الأخبار
أخبار إقليمية
الملتقى الثاني عشر للمرأة السودانية المهاجرة في الفترة من 13 ـ 14 أغسطس
الملتقى الثاني عشر للمرأة السودانية المهاجرة في الفترة من 13 ـ 14 أغسطس
الملتقى الثاني عشر للمرأة السودانية المهاجرة في الفترة من 13 ـ 14 أغسطس
فاطمة خالد زوجة عمر البشير


08-07-2014 04:07 PM
الخرطوم (سونا) تنظم إدارة المرأة بجهاز تنظيم شؤون السودانيين بالخارج الملتقى الثاني عشر للمرأة السودانية المهاجرة تحت شعار: (المرأة المهاجرة رائدة تتطلع الى الثريا) برعاية السيدة فاطمة خالد حرم السيد رئيس الجمهورية ، وذلك في الفترة من 13 ـ 14 أغسطس 2014م ،بمركز انشطة المراة السودانية (ماما).
واوضحت الاستاذة امنة جعفر مدير ادارة المرأة بالخارج - يهدف الملتقى الى التواصل مع المرأة السودانية المهاجرة وربطها بالقضايا الوطنية وإبراز مكتسباتها والتعرف على قضاياها والتحديات التي تجابهها.
وقالت سيناقش الملتقى عدة أوراق منها تداعيات هجرة المرأة المهاجرة على الأسرة وآلية إشراك المرأة المهاجرة في مبادرة رئيس الجمهورية حول الحوار الوطني ودور المرأة المهاجرة في تعزيز الولاء والانتماء للوطن ـ الكيانات النسوية بالخارج الواقع والمأمول ، وإضاءات حول قانون الانتخابات ووضع المرأة فيه ‘والاستثمار الجماعي وتوفير فرص التمويل ،ويصاحب الملتقى برنامج مصاحب يشمل زيارات ولقاء رئيس الجمهورية .


تعليقات 9 | إهداء 0 | زيارات 2205

التعليقات
#1074104 [العنطـــــــــــــــــــــج]
3.00/5 (1 صوت)

08-08-2014 01:42 PM
انتو بشة ده مناسب بكري؟؟؟؟ الوليه دي تشبهو شديد خلاص

[العنطـــــــــــــــــــــج]

#1074052 [د. محمد عبد الرازق سيد احمد]
1.00/5 (1 صوت)

08-08-2014 11:10 AM
بسم الله الرحمن الرحيم




لا تعليق .... ولكن تبكيت ..

اعزائي محرري الراكوبه الكرام ..وزوارها و بني وطني واهلي ...السلام عليكم ..
1- انتهي مؤتمر المعذبين الرجال
2- يبدأ مؤتمر المغذبات النساء ..
3- وبعده مؤتمر المعذبين الأولاد....
4- وبعده مؤتمر المعذبين البنات ......
5- وبعده ؟... الطيارات جات ....
6- من الوهم ...منهم نملأ الخزنه دولارات ...
7- المعادله : مغترب - معذب +نازح = خرمجات ...... اهيييييييييييييييييييييي.. اهيييي

[د. محمد عبد الرازق سيد احمد]

ردود على د. محمد عبد الرازق سيد احمد
[المشروع] 08-08-2014 08:44 PM
المرأة العاملة والمرأة ربة البيت دور هام واهتمام قليل من ادارة المغتربين

هذا الخبر ينشر لأول مرة ولم يتبقى على انعقاده سوى اسبوع واحد؟ تووووو ليت ؟ انا زوجتي طبيية لها عشرة سنوات حتى الآن لم يتصل بها احد او يتم دعوتها الى اي مؤتمر للهجرة ولم يتم تسجيلها ولم يتم مناقشتها في اي موضوع يتعلق بالمراة العاملة المهاجرة او المراة المهاجرة ربة البيت .. ناس المغتربين يضيعوا في القروش في الفاضي وكيسهم فاضي وما عندهم خطة عبارة عن تحركات تخدم علاقاتهم العامة .. وشغل بتاع صبيان واولاد وطلاب لا يودي و لا يجيب

انا مع الاهتمام بالمرأة والتركيز على دور المرأة في المهجر لأنها هي الام وهي ست البيت وهي معلمة الاطفال وتجهيزهم للمدرسة ومراجعة دروسهم بعد العودة من المدرسة وهي تعرف الاولاد منو في سنة كم ومنو عندو شنو .. وهم معلمات الاطفال العربي والدين في الدول الغربية والاوروبية...
زوجتي برغم انها طبيبة وتعلم دوام 8 ساعات هي تقوم بدري وتجهز الاطفال للمدارس من سندوتشات الى شنطة المدرسة وهي التي تستفر الجاء البيت منو والما جاء منو وتتصل بالمدرسة (البنات) وهي التي تذكرني بأن اليوم الفلاني هو يوم الآباء ويوم اولياء الامور ..

وزوجة اخي صيدلانية في احد الدول الاوروربية ومع انها تحضر للدكتوراة في الجامعة وهي مسئولة الصيدلية في مستشفى حكومي كبير ومع ذلك هي مسئولة عن الاولاد وتجيب استاذ العربي والدين وتحافظ على تعليمهم اللغة العربية والدين ... وتتحدث معهم باللغة العربية

ومع ذلك فإن اهتمام ادارة المغتربين بالمرأة المهاجرة لا ينظرون اليها الا الى يديها ورجليها وثيابها فقط وينسوا الدور الكبير الذي تقوم به ...


#1074011 [حوت الصحراء]
0.00/5 (0 صوت)

08-08-2014 09:08 AM
مين الولية الفي الصورة دي؟
هل هي أمنة جعفر؟ ولا فاطمة خالد؟ ...

لو كانت زوجة البشير فأرجو منها إنها تهتم بالمرأة السودانية القاعدة في السودان شوية ومافي داعي للكلام الفارغ بتاع تفتش النسوان من برة عشان تعمل ليهن مؤتمر .. أتمنى غنو تسوي مؤتمر لي ستات الشاي أو الببيعن الكسرة في سوق أم درمان .. ولو ما كانت زوجة البشير بتمنى إنو تهتم بشكلها شوية لأنو مام ممكن تكون بكتبوا عنها أخبار وترسل ليهم صور بالشكل ده .. هي مستورة ما قصرت لكن برضو مفروض ترسل ليهم صورة سياحية شوية ...
برضو بفتكر إنو مفروض تكون في مؤتمرات عن السيول .. ومؤتمر عن غلاء الأسعار .. ومؤتمر عن الجنجويد لأنو ما معروف ممكن الوطن يتعرض لهجوم إسرائيلي غاشم وما هي دي المشكلة الأساسية المشكلة مفروض الناس تعمل حسابها من الكوارث الطبيعية بالذات الأمطار والسيول ..

[حوت الصحراء]

#1073786 [جدو]
3.00/5 (1 صوت)

08-07-2014 09:36 PM
ده كلام فراغ الكيزان سته وعشرين بس موئمرات ملتقيات صرفت كم من الميزانه مازا استفاده الشعب الشعب السوداني من الفرغات دي ده اهدار الي الاموال المسكين والمحرومين والمهمشين الله يسلمهم عن تلك الاموال اين انقت وفيما كسبت اين ثوره المحرمين ثم اسال من هجره المراه السودانيه ولمازا هاجرت الجواب الغلاء الطاحن بلد طارد غلاء يشيب الراس الكيزان ولا همهم هزا الموضوع الشعب السوداني يهاجر يشرد يموت ما عندهم علاقه ابدا بل سيكونوا سعداء ومزيد من الصمود والصبر ياشعب السوداني

[جدو]

#1073689 [مواطن]
5.00/5 (2 صوت)

08-07-2014 06:20 PM
ما بطال معاك يا حاجة فاطمة, أهو وداد بتديك فرصة مرة مرة تتبهرجى فى المؤتمرات الفارغة دى المعمولة بس علشان خاطركم للظهور, صرف وبذخ فقط لتسلية زوجات رئيس الجمهورية.

[مواطن]

#1073687 [ابوبكر]
3.00/5 (1 صوت)

08-07-2014 06:18 PM
انا حاولت افهم منو البتسفيد من مؤتمر اسمو "ملتقى المرأة السودانية المهاجرة" !!
وتحت شعار "المرأة المهاجرة رائدة تتطلع الى الثريا" !!!!!!!
وبرعاية "فاطمة خالد" !!!!!!!!!!!!!

يا خي دي كترة قروش ..
عربات ونثريات وسواقين وأمن ووجبات وفنادق وبدلات وكهرباء وموية وايجار قاعه ووووو ..

وبتين ؟! .. من 13 ـ 14 أغسطس 2014 .. يعني لسة والناس غرقانة والباعوض يقدل في الاحياء ويسرح فيها !!!!


خلينا من اننا نقول سرقة وفساد
دا استهبال وبعزقة قروش وضياع زمن في حاجة افرغ من الفراغ

ملحوظة : اصلك ما حتبقي زي وداد يا فاطمة .. كان شنو داك .. مااااا تعملي فيها راعية والشنو داك .. مااااا بتقي وداد كان كسرتي رقبتك

[ابوبكر]

#1073671 [ahmed]
3.00/5 (1 صوت)

08-07-2014 05:52 PM
يا فاطمة خالد ابعدي من جماعتكم ديل.....ديل حاولوا مع المهاجرين الرجال ما جابت ليهم حاجة...قالوا احسن المغتربين ديل نجيهم عن طريق الحريم... فاموا جابوك لانك مقبولة عند الناس اكثر من الما تتسماش فيا سيدتي ابعدي من الموضوع دا لانو الراكوباب ديل صغبين وما بجاملوا لان الموضوغ(الملعوب) دا الشباب ديل عارفنو.....

[ahmed]

#1073619 [ياسر عبد الوهاب]
0.00/5 (0 صوت)

08-07-2014 04:49 PM
ديل نسوان المغتربين اللي حيحضروا مؤتمر المغتربين الخامس ..تذاكر وإقامه مجانيه مع الزوج..في افخر الفنادق ونثريه كمان..

[ياسر عبد الوهاب]

#1073601 [موجاف]
4.00/5 (1 صوت)

08-07-2014 04:24 PM
"عرب السودان"

لا حول ولا قوة إلا بالله العلي العظيم

ليهو حق يطلع ديكتاتور

البشير

[موجاف]

ردود على موجاف
[المشروع] 08-08-2014 08:36 PM
احسنت يا نوارة يجب الابتعاد عن الاشخاص والتركيز على سياسة الاشخاص... وترك الخلق للخالق ولو شاء ربي لكان الناس كلهم في جمال سيدنا يوسف وزليخا ... المهم السياسة والفكر . الذي يكتوي منه الناس

Qatar [نوارة] 08-08-2014 02:04 PM
اتق الله يا هذا وتذكر قول الآية الكريمة التي تقول ((صنع الله الذي أتقن كل شيء خلقه)) هي لم تخلق نفسها بهذه الخلقة وإنما الله تعالي هو الذي أوجدها بها رجاء لا تتكلموا في شكل وخلقة الناس ويكفي تجريح وتذكروا يوم الحساب يوم يشهد عليك إصبعك ماذا كتبت



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة