الأخبار
أخبار إقليمية
شاهد: المصور الصحفي (سعيد عباس) ينشر مزيد من الصور لكوبري القوات المسلحة
شاهد: المصور الصحفي (سعيد عباس) ينشر مزيد من الصور لكوبري القوات المسلحة
شاهد: المصور الصحفي (سعيد عباس) ينشر مزيد من الصور لكوبري القوات المسلحة


رداً على محاولات تكذيبه
08-12-2014 11:28 PM
رد المصور الصحفي سعيد عباس سعد على الأقلام التي حاولت تكذيب صورته التي نشرها لكوبري القوات المسلحة بعد هطول الأمطار وعدم تصريفه للمياه التي حولته لبركة كبيرة؛ بنشر مزيداً من الصور التي قال أن الهدف منها هو توضيح الأخطاء الهندسية الكبيرة التي رافقت تشييد الكبري.
image

image

image

image

image


تعليقات 47 | إهداء 0 | زيارات 20547

التعليقات
#1078813 [sudani]
0.00/5 (0 صوت)

08-13-2014 10:02 PM
انتو مستغربين فى شنوا -- كبرى القوات المسلحة-- يعنى كبرى زى الاسم تماما - قوات مسلحة وما مسلحة-- حامية وما حامية -- لكن حاكمة وملاكة وقاعدة على ضفاف النيل وبتاكل يمين شمال == وعندها احسن قسم نساء وولادة فى السودان وبتدرس فى الناس هندسة وطب--وخليل لو ما ربنا ستر كان دخل ال--- * ودة كبرى وما كبري ** او كبرى فى صيف العبور وحوض سباحةفى خريف المطووور

[sudani]

#1078787 [ابو مصعب]
0.00/5 (0 صوت)

08-13-2014 09:20 PM
يا جماعة المشكلة تم حلها بواسطة ( صاحب السبلوقة للكبري ) بطلوا فلسفة فارغة قوموا شوفوا معايشكم وين ؟؟؟؟

[ابو مصعب]

#1078636 [البجاوى]
0.00/5 (0 صوت)

08-13-2014 05:12 PM
الله يكون فى العون ده السودان ياهو ده السودان ....

[البجاوى]

#1078618 [من بلدنا]
0.00/5 (0 صوت)

08-13-2014 04:47 PM
قي اجتماع مجلس الوزراء الاخير والكلام ده من صحيفة السوداني غندور عاتب ضياء الدين بلال لانه عرض الصور الاولى وكتب عنها مرتين وقال ليه ده سغل فوتوشب يعني ما حققي

[من بلدنا]

#1078495 [Mohamed]
0.00/5 (0 صوت)

08-13-2014 02:23 PM
والله حكاية عجيبة،، المهندس المسئول ده منو؟؟

[Mohamed]

#1078399 [فتوح]
4.00/5 (3 صوت)

08-13-2014 01:21 PM
طيب فى سيارات طالعة من الكبرى وهذا يعنى أن الماء ليس بكثير وهو يحدث كثيرا فى كبارى دول الخليج .... الوضوع فيه مبالغه مع كرهى الشديد للأنقاذ.... وأظن ان المصور أعطى الشماسة شوية فلوس قال ليهم أقلعوا وأدخلوا الموية أصوركم وأعمل فرقعة على حساب الشماسة

[فتوح]

ردود على فتوح
Saudi Arabia [وضع مزري] 08-13-2014 07:40 PM
ده ياتو خليج ده الانت فيه ياخ الشفع واقفين الموية واصلة الرقبة بعدين اذا كان في مثال سيء يعني نمشي عليه ولا شنو يعني
ارجع للسودان بعد مشو الانجليز وقارن بعد كدة بالخليج شوف كنا وين وبقينا وين واذا كان المنظر ده عادي لانو بيحدث في الخليج فلاخليج كلو فساد في فساد مع الاختلاف في توفر الامكانات


#1078269 [نكس]
5.00/5 (1 صوت)

08-13-2014 11:52 AM
شايف الحوض دا مفتوح - وين اتحاد السباحة - الاحواض المعجزة دي بتحل مشكلة التمرين للمشاركة في الالعاب الالومبية - محتاجيين واحد في شارع التحدي واتنيين الخرطوم كوستي واربعة شارع شندي وتكتمل الملاعب

[نكس]

#1078233 [فاعل خير]
5.00/5 (1 صوت)

08-13-2014 11:26 AM
بلد انتهت و ما في فايده

[فاعل خير]

#1078231 [عيييك]
0.00/5 (0 صوت)

08-13-2014 11:25 AM
لا سبلوقة ولا دياولو .... الحل هو مراتب سفنجة من المحاميد جووووووووووووووووووووت تشرب ليكم السيول دي كلها!

[عيييك]

#1078209 [احمد]
5.00/5 (2 صوت)

08-13-2014 11:05 AM
ادعى المسئولين ان الصورة مفبركة بدعوى ان السباحة في هذه المياة التي تعبرها العربات غير منطقي و تم بايعاز من المصــــــــــــور ..و مع ذلك العيوب الهندسية واضحة ...

[احمد]

#1078202 [فاروق بشير]
0.00/5 (0 صوت)

08-13-2014 10:59 AM
طيب ديل مشكلتين وليست واحدة: كوبرى وبشر.
ونحن نسال عن هوية هذا الكبري؟

[فاروق بشير]

#1078170 [حسكنيت]
5.00/5 (2 صوت)

08-13-2014 10:23 AM
واضح إنو الشركة النفذت الكبرى، الجماعة عملوا ليها كوبرى

[حسكنيت]

#1078159 [نورة النور نورين أبو نورة]
0.00/5 (0 صوت)

08-13-2014 10:07 AM
أحسن طريقة لحصد المياه يا لعبقرية مهندسي المؤتمرجية

[نورة النور نورين أبو نورة]

#1078145 [المتجهجه بسبب الانفصال]
4.38/5 (11 صوت)

08-13-2014 10:00 AM
في الدول المتقدمة الكباري تشيد من غير دراسة أو ميزانية صيانة،، في السودان يتم تشييد الكباري لتكون متعددة الاغراض وذلك على أساس أن الحياة السودانية لا تسير دغري فعلى سبيل المثال اذا كنت ماشي الدكان تشتري علبة كبريتة يلاقيك عوض الله جارنا في الطريق يحلف عليك طلاق انو بس عندو مشوار صغير لي دفع الله تمشي معاي وترجع أمشي معاهو وفي الطريق يلاقي فتح الرحمن ويقيف معاهو يتناقشوا في لجنة الحي البتقوم بالاشياء المفروض تقوم بيها الحكومة وبدل ما ترفع الحكومة كاهل المعاناة من المواطن تقوم اللجان في الاحياء برفع المعاناة من كاهل الحكومة وتستمر الحكومة في اعتبار الشعب مجرد بومة يحقق لها الخدمات بدل العكس،،، فلا غرو أو غرور ان يقول الخضر للمواطنين في عز ازمة السيول عدو السنة دي خنق ونحن بنعديها لبع ،، والسنة الجاية ان شاء الله بنسألكم تعدوها فطيس بعد الخنق،، وهذا هو حال الدولة السودانية خالية البال من جانب المواطن واحتياجاته ،،،

فدع الايام تفعل ما تشاء وطب نفسا اذا حكم القضاء
ولا تجزع من خريف او ايبولا أو غيره من انواع الابتلاء
فقد خلقت لذلك يا مواطن ونحن للكوارث بأيدينا فداء
وهل سألت اوروبا عنا فنحن شيمتنا البلاوي والعناء
فما لدنيا قد عملنا ومعجزتنا كبارينا فوق وتحت ماء
ولا تسمع لعزول فانت في عز وسلامة بل انت الرخاء
فاصبر اكثر يا مواطن حتى تشتهي جغمة الماء
فمبتغانا أن تصافحك بسببنا ملائكة السماء
ولا تنظر لما جنينا من مال وعقار ودولار فما الدنيا الا هراء
ولا تجزع من حال المستشفيات فلم العلاج والدنيا فناء
ولا تحتج لسفرنا للعلاج بالخارج فبوجودك نوفر مصاريف الشفاء
فكد وأجري يا مواطن من الصباح الى المساء
وأملأ حياتك بالمشقة وهذا هو برنامجنا للرخاء

[المتجهجه بسبب الانفصال]

ردود على المتجهجه بسبب الانفصال
Qatar [sasa] 08-13-2014 01:02 PM
صح لسانك .... لكن دع الجهجة بسبب الانفصال ؟ حتى لاتصاب مثلى بالانفصام

Sudan [نكس] 08-13-2014 11:45 AM
اجمل تعليق علي الاطلاق للحالة السودانية - بارك الله فيك يا متجهجه


#1078143 []ود نيالا]
4.50/5 (3 صوت)

08-13-2014 09:59 AM
يا اخوانا خلو الا طفال المحرمين من احواض السباحة يعمو ساي انشاء الله مرة واحدة في العمر وعفيت منك و يا ود عزت هم اصلا مفدوحين من يوم 30/06/1989 اذهب الي القصر رئيسا وانا اذهب الي كوبر حبيسا هكذا كانت البداية الحقيقة لجماعة الاخوان المنافقين في السودان ظهر الفساد في البر والبحر بما كسبت ايديهم الي يومنا هذا والساقية لسة مدورة مرة حوار ومرة كلام عن الانتخابات مرة اعتقالات النشوف اخرتها يا ناس الانقاذ

[]ود نيالا]

#1078067 [بدرين ابراهيم]
4.75/5 (5 صوت)

08-13-2014 09:06 AM
سمعنا بحدائق بابل المعلقة ولكننا لم نسمع ببرك الخرطوم المعلقة!!

[بدرين ابراهيم]

#1078055 [شومين]
3.75/5 (6 صوت)

08-13-2014 08:54 AM
للمعلوميه اغلبية طلاب المؤتمر الوطني او حركه الطلاب الاسلاميين كما يحلو لهم تسميته في الجامعات بيكونو مشغولين بالعمل النقابي في الاتحاد او بالاعمال البتخص التنظيم فبالتالي الحصيله العلميه ليهم بتكون ضعيفة جدا وبتخرجو ما ناقشين حاجه وانا شخصيا بعرف اشخاص بالاسماء في الدفع التي تسبقنا في كلية الهندسه جامعه السودان كانو سجمانين اكاديمياولاهم لهم الا اكل اموال الطلاب .. واتخرجو واخدو رقم هندسي فبالتالي ما تستغرب انك تلقا في البلد شغل بالصوره دي

[شومين]

#1078054 [ali]
5.00/5 (1 صوت)

08-13-2014 08:53 AM
يوجد منخفض بين جسم كبري كوبر القديم والنفق الذي صمم شمال الكبري من جهة كوبر هذا المنخفض هو الذي جمع الماء التي تنحدر من اعلي جسم الكبري هذا علي حسب مروري بالكبري في فترات سابقة وكان من مصمم النفق ان يعمل تصريف لهذه المنطقة المنخفضة التي كما ذكرت سابقا بين النفق والكبري

[ali]

#1078052 [عدس]
3.75/5 (5 صوت)

08-13-2014 08:49 AM
إنتوا زعلانين ليه ؟ يعملوا للكبري سبلوقة وخلاص الموضوع إنتهي

[عدس]

#1078048 [جركان فاضى]
4.50/5 (5 صوت)

08-13-2014 08:46 AM
يا اخوانا مافيش اخطاء فى هندسة الكبرى....بس المساح كان احوص

[جركان فاضى]

#1078035 [ابومروان]
5.00/5 (3 صوت)

08-13-2014 08:34 AM
كان في حرامية بيتغالطوا مين فيهم الاكثر حرمنة واحد قال للاخر ان بغش في مواصفات الكباري وباكل وانت بتعمل شنو قال ليه شايف الخلا داك قال ليه شايفه اها انا بوهم انه ده كبري وباكل القروش بتاعته لحدي ماجاءهم الحرامي الجد جد وقال ليهم شايفين حوض السباحة داك اها ده الكوبري السويته واكلت الباقي

[ابومروان]

#1078017 [احمد صلاح]
5.00/5 (2 صوت)

08-13-2014 08:22 AM
انا شغال محاسب فى مؤسسة مقاولات فى بلد خليجي وبنستلم مشروعات حكوميه كثيره واى مشروع بنودع ليهو ضمان قيمته 5% من إجمالى قيمة العقد بإسم الجهه المالكه للمشروع ولا يتم الإفراج عنه الا بعد إنتهاء سنه كامله من تاريخ التسليم النهائي للمشروع يعنى بالواضح كده خلال السنه دى لو ظهرت اى عيوب او اخطاء فى تنفيذ المشروع مؤسستنا تمشى تراجع شغلها وتصلح وبرقابة مشدده المره دى كمان وإلا تم تكليف مؤسسة تانيه للقيام بالإصلاحات ويدفعوا ليهم من ضماننا الماسكوا مننا فى البنك ’ مع ملاحظة انه الاصلاحات دى ونحنا بنسميها صيانة ضمان كثيراً ماتتجاوز ال 5% المحجوزه كضمان وبرضووووو الضمان بكون محجوز عند البنك إلى ان تنتهى السنه..!!!؟؟

[احمد صلاح]

ردود على احمد صلاح
Saudi Arabia [ابومروان] 08-13-2014 05:39 PM
الاخ احمد صلاح برضو انا شغال محاسب وفي الخليج الدفعه البتقول عليها اسمها محاسبيا حسن تنفيذ وقد تتغير الاسامي ولكن الخطأ في كوبري القوات المسلحة المعني بيه الشركة الاستشارية اكثر ونشكرك جزيل الشكر

Saudi Arabia [احمد صلاح] 08-13-2014 05:32 PM
ياحازم,,, ازيدك فى الشعر بيت كمان... والله مافى مرحله من الشغل بنقدر نعملها إلا المهندس بتاع الجهه المالكه يكون حاضر ولو ماجاء الشغل يتأجل يعنى الخرسانات وتوصيل الكهرباء.. الخ ده غير انه الحكومه هنا بتشترط انه توريد المواد من سباكه وكهرباء وبلاط وغيره من اماكن محدده معتمده من الحكومه يعنى الجهات البتورد لينا المواد لو مامشوا اخدوا عينه وإعتمدوها فى مختبرات الحكومه وينزلوهم فى الكشف انهم معتمدين المواد بتاعتهم مابنقدر نشتغل بيها نهائى لأنهم لو لقوا اى مؤسسه شغاله بمواد غير معتمده غرامات ومشاكل ماليها حد.. والله نحنا ماعندنا وجيع

Sudan [HAZIM] 08-13-2014 09:41 AM
أحمد صلاح ،،، نفس الإجراءات دى موجودة فى السودان وفى معظم عقود الهندسية وكمان بدل 5% بتاعتك ، عندنا 10% خطاب ضمان سارى المفعول ولا تقبل الشيكات ،، لكن الممارسة شى والواقع شي تانى =)+: وأظنك فهمت العلامة دى معناها شنو .

Saudi Arabia [العوض] 08-13-2014 09:37 AM
نعم هنالك ضمانات لمقابله أخطاء صغيره لا تصل لمثل هذه الاخطاء الجسيمة التى يتم اكتشافها قبل استلام المشروع عن طريق التجربه ومراجعه الافتراضات والاتصاميم الهنديسه ومدى مطابقتها لما تم تنفيزه كما ان هنالك موافقات مسبقة تصدر قبل شراء المواد للتاكد من مطابقتها للمواصفات ويكون هنالك عملاء توريد مواد معتمدين يتم مراجعهتم من قبل جهات مختصه اخري للتاكد من مطابقهم للشروط والاجراءات المعنيه بالمواد من حيث التصنيع وظروف التخزين وهلم جرا..

هذه الاشايء ليس صعبه وكانت موجوده اصلا في السودان لذلك كل المشاريع التى نفذت قبل الانقاذ تقل فيها الاخطاء الساذجة لانهاكانت تتم وفق معاييرجوده عالمية اما الان فالفساد انتشر من الراس للساس ولا احد يمكن ان يحاسب او يحاسب .

مثل هذه الضمانات تسمى ضمان حسن تفنيذ performance bonds


#1078008 [أبو مصطفى]
5.00/5 (1 صوت)

08-13-2014 08:11 AM
والله يا جماعة الخيرالكيزان ديل يغالطوك فى اسمك ويغالطوك فى الشمس البتكون فى نص السما ويقولوا ليك دى ما الشمس دى القمرة ويلموا فيك كتار يقولوا ليك شوف الزول الما بفهم دا دى القمرة ويحلفوا ليك بالله ما هم أصلهم ما عندهم دين ، والله يا عزت الكيزان ديل يمكن يغالطوك فى انك راجل ولا مرة ولو ما مصدقين أسألوا (أمين حسن عمر) عنده الخبر اليقين.

[أبو مصطفى]

#1078000 [ود قلبه]
3.00/5 (2 صوت)

08-13-2014 08:06 AM
اذا الكبري التحته النيل ماقدروا يصرفوا فكيف بباقي المناطق ؟؟؟؟؟؟؟؟؟

[ود قلبه]

#1077999 [صلاح مصطفي أحمد]
5.00/5 (3 صوت)

08-13-2014 08:06 AM
اول مرة أشوف لي حفير في الخرطوم عندنا في الجزيرة شئ عادي وقد ما ِأحكي لأولاد خالتي في الخرطوم عن الحفائر وكيف كنا نعوم فيها بشبوهها لي بالمسبح لكن الحمد لله جات من ربك أهو بقت عندهم في الكبري والمايعوم يتفرج ومافي حد أحسن من حد ( عدالة السماء ) والله الجماعة ديل كان لقوا ليهم لقمة مع بصلة مع حبه موية من دي حاجة ما تخلص .

[صلاح مصطفي أحمد]

#1077975 [د. هشام]
4.25/5 (3 صوت)

08-13-2014 07:52 AM
"كبري الإنقاذ العايم"!!

[د. هشام]

#1077973 [شليل]
5.00/5 (1 صوت)

08-13-2014 07:50 AM
تحياتي للمصور و أكثر الذي يحملني على الإشادة بك هو إصرارك على فضح زيف المغالطين ، في أزمات مماثلة في هذا البلد المنكوب بحكم هؤلاء ينكرون ضوء الشمس و يتولى الأرزقية الدفاع عنهم و بأي ثمن ، اغتصبوا الكثيرات و الهبوا ظهور البعض و نلك جرائم لا يستطيع الضحية كشفها على الملأ لأن مجتمعنا ينافق بالكاد يصدق الضحية فعنده الأسوياء لبسة الميري و يلونهم مرتبة الصحفيين و الاعلاميين اصحاب الحلاقيم الكبيرة !! شكري الجزيل و سيفيق مجتمعنا يوما من هذه الغيبوبة المتعمدة و سلام على الراكوبة على مر الزمان

[شليل]

#1077972 [صادميم]
5.00/5 (3 صوت)

08-13-2014 07:48 AM
الكبري الذي حجز مياه الأمطار و اصبح حوض سباحة ليس كبري القوات المسلحة و الذي أنشئ على احدث الطرق بواسطة شركة ريكي الإيطالية و إنما امتداده الي داخل كوبر و الذي أنشئ في عهد حكومة الإنقاذ بواسطة شركة مجهولة فاسدة دفعت لا شك عمولات لمهندسين افسد منها من الكيزان.

[صادميم]

#1077950 [دوشكا]
5.00/5 (1 صوت)

08-13-2014 07:10 AM
لاحول ولاقوة إلا بالله عمرنا ما شوفنا كوبري بتحجز مياه إلا في السودان فساد في فساد حرامية أولاد كلب لو في قانون المفروض يعدم المهندس الصمم الكوبري لكن للآسف مافي قانون البلد بقت ملطشة بقي فوضة كلو من هبه ودبه عامل فيها زعيم وحرامي الله يكفينا من شركم اعمالكم ربك مع المظلوم يوم الحساب قرب سوف تحاسبوا حسابا عسير ( والتحية لشعب السوداني )

[دوشكا]

#1077940 [كافونجا]
0.00/5 (0 صوت)

08-13-2014 06:42 AM
الضفادع البشريه
الله يستر من الصينين

[كافونجا]

#1077933 [كاسبر]
5.00/5 (1 صوت)

08-13-2014 06:23 AM
كضبطوها ده ما كبرى القوات المسلحة!
دة كبرى القوات البحرية!!!!!

[كاسبر]

#1077888 [ركابي]
4.73/5 (10 صوت)

08-13-2014 04:17 AM
شئ اغرب من الخيال!!!!!!!!سمعنا بحدائق بابل المعلقة لكن اول مرة نسمع بكوبري بيحجز موية المهندسين العملوا الشغل ده راكبين فيل مغربي

[ركابي]

ردود على ركابي
Malaysia [ميمو] 08-13-2014 06:07 AM
دي اسمها حمامات الانقاذ المعلقة ... !!


#1077887 [Sadrik]
4.47/5 (9 صوت)

08-13-2014 04:16 AM
والله الشماشه إخوانا ظاربين الهم بالقم في منتهي السعادة ودائما بعكسو واقع حقيقي في الحياه

[Sadrik]

#1077857 [ahmed]
4.68/5 (22 صوت)

08-13-2014 02:46 AM
يا سعيد عباس
الذي صمم الكبري مهندس من أكفأ مهندسي الأخوان المسلميين ووهو عبارة عن كبري وخزان أها قلت شنو ؟

[ahmed]

ردود على ahmed
Saudi Arabia [كتاحة امريكا] 08-13-2014 08:19 AM
دا الشغل


#1077854 [المتألم حتى العضم]
4.75/5 (5 صوت)

08-13-2014 02:38 AM
الاود مونج بدقو راس فى كبرى حوض سباحة القوات المسلحه ههههههههههههه غباء مهندسين وحراميه كمان ؟

[المتألم حتى العضم]

#1077834 [SESE]
4.50/5 (12 صوت)

08-13-2014 01:38 AM
اذا كانت كل الكباري في الدنيا (حداباء) او مستوية فلأول مرة في التاريخ نشوف كوبري (افزر)......!!!!

انه زمن العجائب الدنيوية التي تجاوزت الـ700 بدل ما كانت 7 فقط.......!!

[SESE]

ردود على SESE
[حسكنيت] 08-13-2014 10:27 AM
الفزرة جات من الجماعة النفذوهو ( كلهم رز ،عدس ، فاصوليا ، كباب )


#1077822 [sudani]
4.36/5 (7 صوت)

08-13-2014 01:11 AM
متى تقرر الحكومة مراجعة المهندسين بالضمان
الطويل كما فى جميع العالم
يعنى غلبهم يخرموا الكبرى
هههههههههههههههه

[sudani]

ردود على sudani
Saudi Arabia [المتغرب الأبدي] 08-13-2014 07:37 AM
هههههههههههههه

Canada [الدنقلاوي] 08-13-2014 05:27 AM
يخرموا الكبري كيف يعني ... انت عايز الموية تكب في النيل ومشاريع حصاد المياه بتاعت الوالي ومشروع أحواض السباحة المعلقة بتاعت وزير السياحة السلفي تفشل !!!


#1077814 [ود ام در]
4.13/5 (5 صوت)

08-13-2014 12:54 AM
ياخ ديل يغالطوك فى اسمك ... اعوذ بالله

[ود ام در]

#1077804 [نص صديري]
3.99/5 (13 صوت)

08-13-2014 12:28 AM
ياجماعة الصورة دي جميلة جدا... بلاهي شوفوا برأة الاطفال ديل مش عيب يكونو مشردين
السودان ده بلد ظالم بشكل عجيب

[نص صديري]

ردود على نص صديري
United Arab Emirates [موردة حضارة] 08-13-2014 07:46 AM
بالله وليس بلاهي
اخي يجب التعامل مع لفظ الجلاله بحرص ودقه واهتمام
شكرا


#1077780 [نقطة نظام]
5.00/5 (3 صوت)

08-12-2014 11:38 PM
حوض سباحة متسخ

[نقطة نظام]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة