الأخبار
أخبار إقليمية
السفارة السودانية بالرياض سرقة في وضح النهار
السفارة السودانية بالرياض سرقة في وضح النهار
السفارة السودانية بالرياض سرقة في وضح النهار


08-11-2014 06:11 PM
زهير الزناتي

رسوم التقديم للطلاب المتقدمين للجامعات السودانية هذا العام حسب الموقع الرسمي لوزارة التعليم العالي 30 دولار ما يعادل 112.5 ريال سعودي ... السفارة السودانية باعت البطاقة ب 150 ريال سعودي. هنالك فرق 37.5 ريال اي 10 دولارات عن كل طالب.

اشتري عدد كبير من اولياء الامور بطاقات التقديم بهذا السعر. وحينما كثرت الاحتجاحات قامت السفارة بتخفيض المبلغ الى نفس القيمة التي اعلنتها وزارة التعليم العالي مما يعني ان الزيادة كانت غير قانونية وسرقة، علما بأن اليوم الاول لتوزيع البطاقات شهد تدافعا وازدحاماً مما يعني ان عدد كبير قد اشتري البطاقات بالسعر المرتفع.
لجيوب من ذهبت هذه الزيادات؟!!
ومن المستفيد!؟؟
علما بان توزيع البطاقات تم في مكتب السفير وليس القنصلية!!!

الصور توضح الرسوم من موقع وزارة التعليم العالي والاخري صورة للبطاقة التي تم بيعها في السفارة .
image

image


تعليقات 12 | إهداء 0 | زيارات 8144

التعليقات
#1077571 [zorba]
0.00/5 (0 صوت)

08-12-2014 06:16 PM
دا بس الواجعكم؟ ولما الكيزان سرقوا البلد دي كلها مننا سرقوها بالليل!!!
ولما البلد سرقوها منكم الكيزان عملتو شنو؟
لا شيئ
هذا ما سيحدث للسفارة السودانية بالرياض ... لا شيئ ... حتدفعوا يعني حتدفعوا

كل شيئ تم وسيتم حدث في وضح النهار وانتم صامتون لأكثر من 25 سنة فما الذي جد الآن ... عينكم في الفيل وتشتكوا من سفارة.

[zorba]

#1077189 [محسن ابو حراز]
0.00/5 (0 صوت)

08-12-2014 12:04 PM
هو الحصل في البلد دى من سيول وامطار وكوارث وغلاء ووباء وظلم من شوية قال الله تعالي في محكم تنزيله بسم الله الرحمن الرحيم
وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا الا تتعظون الاتتعظون الا تتعظون

[محسن ابو حراز]

#1077023 [كتاحة امريكا]
0.00/5 (0 صوت)

08-12-2014 09:56 AM
لجيوب من ذهبت هذه الزيادات؟!!
ومن المستفيد!؟؟
علما بان توزيع البطاقات تم في مكتب السفير وليس القنصلية!!!



دا كلام يا عبد السلام


تحلل

البلد في سيول وفيضان حسب اعتقادي تكون مشت لناس الصالحة والله اعلم


تحلل

[كتاحة امريكا]

#1076983 [الولايات المتحدة السودانية]
5.00/5 (1 صوت)

08-12-2014 09:34 AM
والغريب شنو ؟؟؟ مش كيزان !!
لازم يسرقوا !! ويلفحوا !! وينشلوا !! ويدقروا !! ويشاغلوا نسوان المغتربين البجوا للمعاملات !!
في النهاية كلو شيء لله !! لا لدنيا قد عملوا !! هم للدين فداء !!
المال المجنب دا لله !!
الصالح العام والرفت لغير الموالين برضو لله !!
اعدام شهداء رمضان لله !!
بيوت الاشباح دى لله !! تعذيب المعتقلين البقلوا ادبهم لله !!
خط هيثرو اتباع لله !! كل الخصخصة الحصلت دى لله !!
وكل شىء لله !!!! كل شيء لله !!!!

[الولايات المتحدة السودانية]

#1076900 [محمد]
5.00/5 (2 صوت)

08-12-2014 07:44 AM
السلام عليكم ورحمة الله تعالي وبركاته
وكمان هنا في الامارات 150 درهم ولما سألنا أصحاب الموظفة في الشركة المتحصلة قالت دى تعلميمات جاتهم من هناك ... هناك وين الله أعلم.
رجعوا لينا الباقي والله ماعافينوا ليكم ونسألكم عنه يوم العرض أمام الله سبحانه وتعالي..
ما بنعفي حقنا بعدين شيلوا شيلتكم ..

[محمد]

#1076892 [ود سنار]
0.00/5 (0 صوت)

08-12-2014 07:09 AM
اصلا السفير فاسد واسمه حافظ وكان تاجر فواكه فى سوريا والان تاجر مواشي وبعض المخاصيل فى السعودية

[ود سنار]

#1076807 [albrado]
4.25/5 (3 صوت)

08-12-2014 01:51 AM
يا جماعة الناس ديل معذورين لانهم اذا ما سرقوا اصلا ما بيقدروا

يعني الكذب والسرقة شئ اصبح في دمهم وشئ لابد منه بالنسبة لهم

ديل اذا كان فيهم خير كان ممكن يخلوا التقديم مجانا كنوع من التهنئة

للطلاب واسرهم ولكن ربنا نزع الخير والبركة من قلوبهم

[albrado]

#1076726 [الكليس]
4.50/5 (5 صوت)

08-11-2014 11:07 PM
وكمان الاستمارات طلعت مضروبه لما تحاول ارسالهل يقول لك هذه (مستخدمه من قبل ) والراجل الجاب الاستمارات قفل تلفونو ..

[الكليس]

#1076705 [النسر الذهبي]
4.00/5 (3 صوت)

08-11-2014 10:20 PM
زمان السوداني كان مشهورا بالذكاء والتهذيب والأمانة
الآن السوداني بقي مشهور بالغباء والافتراء والنصب طبعا ما كل السودانين لكن بنسبة 90% تقريبا

[النسر الذهبي]

ردود على النسر الذهبي
Saudi Arabia [ود يوسف] 08-12-2014 08:11 AM
إيه الكلام الفارغ دا ؟؟؟


#1076675 [كوكي]
4.63/5 (6 صوت)

08-11-2014 09:41 PM
سؤال برئ : الموظفين الفي السفارة لي 15 سنة ارى نفس الوجوه اليس التعيين انتداب او شئ من هذا القبيل يعني هؤلاء الموظفين لا يمكن ان تعطى فرصة لغيرهم ولا يوجد سقف زمني لوظائفهم ام ان الامر ساطة ؟ سؤالي الاخير ما ممكن تصلحو معاملتكم مع الجمهور ؟

[كوكي]

#1076661 [قرفان من ام الكيزان]
4.25/5 (5 صوت)

08-11-2014 09:16 PM
والله نحن مقتنعين انهم حرامية ولصوص .... لكن لهم يوم
حسبنا الله ونعم الوكيل من كل كوز مستنفع على حساب الشعب .

[قرفان من ام الكيزان]

#1076655 [اب شلاضيم]
4.63/5 (6 صوت)

08-11-2014 08:58 PM
سرقة وضح النهار فعلا ومثبتة
بس الراجل يفتح خشمة
الناس خلاص قلبها انكسر
وخافت
وبقت ما مهتمة
هو انت حتتكلم في ايه ول ايه

[اب شلاضيم]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة