الأخبار
أخبار إقليمية
الصحة تطالب المواطنين بالتبيلغ الفوري عن الإيبولا
الصحة تطالب المواطنين بالتبيلغ الفوري عن الإيبولا



08-10-2014 01:58 PM

الخرطوم : ندى رمضان
طالبت وزارة الصحة اﻻتحادية المواطنين بالتبليغ الفوري عن أي حالة اشتباه بمرض الإيبوﻻ . وأبدت الوزارة تخوفها من سرعة انتشار المرض بعدد من دول الجوار، وناشد مدير إدارة تعزيز الصحة بالوزارة د. مصعب برير في تعميم صحفي المواطنين التوجه لأقرب مستشفى حال ظهور الأراض المتمثلة في الحمى واﻻستفراغ والإسهال وآلام بالبطن وعضلات الجسم المختلفه وضعف وإعياء تام بجانب فقدان الشهية، ودعا المواطنين ﻻتباع طرق السلامة للحد من انتشار المرض بالبلاد المتمثلة في التعقيم المستمر باستخدام المطهرات والمعقمات وغسل اليدين بشكل مستمر مع ضرورة التخلص من النفايات بالطرق السلمية وشدد على عدم مخالطة الحيوانات الأليفة والقوارض التي تساعد في انتقال المرض . مع اﻻلتزام بتناول الأطعمة من مصادر نظيفة ومعلومة للمواطنين وحذر برير من مخالطة المرضى واستخدام حاجياتهم في إشارة منه ﻻنتقال المرض من خلال التعرض لسؤالهم.

الجريدة


تعليقات 6 | إهداء 0 | زيارات 1827

التعليقات
#1076136 [عمو]
0.00/5 (0 صوت)

08-11-2014 10:10 AM
طيب الوزارة شغلها شنو اذا نحن بقينا نبلغ عن اي حالة اشتباه , الحاجة التانية نبقي دكاترة يعني .. هو نحن فاضيين من تحضير لقة العيش ...

[عمو]

#1075839 [عصمتووف]
0.00/5 (0 صوت)

08-10-2014 11:02 PM
ماهي الايبولا

[عصمتووف]

#1075809 [ود الركابي]
0.00/5 (0 صوت)

08-10-2014 10:17 PM
وبس .. اها حدودنا المفتوحة لكل من هبه ودبه اذا كان انسان ولا حيوان . حاتعملوا ليها شنو . حاتبنوها جالوص .. لكم الله يااهلنا ..

[ود الركابي]

#1075756 [عدس]
0.00/5 (0 صوت)

08-10-2014 08:14 PM
قاعدين في الراحة ويطلبوا من المواطنين كشف مرض الإيبولا , من الواجب عليهم إنشاء نقاط طبية علي الحدود كافة شرقها وغربها شمالها وجنوبها ثم المطارات والمنافذ.لكن السؤال ما هي إمكانياتهم لمواجهة هذا المرض من أجهزة تشخيصية وعلاجية ودوائية؟

[عدس]

#1075623 [أبو قنبور]
0.00/5 (0 صوت)

08-10-2014 04:20 PM
وزارة الصحة تتبنى نظرية الدفاع بالنظر

[أبو قنبور]

#1075594 [وهج الشمس]
0.00/5 (0 صوت)

08-10-2014 03:41 PM
يا جماعة ربنا يكون ى فى عون اهلنا وبلدنا ..

احكى ليكم اجازة صغيرة فى السودان كل انواع المآسى وكل انواع القذارة وكل انواع المعاناة وقعت على اهلنا فى السودان .. ناس عايشة كيف ما عارفة .. بس الحمد لله بقدرة قادر وبنك الله كريم ..

الغلاء فاحش .. كل شىء سعره فى السماء وبعد ده كله مغشوووووووووووووووووش عديل وما نضيف وعدمه احسن من شرايته ..

الصحة .. حدث ولا حرج .. الناس عياااااااااااااااااانة وتعبانة بس بفضلوا البندول على الذهاب الى اى مستشفى مهما كان الواحد يمشى نصيح نص نص يرجع لاقط ليه كم مصيبة تانية معاه من وساخة وعفانة المستفيات والقرف الفيها ..

خالنا رحمة الله عليه .. تعرض لحادث حركة واحدة صباحا نقلوه مستشفى امدرمان الحوادث .. والله والله والله الشفته هناك فى حياتى ما بقدر اتخيل انه فى كوم وسخ وقذارة ومرض قدر كده ووين فى مستشفى .. ما عارفة الناس نست ربنا والموت والحساب .. مسئولين معدومى الضمير..

خالى الله يرحمه من واحدة صباحا حتى تانى يوم اربعة ونص عرفوا يعملوا ليه صورة وطبعا فى حالات تلحقها من اول علشان تتحكم فى النزيف وتعالج اثار الحادث .. بعد الحادث تعرض لتأخير واهمال لا نظير له .. ونقول يومه تم والحمد لله على قضاء الله

بعدها الامطار والبعوض وريحة الموية والحشرات والحاجات الفيها ..

السودان بيئة غير صالحة للانسان .. الحكومة دى وصلت الناس مرحلة متأخرة ..

يا رب تفرجها عليهم وتيسر امرهم ..

والايبولا دا - الاسهال والاستفراغ ووجع الجسم - دى الحالة شبة العامة الليلة فلان وبكرة علان الناس تعبانة شديد .. وبعد المطر والسيول دى الله يكتر البندول .. الموت ببندول ولا الموت فى وسخاة وعفن المستشفيات ..

[وهج الشمس]

ردود على وهج الشمس
Saudi Arabia [كوكي] 08-10-2014 06:29 PM
الكلام دة من زمااااااان , وانتي قبل ما تغتربي مش كنتي عايشة هنا في السودان لكن دة شئ طبيعي الناس الهناك متعايشة مع الوضع انتي بس طولتي ساكت وتلقاك شارع بيتكم ما عرفتيهو من شدة ماشفتيهو ضيق



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة