الأخبار
أخبار إقليمية
الحكومة السودانية تزيح (السِّميح) من رئاسة مجلس إدارة شركة كنانة
الحكومة السودانية تزيح (السِّميح) من رئاسة مجلس إدارة شركة كنانة
الحكومة السودانية تزيح (السِّميح) من رئاسة مجلس إدارة شركة كنانة


بعد تسببه في فجوة مع الشركاء العرب
08-07-2014 06:01 AM
الراكوبة : الخرطوم
على خلفية الأزمة التي تسبب فيها بقراره الذي قضى بإقالة العضو المنتدب لكنانة دون الرجوع إلى الشركاء العرب، اتخذت الحكومة السودانية فى أعلى مستوياتها قراراً بازاحة وزيرالصناعة السميح الصديق من منصبه كرئيس لمجلس إدارة شركة كنانة واستبدلته بوزير المالية بدرالدين محمود ــ حسب مصدر مطلع صباح اليوم الخميس.

وقطع المصدر الرفيع للراكوبة بأن التغيير جاء لتلطيف الأجواء وتخفيف حدة التوتر جراء الأزمة الأخيرة، خاصة مع سعي الحكومة السودانية لتحسين علاقاتها بالمملكة العربية السعودية، ووصف قرار الوزير بأنه سقطة كبرى، وزاد من غضب دول الخليج على السودان وسمم مناخ الاستثمار. وكشف المصدر بأن وزير الاستثمار مصطفى عثمان اسماعيل اعترض على اجراءات وزير الصناعة بطريقة اخراجها التي تمت بها، ودعا لمزيد من احترام الشركاء ومنحهم حقوقهم فى اتخاذ القرار حتى لايتضرر السودان واقتصاده.
من جهته كشف مسؤول رفيع للراكوبة أن قرار وزير الصناعة ألقى بظلال سالبة على عمليات التحضير لموسم الانتاج الجديد الذى يبدأ فى اكتوبر وتوقــّع فشل الموسم الجديد عازياً ذلك إلى قرار الوزيرالذى أصاب العاملين بالاحباط إثر تخوفهم من لحاق كنانة بمشروع الجزيرة، وتسبب في عدم صرف العاملين لحافز إنتاج الموسم السابق؛ الشيء الذي جعلهم يقضون إجازة عيد الفطر فى أوضاعٍ سيئة، وختم بالقول إن محور الأزمة ليس فى رحيل العضو المنتدب "المرضي" أو بقاؤه، بل في جهل الوزير بالآليات التى يتم وِفقها انتقال الإدارة فى كنانة بوداع العضو المنتدب واستقبال خلفه، ودعا المسؤول الرفيع وزيرالصناعة لتجنيب السودان المزيد من الخسائر، خاصة وأن الشركاء العرب عقب انسحابهم الشهير من اجتماع مجلس الإدارة الأخير، حمّلوا حكومة السودان المسؤولية المالية والقانونية على كل ما ينتج عن قرارات الوزير، وأن خسائر كنانة منذ اتخاذ القرار وحتى اليوم كبيرة، وقطع بالقول: لو استمر الوضع هكذا فإن مصير (الشراكة العربية) في كف عفريت وأن الموسم الجديد مهدد بالتوقف.

إلى ذلك أفادت متابعات الراكوبة بأن مجالس الخرطوم ظلت تتداول اسماء عديدة لخلافة المرضي حال لم يُجدد له العقد فى اجتماع مجلس الإدارة بعد أقل من 20 يوماً، و رجّح مصدر أن يكون خليفة المرضي من داخل الشركة كعرف متبع فى كنانة، وتبرز أسماء مثل حسن ساتى مدير سُكّر النيل الأبيض المقال وهو موظف فى شركة سكر كنانة، وحسن هاشم عروة، مرجحاً أن يكون الخيار التوافقى لخلافة المرضي مدير التسويق حسن عروة، فيما أُستبعد إسناد الأمر للسيد عبد السيد طه المديرالمالي لكنانة، كطرف فى الأزمة التي نشبت داخل الشركة.



تعليقات 25 | إهداء 0 | زيارات 13899

التعليقات
#1073818 [الممغوص]
0.00/5 (0 صوت)

08-07-2014 10:30 PM
حكمومه الانبطاح الوطني

[الممغوص]

#1073801 [على]
0.00/5 (0 صوت)

08-07-2014 09:59 PM
حسد من الوزير ساكت لان راتب المرضى ومستحقاته التانية عالية جدا زى المديرين فى امريكا فالراجل خاتى عينو على المنصب عشان لو طار يجى يزيد يلغف

[على]

#1073752 [محمدعبدالله محمد]
0.00/5 (0 صوت)

08-07-2014 08:13 PM
مادايرين حافظ ومادايرين مرتبات منشتغل مجان لكن المرضى لا ثم لا لا لا لا لا لا لا

[محمدعبدالله محمد]

#1073684 [حلفاوي السوداني]
4.00/5 (1 صوت)

08-07-2014 06:11 PM
تري ما الذي تم بخصوص قضية (الفساد) التي اتهم فيها السيد / السميح الصديق النور عام 2012 والتي عرفت ب( قضية نيفاشا ) و التي دار حولها لغط بشان صفقات تتعلق بتجارة الصمغ العربي ...

وقال السميح ( حينها ) إنه يمسك عن كشف الحقائق عن تلك الجهات صاحبة الغرض حتى يقول القضاء كلمته في القضية المعروضة أمامه، منبهاً إلى أن تلك المخططات التي أسماها مفضوحة لن تخيفه أو ترهبه.

كما قال أن هناك جهات تخطط لاغتيالة سياسياًمن خلال إحاكة المؤامرات والدسائس والاتهامات المفبركة للنيل منه....

السؤال ؟

هل انتهت القضية . بعد استبعاده من منصبه كنائب رئيس لجنة العلاقات الخارجية بالمجلس الوطني وتعينه وزيرا ...



منقول بتصرف من صحيفة الراي العام

[حلفاوي السوداني]

#1073630 [زول والله وبس]
4.00/5 (1 صوت)

08-07-2014 05:03 PM
* يا الزنكلوك .. السميح الله يديه العافيه ويكبّرو ويكبّر اسمو كمان.
* بس المواليد اللى آباؤهم سموهم على الوزير هل الاسماء دى مؤقته لحد ما "العيال تكبر"
* بعدين اهاليهم(او هم ذات نفسهم) يضبحوا تانى لاعادة التسميه وتكبير ذواتهم عند استطاعة الباءة؟
* ولآ كمان يعنى المعنى الاسماء المصغّره حتستمر معاهم؟؟؟
* اهالى المولودين ديل ما سمعو ألأعنيه " الزول "السمح" فات الكبااار والقدرو" ؟
* اها ما تنسى ان كلمة "القدرو" دى حمالة اوجه ..(ممك تقرأ بكسرة تحت حرف القاف والمعنى يتغير ويدى اشاره الى الكانو "قادرين" او اللى تمكنوا.
*الشاعر ما قال الزول "السميح" فات الكبار والقدرو (طبعن الزول السغيّر اكيد ما بيقدر يفوت الكبار ( اما القدرو فيها قولان)

[زول والله وبس]

#1073550 [نونا]
5.00/5 (1 صوت)

08-07-2014 03:06 PM
والله يا اخواني انا أعجبني الكيزان ديل، أكاد اجزم انهم الجهة الويحيدة ألفي العالم دي البتحتفي بي فاشليها!!!! اي يزول يفشل و يبدع في الفشل ليهو مكان عندهم و مكان كبير كمان، فوق راس الشعب المسكين دا. أهو برضو اخير من غيرهم يعني الواحد يبقى looser و مهمّش! ما بتجي!

[نونا]

#1073531 [صحفى بالخرطوم]
4.38/5 (4 صوت)

08-07-2014 02:42 PM
بمجرد أن أصدر الجنجويدى والدباب السميح قراره بإقالة مدير مصنع سكر كنانة إلا وحدثت زوبعة بين لصوص وتماسيح المؤتمر الوطنى لخلافته وإلحاق المشروع أمات طه مثل مشروع الجزيرة وغيره وفى هذا الصدد فقد قاد الجنجويدى صادق الرزيقى رئيس تحرير صحيفة الإنفصال حملة لترشيح الجنجويدى الآخر على محمود وزير الخارجية السابق لذات المنصب، من جانبه أقام على محمود وليمة عشاء فاخرة فى أحد عماراته الثلاثة لمجموعة محددة من الصحفيين بقصد الترويج إعلاميا وترشيحه للمنصب ولم يكن خافيا بينهم تصميمهم لتولى الأمر وإغتيال شخصية أى إسم آخر بطريقة ناعمة لفسح المجال له كماإقترح أحدهم الإتصال بحميدتى لقيادة حملة ضغط من وراء الستار وفرض ذلك على الحكومة من أجل تعيينه كجزء من نصيب عرب دارفور فى الحكومة،،،،، هكذا يدار أمر السودان لصوصية وحرامية وقبلية وجنجويدية.

[صحفى بالخرطوم]

#1073505 [ahmed]
4.00/5 (1 صوت)

08-07-2014 02:05 PM
احنا قبيل شن قلنا...ما قلنا ليك يالسميح ده صراع جلابة ابعد نفسك منه ...ما تفتكر انك زي الجماعة ديل ..ديل بقتلوا القتيل وبمشوا في جنازته ...احسن تتعظوا وتلموا عظامكم وتشوفوا ليكم قبلة تصلوا فيها..الواحد لو بقي وزير ولي سفير خاتين ليه واحد بتحتو نظير وهو المسير الامور...ولي ما كده........................................؟

[ahmed]

#1073490 [مشعكل]
4.00/5 (2 صوت)

08-07-2014 01:43 PM
اقالوهو شنو؟ قال اقالوهو ؟
الراجل ادئ المؤهمة المنوطة به وانتهت ،

اصلوا مسرحية من المسرحيات العديدة الدائرة علي ارض الوحل .

يعني اصلا من بدأت المسألة ما عارفين دا كلوا بحصل ، ما عارفين في شركاء اجانب .

[مشعكل]

#1073400 [الثائر حتى النصر]
3.62/5 (8 صوت)

08-07-2014 12:01 PM
والله الكيزان ديل جاطوا الواطة جوطة شديدة خلاص العملوه في السودان ما عملتها اسرائيل في فلسطين أعتقد أن نظام البشير سيتعامل مع اسرائيل تحت مظلة غزة ومظلة داعش وإلا كيف سيتم تفاديء الضربة الاسرائيلية القادمة على السودان !!!!!!؟

[الثائر حتى النصر]

#1073377 [حمد_حى عبدالله خضر كنانة]
3.25/5 (3 صوت)

08-07-2014 11:11 AM
فى ذمتك انت جاد فى كلامك
ياراجل اتقى الله البتاباخو خاف الله فوقو
وقول لقراء الراكوبة هل صرفت حافز الموسم؟
ماتبقى مشكلتك المرضى وبسببو تزيف الحقيقة
انا ماعندى ناقة ولاجمل فى انو العضو المنتدب يمش ولايقعد
اناهمى المصنع يكون شغال والعاملين مستقرين وحافزنا متوفر نحل منو مشاكلنا
واولادنا يمشو جامعاتهم.. وياخوى ماتسرق لساننا..قال امات البنات اتلمو بقو يلدن عليه يسمو..والله انا وزيرك دا كان لميت فوقو اخنقو لمن يفطس.

[حمد_حى عبدالله خضر كنانة]

#1073373 [ابو محمد]
2.57/5 (5 صوت)

08-07-2014 11:04 AM
مجرد كذب ليس الا مثل الكلام عن اقالة والى سنار سابقا هكذا ديدن الذين يروجون للشعائعات قرار اقالة مدير سكر كنانه تم بناءا على تعليمات الرئيس شخيصا وباجماع كل من يهمه الامر قال مصدر رفيع كذب وعدم حياء

[ابو محمد]

#1073360 [كاكا]
4.75/5 (6 صوت)

08-07-2014 10:50 AM
السميح محل ما يمشي يعمل (كفوة) ما كفاية افريقيا الوسطي ؟! كان هو سبب موت الاف المسيحين وسبب ابادة الاقلية المسلمة وجا لبد في الخرطوم وزير بعد ما كان عضو في برلمان افريقيا الوسطي (فوضي عجيبة) !!!!!!
و تاني ظهر بي كفوة !!!انتو يا كيزان ما عندكم فاشلين تانين غير مشكوف الحال ده؟

[كاكا]

#1073351 [وندينق]
3.16/5 (6 صوت)

08-07-2014 10:42 AM
اخوى السميح سبق ان علقت فى المرات السابقه وقلت ليك هذا الشخص واثق من نفسه تماما وقال ليك ما بتقدر (تشلعو) واناقلت ليك هذه المباراه مبيوعه وان الحكم سيمنح العضو المنتدب (بلنت)فى الدقيقه الاخيره من الزمن الضايع وقلت ليك من اسمك ده عرفت انت من ياتو جهه اهه يا اخوى بترجع لى اهلك ولا تبقى (حمار غُلُب). اخير ليك ابراهيم الشيخ

[وندينق]

#1073343 [ياسر عبد الوهاب]
3.75/5 (5 صوت)

08-07-2014 10:35 AM
زمان قلنا ليك يا السميح - لمن قلته قرار إقالة المرضي تساندك فيه جهات عليا- ما تتكل علي بشبش ببيعك في اول لفه...

[ياسر عبد الوهاب]

#1073334 [kakco]
2.72/5 (7 صوت)

08-07-2014 10:27 AM
يا اخوانا ده محن شنو هو السميح دع كان شغال كدا لحاله والله شنو يعني الوزارة ما فيها مستشاريين ولجان ووحدات بتجتمع عشان يطلعوا اي قرار وبعدين السميح شالوا خلاص كده المشكة اتحلت والله ضاعت الامانة وبلد يدار بالصورة ده ما عارف النهاية تكون كيف الله يستر

[kakco]

#1073324 [غسان بابكر]
4.80/5 (8 صوت)

08-07-2014 10:19 AM
المنطمرين الوثنيين مفتحين شديد جابوا السميح العسكري الغبي عشان يفوروا بيه المرضي ﻷنه ما كان مخلي للتمساح بدرالدين محمود طريقه للنصب علي أشقاءنا العرب فقاموا ضربوا المرضى بالسميح الشين الغبي وجابوا التمساح بدرالدين محمود رئيس مجلس إداره وبي كدا مفتكرين خﻻص أشقاءنا العرب رضو منهم ...أشقاءنا العرب برضو مفتحين كويس وعارفنكم تمام ومن زمان ثقه مافي...

[غسان بابكر]

#1073317 [waddo]
4.07/5 (5 صوت)

08-07-2014 10:16 AM
الراجل قرر يعمل كدة
طز فيكم وفي العرب الما دايركم

[waddo]

#1073303 [غسان بابكر]
4.00/5 (7 صوت)

08-07-2014 10:05 AM
السميح دا يا أهلي أصلو ولو بالغلط ما مفروض يبقي وزير لكن في زمن بشه ودابعد الغلط بهناك بقي وزير..
في اﻷصل هو عسكري جهاز أقل من حميدتي لكن عشان الموازنات رقوه وزير بس ورقوه وزير ﻷنه إستحقاقاتو بقت عاليه بعد المجهود الجبار القام بيه في أفريقيا الوسطى بعد ما مات مسلميها جميعاً بسبب التخطيط العبقري للسميح...
الله يسيئك وما يسمحك في الدارين. .

[غسان بابكر]

#1073296 [EzzSudan]
3.82/5 (5 صوت)

08-07-2014 09:56 AM
Marddi Samieh ) Belahi Shoof)!!!!!!!!

[EzzSudan]

#1073240 [abubaker]
3.22/5 (6 صوت)

08-07-2014 09:06 AM
لاخير في هذا ولا هذا المفيل الله على الشعب السوداني

[abubaker]

#1073233 [علي حجير]
4.13/5 (6 صوت)

08-07-2014 08:59 AM
البتسوى بعيدك بقلب اجاويدك مثل سودانى دائما قراراتنا خلط ومصيرنا خوف من الاخرين كيف يكون ردة فعلهم علينا

[علي حجير]

#1073212 [الزنكلونى]
2.97/5 (7 صوت)

08-07-2014 08:36 AM
والله نحن ناس كنانه العيد بقى لينا عيدين ازاحة المرضى وعيد الفطر بارك الله فى السميح الصديق كل العاملين دعت ليه بالخير والبركه وفى ناس سمو عليه ثلاثه عاملين يسكنو معانا فى الحى صادف ميلاد اولادهم اقالة المرضى سموهم السميح تيمنا بالسميح الصديق يديه العافيه

[الزنكلونى]

ردود على الزنكلونى
[إسماعيل آدم محمد زين] 08-07-2014 11:25 AM
يا زنكلوني ورينا المرضي مالو؟ ما هي مؤهلاته؟ هل هو حرامي ؟


#1073208 [النسر الذهبي]
4.41/5 (7 صوت)

08-07-2014 08:32 AM
وزير شؤم ده حقو يشتغل في كافتيريا او يكون ست شاي , كان حيكون السبب في خلق ازمة دولية , ده جابوه من وين ده

[النسر الذهبي]

#1073179 [بت أمدرمان]
3.63/5 (4 صوت)

08-07-2014 07:15 AM
قشل .... فشل.... فشل.... فشل...فشل 5 فشل فى عين اللى ما يصلى على النبى

[بت أمدرمان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة