الأخبار
منوعات سودانية
تعرض شابة لحادثة بشعة أفقدتها البصر والذاكرة
تعرض شابة لحادثة بشعة أفقدتها البصر والذاكرة
 تعرض شابة لحادثة بشعة أفقدتها البصر والذاكرة


08-14-2014 12:58 AM
الخرطوم: مسرة شبيلي :

تعرضت شابة عشرينية لحادثة اعتداء بشعة أفقدتها البصر والذاكرة، من قبل سائق ركشة وأصدقائه، وهي الآن في حالة غيبوبة تامة، تعاني من ارتجاج في المخ بسبب الضرب المبرح والاغتصاب الذي تعرضت له من قبل المتهمين.

وتعود الوقائع إلى الخامس والعشرين من شهر رمضان المعظم حيث كانت الفتاة متوجهة من دارها في زيارة إلى منزل خالتها، وأوقفت سائق ركشة واستأجرته لتوصيلها إلى وجهتها، وفي الأثناء انطلق بها بسرعة زائدة واعتبرت الفتاة الأمر عادياً إلا أنه غيّر مساره إلى جهة غير معلومة لديها وأوقف الركشة بمكان مهجور بعد انحرافه عن الطريق واتصل بأصدقائه الذين كانوا بالقرب منه وتهجموا على الفتاة وحاولت الهروب لكنهم أمسكوا بها واعتدوا عليها وأبدت لهم مقاومة لكنها فشلت وتمكنوا من اغتصابها وضربها وتركوها ملقية بالشارع العام ولاذوا بالهروب، وفي اليوم الثاني وجدها ابن الجيران ملقية على الأرض وقام بإسعافها إلى المستشفى لتلقي العلاج وهي في غيبوبة ودون بلاغاً بقسم شرطة أبوسعد ضد مجهولين، ولم يتم القبض على المتهمين وما زالت الشرطة تكثف مجهوداتها للقبض عليهم وتقديمهم لمحاكمة عادلة رادعة، وقال مقربون من الفتاة إنها استأمنت سائق الركشة عندما استغلته في مشوارها ووقع الحادث في شهر رمضان العظيم وفي أوائل المساء ووجهوا تنبيهاً للأسر بعدم السماح بخروج الفتيات بمفردهن ليلاً لانعدام الأمن ووجود بعض النوازع الإجرامية من بعض ضعاف النفوس.

اخر لحظة


تعليقات 6 | إهداء 0 | زيارات 5394

التعليقات
#1079595 [ود الركابي]
0.00/5 (0 صوت)

08-14-2014 08:12 PM
ياجماعة كل غيبتنا من البلد 14 سنة ويحصل ده كله .. فهمونا حصل شنو في البلد الناس فقدت عقلها ولا شنو الحاصل .. بكل اسف بلدنا انتهت .. اطالب بأعدام الكلاب ديل .. الله لا كسبهم دنيا وآخره ..

[ود الركابي]

#1079478 [حلفانكيل]
0.00/5 (0 صوت)

08-14-2014 05:01 PM
فعلاً ما كان في زول حاضر الكلام دا والبنت في حالة اغماء اقول ليكم الشاف الكلام دا منو وحكى لى الصحفية اتضح انو ود الجيران القاها دا الود بتاع كافوري الجاي من لندن وزاق من المجرمين الخاطفنو وكانو دايرين يعبو بنزين .


ارحمونا من الققص الاكشن دى يا صحفيين

[حلفانكيل]

#1079467 [نقطة نظام]
1.00/5 (1 صوت)

08-14-2014 04:43 PM
مثل موضوع عصابات ابو سيوف في المملكة المغربية ينفذون عملياتهم الاجرامية مستغلين المواتر لان المواتر في المغرب لا ترخص ولا تحمل اى لوحات

[نقطة نظام]

#1079122 [zooooooooool]
0.00/5 (0 صوت)

08-14-2014 10:35 AM
tof 3lekoum

[zooooooooool]

#1079067 [المتغرب الأبدي]
4.50/5 (7 صوت)

08-14-2014 09:54 AM
القصة فيها شيء من التأليف ..
إذا كانت الفتاة ما تزال في غيبوبة ولم يتم القبض على الفاعلين فمن الذي سرد التفاصيل التالية:

1- في الأثناء انطلق بها بسرعة زائدة
2- اعتبرت الفتاة الأمر عادياً
3- إلا أنه غيّر مساره إلى جهة غير معلومة لديها
4- أوقف الركشة بمكان مهجور بعد انحرافه عن الطريق
5- اتصل بأصدقائه الذين كانوا بالقرب منه
6- وتهجموا على الفتاة
7- حاولت الهروب
8- لكنهم أمسكوا بها
9- اعتدوا عليها
10- أبدت لهم مقاومة لكنها فشلت
11- تمكنوا من اغتصابها
12- وضربها
13- تركوها ملقية بالشارع العام
14- لاذوا بالهروب

هل هناك شاهد عيان رأى هذه التفاصيل يا مسرة شبيلي ؟؟
؟؟؟؟؟؟؟؟؟؟؟؟؟

[المتغرب الأبدي]

ردود على المتغرب الأبدي
Norway [الجمالي] 08-14-2014 01:41 PM
ربما دخلت في الغيبوبة بعد الادلاء ببعض المعلومات والله اعلم...

Saudi Arabia [أبو نـور] 08-14-2014 12:58 PM
أحييك يا المتغرب .. الخبر دا إما أنه كذب براح أو أن للمصدر صلة ما بالجناه .. والله تعالى أعلم.

Saudi Arabia [ود الجنوبيه والجعلي] 08-14-2014 12:41 PM
اغلب الملاحظات الذكرتها ممكن تتعرف بدون أن تتحدث الفتاه :
(03) ممكن البنت تكون كلمت خالتها انها جايها وإتلقت فى مكان بعيد تماماً .
(04) المكان المهجور ماضرورى البنت تتكلم يعنى..!! مهجور يعنى مهجور .
(05) ممكن من الاثار التى وجدت مكان وجدت الفتاة يتم معرفة عدد المجرمين ولا داعى انها تتكلم برضو .
(06) تهجم يعنى تعدي وبرضو اكيد ظاهر لانه البنت لقوها مغتصبه .
(07) طبيعى طبعاً انها حاولت الهرب وإلا ماكنت اضربت للدرجة دى .
(08) برضو طبيعى امسكوا بها لانهم فى النهاية اغتصبوها .
(09) برضو...
(10) اكييييد ضربوها عشان قاومت..
(11) الكشف الطبي يثبت ذلك .
(12) الكشف الطبي برضو..
(13) مكان لقوها يعنى ماضرورى تقول انا موجوده هنا ياناس .
(14) برضو طبيعى انهم لاذوا بالفرار طالما مرميه مكان مهجور وضربوها وإغتصبوها مابنتظروا ..!!

باقى ليك رقم (1) بس..!!! يبقى الموضوع ماتأليف كده.

Saudi Arabia [عاشق] 08-14-2014 12:34 PM
شكلك بتاع مباحث أو تحريات يا المتغرب الأبدي

Saudi Arabia [المغبون] 08-14-2014 12:19 PM
والله كلامك معقول وملاحظات فى الصميم شكل الراوية ما ماعارفة تفاصيل القصة والفت المكتوب من رأسها وفاكرة الناس بتمشيها زى ما ممشين كل شئ اشممعنى هذه التلفيقة ما يمشوها .

Saudi Arabia [كوكي] 08-14-2014 11:44 AM
ووجدها ابن الجيران !!!! مش ذهب بها الى منطقة نائية ؟؟ ابن الجيران الجابو شنو ؟؟ ياخي دة اسفاف وصحافة مهترئة

[الهبشتك] 08-14-2014 11:19 AM
الناس ديل قايلننا مغفلين ولا يكون بحكو لينا في قصص قبل النوم
قول لمسرة شبيلي دي الحبوبات البحجو ماتو والشفع الزمن دا بقو واعيين


#1078942 [ركابي]
4.75/5 (3 صوت)

08-14-2014 05:16 AM
في رمضان كمان ياكفرة !!!!لاحول ولاقوة الا بالله العلي العظيم .......البلد دي حصل فيها شنو ما كنا كدة !!!!!!!!!!
قبل كدة برضو سمعنا بقصة بتاع ركشة خطف شنطة بت في سوق امدرمان وقام بتاع تاكسي وقف ليها وركبت معاهو وقعدوا يطاردوا في بتاع الركشة لغاية مادخل حتة مهجورة وهناك اغتصبوها الاتنين بتاع الركشة والتاكسي طلعوا متفقين

[ركابي]

ردود على ركابي
Saudi Arabia [مسطول] 08-14-2014 05:54 PM
نعم في رمضان .. ديل عندهم عادي زي الزباي
البلدوزر وما ادراك ما البلدوزر والدفع الرباعي
خلالص ولا نزيد من الشعر بيت
مع تحياتي يا ركابي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة