنا من الآن كونا لجنة للتعبئة و الاستنفار و انبثقت منها عدة لجان و هي تعكف الآن على إعداد كميات هائلة من النبل و أم صمنجمنج و أبو شرطاق و النشابات و السواطير وأبو القدح تحسباً للهجوم الجوي أو البري أو البحري و العمل الآن يسير بصورة طيبة لمجابهة التحديات الماثلة و أبوريالة و الصوارمي و البيومي و العتباني لو ما قادرين اليزحو لينا من بني قريظة ديل و حنوروهم نجوم القايلة , نحنا جاهزين تب و مابنفرط , أخوكي يافطومة

[نتنياهو]

#1073386 [غياظ جدا]
4.66/5 (6 صوت)

08-07-2014 11:30 AM
كلها إشعات من الحكومة عشان تنسو موضوع السيول و الامطار ... شعب وهم اسرائيل لو عايزة تضرب ما بتصرح

[غياظ جدا]

ردود على غياظ جدا
Australia [caeser] 08-08-2014 02:54 AM
هذا هو المقصود .. الهدف الاساسي شغل المواطنين عن الحالة المزرية التي يعيشونها نتيجة السيول و البلاوي علي البلاد و العباد .... اسرائيل ما فاضيه ليكم .... اسرائيا ما بتضرب عشوائي زي ما بيحصل في مناطق النزاع في السودان .. كلام فارغ


#1073380 [abshakr]
4.47/5 (7 صوت)

08-07-2014 11:17 AM
لكم شرب ولها شرب يوم معلوم فاين يذهبون من عذاب القبر وعذاب يوم الحشر يظنونه بعيدا وهو فركة كعب والغريبة انهم يذهبون للمقابر كثيرا مشيعين ولا يعتبرون

[abshakr]

#1073379 [sasa]
4.32/5 (5 صوت)

08-07-2014 11:11 AM
هذه فزاعة من المتاسلمين لكسب تعاطف الداقسين المغفلين والسذج من بنى وطنى

[sasa]

#1073372 [مسطول فاق]
4.57/5 (13 صوت)

08-07-2014 11:01 AM
يا جماعة انتو اخبار الصلاة في كاودا شنو ؟صلوها ولا لسه ؟

[مسطول فاق]

ردود على مسطول فاق
Saudi Arabia [مستغرب] 08-07-2014 01:20 PM
إنت الإمام ولا شنو؟ ماتستعجل قريب إن شاء الله.. ستدمر كل معاقل خيالات المآتة.


#1073353 [elkhnsa]
2.25/5 (3 صوت)

08-07-2014 10:44 AM
Salam:
I want to what are the preperations they will do .The people will pray and ask Allah but what about our Goverment.

[elkhnsa]

ردود على elkhnsa
United Kingdom [almungash] 08-07-2014 07:41 PM
they are play and wait me to pray!


#1073352 [jas]
3.88/5 (5 صوت)

08-07-2014 10:43 AM
بعدين اخبار حدجديدة عن ضربات الاسرائيلية خمسة حتات الاول راس عبد الرحيم محمد حسين العوير دي
ثانيا عربية الصواارمي مسيلمة الزمن الحالي دي
ثالثا يد جلابية نافع الكلب دي
ربعا مرابط ابقار حلة كوكو البدعمو لصوص كافوري باللبن دي
خامسا سن مصطفي عثمان اسماعيل المسروق من ده اسرائيلية دي
هذه اخر ابنا عن الضربة الخفيه لكن اسرائيل ما حيخلي البشكير دي وحسب التوقعات المجرم الشغال تحت الرسمي الحمار جداعلي عثمان طة دس

[jas]

#1073339 [البريد السريع]
4.57/5 (10 صوت)

08-07-2014 10:31 AM
انا بقترح انو الجيش السودانى يوجة ضربة استباقية لاسرائيل حماية لمكتسبات الامة والمشروع الحضارى والمسيرة القاصدة وكدة كاااااااااااااااااااااااك بديتو الجقلبة

[البريد السريع]

ردود على البريد السريع
Saudi Arabia [عاصم] 08-07-2014 11:38 AM
انت بتحلم صح النوم يا هذا واقرأ تعليق (على مين ؟).


#1073331 [تباً للمفسدين]
4.47/5 (6 صوت)

08-07-2014 10:24 AM
من الشكل والصورة فعلاً تستحق أن تكون وزيراً للدفاع فى عهد الضلال والكذب والنفاق .

[تباً للمفسدين]

#1073328 [waddo]
3.88/5 (5 صوت)

08-07-2014 10:23 AM
قول يا لطيف

[waddo]

#1073327 [ننقولي]
4.50/5 (9 صوت)

08-07-2014 10:22 AM
والله يا اخوانا اسرائيل انحنا مابنأيدهاولا عندنا معاها مشكلة لكن كونو تجي تضرب السودان دي كيرة ليه يا اخوانا كدة هي البلد دي خاصة بالأنقاذ و لا شنو؟
اسرائيل تبرطع محل ما دايرة بس في السودان لا.
معليش انحنا مختلفين مع حكومتنا لكن ما بنستبيح ارضنا للملطشة.
الليلة كان ما قدرنا نعدل امورنا نستعد ليوم بكرة

[ننقولي]

ردود على ننقولي
[ابو ياسر] 08-07-2014 01:46 PM
يعنى ح تعمل شنو ياشاطر ؟

[عبدو الفحل] 08-07-2014 01:40 PM
المثل السوداني البسيط بيقول مد رجلك على قدر لحافك !

انت داخل البلد مامؤمن جاري تصارع في آخر الدنيا ليه؟

العرب اصحاب القضية و المال و الحال ماسكين خشمن؟

وانت ياسودان دولة هامش بالنسبة للعرب - وعمق افريقي!!!

- قرينا في التاريخ انو من اسباب سقوط الدولة المهدية 1- الحروبات الخارجية على الجبهة الشرقية و الشمالية 2- الضرائب الباهظة التي أثقلت كاهل المواطنين و المغتربين 3- الفشل في السياسة الخارجية 4- المجاعة و غلاء الاسعار .
و كلها تنطبق على دولة المشروع الحضاري الحالي!!!!!!!!


#1073325 [على مين؟]
2.38/5 (8 صوت)

08-07-2014 10:19 AM
ياسلالالام
يعني انتو ضد اسراائيل
يعني انتو حاجة مهمة جدا وقاعدين تحموا الاسلام وبتحاربو اسرائيل يا جند الله !
مرحى مرحى يا حماة الدين !
قوموا لفوا كدا يا عملاء والمسرحيات دي شوفوا غيرها
فوالله لو كنتم انتم حقا اعداء لامريكا ولاسرائيل لزودت الدولتان الجبهة الثورية بالسلاح الكافي لدك معاقلكم في الخرطوم وما كانت في حاجة لغارات جوية اصلا
ولو كنتم تشكلون خطرا عليها لاغتالت كوادركم بالطائرات بدون طيار كما تغتال قادة حماس
او لارسلت اسطول طائرات ليدمر القواعد العسكرية جميعا في دقائق معدودات ، فان كانت اسرائيل دمرت مطارات سوريا ومصر ولبنان في اقل من ساعة في العام 67 فهي اقدر على ذلك اليوم بما تمتلك من امكانيات تفوق مقدرات كل الدول العربية بألف ضعف.
روحوا يا عملاء وبلاش ضحك على الشعب المسكين المسحوق بكيدكم وكيد اليهود وخبثهم

[على مين؟]

#1073315 [المتجهجه بسبب الانفصال]
4.41/5 (12 صوت)

08-07-2014 10:16 AM
الضربة واقعة واقعة ومن مصدر مؤكد المرة دي صلوا العشاء بدري مع المغرب جمع خوف وبتاع الرادار ما يتغطى ببطانية ،،، ليس هذا عدم وطنية منا ولكن هذا ما قدمت وتقدم ايديكم وطالما انتم قدر البتعملوا فيهو ورونا استعدادكم ما يبقى كلام ساي زي كلامكم في المواضيع المحلية،،،

[المتجهجه بسبب الانفصال]

#1073314 [ابو الافكار]
1.99/5 (8 صوت)

08-07-2014 10:15 AM
سبحان الله

[ابو الافكار]

#1073313 [عبدالله البطحاني]
4.05/5 (9 صوت)

08-07-2014 10:15 AM
علي اسرائيل ان توجه عدة ضربات في السودان تشمل:
1) مصانع الاسلحه والذخيره الانقاذيه
2) التجمعات العسكريه لقوات الامن والجنجويد
3) قيادات حماس وفلول الارهاب التي تقيم في السودان
4) ابواق الانقاذ التي تبح ليل نهار في المساجد ووسائل الاعلام داعمة لارهابيي حماس ومشجعة للقتلة والاهابيين من افراد تنظيم الاخوان وبقية التنظيمات ارهابيه بالقتال في غزه
5)ان تقوم الزوارق الحربيه الاسرائيليه بمراقبة ميناء بورتسودان وان تضرب كل البواخر والفرطاقات الايرانيه التي ترسو في ميناء بورتسودان

وسنكون في غاية الامتنان لجيش الدفاع الاسرائيلي الذي لا يقهر,,,

[عبدالله البطحاني]

ردود على عبدالله البطحاني
[Mohd] 08-07-2014 03:27 PM
لا لا لا

اول شي اسرائيل دي كان دايرة تنتقم من حكومة الانجاس ديل تتاكد انه مجلس الوزراء مجتمع وتكنسهم من الوجود

وثاني شي تتاكد انه البرلمان مجتمع ومليان وتمسحه به الارض

وثالث شي القيادة العامة تكنسها من الوجود ودي قمة الاهانة


بعد دا بنكون اتفشينا شوية وكان كملت جميلها وتاكدت من انعقاد المجلس الاربعيني للمؤتمر العفني وكنستهم تكون ما قصرت وكان دمرت رئاسة قوات الامن بمن فيها تكون ما قصرت برضو

Saudi Arabia [منو العوض] 08-07-2014 12:21 PM
6/ نسيت اهم موقع كافوري !!!!!!

Saudi Arabia [عاصم] 08-07-2014 11:42 AM
والله يا عبد الله أخوي هؤلاء الأنجاس جلعونا نؤيد أيّاً من يكون ضدهم حتى ولو الشيطان الرجيم إذا أصبح ضدهم .


#1073298 [موسى الموسى]
2.32/5 (7 صوت)

08-07-2014 09:57 AM
والله يا عبدرحيم : انتم مضروبين لا محالة ووالله لو اقمت ترسانة حول الخرطوم كله سوف تضربوا المرة دي ضربة يعلم بها اهل الارض وملائكة السماء لانو دي اسرائيل ، ولكن من اين لكم بتلك المعلومات يا وزير دفاعنا القوي ؟

طبعا انت وزير قوي مثل حسن بشير رحمة الله عليه الوزراء الجد جد مثل وزراء اليوم وزراء الاسكريم والهوت دوق .

نسال الله ان يقي اهلنا من تلك الضربة هو الواقي وكان عليكم وعليك انت وجيشك هذا والله لتدمر كل السودان وشعبه لكن ربنا احفظ السودان كله وسوف نتضرع لله ان يقي المواطن من تلك الضربة ويجعلها بردا وسلاما على من تقع عليه سواء كان من الجيش او المواطنين لانهم الاثنين مكتويين من تلك الحروب ولكن نساله ان تقع على من افسد السودان وشعبه .
واحال حياتهم لفقر وجوع وجهل مدقع .

اللهم نتضرع لك بان ترفع البلاء والغلاء عن اهلنا بالسودان اللهم رفع البلاء والغلاء عن بلادي السودان اللهم ارفع عن بلادي البلاء والغلاء والمحن ما ظهر منها وما بطن.

يا حي يا قيوم يا حي يا قيوم يا حي ياقيوم . اللهم بك نستجير من البلاء والغلاء بالسودان.

اللهم اجر اهلنا بالسودان . وولي عليهم من يصلح .

[موسى الموسى]

ردود على موسى الموسى
United Kingdom [ود بحرى] 08-08-2014 05:51 AM
نرحب باى ضربة اسرائيلية ،اسرائيل تقصف وبدقة اهداف ارهابية لقادة النظام

Qatar [الحازمي] 08-08-2014 12:00 AM
انت من وين يااللخو؟؟؟
الموسى دا ما من السودان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة