الأخبار
بيانات، إعلانات، تصريحات، واجتماعيات
السفاره بالرياض تسرق اموالنا
السفاره بالرياض تسرق اموالنا



08-08-2014 12:06 AM
السيد سفير السودان بالرياض
تحيه وبعد
حسب اعلان وزاره التربيه والتعليم بالسودان يتم دفع مبلغ 25 دولار او مايعادلها لاستلام طلبات التقديم بالنسبه للشهاده العربية وقداحطنا بذلك من سفارتكم الغراء بالرياض،، وعند حضورنا لاستلام طلبات التقديم تم طلب مبلغ اربعين دولار بدلا عن الخمسة وعشرين دولار المعلنه من وزاره التربيه وعند الاستسفار عن السبب قالو موظيفكم بان هذا المطلوب ودفعنا مجبرين المبلغ كي نستلم الاستماره وكنا نزيد عن مية شخص ذلك اليوم وهي الاثنين الموافق4/8/2014وفي صبيحة الثلاثاء ذهب اخواننا لاستلام ارانيك التقديم فطلبتم منهم مبلغ ثلاثون دولار ونحن دفعنا بالامس اربعين دولار ،، اين ذهبت هذه العشرة دولار ياسيادة السفير خلال اربعة وعشرين ساعة ومالذي غير سعر الاورنيك بين عشية وضحاها؟؟ ونحن جاهزين للحضور اليك بالسفارة لاجراء تحقيق في هذا الامر عاجل والا تكون سيادتك مشارك في هذه الجريمة اذ لم تقوم باجراء التحقيق باسرع مايمكن واي ذهبت هذه العشرة دولار،،، هل سيتم ارجاعها لنا؟؟ نحن لانتكلم عن العشره دولار كمال ولكن كمبدأ وحق مشروع لنا ونرجو افادتنا واكرر نحن جاهزين للحضور بالسفاره واثبات ذلك مع الموظفة المسوؤله بسفارتكم رغم انك لاتعطونا اورنيك اثبات بالمبلغ ولكن يتم استلام المبلغ مقابل اعطاء رقم سري لدخول موقع وزاره التربيه للتقديم للجامعات رغم انو الموقع لايفيد ولا يغني عن شيء والله المستعان.

ابو علاء


تعليقات 5 | إهداء 0 | زيارات 1004

التعليقات
#1087156 [محمد ناصر]
0.00/5 (0 صوت)

08-23-2014 09:53 PM
ياجماعه انتو جادين انكم بتتكلمو عن السفاره والقروش ياخي السفير ماعارف عدد السودلنين دعك من المملكه ياخي بس الفي الرياض ياخي ديل مابيستحو علي دمهم

[محمد ناصر]

#1075791 [منتظر لسه]
1.00/5 (1 صوت)

08-10-2014 09:35 PM
الناس الذين قاموا بدفع 40 دولار عليهم أن يحتسبوها عند الله ، وأسال الله أن ينال جميع أبنائهم النجاح المنشود. أما إن تحدثت عن ناس السفارة بالرياض ، أحتاج لوقت طويل لسرد مواقفهم المخزية والنابعة من معادنهم الرخيصة لما يقومون به من ظلم لبني جلدتهم.
يكفي أن تدخل وتبدأ بمكتب الاستقبال فترى العجب العجاب من البهدلة والأوراق المبعثرة ثم تدلف للبوفيه ، أجاركم الله وحماكم من مشاهدة أنواع القاذورات . عنوان يلازمنا حتى خارج السودان.

[منتظر لسه]

#1074539 [ود اشول]
1.00/5 (5 صوت)

08-09-2014 10:00 AM
ابو علاء . انت جديد في السعودية ولا شنو

انت اكيد بتحلم وحلم الجعان عيش . سياسة

السفارة . ادفع وامسك الباب . قال تحقيق قال

[ود اشول]

ردود على ود اشول
Saudi Arabia [السفير] 08-11-2014 12:22 PM
مالك على الزول يا ود اشول ما تخليهو يحلم حتى الحلم عاوزين تحرمو منو


#1074534 [ود ابرق]
1.00/5 (1 صوت)

08-09-2014 09:57 AM
ابو علاء . انت اول مره تدخل السفارة السودانية في الرياض ولا شنو

معروف لدينا ومنذ سنوات طويلة جدآ . السفارة السودانية غير السرقة

والفوضي والإهمال والتسيب واكل حق المساكين الغلابة بالباطل فيها شنو تاني

وذي ما قال ابو يامن . انت بتنفخ في قربة مقدودة . لا حياة لمن تنادي

ابو علاء . سلم امرك لله وادفع .

[ود ابرق]

#1073956 [ابو يامن]
1.00/5 (1 صوت)

08-08-2014 04:22 AM
انت بتنفخ ف قربه مقدودة ماف شئ ح يحصل لانو السفير زاتو ممكن يكون عندو نصيب من الدولارات الزايدة دي

قال تحقيق قال انت بتحلم

[ابو يامن]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة