الأخبار
أخبار إقليمية
مازيمبي يهزم الهلال بأخطاء ساذجة
مازيمبي يهزم الهلال بأخطاء ساذجة
مازيمبي يهزم الهلال بأخطاء ساذجة


شاهد الاهداف
08-10-2014 05:57 PM
على ملعب "كمالوندو" الخاص بمازيمبي بمدينة لوممباشي الكونغولية معقل أصحاب الأرض تواجه اليوم الهلال ومازيمبي وإنتهى الشوط الأول بتقدم مازيمبي بهدف أحرزه لاعبه رينفورد كالابا في الدقيقة 27 وعانى فريق الهلال كثيرا من هجمات مازيمبي الذي سيطر سيطرة مطلقة على الشوط الأول.

واضاف مازيمبي الهدف الثاني في الدقيقة 60 من خطأ ساذج بين دفاع الهلال والحارس جمعة وأحرز اللاعب أسانتي
ومن خطأ ساذج آخر لجمعة جابر تمكن شيباني تراوريمن من احراز الهدف الثالث لمازيمبي في القيقة 76
وقبل نهاية المبارة بدقيقة أحرز لاعب الهلال كاريكا هدفا في شباك مازيمبي لتنتهي المباراة 3 / 1

.


تعليقات 40 | إهداء 0 | زيارات 17633

التعليقات
#1078223 [فيصل سعد الهلالي]
0.00/5 (0 صوت)

08-13-2014 12:16 PM
أخواني جمهور الهلال أثبت أنه جمهور لا يكل ولا يمل من الكلام عن الفريق .. ودائماً يؤمل نفسه بل ويبصم بالعشرة على ضمان الحصول على شيء اسمه كأس دوري الابطال هذه السنة، وفي كل سنة يشارك فيها الفريق .. والواضح أن هذا الأمل لن يتحقق بدليل وصول الفريق للنهائي ... ونصف النهائي .. اكثر من مرات دون تحقيق المراد.
الرغبة الصادقة من غير وعي ودراسة وتخطيط لن يفيد الهلال .. حتى ولو حصل على الكأس هذه السنة أو السنة القادمة ... وإذا افترضنا ذلك فإنه يصبح صدفة ... وكل الأمور في هذا العصر لا تترك للصدفة ابداً.. التخطيط الإستراتيجي ..أهداف قصيرة ومتوسطة وبعيدة المدى للمستقبل.. الإستفادة من تجارب الآخرين في هذا المجال.. اليابان وأمريكا كيف وصلتا الى هذا المستوى في ممارسة كرة القدم ..
تريدون أن تحصلوا على الكأس .. لو كنت مسؤولاً في نادي الهلال لقمت بالخطوات الآتية:


1- تأسيس شركة الهلال الرياضية: شركة مساهمة عامة ( تطرح الأسهم على جمهور الهلال بشكل خاص وعلى الجمهور عموماً).
تعمل الشركة على * الإستثمار الرياضي ( ملاعب قدم ، سلة ،يد، سباحة..الخ) وغير ذلك.
* الإستثمار الاجتماعي ... الاستثمار في المجال الصحي .... الاستثمار في المجال العقاري... الاستثمار في الضيافة ... الاستثمار في الصناعة ...
2- تكوين فرق للبراعم والناشئين في كل أنواع الرياضات... تحت إسم(أكاديمية الهلال الرياضية)..
3- اختيار أفضل الكوادر في التدريب والإدارة.
4-وووووووو

وبعد خمسة إلى عشرة سنوات من تنفيذ ما جاء أعلاه ( طبعاً التفاصيل موجودة) اضمن لكم الإستمرار في الحصول على كأس افريقيا .. ولن ينافسنا احد .. حتى برشلونه وريال مدريد ومانستر سيتي
ما تضحكوا على كلامي ده .. وتقولوا الزول ده بيهضرب .. الهضربة أحيانا تكون المتنفس الوحيد للالم والاحباط

[فيصل سعد الهلالي]

#1076665 [عكليت جدا]
1.00/5 (1 صوت)

08-11-2014 09:20 PM
ما زالت هناك فرصة للهلال
********************************************************
أهدر الهلال 700 ألف دولار على الأقل بعد خسارته من مازيمبي الكنغولي أمس وخروجه من المنافسه .. وسينافس على 500 ألف دولار في مباراته المقبلة أمام الزمالك في الجولة الأخيرة . المعروف أن المتأهل إلى نصف النهائي في بطولة الأبطال يحصل على 700 ألف دولار وينال الوصيف مليون دولار والبطل مليون ونصف المليون دولار بينما ينال صاحب المركز الثالث في المجموعة 500 ألف دولار والرابع 400 ألف .
********************************************************



ويا ربي ناس قريتي راحت في سيكافا ح ينافسوا في بطتين ووزة ولا شنو ؟؟؟؟

[عكليت جدا]

#1076562 [Kamal Mustafa]
1.00/5 (1 صوت)

08-11-2014 06:09 PM
النتيجه السيئه يتحملها التاج محجوب وحده لانه وضع التشكيله الخطأ فلا يعل أن يكون فريق مطلوب منه النصر فقط ولا شي سواه يلعب بهداف وحيد وهو يلعب مع فريق بأن أقوي خطوطه هي الدفاع وثانيا خليفه بعيدا عن المشاركات ويدخله وموجود سيسيه وسيمبو ويغيب الشغيل جمل الشيل ونجم المباراة السابقه وهو الارتكاز السريع الذي يساعد الدفاع وبالرغم من لعبه مدافعا الا ان المدافعين كانوا بدون مسانده فعمر بخيت بطي الحركه
ولعبه مدافعا جعل كل لاعبي مازيمبي يهاجمون فكثرت اخطاء الدفاع لشدة الضغط والهدف الثاني لا يتحمله جمعه أو أتير فكلاهما كانا يريدان الكرة وحصل الاصطدام مع مشاركة مهاجم مازيمبي ولا يمكن تحميل الخساره للاعبين لانك لو كان لديك ميسي واشركته مدافعا لن يفعل شي ومعروف ان بشه اشراكه من البدايه خطأ فني استمر طوال هذا الموسم لانه بشه سريع الحركه ويتحرك بين الدفاع والهجوم بسرعه خارقه مما يعرضه للارهاق والاصابه وبشه يفترض بكون علي دكة البدلاء ويتم ادخاله عند الحاجه وهو علي الدكه لديه الذكاء اللازم لقراءة الخصم ومعرفة من اين يمكن أن يلدغ ويدخل للميدان وهو عالم بالمطلوب وينفذه بكل دقه وثبات التاج محجوب لم تشفع له خبرته كمدرب يعرف لاعبي الهلال قبل قدومه واثناء تواجده مع كامبوس فقام بما هو أسوأ مما قام به كامبوس وهو تلقي الهلال لثلاثه أهداف وجميع مباريات الهلال في هذه البطوله كان الهلال هو من يبداأ التسجيل ، ولو كنت مدربا للهلاب لبدأت بالتشكيل المكون من جمعه وبوي وأتير وسامي(أو سيمبو) وسيسيه كدفاع والشغيل ونلسون كارتكاز وسيدي بيه كوسط يساعده كاريكا الذي يكون دوره دائما التقدم أمام سيدي بيه ومهاجمين اثنين بكري المدينه والجزولي أو محمد عبدالرحمن والبدلاء هم بشه ونذار حامد وعمر بخيت بالاضافه للاثنين الموجودين كاختيار سامي أو سيمبو والجزولي أو محمد عبدالرحمن بالاضاه للحارس المعز

[Kamal Mustafa]

#1076387 [فيصل سعد الهلالي]
1.00/5 (1 صوت)

08-11-2014 02:05 PM
نصيحة : أخذ العجائز ونقل الجنائز من الكونغو ودفنهمم في المقبرة...
المشكلة في الإدارة الجديدة التي ساهمت بقدر كبير في خروج الهلال من هذه البطولة... لماذا تم إنهاء التعاقد مع كامبوس ؟ إذا كانت الإدارة حكيمة وتعمل لمصلحة الهلال، لتركت المدرب كامبوس يكمل مع الهلال جميع المباريات في دور المجموعات ( مع الضغط عليه بعدم إشراك مواطنه سيرجيو الكذاب)...فالهلال أصلا لن يحصل على هذه الكأس إطلاقاً ... حتى ولو بعد عشرين سنة لقدام!!! طالما لم تتغير العقلية التي تدار بها هذه (المؤسسة الرياضية)..
الهلال يحتاج إلى الاستقرار الفني وضخ دماء شابة جدبدة في جميع خطوطه الثلاثة( الدفاع والوسط والهجوم) وقبل كل ذلك إلى إدارة فاهمة وتعمل باستراتيجية رياضية إحترافية عالية .. الهلال وشعبه كنز كبير ولكن من بيده المفاتيج ... من يستطيع إن يستثمر في الأجيال القادمة؟ لنحصل على كأس ولو كان مصنوعاً من خشب؟
..أضم صوتي لجميع الإخوة الذين ساهموا في التعليق على الوجع والهزيمة ... ولكن ما هو الحل ؟ إذا كانت أحوال البلد كلها بنفس المستوى...من وجع إلى وجع ..ومن هزيمة إلى هزيمة ... احسن الواحد يشوف ليهو فريق ثاني .. يشجعوا .... وهذه هي الهزيمة الكبرى أن يتملكنا الإحساس بالإحباط واليأس ... وأنا محبط ويائس للغاية ...انقذونا أنقذونا أنقذونا

[فيصل سعد الهلالي]

#1076318 [saif]
1.00/5 (1 صوت)

08-11-2014 12:44 PM
قال اللاعبين قالوا قبل المباراة دى مباراة حياة اوموت ... باللة ؟

[saif]

#1076311 [sasa]
1.00/5 (1 صوت)

08-11-2014 12:34 PM
مازمبى ............... وماذنبنا نحن ايها الهلال

لكى تفجعنا فيك وتشمت ولاد عمنا الحمر فينا


هووووى يامريخاب .... خلوا عندكم شوية دم وعزونا فى مصابنا

[sasa]

ردود على sasa
Canada [المغبون من الاسلاميين] 08-12-2014 02:24 AM
البركة فيكم يا هلالاب دا حال الدنيا تعالو راجعين الناس مشغوله باالمطره

[ود الركابي] 08-11-2014 11:02 PM
انا مابعزيك وبقول ليك حريقه فيهم الاثنين .. هل بتفتكر جماعتنا ديل بيلعبو كورة .. شوف الدول حولك مصر ليبيا السعودية يوغندا كينيا وخلافه .. اذا نحن لاعبنا كل طموحه في الدنيا زوجه وبيت وعربيه .. لعيبه مروة ماعندهم ولاروح قتالية والغريبه كسلانين في الميدان كمان .. وتحياتي ..


#1076289 [abbasco]
3.00/5 (3 صوت)

08-11-2014 12:21 PM
كوره السجم والرماد عليكم الله ما تغشو نفسكم

[abbasco]

#1076266 [قبضت الريح]
3.00/5 (2 صوت)

08-11-2014 12:01 PM
البلد كلها كوارث حروب سيول فيضانات فساد غلاء وهزيمة الهلال واحده منها وشئ عادي واكثر من عادي خروج الهلال واي فريق سوداني من المنافسات الخارجيه بخفي حنين لان البلد فيه ازمه حقيقيه ولن تحل الا بذهاب النظام الحالي باي وسيله حتي لو تطلب ذلك حمل السلاح

[قبضت الريح]

#1076230 [sasa]
2.00/5 (2 صوت)

08-11-2014 11:35 AM
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا

رياضضضضضضضضضضضضضضضضضضضضضضضضضضضضضضضضضضضضضضضضضضضضضضضضضضة


بدوووووووووووووووووووووووووووووووووووووووووووووووووووون


ديموقراطييييييييييييييييييييييييييييييييييييييييييييييييية



لا رياضة بدون ديموقراطية

[sasa]

#1076182 [TALATEL GBAR ALKHWATER]
1.00/5 (1 صوت)

08-11-2014 10:47 AM
NO COMMENTS

[TALATEL GBAR ALKHWATER]

#1076147 [جركان فاضى]
3.00/5 (4 صوت)

08-11-2014 10:18 AM
اشطب جميع لاعبين الهلال وسجل فى مكانهم لاعبى مازمبى...وتعال بعد سنةشوف النتيجة...سيهزم نيل الحصاحيصا هذا الفريق....فالهلال اصبح مقبرة الابداع الكروى فى السودان...قال اخطاء قال...يا اخى لاعب الهلال يجرى وضهرو محنى تقول عمرو سبعين سنة...وبالرغم من استجلاب افضل المدربين فى العالم الا ان كورتهم شلاليت فى شلاليت....نضف..ايوا نضف الدفاع....دورو....ايوا دورو...وتعلو هتافات وتصفقيق الجماهير...يا حليلك يالسودان الما شفت الكورة بلعبوها كيف فى العالم

[جركان فاضى]

#1076145 [مسطول]
3.00/5 (2 صوت)

08-11-2014 10:17 AM
ما مشكلة يا جماعة السنة دي عدوها خنق !!

[مسطول]

#1076132 [ashraf]
3.00/5 (2 صوت)

08-11-2014 10:08 AM
الرشيد عمر قال الهلال حيغلب 3 وتبعه مجموعة من الصحفيين الله يعين جمهور الهلال / صحف رياضية أي كلام

[ashraf]

#1076110 [ابوهاني]
3.00/5 (4 صوت)

08-11-2014 09:51 AM
الرياضة في السودان فاشلة وعلى الحكومة عدم السماح لأي فريق من الفرق حتى المنتخب من المغادرة خارج السودان لكي يمثلوا ويلعبوا باسم السودان بلا مهازل لا نافع هلال ولا مريخ ولا منتخب وطني كلهم فاشلين .

[ابوهاني]

ردود على ابوهاني
Saudi Arabia [Kamal Mustafa] 08-11-2014 06:30 PM
عن أي حكومه انت بتتكلم الحكومه هي المشكله أساسا وتذكروا المريخ جاب كاس منديلا في نفس عام وصول الحكومه دي يعني بجهد سنوات ماقبل الحكومه التعبانه الظالمه وبعده يا مريخ ما تشوف الا النور لا سيكافا لا كاسات ونحن الهلالاب تدخل الحكومه في نادينا هي المشكله حاربوا صلاح ادريس بكل الاسلحه الرخيصه لانه من ناس الميرغني يعني اتحادي ولجنة التسيير دخلوا فيها أخو العوير أقصد البشير والله لو ما غلطة الحكومه باختيار الحاج عطا المنان كان نزلنا لوري الاولي بالخرطوم ، وسقط صلاح ادريس لانه جماعته كان فيهم اخو العوير والهلال نادي الوطنيه شعبه لا يقبل يفوز من يشرك ذلك الشخص معه وأحونا صلاح ادريس مشجع هلالي منذ عهده بالجامعه وأسألوا صاحب الرأس الذهبي عزالدين الدحيش أما المباراة وما حدث فعندي تعليق منشور عنها أقرأه لو تكرمت

Saudi Arabia [سوداني] 08-11-2014 10:53 AM
لا رياضة بدون تنمية ورخاء وديمقراطية


#1076089 [صلاح محجوب]
3.00/5 (2 صوت)

08-11-2014 09:34 AM
هزم الهلال قبل ان يتحرك من الخرطوم بما كان يكتبه صحفيو الهلال الذين عملوا حرب نفسية لللاعبين بان فريق مازيمبي مهزوم مهزوم الموضوع كان يا ربي يهزموه بكم

[صلاح محجوب]

#1076067 [دوشكا]
1.00/5 (1 صوت)

08-11-2014 09:19 AM
التحية لفتية الهلال رغم المعناة الهلال قدم كورة يشرف الكرة السودان في المحافل الدولية والخارجية والداخلية ولكن ماجاء في الهزائم نقول عدم التكتيك الصحيح والخطة المتوازنة وقراءة الخصم هو سبب مشاكل التى يعاني منها الهلال وليس إلا يعني ما كان نفرض في مبارة فيتا كلوب في الخرطوم ومبارة الزمالك في القاهرة لكن الحظ لم يخدم الهلال ( الحمدلله على كل حال )

[دوشكا]

#1075969 [كاسبر]
3.00/5 (2 صوت)

08-11-2014 07:03 AM
بكرة يلعب الهلال والمريخ فى الكاس والممتاز ضد الاندية الهزيلة ويهلل الجميع كاريكا ابدع والعجب تألق!!!!!!!
عجبى!!!!!!

[كاسبر]

ردود على كاسبر
Qatar [sasa] 08-11-2014 12:38 PM
ياكاسبر هذا الشعب السودانى حالوا مائل وحكومة حرامية وقتلة مطلعه عينو ومنيــــ********هو النملة وهو هائم وفاطى سطر وطاشى شبكة وراء هلال مريخ .... عالم وهم


#1075968 [ابن النيل]
3.00/5 (3 صوت)

08-11-2014 07:03 AM
يا جماعة النتيجة اقل من الطبيعي يعنى 3 مش كتيرة علي مهوسي التمباك

[ابن النيل]

#1075932 [السفير]
2.94/5 (5 صوت)

08-11-2014 04:43 AM
خلى لعيبة الهلال يجوا السودان خلاص عشان يساهموا فى درء اثار السيول والامطار وفتح الخيران زى ما فتحوا مرماهم لمازيمبى ...ويكون رأسنا برد من الهيصة والصداع والنفخة الكضابة.

[السفير]

#1075859 [نكس]
1.00/5 (1 صوت)

08-10-2014 11:57 PM
الرياضة السودانية شانها شان البقية وطبعا كلوا دمار في دمار بعتقد انو الهلال كويس انو ما زال يشارك في البطولات - الا ان الاندية الرياضية محتاجة لهيكلة ونهج علمي في اختيار واعداد اللعيبة وتجهيز ملاعب التماريين - يعني ما عندنا لاعب بيقدر يعرف محيط السطح لجسموا كم - ناهيك عن السجار والشيشة والسهر والبناء العضلي التعبان - ما عندنا لاعب بيحاول يطور من امكانياتو العقلية بالقراية واللغات - ما عندنا لاعب طموحوا الاحترافي اكبر من الهلال والمريخ - ما عندنا ادارة رياضية علي دراية بالاسس العلمية للاندية عشان كدا فكرة النادي في السودان كورة قدم وبس وبيع وشراء لاعبيين تعبانيين ومكبرهم الاعلام

[نكس]

#1075849 [كوكى قرفان]
3.00/5 (2 صوت)

08-10-2014 11:28 PM
مافى حاجه بتتطور فى مستنقعات التخلف قوموا لمجمجتكم اقصد لمجتمعيتكم يرحمكم الله.

[كوكى قرفان]

#1075838 [المهاجر الاول]
2.75/5 (5 صوت)

08-10-2014 11:01 PM
من المترض ان يتم حل فريقي الهلال والمريق ويستوعبهم جميعا في فريق مجابهة الفيضانات واصحاح البيئة ورش وردم البرك وليس لهم مستوى غير ذللك ....................

[المهاجر الاول]

#1075832 [ود نفاش]
3.00/5 (3 صوت)

08-10-2014 10:48 PM
اهزموهم ديل ماعندهمش حكومة

الفشل لا يتجزاء واحسن نخليهم يطلعوا ماء الامطار بدل الملايين التى تصرف عليهم

نحن فاشلين فى كل شئ حتى الكذب لا نعرف نكذب

اىدولة نحن

اخترح ان يتولى الولد غسان رئاسة نادى الهلال

وسلاف الدين صالح نادى المريخ لانهم اليمين ديل اكثر الناس لديهم المال

[ود نفاش]

#1075821 [Kamal Mustafa Ahmed]
1.00/5 (1 صوت)

08-10-2014 10:36 PM
طبعا من المستحيلات التأهل بعد هذه الهزيمه جمعخ لا يسأل عن الهدف الاول والثاني خطأ تداخل اتير معه واصطدموا أما الهدف الثالث ومن كرة قريبه للحارس لم تكن متوقعه دخلت المرمي والخارس جيناروا هو من اوصل الهلال لدوري الكجموعات اذن اين الخطا وما سبب الهزيمه بكا اسف التاج محجوب ادحل خليفه في وجود سيسي وسيمبو وهم اكثر جاهزيه من خليفه وثانيا لانعرف اين الشغيل جمل الشيل الذي كان نجم المباراة السابقه والهجوم الذي يخفف علي الدفاه كان كاريكا وحيدا في الشوط الول ولم يشارك بكري الا في الشوط الثاني مع غياب الجزولي ومحمد عبدالرحمن وبشه مكانه كنبة الاحتياطي لانه الكرت الرابح عند الحاجه له وبصراحه العتب علي فوزي الاسد وبقوب ليهو ده ما هلالك يا أسد

[Kamal Mustafa Ahmed]

#1075795 [الغوريلا]
2.50/5 (8 صوت)

08-10-2014 09:44 PM
إنحنا من زمااااااااآن قنعنا من حاجة إسمها كورة سودانية دي مجرد هضربة و بوبار و وهم , نحنا عمرنا ما بنجيب عمار للبلد دي في الكورة, دي خيابة وبس, و لا حتى غيرة وحرارة قلب زي حقت المصريين ما عندنا ؟!, مجرد لعيبة حناكيش عديمي الهمة و إدارات كرتونية و إعلام مضلل , الله يققققققققققققطع سجم الرماد .....

[الغوريلا]

ردود على الغوريلا
[Flowers] 08-10-2014 11:07 PM
صدقت يا أخي كلامك عين العقل والعجيب في الأمر مازال رعاع السودان يشجعون أنصاف اللاعبين والمقلدين في الغناء والمادحين المشعوذين والأدهى والأمر يحكمهم شاويش لربع قرن ومما يثير الدهشة والعجب شعب كسلان جبان محنط وأصبح مضرب الأمثال في الخضوع والخنوع!!!!!!!!!!!!!!!


#1075778 [ركابي]
1.85/5 (7 صوت)

08-10-2014 09:10 PM
هاردلك للاخوة الهلالاب وطبعا لو ما انصلح حال البلد ما حينصلح حال الفنون والابداع وكرة القدم اللي هي جزء من ذلك...........المهم علي الهلال الالتزام بالنزاهة واداء مباراة الزمالك القادمة بقوة وتناسي انه خرج من البطولة علي الاقل لرد الاعتبار وحفظ ماء الوجه

[ركابي]

#1075773 [امدرماني سوداني]
2.99/5 (9 صوت)

08-10-2014 09:00 PM
كوره قال الناس غرقانه البلد منهاره يا جمهور هلال مريخ وكل الفرق السودانية اخرجو الي الشوارع كفاية تنويم لكم من الكيزان بالكوره بلد ما فيها استقرار مافي اي شيء حا امشي تمام
اخرجوا الي ثورتكم انحنا لاعبين في الزمن الضائع

[امدرماني سوداني]

#1075765 [سموحة]
2.99/5 (9 صوت)

08-10-2014 08:52 PM
بلاهلال بلا مريخ بلا صحف رياضية تبيع الوهم للجمهور المغلوب علىامره قاطعوا الصحف والمباريات

[سموحة]

#1075760 [فركتو]
3.00/5 (5 صوت)

08-10-2014 08:30 PM
الهلال المهلهل معسكر لينا 15 يوما في الكنغو والنتيخة الراجع بيها خمسة اهداف من الكنغو 3 مازيمبى و2 فيتا فضحتونا

[فركتو]

#1075754 [زول والله بيعرف شويه فى الكوره]
3.00/5 (2 صوت)

08-10-2014 08:08 PM
برضو! لا العارف عزّو مستريّح ولا الكردينال حيبأى بابا!! فضوها سيره بأه .. احسنلّوكو حصلو الوثبه ولندغام أبل ما يفوتكو لسترداف!! والحكايه "توخلوص" أأه دانتو غلطانين يا كردينال .. دنتو كان لازم تأقّلو الماتش عشان العيال اللعيبه بتوعينك يكونو موقودين ويستمعو الى الريّس صباح اليوم وياخدو التبريكات أبل ما ينزلو الملعب.. يخساره ,, تخصرو مرتين.. ماحصرتوش الخطاب وخصاره كمان علملعب حرااام .. دا حرااام.. ربنا خيحسبك يا كردينال.. اعمل حسابك المرّه اللى قايه.. دنا حظرتك ..اهو انت حر!!

[زول والله بيعرف شويه فى الكوره]

ردود على زول والله بيعرف شويه فى الكوره
Canada [سودانى طافش] 08-11-2014 05:43 AM
دى نتيجة أناقريت فى الزقازيق وأنا قريت فى المنصورة !

[اب عضل] 08-11-2014 12:53 AM
الاخ من طنطا

Saudi Arabia [اب شلاضيم] 08-10-2014 09:33 PM
انت كلب
لا تتكلم بهذه اللهجة البغيضة يا بغيض
قال زول سوداني
اسد نيتك


#1075746 [عكليت جدا]
1.00/5 (1 صوت)

08-10-2014 07:31 PM
فرصة الهلال للتأهل مازلت قائمة وذلك بخسارة فيتا من الزمالك اليوم وخسارته ايضا من مازيمبي في المباراة القادة سيظل ب 7 نقاط وبلا اهداف
وبخسارة الزمالك من الهلال في اللعبة القادة بعدد وافر من الاهداف سيكون الهلال برصيد اعلى من الاهداف وبسبعة نقاط وما تقولوا حلم الجيعان عيش كل شيء ممكن مع المجنونة.

[عكليت جدا]

ردود على عكليت جدا
Saudi Arabia [alshafy] 08-11-2014 10:44 AM
خليك نائم على كده...
فيتا هزم الزمالك ولحقه الهلال...
انتظروا المعزات...املكم اصبح زي امل
ابليس في الجنه...
لسه بتقول في امل....
نعم في أمل عطبره

Saudi Arabia [الجمولابي] 08-10-2014 11:53 PM
أبشركم الزمالك خسر من فيتا

United States [ركابي] 08-10-2014 11:33 PM
الزمالك مغلوب واحد صفر في ارضه وبالنتيجة دي فيتا حيرافق مواطنه مازيمبي ...ده يدل علي تطور الكرة في الكونغو الديمقراطية فريقين من نفس البلد ويصعدوا للمربع الذهبي واحتمال كبير يلطشوا وفاق سطيف والصفاقسي ويفوز واحد منهم بالبطولة وتحطمت نظرية الامكانات المادية لانو اندية الكونغو ما بتصرف واحد علي عشرة من البيصرفوهوا ناديي المريخ والهلال

Saudi Arabia [ادريس] 08-10-2014 10:37 PM
يا عكليت يا ابعينن قوية لما الفرق تتساوى في النقاط بشوفوا اللقآت المباشرة مش عدد الهداف الصافية واللقآت المباشرة حبيبنا فيتا مليس ليكم في الكونغو ومتعادل معاكم في الزريبة ،،، قال بعدد وافر قال ،،، يعني كان جبتو مية خم وادي البحر

Saudi Arabia [كوكو] 08-10-2014 10:32 PM
يا كوكي المواجهات المباشرة في حالة تساوي الفريقان في كل شيئ ولكن الاول الاعتماد على الاهداف وكلام عكليت جدا مظبوظ لا زالت فرصة الهلال قائمة لكن ممكن مازيمبي وفيتا يلعبوها وتطلع تعادل ويطير الزمالك والهلال

Sudan [ابوعديلة المندهش] 08-10-2014 09:53 PM
عشم ابليس فى الجنة

Saudi Arabia [كوكي] 08-10-2014 09:46 PM
لاتحسم بالاهداف يا عكلتة انما تحسم بالمواجهات المباشرة ابقى مارق

Saudi Arabia [عاشق] 08-10-2014 09:43 PM
دا كلو عرفناهو ما حلم جيعان ، لكن ورينا الأعداد الوافرة دي تبقى كم هدف ؟؟؟؟؟ هههههه


#1075731 [saleh]
1.00/5 (1 صوت)

08-10-2014 07:06 PM
mabrook llhelal altaahol

[saleh]

ردود على saleh
Sudan [ابوعديلة المندهش] 08-10-2014 09:55 PM
قلت شنو يا الأخو ؟ لكن اهنئك قوة عينك .

Saudi Arabia [هلالابي] 08-10-2014 09:25 PM
Allah yebarik feeek


#1075718 [لللللللللللل]
3.00/5 (2 صوت)

08-10-2014 06:49 PM
قدم الخير يا كردنال

[لللللللللللل]

#1075714 [كوكي]
3.00/5 (2 صوت)

08-10-2014 06:43 PM
والخمسة ماشية الله يستر من التمانية

[كوكي]

#1075711 [كوكي]
2.50/5 (2 صوت)

08-10-2014 06:40 PM
الله يستر من الخمسة بس

[كوكي]

#1075703 [DR SAME AL]
3.00/5 (2 صوت)

08-10-2014 06:28 PM
لن يعود الهلال الا بعودة صلاح ادريس

[DR SAME AL]

ردود على DR SAME AL
[ود الركابي] 08-10-2014 07:48 PM
والله اذا جبنا الملياردير ترامب بنفسه الحال في حاله .. نحن شعب فاشل في دولة فاشلة لما تقوم الساعة ..


#1075698 [كوكي]
2.94/5 (6 صوت)

08-10-2014 06:22 PM
سودان الحزن الغريب لا شئ يفرح ابدا فشل على جميع الاصعدة حزززززززززززززززززززنننننننننن

[كوكي]

ردود على كوكي
Saudi Arabia [سعيد الياس] 08-10-2014 07:16 PM
كلامك صاح يا كوكي ..الله يكون في العون ...لاشي يفرح في هذا الوطن التعيس .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة