الأخبار
أخبار إقليمية
الخال الرئاسي يعلن عن تأييد حزبه لإعلان باريس
الخال الرئاسي يعلن عن تأييد حزبه لإعلان باريس
الخال الرئاسي يعلن عن تأييد حزبه لإعلان باريس


08-13-2014 12:26 AM
الخرطوم ( سونا)- أعلن المهندس الطيب مصطفي رئيس منبر السلام العادل تأييد حزبه لوثيقة إعلان باريس الذي وقعت بين حزب الأمة والجبهة الثورية مؤكدا أنها يمكن أن تجاوز بينها وآلية الـ 7 + 7 .
وقال في المنبر الدوري لإتحاد طلاب ولاية الخرطوم بمنبر ( سونا ) اليوم تحت شعار مستقبل الحوار الوطني في ظل إعلان باريس بحضور الدكتورعيسي بشري نائب الأمين السياسي لحزب المؤتمر الوطني والأستاذ كمال عمر الأمين السياسي لحزب المؤتمر الشعبي والأستاذ أحمد عبدالملك الدعاك مسؤول العلاقات الخارجية بحركة الإصلاح الآن وعدد من الإعلاميين والمهتمين ، قال إن وثيقة إعلان باريس يوجد بها نقاط إيجابية يمكن أن تفضي إلي تراض وطني لحل مشكلة السودان وأنه يعد إنجازا كبيراً قام به الصادق المهدي نحن نؤيده ويعد أفضل من آلية الـ7 + 7 وأضاف " كنت أبحث عن أي شئ يجعلني أرفض هذا الإتفاق ولكن حقيقة أنا أفتكر أن وقف الحرب الذي تضمنه الإتفاق وقبول حملة السلاح بأن يأتوا إلي الداخل ويحتكموا إلي صناديق الإقتراع وأن يوقفوا العدائيات ويجنحوا إلي السلم هو أهم بند في هذه الإتفاقية" إضافة إلي عدم ذكر الجنائية واستخدام كلمة التغيير بدلا عن إسقاط النظام .
وأضاف الطيب مصطفي نحن محتاجون لرؤية متأنية بعيدا عن الحساسيات والمحاصصات والتحزب من أجل وقف الحرب وتقارب وجهات النظر حول مصلحة البلاد مشيرا الى اهمية التخلص من الغيرة السياسية .
وقال " أدعو بمنتهي الشجاعة أن يدمج هذا الإعلان في مجموعة الـ 7+ 7 حتي يكتمل الحوار الوطني وتشارك فيه كل مكونات المجتمع ".
ودعا الحكومة إلي قبول هذه الوثيقة مقابل إعتذار الصادق المهدي عن حديثه حول الحوارالوطني من أجل الوصول إلي توافق وطني يفضي إلي سلام عادل في البلاد .
وثمن رئيس منبر السلام العادل الجهود التى بذلها السيد الصادق المهدي فى إنجاز هذا العمل .


تعليقات 32 | إهداء 0 | زيارات 6389

التعليقات
#1078806 [المحجوب]
0.00/5 (0 صوت)

08-13-2014 10:48 PM
المؤتمر الوطني .. الاصلاح الان .. الشعبي .. السلام العادل .. الأمة .. الاتحادي .. الشيوعي .. المستقلين .. الجبهة الثورية .. الجبهة العريضة .. الجبهة الضيقة .. الجبهة النص نص .. ياخ خلاص كفاكم كلام .. احنا قنعنا من الكلام الكتير ده .. انتو ما بتزهجوا؟ .. كلكم جارين ورا السلطة ملعون ابوها .. كرهتونا البلد و السياسة و الأخبار المكررة الما بتنتهي .. انحنا كملنا من لحم الدنيا تب و انتو لسة بتنضمو .. نضم اليشيلكم كلكم في يوم واحد يا لمامة .. قال صفوة المجتمع قال !

[المحجوب]

#1078720 [قرنفل حار]
0.00/5 (0 صوت)

08-13-2014 08:25 PM
جيت متأخر تلعب في الزمن الضائع ، ومنو العجبك وشد إنتباهك لدرجة تؤيد وثيقة إعلان باريس منو فيهم عقار أم الصادق المهدي .
خلاص حليت مشكلتك مع سبدرات ؟ إنت كلب وسبدرات إبن 60 كلب

[قرنفل حار]

#1078431 [Quickly]
5.00/5 (2 صوت)

08-13-2014 02:37 PM
انسان مفلس ليس له اي رصيد غير انه خال الرئيس مريض وعنصري هذا مانعرفه الكل عنك
تؤيد ماذا ام ماذا ,,,انت تحاول القفز من المركب الغارقة ولكنك لاتجيد السباحة
العب غيرها

[Quickly]

ردود على Quickly
Sudan [مندكورو] 08-13-2014 03:53 PM
الطيب مصطفي عنصري لكن باقان اموم بتاع وسخ الخرطوم وسلفاكير بتاع المواطن درجة رابعة وكل تصريحات قادة الحركة الشعبية ماكانت عنصرية..مِش كدا؟!!!!!!!!!!!


#1078408 [ِAburishA]
5.00/5 (1 صوت)

08-13-2014 02:24 PM
بغض النظر عن بغضنا للطيب مصطفى وتاريخه وفكره "الوسخان" الا أن ذلك لا يمنعنا أبدا ان نحترم رأيه في هذا المقام الذي يتوافق مع رأي ورؤية وتطعات غالبية الشعب السوداني التي ترى في اعلان باريس المنبثق من ميثاق الصادق المهدي والمتوافق مع منفستو الجبهة الثورية حلا للمشكل السوداني.. ان أس مشكلتنا في السودان هي الوصاية والاستعلاء على الاخرين.. والهيمنة واقصاء الاخر.. اضافة الى الجهوية والقبلية.. لذلك لا يستقيم ان نقصي من يتفق معنا في الاهداف والمبادئ والرؤيا.. الا اذا ثبت العكس!

** كما ان تأييد الطيب مصطفى (وبمواقفه المعروفة) لهذا الاعلان.. يعتبر انقلابا.. ينفي عن الجبهة الثورية صفة العنصرية والجهوية التي حاول النظام الصاقها به زورا...

** عموما نحن نؤيد الرؤى والافكار.. بعيدا عن الشخصنة....
تحياتي للجميع...

[ِAburishA]

ردود على ِAburishA
[xman] 08-13-2014 09:51 PM
انقلاب شنو هو الطيب مثطفي ده لا يسوي نعل فى ملعب السياسة و لا وزن ولا احترام له !
الراجل ده غير انو قريب البشير و ادوهو شوية قروش يعمل بيها كم شركة و صحيفة عنصرية و مؤيدة للكيزان وجدت لتكسير مجاديف المعارضة و زرع العنصرية بين ابناء السودان !؟
اقزر و اتفه الشخصيات بالنسبة لي هي شخصية العنصري (ياخ نحن الالمان العيونهم خدر بنتضارب معاهم فى الشارع اذا واحد قل ادبو علينا يجي الحلبي بتاع الفسيخ دي يتنطط لينا كمان !!!!!

Kenya [واحد قريعتو رايحة] 08-13-2014 09:15 PM
والله الواحد بيتكيف لما يلقى تعليق واضح انو صاحبو شغل راسه قبل ما يطلق عقله او لسانو ساكت...كلام واعي يا (أبوريشة) في ظل الفوضى والصراخ الحاصل ده وقضية الشخصنة والانتقاد من اجل الانتقاد، ولو في مخرج من جحر الضب الخشينا فيهو ده فبكون بأنه الناس الواعية زيك تكتر والاصوات النشاز المعظمه غير متضرر حقيقة بالوضع تخفت او تختفي.


#1078407 [jas]
0.00/5 (0 صوت)

08-13-2014 02:24 PM
دي عملتها كيف المرة دي غريب عملت كيف انك توافق الراي يبدو انك عايز تحافط علي مربط حمارك من الضربة الاسرائيلية المحتملة في السودان وبخاصة كافوريييييييييييييين الزين كفرو

[jas]

#1078363 [محمد سليمان]
0.00/5 (0 صوت)

08-13-2014 01:55 PM
*قال الطيب مصطفي رئيس منبر السلام العادل تأييد حزبه لوثيقة إعلان باريس الذي وقعت بين حزب الأمة والجبهة الثورية
*****كنت أبحث عن أي شئ يجعلني أرفض هذا الإتفاق ولكن حقيقة أنا أفتكر أن وقف الحرب الذي تضمنه الإتفاق وقبول حملة السلاح بأن يأتوا إلي الداخل ويحتكموا إلي صناديق الإقتراع وأن يوقفوا العدائيات ويجنحوا إلي السلم هو أهم بند في هذه الإتفاقية" إضافة إلي عدم ذكر الجنائية واستخدام كلمة التغيير بدلا عن إسقاط النظام .*****

أصبت كبد الحقيقة .....
الحق أحق ان يتبع ..... أخطأ الـ 7 + 7 و أصابوا حزب الأمة والجبهة الثورية.....

[محمد سليمان]

#1078351 [نكس]
0.00/5 (0 صوت)

08-13-2014 01:45 PM
عنصري متخلف داير تعمل ليك اهمية وبنبرك للسلام

[نكس]

#1078315 [مدحت عروة]
5.00/5 (1 صوت)

08-13-2014 01:20 PM
ولماذا لا تعتذر الانقاذ او الحركة الاسلاموية عن انقلابها الذى اطاح بالشرعية وفشلها فى ادارة البلاد وتعتذر عن اى شىء قذر فعلته فى الوطن والمواطن؟؟؟
عليك الله يا الطيب يا مصطفى منو المفروض يعتذر رئيس الوزراء الشرعى الضحية ولا الانقلابيين الذين اوصلوا البلد الكان مليون ميل مربع وبحركة تمرد واحدة الى هذه الحالة المزرية؟؟؟
الحياء شعبة من الايمان واقسم بالله الذى لا اله غيره ان الحركة الاسلاموية السودانية لا حياء لها او قليلة الحياء وانتو اكان رجال وراضعين من شطر امكم ما تقبلوا بشروط المعارضة ونشوف كيف ح تستمروا فى حكم البلد بصورة مستقرة آمنة مستدامة!!
الحركة الاسلاموية السودانية الله لا تبارك فيها وفى الاسسوها بل الله لا يبارك فى الاسسوها من المصريين دنيا ولا اخرى والله ياخذها اخذ عزيز مقتدر انه قادر على ذلك!!!!!!!!!
اذا الديمقراطية استمرت كان ممكن يتغير الصادق المهدى او غيره وبطريقة سلمية زينا وزى الدول المحترمة!!!!!!

[مدحت عروة]

#1078222 [kaaaak]
0.00/5 (0 صوت)

08-13-2014 12:16 PM
هذه مسرحية ... منهم كلهم

[kaaaak]

#1078211 [طارق الباز]
5.00/5 (1 صوت)

08-13-2014 12:06 PM
مشى الثعلب يوما....... مجرد فقاعه سياسية

[طارق الباز]

#1078206 []ود نيالا]
5.00/5 (1 صوت)

08-13-2014 12:02 PM
اعوذ بالله دة عمك بتاع التور الاسود يوم انفصال الجنوب ياخال الضبع انت نسيت ولا شنو ناس باريس ديل ما هم ذاتهم الاغلبية السوداء كيف تذبح التور عشان السرطان وتاني تجي تؤيد الحاصل دة اكيد الحلة دي فايرة ولا كيف الكلام دة يا ناس

[]ود نيالا]

#1078184 [ahmed]
0.00/5 (0 صوت)

08-13-2014 11:39 AM
ناس الامن ما حسوا بيه ولي شنو.....ولي عنده حصانات...طيب بت المهدي معتقلنا لي شنو...ولي المسألة حساسيات...اذا قلت قانون , القانون فيه حرية التعبير والاعتقاد ما في حاجة بتخليك تعتقل مواطن ابدي برايه..وكمان الوثيقة الموقعة فيها وحدة الوطن ووقف الحرب ونبذ العنف واستعمال الوسائل السلمية لاسقاط النظام في حالة رفضه للحوار او التشبث برأيه...ده بيدي انطباع بان الزمرة الحاكمة تخشي من ظلها...والكلب بينبح خوفا لضنبه.................................؟

[ahmed]

#1078129 [محمد]
0.00/5 (0 صوت)

08-13-2014 10:48 AM
يا جماعة الزول داء قال كلام يجب الوقوف عليه قال يجب التخلص من الغيرة السياسية هذه الجملة هي مربط مشاكل السودان كما ارجوكم ان لا تنفعلوا كثير الراجل قال يمكن ان تؤدي الوثيقة الى اتفاق وحل شامل وذكر جمائلها بانها تضمنت وقف الحرب وهذه اجمل جملة ذكرها نعم هناك شباب يموت يوميا من كل الاطراف والوثيقة تضمنت ذلك بوقف الاحتراب

[محمد]

#1078116 [أبوالكجص]
5.00/5 (2 صوت)

08-13-2014 10:36 AM
إقتباس:- ودعا الحكومة إلي قبول هذه الوثيقة مقابل إعتذار الصادق المهدي عن حديثه حول الحوارالوطني.

يا الطيب مصطفى إنت لما تكون في لحظة مراجعة مع النفس وتقول كلام مقبول فهل يلزم أن تختمه بنقيضه، إعتذار شنو البقدمو الصادق في ما قاله عن الحوار الوطني ... يا أخي دي وجهة نظر الصادق بأن الحوار بهذه الكلفتة مالازمهم ودفنوه في مقابر أحمد شرفي فإيه الذي يلزم الإعتذار! أهو إنت، من حيث تدري أو لا تدري إتفقت مع الصادق بأن ميثاق باريس خير من الحوار الذي بلا شك سوف تبلون كلكم مويته وتشربوها في نهاية المطاف وهل تعتقد أن الحزب الحاكم سوف يلتزم لكم بميثاق حوار؟ لا أظن بعد الشفناهو في أساليب الحزب الحاكم طيلة سنوات حكمه فهو لم يلتزم بميثاق قط سوى فصل الجنوب بفضل خدعة الغرب له بالحوافز الكاذبة. أها إنتو عندكم شنو من الحوافز للنظام؟

[أبوالكجص]

#1078075 [الوسطى]
0.00/5 (0 صوت)

08-13-2014 10:10 AM
الراجل صحى من النوم

[الوسطى]

#1078064 [مهندس. مصطفى]
0.00/5 (0 صوت)

08-13-2014 10:03 AM
كلام عقلاني الي حد كبير
واتمني من الجميع ان ينظروا الي واقع السودان بعيدا عن التعصب السياسي
حتي نخرج من هذه الازمات وحالة الانهيار الكلي
(اقتصادي . اجتماعي . سياسي ......)

[مهندس. مصطفى]

#1078041 [أغبش ساكت]
0.00/5 (0 صوت)

08-13-2014 09:41 AM
والله موقف رتشكر عليه يا باشمهندس .... أول مرة نشوفك تتحدث بعقلانية ودعمك للاعلان أزال عنا الشكوك حوله

[أغبش ساكت]

#1078030 [أبوقرجة]
5.00/5 (2 صوت)

08-13-2014 09:29 AM
ما عايزنك ولن تكون جزء من الشعب السوداني بعد الانتفاضه بل راسك دا حنخته في المشنقه يا شاطر واستعد ليها من هي ... أنت من دمر السودان وامثالك .. وسنشنقكم .. والله لو عليه أنا انت يخلوك ليه بس علشان اختك في فرامه وأفرمك

[أبوقرجة]

#1077977 [الجقرم]
5.00/5 (2 صوت)

08-13-2014 08:53 AM
الوثيقة دى شارك فيها من تصفهم بالرويبضة بس طلعت انت الرويبضة الحقيقى

قوم لف

[الجقرم]

#1077939 [سودانى شديد]
5.00/5 (1 صوت)

08-13-2014 07:36 AM
و إنت دخلك شنو؟ دى حاجة بتخص الشعب السودانى و ليس الكيزان .. وللا آآآآآآآآآآ إنت قايلنا صدقنا إنك بقيت معارض لود أختك!! نسيت أيامك السوداء فى تلفزيون الشعب السودانى؟ وللا نسيت عمايلك فى الهيئة القومية للإتصالات؟ وللا قايلنا بننسى جريمتك بالتنسيق مع جهاز الأمن و دوركم القذر فى إنفصال الجنوب؟
أها لمن تقوم الكعة خلى ود أختك يجيب مليشيات رياك مشار عشان تنقذه و ورينا اليوم داك إنت حتعمل شنو!!!!

[سودانى شديد]

#1077883 [ركابي]
4.94/5 (6 صوت)

08-13-2014 05:10 AM
غريبة!!!!!!الطيب مصطفي بقي عقلاني

[ركابي]

#1077879 [ودأبوريش]
3.88/5 (5 صوت)

08-13-2014 05:06 AM
نعم ماقلت إلا حقا نريد التخلص من الحرب بأي صورة من الصور وبأي طريقة من الطرق والإخوة في الجبهة الثورية واضح عليهم الرضا بهذا التوقيع ونرجوا من عقلاء هذا المجتمع تأييد هذه الإتفاقية وجعلها من ضمن برنامج الحوار الوطني الشامل للخروج من هذا النفق المظلم وهذا الحصار الجائر الذي يعانيه السودان

[ودأبوريش]

#1077845 [daldoom]
0.00/5 (0 صوت)

08-13-2014 03:01 AM
foolish Daloka speaks on dead Sudan

[daldoom]

#1077801 [Abu]
4.00/5 (1 صوت)

08-13-2014 01:25 AM
Oh, please not again this Moran? HISTORY DOOMED TO REPEAT ITSELF! No end of this dung excrement we perceive from this mob! Every time they are trying to recycle our agony in a different form. The hell with you and useless other idiot?

[Abu]

ردود على Abu
[حسكنيت] 08-13-2014 12:15 PM
The emotional content of this twilight tongue was crystal clear the day he slaughtered the black bull—now wants to pick up the opportunity to escape out


#1077796 [nagatabuzaid]
4.97/5 (6 صوت)

08-13-2014 01:17 AM
اقف عند عبارتين هما :
اقولها بكل شجاعة د ى حلوة انت ما تراك قاعد تقول البتقولوا فى حد حايشك

ودعا الحكومة الى قبول هذه الوثيقة مقابل اعتذار الصادق المهدى عن حديثه
حول الحوار الوطنى بالله عليكم شوفوا الصادق كيف صغير فى نظر الهوامل ديل
انتوا الصادق ده ما كنتوا تقدروا تحوموا يوم بجنب بيتوا لاصطياد الطير
بالنبلة من شجرهم الان تشترطوا عليه الاعتذار هانت الزلابيا فطالما ان اولاده مكنكشين
مع ناس الانقاذ واكيد بتخطيط منوا لازم يستهينوا به رغم زعلى الشديد من الصادق
لدرجة الورم الفشفاشى لكن حقارة الهوان ديل به اغضبنى سبحان الله يا
الطيب مصطفى حتى ان توسطت لاطلاق مريم الصادق من الاعتقال فهو اهانة لها انت منو وانت شنو ؟

[nagatabuzaid]

#1077781 [Khalidali]
5.00/5 (9 صوت)

08-13-2014 12:39 AM
انت ما ليك كلمه فى البلد دى بعد زوال اولاد حوش بنقا السراقين ارجع للجحر الجيتنا منو .

[Khalidali]

ردود على Khalidali
Sudan [نونا] 08-13-2014 02:50 AM
ما قلت إلا الصدق، بلاوي و بتتحدف علينا!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة