الأخبار
منوعات سودانية
اتهام نظامي بالاتجار في المخدرات
اتهام نظامي بالاتجار في المخدرات



08-08-2014 12:18 AM
الخرطوم – سماح

اتهمت المحكمة الجنائية بالكلاكلة نظاميا بتهمة الاتجار في مخدرات عثرت عليها المكافحة مدفونة داخل منزل يقيم فيه بالكلاكلة، وسقطت التهمة في مواجهة المتهم الثاني لعدم كفاية الأدلة والبينات، وثبت للمحكمة بأنه متهم في قضية أخرى، وحسب الاتهام المقدم أن معلومات توفرت لفريق من المكافحة عن نشاط يتم داخل المنزل. حيث يتخذ وكرا لتخزين المخدرات، وبمداهمة المنزل وتفتيشه أرشد المتهم الثاني الفريق لمكان يتخذه الأول مخبئاً ويدفن فيه المخدرات، وبالفعل تم العثور على (5) رؤوس حشيش مدفونة، وعليه تم اقتيادهما لقسم الشرطة وتدوين بلاغ في مواجهتهما تحت طائلة المادة (15أ) من قانون المخدرات والمؤثرات العقلية، وأوصت النيابة بإحالتهما للمحكمة التي استمعت لقضية الاتهام وشهودها ووجهت للأول التهمة وشطبتها في مواجهة الثاني وحددت جلسة لسماع قضية الدفاع

اليوم التالي


تعليقات 1 | إهداء 0 | زيارات 748

التعليقات
#1073971 [حوت الصحراء]
0.00/5 (0 صوت)

08-08-2014 05:25 AM
الكلام ده بقى استهداف عديل .. شنو البوليس ده ما قاصد إلا ناس النفخ .. أول أمبارح قابضين سوناتا فيها 15 ألف راس ..راس ينطح راس ..
بوليس أهبل ما عندو شغلة .. مالو ما شايف قريب الوالي اللبع ليهو 48 مليار .. ما شايف البت المسيحية الهربت .. أنا قبل كده حذرتهم وتاني ما بحذرهم عشان ما أقعد للتحذير بس وبقول ليهم احترسوا من غضب الشعب ...
أنا ما عندي مشكلة مع العساكر بشكل عام لكن البوليس بقى ما عندو شغلة .. والجيش برضو تعبان شديد بصراحة .. هسة قالوا إسرائيل احتمال تضرب في أي لحظة ونحن غير العساكر في الغرب ما عندنا قدرة .. وبالذات الجنجويد وخصوصاً شمال كردفان وقصة إنو بتاع الجيش قال جاهزين فده كلام فارغ ساي وما ممكن يقنع أي جربوع قاعد في السهلة ...
وبعدين مفروض الناس تتكاتف لأنو الحكومة بقت ما محايدة والبوليس ما محايد والجيش حدث ولا حرج .. غايتو ما عارفين نعمل شنو ... والناس الفاضية القاعدة توجه لي إهانات ما حاقول ليهم يخاطبني السفيه بكل قبح لأنو أنا ما بحب الشتيمة لكن بقول ليهمما في داعي للكالم الفارغ وأنا بتناقش معاهم بالبراهين ..

[حوت الصحراء]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة