الأخبار
أخبار إقليمية
قصة اختطاف من «كافوري» ظهراً وهروبه من خاطفيه وعودته من الاسر ليلا
قصة اختطاف من «كافوري» ظهراً وهروبه من خاطفيه وعودته من الاسر ليلا
 قصة اختطاف من «كافوري» ظهراً وهروبه من خاطفيه وعودته من الاسر ليلا


08-13-2014 12:40 AM

الخرطوم : حنان الطيب :

وقف الطفل الشيخ انور الشيخ عبد الرحيم البالغ من العمر عشرة سنوات أمام منزل ذوية بضاحية كافورى فى الخرطوم بحرى صباح أمس الأول يجيل بنظره فى الطريق .شأنه شأن أقرانه من أبناء الجيران .الذين آثروا المكوث داخل منازلهم أمس الأول.فالطفل الشيخ الذى عاد مع أسرته من لندن قبل ثلاثة أسابيع لقضاء الإجازة السنوية وحضور عيد الفطر المبارك. ظل مشدوداً تجاه السيارات التى تمر أمام المنزل وهى تحاول تفادى المياه. لكن فجأة توقفت أمامة سيارة ماركة كورلا (موديل قديم مظللة) ونزل منها رجلان .فأمسكا به وكمما فمه وقذفا به داخل العربة وهربا.حيث لم تجد نداءات الإستغاثة (المتقطعة) التى كان يطلقها.فاشهر الخاطفون فى وجهه مطواة.أدرك الطفل أنه تعرض لإختطاف.

وفى المقابل كانت أسرته داخل المنزل تناديه وتطلب منه الدخول .لكنها فجأة أدركت أن إبنها قد اختفى لتبدأ عملية البحث عنه فى الطرقات دون جدوى أو دليل يرشدها الى مكانه . لتدرك أن ابنها قد تم اختطافه وقد تأكد لها بعد أن تمكن من الهرب من خاطفيه والعودة الى المنزل مساءاً .

وسرد الطفل الشيخ تفاصيل إختطافه لـ(آخرلحظة) وقال:

اثناء وقوفي امام المنزل هجم علي رجلين يرتدون جلاليب فى حوالى الثانية عشر من ظهر أمس وقاما بتكميم فمى بطرحة ووضعوني داخل عربة (كورلا مظللة قديمة) وواتجهوا نحو الحاج يوسف وأشهر أحدهم مطوة فى وجهى وقال (أسكت والإ سوف نضبحك) وأنه أثناء السير كان الرجلان يتحدثان فيما بينهما ويقولان (تاني نمشي وين تاني نمشي) فقال له زميله السائق ب.( حلة كوكو ) وقد سارت العربة - والحديث للشيخ - بطريق شارع «1» بالحاج يوسف وعند نهاية الطريق توقفت العربة على بعد مسافة ليست بالقصيرة من محطة وقود ونزل الرجلان واتجها نحو (المحطة) وطلبا من العامل اعطائهما وقوداً فى قارورات . ويقول الشيخ : فى تلك اللحظة رفعت رأسى ونظرت الى المكان وتذكرت أن عمى يسكن قريباً من هذا المكان .فقمت لأخذ المطواة التى تركها الخاطفان فى المقعد وقطعت قطعة القماش ومن ثم نزلت بسرعة عبر باب السائق وهرولت نحو منزل عمى .

وفى تلك الأثناء شاهدنى الرجلان وقاما بمطاردتى بالسيارة فدخلت فى المياه فأوقفوا السيارة وقام أحدهما بمطاردتى فى المياه لكننى دخلت (الحلة) وقد وظللت جارياً حتى اختفيت منهما لكننى (تهت) من منزل عمى.غير أننى أحفظ «شارع واحد» جيداُ لأننا كثيراً ما نأتى به عندما نزور عمى .وقد سرت مشياً على الأقدام من ذلك المكان حتى وصلت منزلنا فى مربع «4» بضاحية كافورى مساءاً .

وصف انور الشيخ وعمة الفاتح الشيخ (لآخر لحظة )ماحدث لإبنهم بالخطير قائلين (سرقة طفل من امام منزلة وفي وضح النهار) تعد تطور خطير فى مستوى الجريمة بالبلاد متسائلين (كيف نطمئن على سلامة اطفالنا) وقال والد الطفل أنهم ذهبوا لوحدة حماية الاسرة والطفل بالفيحاء بالحاج يوسف ووجهتم بفتح بلاغ بالنيابة وتم فتحة بالرقم (305 ) بنيابة الحاج يوسف .

يذكر ان الطفل جاء من لندن مند حوالي عشرين يوما مع اسرتة لقضاء اجازتهم السنوي بين الاهل .

اخر لحظة


تعليقات 40 | إهداء 0 | زيارات 12376

التعليقات
#1078882 [mutsim h]
1.00/5 (2 صوت)

08-14-2014 12:55 AM
مفروض ف نهاية الخبر تكتبو

#منقول_جريدة الدار

[mutsim h]

#1078848 [خرباش]
1.00/5 (2 صوت)

08-13-2014 11:52 PM
زى ماقال اخونا الفوق الشفع تربية لندن ديل مفتحين وواعين ومعلمين عشان كدة عرف يهرب ويتخارج وطبعا الخاطفين تربية العشش عشان كدة اشتغلو ببلاهة ..

[خرباش]

#1078816 [ود الدمازين]
1.00/5 (2 صوت)

08-13-2014 11:07 PM
قولوا لي حنان دى ما تشرب بيبسي بالليل،،،،،ًًًً

[ود الدمازين]

#1078762 [زول زهجان]
1.00/5 (2 صوت)

08-13-2014 09:28 PM
ي جامعة الولد دا الظاهر عليهو من النوع الكضاب ، شفع الزمن ديل وجوهم بريئة ولكن مكارين مكر شديد ، الشافع دا مشى اتصايع ولامن اتأخر قال ليهم في راجلين اختطفوني وبعد داك بدا يزيد في الكضب .
الشافع حيكون عندو مستقبل كبير في البلد دي ، وأظنو أتعلم الكضب من أبوهو وللا واحد قريبو كوز ، وكمان شوفوا كلامي دا بعد عشرين سنة ممكن يكون مسئول كبير اتذكروا الاسم كويس اسمو الشيخ أنور الشيخ .
ودا كمان ذكرني بواحد ود خالتنا لامن كان شافع كان كضاب كضب شديد لدرجة انو امو بتكون مصدقاهو وبعد اسبوع يكتشفوا انو كضاب ، يعني ما بتتخيل انو كلامو ما صاح أبداً .

[زول زهجان]

#1078757 [باسطة]
0.00/5 (0 صوت)

08-13-2014 09:16 PM
الأطفال في الكراكير ...

عازه قومي كفاك عازه غطي قفاك

[باسطة]

#1078715 [بت حبوبتها]
5.00/5 (1 صوت)

08-13-2014 08:10 PM
أولآ حمد لله على سلامة الطفل وعودته بخير لأهله.

تانيآ, رجاء ملاحظة إن المنهج المدرسي في الغرب يختلف عن منهجنا في السودان إختلاف الليل عن النهار, فالأطفال هناك من سن الروضة بيعلموهم كيف يتعاملوا مع العنف والخطف, إلخ باعتبار أنها برغم الخدمات الأمنية العالية لكنها بلاد فيها مدمني الخمر والمخدرات وعصابات تخطف الأطفال وتطالب بالفدية, إلخ.. وغير كدة, مناهج الغرب بتحفز العقل على التفكير والإبداع منذ الصغر عشان كدة بيصنعوا البوينج والهمر وجهاز الرنين المغنطيسي والموبايلات ونحن نجي فرحانين نستعملهم ..

لذلك أنا بصدق الولد دة في كل كلمة ..

[بت حبوبتها]

#1078603 [ابراهيم عمر]
0.00/5 (0 صوت)

08-13-2014 05:29 PM
القصة دي ساذجة واكيد ح تلقى نهايتها مع اول اسئلة التحري الجنائي لكن المتوقع اصرار اهل الطفل على صدق ولدهم خاصة لو كانوا من النافزين والقطط السمان الذين دائما ما يتصيدون الفرض لاثبات حقد الهامش والبروتاريا على النعيم الذي يعيشون فيه(بالمناسبة الصفحة الرئيسية للراكوبة مهكرة ليها ايام عند الخول اليها من متصفحات الاجهزة الذكية هل لاحظتم هذا انا شخصيا لا استطيع الدخول الا عن طريق روابط الفيس بوك المربوطة بصفحة الاخبار نرجوا من من لاحظوا هذا التهكير ابداء تجربتهم ليستفيد مطوروا الموقع من مكان العقبات والعمل اصلاحها)

[ابراهيم عمر]

ردود على ابراهيم عمر
Sudan [زول زهجان] 08-13-2014 08:05 PM
غايتو أنا لم استطع الدخول بمتصفح اوبرا ميني


#1078588 [adil a omer]
0.00/5 (0 صوت)

08-13-2014 04:59 PM
وحميدتى كان وين ؟؟؟؟؟

[adil a omer]

#1078443 [Quickly]
4.00/5 (2 صوت)

08-13-2014 02:45 PM
البلد انتهت والحكومة ماشايفه شغلها لموا عيالكم ياناس ما يمشوا الدكان براهم ولا يتحدثوا مع الغرباء مهما كان
ربنا يحفظ اطفالكم من كل مكروة
نحيي في هذا الطفل البطل شجاعتة وذكائه وحسن تصرفه واللحمدلله الذي رده سالماّ الى اهله

[Quickly]

#1078416 [مدحت عروة]
5.00/5 (1 صوت)

08-13-2014 02:28 PM
طبعا لو حصل ذلك فى عهد الديمقراطية الثالثة كان اعلام الحركة الاسلاموية الفاجر الداعر العاهر القذر الواطى عمل منها قضية سياسية وانه مافى امن الخ الخ الخ!!
تتذكروا قصة اميرة وتعويضات اراضى امدوم؟؟؟
وشوفوا الجرائم الاخلاقية والقتل وجرائم الاموال التى حصلت فى عهد حكم الحركة الاسلاموية السودانية بت الكلب وبت الحرام وقارنوها مع العهد الديمقراطى!!!!

[مدحت عروة]

#1078373 [نكس]
4.75/5 (3 صوت)

08-13-2014 02:06 PM
الشافع دا خيالوا واسع - مشي ليهو حتة لمن تاه قال احسن ادي قصة اتخارج بيها - وديل شفع الفيس والنت يعني افلام بالكوم - اولا طريقة الاختطاف من امام المنزل وبالعنف ودون مخدر مافي عاقل بيعملها - ثانيا - تركه دون رقابة في العربية وينزل المختطفيين ويخلوا ليه كمان المطوة دا شي غريب - والاغرب ان يطارد رجل بالغ طفل في العاشرة بالعربية ثم ينزل ويخوض معه المياه في وضح النهار وامام الناس - في اطفال خيالهم واسع لدرجة عجيبة

[نكس]

#1078242 [الفجري داك]
4.00/5 (1 صوت)

08-13-2014 12:35 PM
حلوة ..قفلوا السينمات ..ومثلوا الكابويات !! أفلام إخراجها قوي قوي !!
أمن التدخل السريع ..نحي ونشوف .الكيزان كيزان مهما تقددت فانها خاوية .

[الفجري داك]

#1078166 [علي البرقاوي]
5.00/5 (2 صوت)

08-13-2014 11:17 AM
كيف الخاطفان لم يقوما بعصب عينيه , وولولم يقوما بتقيده , ثم يتركانه هكذا ويذهبان لمحطة البنزين , ويقوم الطفل بالهرولة وولم يتمكن الرجلان من اللحاق بالطفل !!!!؟؟؟ هذه قصة غير حقيقية وغير منطقية

[علي البرقاوي]

#1078165 [OSMAN]
4.00/5 (1 صوت)

08-13-2014 11:16 AM
والله يا جماعة حكاية شلت المطوة وقطعت بيها الطرحة دي ما قادرة تركب في راسي .. بكلام الشافع ده معناتو ما كان مربوط يعني ممكن عادي يفك الطرحة من دون المطوة .. وتاني حاجة مافي داعي لحكاية الجري والمطاردات البولسية دي .. عادي ممكن يمشي لعامل المحطة ويقيف جمبو بس .. الا يكون كل العمال الفي المحطة مشتركين مع العصابة .. يأخ بالجد قصة وسناريو ركيك

[OSMAN]

#1078163 [الديج]
0.00/5 (0 صوت)

08-13-2014 11:13 AM
هههههههههههه شر البليه مايضحك

[الديج]

#1078131 [ابو احمد]
5.00/5 (2 صوت)

08-13-2014 10:48 AM
مشيا علي الاقدام من شارع واحد لي كافوري وبالليل كمان دايرين واحد خيالو واسع افهمنا

[ابو احمد]

#1078127 [زول اصيل]
5.00/5 (2 صوت)

08-13-2014 10:46 AM
كل شيء وارد لا تستغربوا البلاد في حالة انهيار امني تام

[زول اصيل]

#1078104 [ابو الافكار]
0.00/5 (0 صوت)

08-13-2014 10:28 AM
دنيا عجيبة

[ابو الافكار]

#1078046 [بامكار]
0.00/5 (0 صوت)

08-13-2014 09:42 AM
كيف يطمئن اؤلياء الامور المغتربين لارسال بناتهم وأبنائهم للدراسه فى السودان وهذا الامر يهدد المستثمر والسائح وان شاءالله بلادى امان بلادى سلام

[بامكار]

#1078043 [زول زهجان]
5.00/5 (2 صوت)

08-13-2014 09:41 AM
احكي احكي مصدقنك
قال اختطفوه رجلان وهرب منهم ، والله آخر زمن شمارات النسوان بقت في صحف السودان ، كل شئ انتهى في زمن الكيزان

[زول زهجان]

#1078022 [غربة جوة و برة]
0.00/5 (0 صوت)

08-13-2014 09:25 AM
ايواااااااااااااااااااااا

[غربة جوة و برة]

#1078018 [Tarig Amman]
3.00/5 (3 صوت)

08-13-2014 09:23 AM
ود تفتيحة ... تربيت لندن ..بيعلموهم فى المدارس هناك لو اتعرضوا لحوادث مماثلة كيف يتعاملوا معها ... مش زى مدارسنا يقعدوا يحفظوا الاولاد المواد وفم ما عارفين وش يقولون

[Tarig Amman]

#1077986 [سم القدر البيفور]
4.88/5 (10 صوت)

08-13-2014 09:00 AM
جاي من لندن...وحافظ الحاج يوسف بالشوارع وحلة كوكو..ده شنو ده التأليف الوهمي الركيك ده...

[سم القدر البيفور]

ردود على سم القدر البيفور
Saudi Arabia [السر موسى] 08-13-2014 11:05 AM
يعنى ده لو جا من الاقاليم اكون معتمد ولا شنو

Saudi Arabia [السر موسى] 08-13-2014 11:04 AM
هههههههههههههههههههههههههههههههههههههههههههههههههههههههههههههه

Ethiopia [Khalid] 08-13-2014 11:00 AM
I agree with you , how come this could happen the guy came on leave as well as he's living in the UK so , how could he know Alhag Yousif and how did he scape . What a poor story ? hahahahahaha

Saudi Arabia [العوض] 08-13-2014 10:22 AM
انت مابتفهم قال ليك الاجازة السنوية كررها ليك في بداية القصة وفي النهاية


#1077982 [سوداني]
5.00/5 (1 صوت)

08-13-2014 08:55 AM
المهم نعرف الهدف من إختطافه .. هل هؤلاء المختطفون من عصابات الإتجار بالبشر؟ أم أن هناك شيء اخر؟

[سوداني]

#1077958 [بت الخرطوم]
5.00/5 (2 صوت)

08-13-2014 08:19 AM
الخاطفين سنة أولى أختطاف كيف ينزولوا من العربية الأثنين ويتركوه لوحده وكمان يتركوا المطواة معه يا ناس أحترموا عقولنا الله يهديكم

[بت الخرطوم]

ردود على بت الخرطوم
France [حسان عـبدالله] 08-13-2014 01:53 PM
طبعا الخاطفين مش سنة أولى اختطاف ديل خلوة الفكى اسحق اختطاف . وايضا اليسوا بسودانيين ؟ ؟ اصلا فى اعبط واهبل و اكثر سذاجة من السودانيين ؟ ؟ شئ طبيعى هذا الذى حصل . وهل فى سودانى بيعرف حاجة ولا بينفع فى حاجة فى هذا الزمن .


#1077956 [sas]
0.00/5 (0 صوت)

08-13-2014 08:19 AM
حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب حنان الطيب

يا وهم

[sas]

#1077953 [الترزي ابلستك مقطوع]
4.94/5 (7 صوت)

08-13-2014 08:11 AM
معقولة الكلام دة يا اخوانا. طفل عمرو 10 سنة بس و عايش في لندن جاء اجازة بس و بعرف الحاج يوسف شارع واحد و حاظو كماااااااااااان. ياخ هو انا العمري قرب للاربعين و طووووووووول عمري دة قاعد في السودان ما قدرت افرق بين شارع واحد و الردمية و المايقوما الا قرررررررررررررييييب و مرات بدقس فيهم كمان

[الترزي ابلستك مقطوع]

#1077925 [Aldonglawy]
5.00/5 (4 صوت)

08-13-2014 07:03 AM
أنا شخصيا ما مقتنع بالرواية وأنها مختلقة

[Aldonglawy]

ردود على Aldonglawy
United Arab Emirates [السودان] 08-14-2014 12:10 AM
الخبر صحيح واليوم الشرطة اجرت تفتيش دقيق لكل السيارات المارة بشارع واحد الحاج يوسف مما خلق لذدحاما شديدا


#1077896 [ركابي]
5.00/5 (1 صوت)

08-13-2014 05:38 AM
وين باقي القصة؟؟؟

[ركابي]

#1077876 [سوداني حر]
5.00/5 (1 صوت)

08-13-2014 04:56 AM
اخر لحظة دي جريدة تافهة

[سوداني حر]

#1077853 [نونا]
5.00/5 (1 صوت)

08-13-2014 03:32 AM
اها؟

[نونا]

#1077837 [caeser]
5.00/5 (1 صوت)

08-13-2014 02:50 AM
حسه ده خبر يا خبر

[caeser]

#1077831 [السفير]
5.00/5 (2 صوت)

08-13-2014 02:27 AM
يا حنان وين باقى القصة ما فهمنا حاجة....وهكذا ادرك حنان الصباح فسكتت عن الكلام المباح ....خليها تكون زى حكاوى جريدة الدار غدا سنعرف كيف فر الشيخ من خاطفيه ترقبوا ذلك .!!!

[السفير]

#1077812 [AHMED]
5.00/5 (1 صوت)

08-13-2014 01:50 AM
وين باقى القصه

[AHMED]

#1077790 [ali]
0.00/5 (0 صوت)

08-13-2014 01:00 AM
باللة دا خبر ادلى بة صحفى يابت شوفى ليك شغلانية تانية خبر زى العطسة لما ماتتم شوفى ليك كفتريت شاى وريحى نفسك

[ali]

#1077788 [النيل أبونا والجنس سودانى]
0.00/5 (0 صوت)

08-13-2014 12:57 AM
البقيه فى العدد التالى.

[النيل أبونا والجنس سودانى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة