الأخبار
منوعات سودانية
رفض إعادة العربون برغم (وفاة العروس)... بلاغ في مواجهة مدير أعمال ندى القلعة
رفض إعادة العربون برغم (وفاة العروس)... بلاغ في مواجهة مدير أعمال ندى القلعة
رفض إعادة العربون برغم (وفاة العروس)... بلاغ في مواجهة مدير أعمال ندى القلعة


08-12-2014 12:42 AM
الخرطوم: تفاؤل العامري
رفض مدير أعمال الفنانة ندى القلعة إعادة عربون حفل زواج كان من المفترض أن تتغني فيه القلعة بصالة سنبلة ولكن شاءت إرادة الله أن تغادر العروس إلى دار الخلود قبيل الحفل، وتعود التفاصيل -بحسب مصادر مطلعة- إلى أن أسرة العروس الراحلة أبرمت عقداً مع الفنان عاصم البنا والفنانة ندي القلعة لإقامة حفل زفاف كريمتهم بصالة سنبلة إلا أن الأقدار شاءت أن تنتقل العروس إلى جوار ربها قبل أسبوع من إكمال مراسم الزواج، فما كان من الفنان عاصم البنا إلا أن قام مسرعًا باعادة العربون إلى أسرة الفقيدة وفي ذات الاتجاه مضى صاحب الصالة بإعادة المبلغ إلى الأسرة المكلومة، عدا مدير أعمال الفنانة ندى القلعة الذي ماطل الأسرة في بداية الأمر ومن ثم رفض إعادة المبلغ فما كان منهم إلا أن قاموا بفتح بلاغ في مواجهته بالقسم الشرقي بالخرطوم وحددت أول جلسات البلاغ في الثامن عشر من الشهر الجاري.

السوداني


تعليقات 28 | إهداء 0 | زيارات 23055

التعليقات
#1568218 [Alsadig]
5.00/5 (1 صوت)

12-18-2016 11:06 AM
يتم تغيير العقد من غناء إلي ردحي ونواح وأن تقوم ندي القلعة بالنواح والردحي وتسخين بيت البكاء ويكون بذلك مصدر دخل جديد للفنانة الشربف مبسوط مني

[Alsadig]

#1565720 [عاشق الجاحظ]
0.00/5 (0 صوت)

12-14-2016 06:50 PM
قال الجاحظ، "من تمام صنعة الغناء سوء الخلق" وهذا ما أثبتته لنا ندى القلعة برفضها إعادة عربون حفل توفيت العروس قبل إقامته!

[عاشق الجاحظ]

#1565244 [محمد الفاتح]
0.00/5 (0 صوت)

12-14-2016 09:02 AM
أنا عندي إقتراح بفض المشكلة ويرضي الطرفين وهو أن يتم تغيير العقد من غناء إلي ردحي ونواح وأن تقوم ندي القلعة بالنواح والردحي وتسخين بيت البكاء ويكون بذلك مصدر دخل جديد للفنانة الشربف مبسوط مني

[محمد الفاتح]

#1563660 [al mahey]
0.00/5 (0 صوت)

12-12-2016 11:49 AM
هذا زمان الفسدة والفاسدين هم اصحاب الاموال والثروات اشكالهم اتغيرت صاروا بيض الايهاب ومتان دا ما حسد وما فيش شى يحسدوا عليه قروش الحرام عمرها مابتبسط ولا بتنفع . غايتو استحوا اصلا لو كان فيهم حياء ما كان غيروا خلقة ربنا ارجعوا لاشكالهم زمان حسبنا الله ونعم الوكيل

[al mahey]

#1087505 [الامين عبدالله]
5.00/5 (4 صوت)

08-24-2014 10:47 AM
عملتو ليها قيمة أكبر من جسمها. أياهاقلاعة العرابين . اختشى ياندى فى موت . ما تتخيلى إنك مخلدة فى الدنيل دى . آخرتها كوم تراب

[الامين عبدالله]

#1077738 [الميت مغسة]
5.00/5 (4 صوت)

08-12-2014 11:11 PM
قلعةقطن جاف ميت بلا احساس والضرب علي القلاع الميتة اصلا حرام

[الميت مغسة]

#1077695 [شمالى]
4.50/5 (5 صوت)

08-12-2014 09:54 PM
الحق مش عليها ناس بتدفع فلوس لانو ما تعبانيين فيها بيع اراضى وعمولات وسمسرة ووووالخ

[شمالى]

#1077687 [أحمد البكري]
2.50/5 (3 صوت)

08-12-2014 09:44 PM
يا جماعة الميت منو العروسة ولا ندى القلعة
لو ندى اللي ماتت أهل العرس ياخذو عربونهم وهي تتحاسب عند ربها
ولو العروسة ماتت يطير العربون أو تجي ندى تغني لهم في العزا ويكملو لها حقها
انتو بتتكلمو كيف والجماعة اللي بيشتمو في ندى مالكم نسيتو الناس اللي جابوها .
ماهو كلو يشبه بعضو على قولهم ( اتلم المتعوس على خايب الرجا)

[أحمد البكري]

#1077685 [أبوبسملة]
5.00/5 (4 صوت)

08-12-2014 09:42 PM
ندى القلعة كدة برهنت لمن لايفقهون انها ليست سوى نكرة ومفتقرة لكل شى
انا مابلومها بلوم البشرية الساذجةالتى تعتبرها مغنية

[أبوبسملة]

#1077437 [Quickly]
5.00/5 (7 صوت)

08-12-2014 03:28 PM
المراء الجربانة دي ينطبق عليها المثل القائل (الماشفتو في بيت ابوك بخلعك) رغم الثروة الهائلة الا ان جشعها لم يقل وفوق دا مابتعرف تغني وما بتعجب الا الكيزان هي التاني الاهبل الاقرع داك فار فور
الله يرحم العروس

[Quickly]

#1077398 [ود ام درمان]
5.00/5 (6 صوت)

08-12-2014 02:48 PM
والله كلمة للحق
انا زواجي بعد شهرين عقبالكم كده
و الوالدة العزيزة كانت نفسها في ندى القلعة
انا امكانياتي مابتسمح اجييها
حاولتا مع رجل اعمالها كتير بس كانت مصرة على 23 مليون
في النهاية نزلو لي ل 17 مليون
وعشان شفتا الملبغ ده حرام عليها وده ابتزاز
وانا لو دفعتا مبلغ زي ده بشارك في الابتزاز ده
قمتا مشيت للفنان الخلوق عصام البنا
وافق وعمل لي خصم رائع جدا
وقالي لي انت وقدرتك
شكرا عاصم البنا
ونأسف على حالك يا بت القلعة

[ود ام درمان]

ردود على ود ام درمان
United Arab Emirates [جفال الجلابى] 12-15-2016 12:28 PM
باخى فى الظروف دى لو انبرعت بنصف المبلغ للمساكبن مش كان أحسن آهو دعواتهم فقط تنفعك قدام

Saudi Arabia [ود الركابي] 08-12-2014 05:37 PM
يااستاذه ندي رجعي العربون لاصحابه بلاش فضائح . انتي محتاجه لعربون .. مع اني بعتبرك ذكية جدأ..

Saudi Arabia [تباً للمفسدين] 08-12-2014 05:19 PM
23 مليون حفلة ندى القلعة !!؟؟؟
وكيسه فاضى من الغناء !!؟؟
فعلاً يرزق من يشاء بغير حساب .


#1077345 [ركابي]
5.00/5 (19 صوت)

08-12-2014 02:02 PM
ربنا يرحم العروسة ويعوض شبابها الجنة.........

قالوا في بقرة وارنب عميانيين قاموا حبوا يتعارفوا البقرة قالت للارنب كدي عرف نفسك قام قال ليها انا كائن صغير وعندي فرو وبنطط وبحب الجزر اها عرفتيني؟؟قالت ليهو ايوة انته الارنب اها انا كائن ضخم وعندي شطوور كبار وصوتي بيقولوا عليهو خوار وناس نيجيريا بيحبوني اطلع شنو؟؟؟الارنب قال ليها تطلعي ندي القلعة

[ركابي]

#1077341 [Wad Alamin]
5.00/5 (3 صوت)

08-12-2014 01:59 PM
هو الناس لو عندهم قيمة والله امثال هذه الغذرة ما تعتب باب بيتهم والله فعلا نحن في زمن الغفلة هذا زمانك يا مهاذل فامرحي تستاهل نحن عشان عاملين للقمامة قيمة

[Wad Alamin]

ردود على Wad Alamin
Qatar [الشمالية] 08-12-2014 05:54 PM
الناس العندهم قيمة (عدم) الا مارحم ربي


#1077335 [أكره الكيزان]
3.00/5 (2 صوت)

08-12-2014 01:52 PM
لا تسموا الاشياء قبل معرفتها .. هل هو عربون أم نسبة من قيمة تعاقد ؟
على ماذا ينص العقد
إن كان "عربون" العربون لا يسترجع .. اما المسميات الاخرى يمكن ان تسترد

[أكره الكيزان]

ردود على أكره الكيزان
Qatar [الشمالية] 08-12-2014 05:55 PM
ياشاطر الناس ماقاعده تتكلم في الماديات ( عدم )

الناس بتتكلم في الاصول والاخلاق

United Arab Emirates [abdo] 08-12-2014 05:48 PM
سيبك من القانون والحقوق وييييييييين القيم والاخلاق؟


#1077225 [Abo Sara]
5.00/5 (7 صوت)

08-12-2014 12:23 PM
الشريف زعلان مني - تفوووووووو - فقاعات زمن الانقاذ الردئ .

[Abo Sara]

#1077220 [هجايم]
5.00/5 (6 صوت)

08-12-2014 12:21 PM
جنس جوع ناسية انها ماشة نفس الدرب ديل مغنواتية الانقاذ ... من الموتى كفن
اللهم ارحم العروس

[هجايم]

#1077213 [Sarah]
5.00/5 (1 صوت)

08-12-2014 12:18 PM
دي مفروض تحصل ليها مقاطعة

[Sarah]

#1077100 [بركة بجاوي]
5.00/5 (5 صوت)

08-12-2014 10:51 AM
فقمه و قمه في الانحطاط و السفالة

[بركة بجاوي]

#1077095 [كتاحة امريكا]
5.00/5 (1 صوت)

08-12-2014 10:48 AM
ندوية والعيش على اكتاف الموتي


رحم الله العروسه

[كتاحة امريكا]

#1077074 [Abu Aram]
5.00/5 (6 صوت)

08-12-2014 10:30 AM
عامله فيها محترمه وبتشعر بمعاناة المتاثرين بالسيول وتتبرع ليهم ... هذه نكرة ووصمة عار في جبين الغناء السوداني

[Abu Aram]

ردود على Abu Aram
Qatar [الشمالية] 08-12-2014 05:58 PM
الناس القبلو بتبرعها الله يستر عليهم من زلزال


فنان العرب المحترم / محمد عبده --- قالو في السعوديه بنى ليهو مسجد وهدموه ليهو عشان من قروش الغناء


#1077060 [الحاوي النقراوي]
5.00/5 (10 صوت)

08-12-2014 10:18 AM
يا هو دا الفرق بين اولاد الناس والملاقيط

[الحاوي النقراوي]

#1077024 [Mohmaed Alit]
5.00/5 (11 صوت)

08-12-2014 09:56 AM
رحمة الله على العروس.
المدعوة ندى القلعة.. لو في حكومة، بعد شريطها في نيجيريا وبلاويها لمنعت من الغناء تماما.

ولماذا يطلبها الناس في حفلاتهم.. والله منذ ظهورها لاأطيق سماعها
فكيف بعد فضائحها .. الناس لم تعد تميز بين الغث والسمين.

[Mohmaed Alit]

#1077002 [mohammed khalil]
5.00/5 (10 صوت)

08-12-2014 09:44 AM
يا اخوان الضرب على الميت حرام يعنى شنو المتوقع من ندى القلعه وامثالها الناس تكون موضوعيه والعيب من اهل العيب ماااا عيب

[mohammed khalil]

ردود على mohammed khalil
Saudi Arabia [khalid] 08-12-2014 03:39 PM
liiiiiiiiiiiiiiiiiiiiiiiiiiiike


#1076999 [تعليق]
5.00/5 (10 صوت)

08-12-2014 09:42 AM
ندي دي والله العظيم لمن اسمعها بكون عاوز اتف ,,,بحس صوتها طالع معاه مخاطة وبحس بالقرف منها بدون ما اشعر ..الفنانه الوحيدة اعضائي تكرها قبل عقلي

[تعليق]

#1076955 [عصمتووف]
5.00/5 (8 صوت)

08-12-2014 09:07 AM
لم اسمع ب محمدي وردي وداللمين والكابلي لديهم مدراء اعمال المهم اللهم ارحم العروسة واكرمها في الدارين وعوض زوجها

[عصمتووف]

ردود على عصمتووف
[عصمتووف] 08-12-2014 09:53 PM
ليس غريبا علي ندي كفته التي طردت سواقها الخاص


شكرا ي العوضكوف علي الكلامووكوف اللذيذوف
اخي النبيل انها من السخريات والمضحكات كنت اقارن بين فنانينا عواجيز زمان وهؤلاء كنت استمع للاذاعة لما كانت اذاعة احد اللعيبة علي ما اذكر من سنار وكان الحوار عن الولاء وحب الكره والنادي والله العظيم قال ذهب او اتي لمدني راجلا ليلعب الكره مع فريقة المهم رجع كداري ومنها اطلقوا علية لقب القطر عواجيزنا نحتوا الصخر علمونا معني الحب والوفاء والاخلاص ذهبوا نفوسنا ب اختيارهم الانيق لمفردات الشعر والشعراء هم سخلان اليوم وعنزاياتهم كونوا كل ثرواتهم من عرق العواجيز المراحيم والاحياء كل الافات سببها متعهدي الحفلات واجهزة الاعلام المقروءه والمشاهده والمسموعة بس كل ي لطيف
** فعلا انا قديم جدا والدليل تعصبي للفلاتية وحسن عطية واحمد المصطفي ووردي والتاج وصلاح مصطفي وعبد الحميد يوصف ومني الخير وعائشة خميس واوداللمين ابوداؤد الخالدي مصطفي سيد احمد سيدخليفة الهادبي حامد ودالجبل والكابلي والعاقب احمد حسن والشفيع هؤلاء تجدهم في سيارتي ومكتبتي وعقلي وروحي اطرب لهم اكثر من الكاروري واشكاله في خطب الجمعة
ولك ودي

Saudi Arabia [العوض] 08-12-2014 11:27 AM
عصمتوف انت قديمووف لا ود اللمين ولا وردي حضرو اللكزس والمايبخ انت عارف ندي عندها كم من العربات الفارهه انا ما عارف انت عارف اقل فنان الان بكون راكب توسان بي 500 مليون يعني مصاريف العربيه الشهريه من بزين لي صيانه لي بكش بجيب راتب ثلاثه مدراء اعمال دا طبعا نوع من المبالغه لكن ساهل جدا مدير الاعمال اي واحد عاطل ممكن يكون مدير اعمال يرد التلفون يعمل مواعيد حفلات يحجز تذاكر سفر وووو واضيف ليك اخوي زمان لعيبة الكورة العلموا الناس الكورة كانوا بركبوا مواصلات تعال الليله شوف اقل قنيط راكب كامري جدو السابع عشر ما يحلم يغسلوا يعني عصمتووف اي زمنووف بي رجالوووف والله يرحم الاموات ويعوض العروس شبابها الجنة


#1076897 [suliman]
4.97/5 (10 صوت)

08-12-2014 07:32 AM
التحيه للفنان عاصم البنا ابن احدي الاسر المتشربه بالاصاله السودانيه الكريمه رغم ان تصرفك طبيعي ومن صميم تربيتك والتقدير لصاحب الصاله ابن الاصول ولا عزاء لندي كفته ومدير اعمالها مستجدي النعمه وعبدة الماده واذا كان مبلغ العربون سوف يغنيكم فهنيئا لكم به ، تبا لمن يقدس المال علي حساب القيم والاخلاق .

[suliman]

#1076831 [خضر عمر ابراهيم]
3.82/5 (14 صوت)

08-12-2014 02:43 AM
والله يا ندي القلعة بالغتي عديل،،،،
اذا كان ندير أعمالك زول بليد وما بعرف في الأصول،،، اتي الف مرة قلتي ترباية حبوبات،،، فمن الأخلاق اولا والعفة ثانيا ان تحسي كامرأة بما الم باسرة مكلومة،،، وثالثاً من المفترض ان تكوني في اول المعزين كونها من بنات جنسك،،،اللهم الا اذا كنتي من سلالة الجن،،،!!!
فيا عجبي منذ متي يتجراء مدير اعمال ان يخالف رأي وتعليمات مخدميه؟؟؟
ومن ثم اين ذهب العربون لجيبك يا ندي القلعة ام الفنان هو مدير أعمالك ،،،
اسمحوا لي اخوتي القراء ان اسمي ندي القلعة منذ اللحظة ندي القلاعة ،،،فهو اسم يليق بمن يأكل لحم الأموات ،،
ندي القلاعة ،،، ندي القلاعة ،،،، ندي القلاعة،،،،
الفنانة المتألقة ندي القلاعة تطل عليكم في ألبومها الجديد من رحيق الأموات ،،، وتعدكم بالوم قادم يفرقع الساعة الفنية بما هو جديد وشديد ،،، اغنية جديدة كلمات مدير أعمالها الأديب اكل السحت ،،
اغنية ،، المات ما يموت قبضنا عربونا ،،،
اقترح عليك يا ندي القلاعة تعملي أربعين المرحومة وتذكرة الدخول 100ج عشان عينك تتملي قروش ومدير أعمالك برتيتو تزيد،،،
عجبي علي أناس مات الحياء فيهم وصار الأموات أكثرهم مروءة
ضيعتي سمعتك يا ندي وباعك مدير أعمالك في سوق الانحطاط،،،
مررت علي المروءة وهي تبكي ،،،،، فقلت علام تنتحب الفتاة
فقالت كيف لا ابكي،،،،،،،. وأهلي دون خلق الله ماتواااااا
خسارة يا ندي ،، كيف وان لم تكوني امراة وأم ؟؟؟؟ لو عانس وما عرستي ممكن نقول حاقده ،،، بس قولي نقول عليك شنو؟. وانتي يشار إليك بالبنان في سوح السودان الفنية؟؟؟

[خضر عمر ابراهيم]

ردود على خضر عمر ابراهيم
European Union [حريكة] 08-13-2014 02:48 AM
يا اخوان في نقطة هامة هل هي على علم بموضوع الوفاة ام لا ؟؟!!
لانه عشان الناس تسئ وتظلم ندى !!!
لانه ببساطة نحن بندخل قدومنا طوالي في اي حاجة قبل مانعرف التفاصيل
لانه ببساطة ممكن يكون دا من مدير اعمالها وعاوز بنوم بالعربون بدون معرفة ندى بذلك
هل ممكن واحدة صرفت مبالغ ضخمة وسلع في دعم المتأثرين بالسيول العام الماضي في غياب المسئولين اصحاب الشان
هل ممكن ان تتوقف امام عربون حفلة ؟؟!!!
وكمان صاحبة الحفلة (العروس) متوفية .
ياريت نتأكد بس ومن ثم نقول مانقول .
تحياتب

Saudi Arabia [العوض] 08-12-2014 11:32 AM
قبل كدا اتبرعت للهلال بي مائة مليون العربون دا بكون كم حفلة ندي بي كم ممكن 15 مليون يعني بكون العربون مليون او اتنين يعني ولا حق اكل كلاب ندي لكن زي ما قلت اكل السحت واحد قال المره ممكن تدخل فندق تتعشي بي مليون لكن يجي مسكين ماتديه جنيه

Saudi Arabia [مهاجر في الغربة] 08-12-2014 09:47 AM
الله ينصر دينك ياخضر والله كلامك جامد بس وين القلوب ؟؟؟؟؟؟؟؟؟؟؟؟؟؟؟؟؟؟؟

United Kingdom [خضر عمر ابراهيم] 08-12-2014 05:52 AM
اغنية المات ما يموت قبضنا عربونا،،
كلمات الشاعر اكل السحت ،،،مدير اعمال
الفنانة. ،،المتألقة ،،، ندي القلاعة

الما ما يموت قبضنا عربونا
الما عاجبو يفوت سددنا بي ديونا
زفينا العروس وشبعت موت
قبضنا عربونا
المغبوظ يسيبنا
تاني لا يحجزنا لا يجيبنا
تم الحجز والعربون بقي نصيبنا

مالي مال المات
لا عندي خطيبة لا أخوات
ندوية تاج رأسنا رباية حبوبات
البموت ما يموت دخلنا كم ختات
عربونا في جيبنا وعلينا كوم اقسات

الحي ابقي والميت شتت وفات
لا نحن ناس اكست لا بنعرف الرقشات
ياها حال الدنيا اخرتها كوم وممات
نحن ناس غنايين ما بنزرف الدمعات

يا انت يا هوي ما تعمل فيها لي حركات
ندوية ست الناس ما بتعرف بتبكي المات
غناية بس بتحتو لي الصاجات
وتدوخ الجمهور بي اي شيء وحركات
دي اسمها القلاعة ،،
مش طابية بي طاقات
دي القلعة ذاتها يا زول
ما بهمها،،، المقدم اول
حتي العريس لو مات،،،،
تقدل كدي وتتفوجج
وتركب الكامات
وألما عجبو البحر هونداك
كان غرق كان مرق عوم بي هناك
عربونا ما بندي،،،
قابضنو من يوم داك
المات يموت بطريقتو
هداك نكير هونداك،،،
لا قالينا يوم عربونا
لا ادانا خبر بالذات
كان عملنا حسابنا،،،
وما دخلنا كم ختات
عربونا خلاس أتلحس
وفات فيهو فوات



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة