الأخبار
أخبار إقليمية
رجل أعمال يطالب "سودانير" بتعويضه "100" ألف دولار
رجل أعمال يطالب "سودانير" بتعويضه "100" ألف دولار
رجل أعمال يطالب


08-13-2014 12:36 AM
الخرطوم
طالب رجل أعمال ـ مستثمر سوداني في تشاد ـ شركة الخطوط الجوية السودانية (سودانير)، بتعويض قدره (100) ألف دولار، عبارة عن أضرار قال إنها لحقت به نتيجة تأخره عن رحلة تسببت فيها سودانير بموجب عقد (تذكرة) بمبلغ (2700) جنيه، وبحسب تفاصيل - فإن الرجل حضر في الوقت المحدد وفقا لتذكرة السفر إلى مطار الخرطوم، وظل موجودا حتى الثالثة ظهرا لتتم إفادته عبر الهاتف من دولة تشاد بأن الطائرة حلت في مطار إنجمينا دون أي إخطار من الشركة بتأجيل الرحلة، وسلم أحمد إسماعيل موسى، محامي رجل الأعمال، شركة سودانير ووزير النقل خطاب إنذار قانوني ألزم بموجبه الشركة بإرجاع قيمة التذكرة وتعويض موكله (100,000) دولار، عبارة عن خسائر وتفويت فرصة كسب فقدوه جراء إخلالهم بالعقد المبرم، وهدد الخطاب الشركة بتحريك إجراءات قانونية حدد لها أسبوعين للرد على الإنذار

اليوم التالي


تعليقات 13 | إهداء 0 | زيارات 5045

التعليقات
#1078778 [Mohamed]
0.00/5 (0 صوت)

08-13-2014 10:03 PM
حاجه تجنن والله،شخص ظلم وعاوز يتخذ الاجراء المفروض يرفع عنو الظلم بدل المسانده والدعم والتشجيع لمحاربة ذلك التصرف الاداري الفاشل ومحاربتو بشتي الوسائل ،تلقى التهكم والاستخفاف والسخريه وعدم جديه في تناول الأمورمايدلل علي إننا لم نزل غير مستعدين ولا جادّين للتقدم للأمام خطوه واحده بشأن اللحاق بالأمم.
ياناس فهمونا شنو غلط في تصرف هذا الشخص؟عشان ماكان مفروض يسافر بسودانير وهو رجل أعمال لا عشان جاد ولا المية ألف لا شنو بالضبط؟

[Mohamed]

#1078735 [كلام من العقل]
0.00/5 (0 صوت)

08-13-2014 08:44 PM
أولا التحيه اولا لاهل السودان من بلد المهجر وبعد المشكله مافي سودانير ولا المستثمر ولا الشكوى ما بالضروره هو عندو (قروش) يركب أي طائره اخرى احتمال هي أقرب رحله لموعدة ثانيا ياناس امتى نتعلم نزبط مواعدنا ونعطي كل حق حقه يعني أقرب مثال انا عندي حقيبه ضاعت في أحدى الدول العربيه والله قسما بالله ماتمت يومين أرسلو لي شيك تعويض ومعه خطاب اعتذار ده أقل شي انعمل والله ماكنتا أبغي تعويض ولا خطاب لكن الظروف جات كده ،نحن بصدد امتى السودان يتقدم في ناس فاتتنا بمراحل عدة أقلها في خطوط النقل الجوي والبحري والبري وانا متابع اخبار السودان اول بي اول عندكم مشكله في مواصلات الخرطوم السوق العربي ياخي تيب ما ممكن باص واحد من باصات الوالي تركب الجماهير دي وتوصلها لي مثلا خط واحد وبالنسبه لي باقي الخطوط باصات حنرجع للمواعيد بطبيعة الشعب السوداني بطلع في وقت وبدخل في وقت واحد بلاهاي ما محلوله والله في اليابان معلقين نظام شاشه بتوضح موعد الباص في الموقف وامتى يتحرك وامتى يرجع والناس بتتطلع في زمنها وبتدخل في زمنها وبي زحمة اليابانين لكن في نظام النظام يا بلد ده الخلاني أطلع من بلدي والله وكرهوني فيها الماسكنها لعدم الوعي,,حسبي الله ونعم الوكيل

السودان كان كبير وهم صغار هلا السودان صغير وهم كبار

[كلام من العقل]

#1078700 [hassan zyad]
0.00/5 (0 صوت)

08-13-2014 07:47 PM
حسب علمى ان هذه الشركة يتناحر على الاستحواز عليها اثنين من اكبر حرامية الدولة

ولا يهم احدهم مصلحة المواطن او مصلحة الوطن

ونتيجة تناحرهم حتى وصلت الى ما وصلت اليه ناهيك عن سؤ المعاملة الذى يتعرض اليها الراكب

وضياع امتعته وتأخر مصالحه ب حجج واهية

لعنة الله و الف لعنة عاى هذه الشركة والقائمين عليه ومن يغضون النظر عن هذه الجريمة

التى هى فى حق المواطن والوطن

[hassan zyad]

#1078688 [الجوكر]
0.00/5 (0 صوت)

08-13-2014 07:17 PM
كان أحسن ليهو يأخذ الخطوط الأثيوبية إلى أديس ومنها لإنجمينا يصل في نفس اليوم، غلطان يفكر في سودانطير.

[الجوكر]

#1078577 [سراج الزبير أحمد]
0.00/5 (0 صوت)

08-13-2014 04:46 PM
يا جماعة الراجل ما قصر إختار الناقل الوطني لكن أخطأ في التوقيت يعني كان يحجز قبل موعد الصفقة بثلاثة أيام على الأقل إذا هو فعلاً بيفهم في الإستثمار ..
بعدين يطلب تعويض على أي أساس ؟ شكراً لكم جميعاً

[سراج الزبير أحمد]

#1078357 [الدنقلاوي]
0.00/5 (0 صوت)

08-13-2014 01:51 PM
انت لو كنت لاحق حاجة مهمة و مربوطه بي زمن البركبك سودانير شنو يا طير!!!! اي زول عارف انها ما عندها مواعيد. قال مستثمر ... قوم لف

[الدنقلاوي]

#1078296 [حسون]
0.00/5 (0 صوت)

08-13-2014 01:08 PM
هي لسه سودانير دي حيه وهل المبلغ ده عندها لمن تطلب 100 الف دولار هي الشركة كلها ما فيها 100 الف دولار عجائب الدنيا

[حسون]

#1078005 [سوداني]
5.00/5 (1 صوت)

08-13-2014 09:10 AM
تعويض 100.000 دولار ليه كنت لاحق شنو اصلو
بعدين انت وقت مستثمر قدر ده ماتركب طيران تاني يا شيخ منظر
اركب احسن طيران فى نظرك مالك ومال الغلبانة سودانير
سودانير ماناقصة
واضرب راسك فى الف حيطة
لا انت لا محاميك ولا قاضيك بتقدرو تمسوا شعرة من سودانير
قال تعويض قال وكمان عمل ليها دعاية
فى حج العام السابق شركة بتروناس رفضت تعطي سودانير وقود
جات تعليمات بقوة السلاح من الحكومة لشركةبتروناس بتعبئة خزانات الطائرات بالوقود
رجاااااااااااااااالة
عشان اقنعك يا من لا تعرف سودانير وتلف وترجع لكلامي

[سوداني]

ردود على سوداني
Saudi Arabia [تباً للمفسدين] 08-13-2014 01:43 PM
يعنى أنت مبسوط للتعليمات الجات من الحكومة بقوة السلاح لبتروناس بأن تعطى سودانير وقود!؟ من المؤكد بان بتروناس لم ترفض أعطاء سودانير الوقود إلا لعدم سدادها لقيمتة النقدية .
ماذكرته ياسودانى يؤكد أننا فقدنا دولة المؤسسات وأن الحكومة تتعامل بشريعة الغاب والبلطجة فى الشأن الاقتصادى ، وتحابى هذا على حساب هذا لشىء فى نفسها .

Sudan [شومين] 08-13-2014 10:31 AM
ياباشا انت مالك زعلان كده؟ لو تابع ليك علاقة بسودانير المفروض تقول الحقيقه وتعترف بي عدم احترام المواعيد والهمجيه الحاصله في الشركة, والراجل دا من حقو انو يشتكي ويطالب بتعويض ولو كل زول حريص علي حقوقو زيو كده كان الشركه دي قفلت ولا شافت ليها محل بيع حديد خرده ودت ليها طيارااتا.
من النوادر التي تحكي في سودانير حكي لي احدهم في مطار القاهرة الدولي ان ركاب الخطوط الجويه السودانيه من كتر انتظارهم حتي سموها (صنقير) وعندما تاتي الطائره كل العاملين في المطار يقولو ست الكل جات حباب ست الكل *_*


#1077959 [الأسد]
5.00/5 (1 صوت)

08-13-2014 08:21 AM
ماشاء الله

[الأسد]

#1077882 [طارق الباز]
5.00/5 (7 صوت)

08-13-2014 05:09 AM
لو كل واحد بدفعو ليهو تعويض بسبب توقيت سودانير كان بقينا اغنى ناس

[طارق الباز]

#1077863 [النسر الذهبي]
5.00/5 (1 صوت)

08-13-2014 04:00 AM
ههههههههههه في عقد بي 100 الف دولار وعايز يمشي يحصلو بطيران السودان !!!! ههههههه يستاهل

[النسر الذهبي]

#1077806 [نص صديري]
5.00/5 (6 صوت)

08-13-2014 01:34 AM
مستثمر سوداني في تشاد!! هي سودانير دي حية؟؟وكمان بيقاضوها خبر فعلا مفرح

[نص صديري]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة