الأخبار
أخبار إقليمية
حملة جماهيرية لمقاطعة فريق الهلال السوداني
حملة جماهيرية لمقاطعة فريق الهلال السوداني
حملة جماهيرية لمقاطعة فريق الهلال السوداني


بعد تعيين( فاطنة شاش) ناطقاً إعلاميا باسمه
08-13-2014 10:31 PM
الخرطوم- خاص الراكوبة

قبل أن تفيق جماهير نادي الهلال السوداني من صدمتها جراء خروج الفريق غير المتوقع من دوري أبطال أفريقيا بعد تعثره أمام نادي مازيمبي الكونغولي بتحامل واضح من الحكم بحسب الجماهير التي حملته مسؤولية عدم إحتسابه لركلة جزاء واضحة نتجت عن صد مدافع الفريق الكونغولي للكرة التي كانت تتهاوى نحو شباك فريقه بيده، قررت إدارة النادي بقيادة رئيسه الجديد أشرف الكاردينال إسناد مهمة المنسق الإعلامي لقواصة جهاز الأمن والمخابرات الوطني (فاطمة الصادق) الشهيرة بفاطنة شاش منا روابط مشجعي النادي وقطاع واسع من الجماهير لقيادة حملة واسعة من أجل مقاطعة النادي في الوقت الحالي بإعتبار أن الذين يقودونه يمثلون وصمة عار في وجه عراقة الكيان الهلالي.

ويشار إلى أن المدعوة فاطنة شاش وصفت شهداء ثورة سبتمبر بالمساطيل والمأجورين الذين يتعاطون حبوب الهلوسة، والمخدرات ولم تكتفي فاطنة التي لقبت بشاش بالتهكم على الشهداء بل سخرت من المجتمع السوداني نفسه وتهجمت عليه واصفةً أياه بالفسوق والإنحلال بقولها: كل بيت سوداني يوجد به سكير أو ساطل أو زاني .


تعليقات 49 | إهداء 0 | زيارات 14621

التعليقات
#1079827 [ابومصعب]
0.00/5 (0 صوت)

08-15-2014 08:21 AM
اختيار صادف اهله البنت تعشق الهلال والهلال والاهله يعشقونها رفقا بالقوارير فنجاحات فاطمه تغضب اعداء النجاح مبروك فاطمه امضى ولا تلتفتى للحاقدين

[ابومصعب]

#1079812 [جيمى قانون]
0.00/5 (0 صوت)

08-15-2014 07:40 AM
يا شباب انتو الطرطاشة دى سودانية ولا حبشية؟؟

[جيمى قانون]

#1079759 [نونا]
5.00/5 (1 صوت)

08-15-2014 03:04 AM
بعض النظر عن الشخصية المختارة و اللي ظاهر من آراء الناس إنهم ما إتوفقوا في إختيارها ، إلا إنو ظاااهر ما عندهم شغلة!! ناطق رسمي لفريق كورة؟؟؟ اول مرة اسمع بيها دي اها يااا ريال مدريد ، هي الكورة بتتقال و لا بتتلعب؟؟؟؟ أوعى تكونوا بديتوا الموسم كلام؟؟ محن !

[نونا]

#1079754 [خلف خلاف]
0.00/5 (0 صوت)

08-15-2014 02:39 AM
اسئلة غير بريئة الي المدعوة فاطمةشاش
بما ان فاطمة هذه تدعي ان في كل بيت سوداني يوجد سكير ومسطول وزان . وبما ان فاطمة هذه تنتمي الي بيت سوداني . اود ان اطرح عليها مجموعة من الاسئلة لو كانت تقرأ ما يكتب

1 - من هو السكير والمسطول والزاني في بيتكم ؟ هل انت شخصيا ام شخص اخر ؟
2 - منذ متي بدأ ممارسة اي من هذه الذنوب ؟
3 -هل مازال يرتكب هذه الموبقات ام تاب عنها ؟
4 - ان كانت الاجابة بنعم من الذي اخذ بيده وكيف ؟
الاجابة علي هذه الاجابات بصدق قد يساعد الاخيرين علي الاخذ بيد عصاتهم ومذنبيهم

[خلف خلاف]

#1079700 [عشكبه]
0.00/5 (0 صوت)

08-14-2014 11:31 PM
على كل حال ...أنا مريخابي لكن لا أرضى هذه المهزله للهلال أو لأي فريق اخر . تسقط شاش و اتباعها ...و الموت و الدمار لأعداء الشعب . وعاشت ذكرى شهداء سبتمبر و المجد و الخلود لضحايا الوطن .

[عشكبه]

#1079697 [بركه بجاوي]
0.00/5 (0 صوت)

08-14-2014 11:23 PM
يا جماعة الواحد من ما طلع من بورتسودان نسي الرياضة البت دي شكلها كدا شرم؟؟؟؟ وعلاقتها شنو بالرياضة بعدين الكردينال هوا زاتو منو افيدونا

[بركه بجاوي]

ردود على بركه بجاوي
Sudan [نونا] 08-15-2014 02:54 AM
يا راجل يا بركة ، من بور سودان و ما بتعرف الكاردينال؟؟؟ بالغت فيها دي!!!


#1079678 [عادل احمد]
5.00/5 (1 صوت)

08-14-2014 11:02 PM
تذكر اخوتي يوم مباراة الهلال وسانتوس البرازيلي بقيادة الملك بيليه في السبعينات من القرن الماضي وكنت صبياً يافعاً ولكن الهلال كان ولهي وعشقي الكبير والوالد لا يسمح بالذهاب للاستادات وكنت متأثراً وحزيناً لعدم تمكني من حضور المباراة حتي أن الوالدة رحمها الله لاجظت ذلك فذهبت للوالد وقالت له( ولدي داير يموت بدرب الهلال حلفتك بالله والرسول وبالعشرة البينا كان ما سقته معاك المباراة ) وبالفعل اخذني الوالد للاستاد ولكن وجدنا المباراة علي وشك ان تبدا والابواب أغلقت فقال الوالد ( اه خلاص ارتحت الابواب قفلوها فبكيت ولكن رجل بوليس شهم راي تاثري ففتح الباب لنا وسمح لنا بالدخول مجاناوعشت أحلي اللحظات مع المباراة وبعد المباراة رجعنا للمنزل وقال الوالد للوالدة ولدك دا ما بينفع دا مرضان بالهلال ) . وبعد أن صرت شاباً اتذكر عندما سجل عز الدين الدحيش اهداف الهلال في المريخ في كاس الذهب كيف بكيت فرحاً ( وبجعيرتها ) وكيف عندما انتقل الدحيش للمريخ لشهور معدودة لبعض الخلافات وعاد مرة أخري للهلال وعمل له مهرجان كبير باستاد الهلال وكيف أنني وعندما نزل الدحيش للملعب مرتدياً شعار الهلال بكيت والتفت حولي جماهير الهلال تمسح من دموع الفرح عني وكيف انني عندما كنت طالباً بجامعة الخرطوم كنت اترك محاضرات المساء لأحضر تمارين الهلال حتي وجه لي انذار بالفصل ايام الدكتور يوسف فضل . وغير ذلك الكثير كانت لنا ايام وذكريات ايام الدحيش وقاقارين وكسلا وشيخ ادريس بركات وشواطين وابو العز والضب وكوري وشوقي وفوزي وعبدالله موسي ( باك الحكومة )وزغبير والريشة وقلة وعروة وغيرهم من الأفذاذ .
اسمحوا لي أخواني أن اقول لكم وبحق عشقي للهلال أنه قد وجهت إلي اليوم اساءة شخصية بالغة باختيار فاطمة شاش ناطقة باسم الهلال وشعرت أن كرامتي قد اهدرت وأن ذكرياتي قد محيت . فحسبنا الله ونعم الوكيل

[عادل احمد]

#1079674 [ابوفهد]
0.00/5 (0 صوت)

08-14-2014 10:53 PM
عايرة وادوها سوط.

[ابوفهد]

#1079665 [عصمتووف]
5.00/5 (1 صوت)

08-14-2014 10:42 PM
الحمدلله اعفاني وشفاني من ادمان الهلال اولا والكره عامة انتهت علاقتي ب الكوره منذ مصطفي النقر وسامي والريشة هذا اخر جيل الدورة المدرسية الكره من عدمت كيشو ودالبدري الطيب عبدالله ابوالعائلة وعبدالله الشيخ واسف لنسياني للبقية ليس لها طعم ولا لون رائحتها عفنة كره يستجلبوا لها اجانب مغمورين تم جمعهم من الازقة والادغال والبارات والشوارع يدفعوا فيهم الملايين تف عليها لو كان نافعين ل لعبوا في بلادهم
تف علي زمن السمسره والقواده

[عصمتووف]

#1079636 [aymanali]
5.00/5 (1 صوت)

08-14-2014 09:30 PM
لماذا أختار الكاردينال فاطمة شاش (ل شئ في نفس يعقوب ) وأمشوا أسالوا من كاردينال

[aymanali]

#1079598 [ابو الفضل]
5.00/5 (1 صوت)

08-14-2014 08:17 PM
ماقالته شاش يمثل خارطة طريق لجبهة الكيزان اللاسلامية.

[ابو الفضل]

#1079581 [عزالدين الشريف]
5.00/5 (1 صوت)

08-14-2014 07:39 PM
لم يتبق الا ان يعينوا فاطمة شاش؟

[عزالدين الشريف]

#1079542 [اسماعيل الطيب]
0.00/5 (0 صوت)

08-14-2014 06:34 PM
اللهم يرحمكم يا والدي (انا لله وانا اليه راجعون )
عندما فقدت الوالدين في صغري ومعهم فقدت الكرة السودانية لامريخ ولاالهلال ولا.......
حكومة الكيزان ماعندهم ضمير ربنا ينتقم منهم انشاء الله اجلا ..آميييييييييييييييييين

[اسماعيل الطيب]

#1079539 [الميت مغسة]
0.00/5 (0 صوت)

08-14-2014 06:30 PM
بعد نجاح الكاردينال في اللاستثمار في البيوت الجاهزة يحاول الآن الاستثمار في تصدير الابقار للاعلام

[الميت مغسة]

#1079534 [كرار]
0.00/5 (0 صوت)

08-14-2014 06:23 PM
فاطمة حاقولها ليك فى وشك ما فى الراكوبة عشان مايبقى قذف مع انه من شروط القذف الا يكون المقذوف محل شبهة وانت ست العارقين اقطعى وشك من الهلال

[كرار]

#1079529 [KASSAB]
0.00/5 (0 صوت)

08-14-2014 06:19 PM
BAY BAY ALHILAL FOR EVER

[KASSAB]

#1079512 [عادل احمد]
5.00/5 (1 صوت)

08-14-2014 06:03 PM
والله كنا نعشق الهلال ونتغني به ونتذكر دائماً ذكرياتنا معه وكيف عشنا معاه فرحةالانتصار وكيف كنا لا نأكل و لا ننام عندما ينهزم وكيف كنا نذرف الدموع ولهاً وحباً في الأزرق . لقد كان الهلال في دواخلنا العشق الكبير وهو الوطن وهو العشيرة وهو الزكريات . كان الهلال معنا في كل حياتنا افراحنا واحزاننا وكان كل حياتنا وكأننا نعيش ونحيا من أجله .
ولكن في هذا الزمن الأغبر صار الرئيس الكاردنيال ( ومافي القلب في القلب ) والناطقة باسمة فاطمة شاش فيا لسخرية الأقدار . والله صرت الآن عندما يلعب الهلال مباراة وهي منقولة تلفزيونياً اشاهد برامج أخري حتي لو فلم كرتون لأن النفس ( مسدودة ) وهنالك غصة في الحلق . لقد قتلوا كل جميل فينا .
نسأل الله أن يعيد إلينا هلالنا باهله وعشاقه كما كان.

[عادل احمد]

#1079461 [ZAINCO]
5.00/5 (1 صوت)

08-14-2014 04:32 PM
فاطمة شاش تبتسم حين ينتصر الهلال و يصبح وجهها اشبه بالطوبة الفايرة عندما ينتصر المريخ . كانت تشجع المريخ وانقلبت الى الضد بعد ان ذاقت حلو صلاح ابليس !!!

[ZAINCO]

#1079436 [khalid osman]
0.00/5 (0 صوت)

08-14-2014 03:44 PM
ليس المهم ان يكون الناطق الاعلامي رجل او امراه المهم ان يخدم الفريق باخلاص ونزاهه من اجل حلم ملايين الهلالاب وهو بطوله
افريقيه ابطال او كونفدراليه .

[khalid osman]

#1079358 [تعليق]
5.00/5 (5 صوت)

08-14-2014 02:03 PM
من نادي الحركة الوطنية الي نادي السطلة الشاشية الكيزانية ...تأني تعالوا قدونا نحن ونحن و نحن يا أولاد الشاش ...كردينال اسم رتبة لوظيفة في الكنيسة فرحان بيها العبيط بتاع (هوستري)
زمان نهوا المريخ (وانا مريخابي ) والان قبلوا علي الهلال الله يرحمك يا هلال الملايين ...

[تعليق]

#1079357 [الكنزي]
5.00/5 (2 صوت)

08-14-2014 02:02 PM
كل بيت سوداني يوجد به سكير أو ساطل أو زاني .

بس انا داير اعرق كل الموبقات اعلاها يتعاطاها الانسان بالسر المسطول يمكن معرفته بتصرفاته بعد تناول مواد السطله ونفس الامر للسكير قد لانراهم يتعاطون لكن بعد التعاطي يمكن ملاحظة السكره او السطله من تصرفاتهم الداير اعوفه كيف عرفتي ان معظم البيوت السودانيه بها زاني وهل تجزمي بذلك وهل شفتي وتقسمي بالمكحل مع الرواد كما قال الشرع اختشي علي نفسك وله عرفبيها بالريحه بقيتي كلب بوليسي

[الكنزي]

#1079350 [Deg]
4.00/5 (3 صوت)

08-14-2014 01:56 PM
Dear Fatima congratulations !! We extremely happy with the news of your new assignment. El-Hilal familty send heartfelt best wishes for a brighter future and pray God to bless you with the best in your life as you step into the next phase of your career. Thanks

El-Hilal fans

[Deg]

#1079342 [سودانى لكن عاقل]
5.00/5 (2 صوت)

08-14-2014 01:50 PM
مبروك فاطمة تستهلى كل خير والهلال هو ال يتشرف بيكى وليس العكس فالف مليون مبروك حبيبتى والى الامام دائما ولا تهتمى بنكرات الشعب الغيرانين الحسودين الذين لايقدرون القامات الكبيرة والكوادر الشابة مثلك والتى هى امل الامة ومنجاها من المساطيل والهباشين والسكارو والماجنين والزناة والحرامية

[سودانى لكن عاقل]

#1079341 [ابو ياسر]
5.00/5 (1 صوت)

08-14-2014 01:48 PM
عادى الكاردينال اكبر فاسد وحرامى كبير وبالتالى لازم مجلسه يكون من الحقيرين والتافهين ، ياحليلك يالسودان نجوم المجتمع فيك اصبحوا الفسدة والمجرمين ، وانا اكثر شى رافع ضغطى قناة النيل الازرق التافهه تلمع فى الكاردنال ومعاهو العبيط الثانى الجاى من قطر وعايز يظهر الخندقاوى ومابخجل يصاحب فى انصاف المطربين فى عمر اولادو ، اخجل ياخندقاوى يافرحان بالشهرة النتنة ، وطبعا قناة النيل الازرق البدفع ليها بتلمعوا كويس عبر بناتها السطحيات ، اعلام عبيط .

[ابو ياسر]

#1079316 [الــســيــف الــبــتــار]
4.50/5 (3 صوت)

08-14-2014 01:28 PM
من مكتبه فى سبع بيوت و لا من النادى العريق ؟
فهمونــــــا ؟

[الــســيــف الــبــتــار]

#1079306 [المقدوم مسلم]
5.00/5 (3 صوت)

08-14-2014 01:16 PM
بغض النظر عن ما قالته فاطنة شاش ولكن الا تتفقون معى ان الشعب السودانى تغير كثيرا نحو الاسواء ؟؟ افرادا لم نعد كما كنا فى السابق ويندر ان تجد شخص امين صادق وفى فى الزمن العلينا ده ..اختفت القيم النبيلة والصدق والامانة واصبح الغالب الاعم يبحث عن مصلحته الشخصية باى وسيلة ولو على حساب اقرب الناس اليه ..خربت نفوس معظم السودانيين واصبحت مسكونة بالغل والحقد والحسد على بعضهم البعض بصورة غريبة ..

[المقدوم مسلم]

#1079296 [Mohmaed Alit]
5.00/5 (1 صوت)

08-14-2014 01:06 PM
كل إناء بما فيه ينضح

[Mohmaed Alit]

#1079278 [محمود ابوبكر عثمان]
4.25/5 (3 صوت)

08-14-2014 12:55 PM
السلام عليكم،

لا يوجد بيننا من ينكر الانحلال الأخلاقي والتردي والانحلال الذي أصاب مجتمعا السوداني، وهنالك كثير من القرائن علي هذا، ولو انا هذا الكلام قد وصم به الشعب المصري
علي سبيل المثال لكنا صمتنا ولم يتحدث فينا احد علما بان الأشياء ليست مطلقة ولكن ولدت بيننا في مجتماعاتنا كثير من الأشياء السالبة والتي حان الوقت لمواجهتها والتصدي لها وليس بدفن رؤسنا في الرمال، ولا عيب علي المتحدثة ماقالته بل واعتبرها شجاعة كونها تمثل كل المجتمع وهي تعترف أمامكم بهذا القصور الذي أصابنا وأصابها هي أيضاً.
ولكم التحية

[محمود ابوبكر عثمان]

#1079241 [ظلال النخيل /فريد محمد مختار]
3.00/5 (2 صوت)

08-14-2014 12:30 PM
ثمنها الجزمة ...
بالله الانحلال مش باين عليها ؟؟؟؟؟؟؟؟؟؟؟؟؟؟؟؟

[ظلال النخيل /فريد محمد مختار]

#1079237 [Kamal Mustafa]
3.00/5 (2 صوت)

08-14-2014 12:28 PM
وينك يا ود الارباب عشان تشوف ملياردير الانقاذ المدغو الكاردينال عمل ايه في نادي الوطنيه ونادي العزة والكرامه , والدعوي للجمهور الهلالي بمقاطعة المباريات والنادي لانه هلال بهذا الشكل أحسن
عدمه ,اصلوا من ما دخل فيه أخو البشير بارجله الفاسده النجسه انتهي الهلال والحاج عطا المنان لم يترشح لهذا السبب

[Kamal Mustafa]

ردود على Kamal Mustafa
Sudan [جلد الفيل] 08-14-2014 06:50 PM
وهو ود الأرباب بتاعك دا فرقه شنو من الكاردينال "الزول المسلم واسمه من دين تاني دا" .. ماهو دا حرامي صاحب سوابق وداك بتاع غسيل أموال "خيرة أم خير" ؟؟؟


#1079228 [ود الجنوبيه والجعلي]
5.00/5 (2 صوت)

08-14-2014 12:18 PM
بعد كده دي مقاطعه رسمي بدون نقاش حتى مشاهدة مباريات الهلال من التلفزيون كمان ماعاوزينها اصلاً نحنا منتظرين لينا سبب من زمااااان ومااظن فى سبب اوجه من كده..!!؟
كل شئ إلا اولادنا وبناتنا وبيوتنا..

[ود الجنوبيه والجعلي]

#1079221 [الهلال يتفوق علي المريخ]
3.00/5 (3 صوت)

08-14-2014 12:10 PM
الهلال يتفوق علي المريخ ....... أقصد بهذه العبارة أن فريق الهلال دخلت إدارته إمرأة وأنا لا أعلم إن حدث هذا الشيء في الماضي أن إمرأة عملت في إدارة فريق.... لكن يمكن أن أقول أن ( فاطنة شاش ) هي أول إمرأة تتعين في إدارة فريق في السودان ......وزي ما بيقولوا الطيور علي أشكالها تقع فالسيد الكاردينال سيجذب إليه كل قبيح ومن هم وصمة عار في الإعلام والإدارات وغيرها لفريق الهلال.

أنا كمريخابي أبارك لفريق الهلال هذا الإنجاز الكبير الذي لم يسبقه عليه أحد ومزيدا من الشاش.

[الهلال يتفوق علي المريخ]

ردود على الهلال يتفوق علي المريخ
Saudi Arabia [إبراهيم دفع الله] 08-14-2014 10:00 PM
الهلال يتفوق على المريخ دى ما حقيقة يا متخلف !! فاطمة دى بالمريخ كله يا متخلف .
والله يا ناس فطومة دى بتموت فى الأزرق إنتو حارقين رزكم لية يا صهاينة يا بتاعين سيكافا و حقو تجيبو سيكافيات أو إسكافيات عشان ينضمو لرابطة مشجعات الوصيف !!!!


#1079210 [nasr]
5.00/5 (1 صوت)

08-14-2014 12:02 PM
وكيف وصل الكاردينال لرئاسة الهلال ؟؟؟؟؟؟ولماذا اختارته الجمعية العمومية؟؟؟؟عجبى

[nasr]

#1079209 [nasr]
5.00/5 (1 صوت)

08-14-2014 12:01 PM
وكيف وصل الكاردينال لرئاسة الهلال ؟؟؟؟؟؟ولماذا اختارته الجمعية العمومية؟؟؟؟عجبى

[nasr]

ردود على nasr
Sudan [أبو الخيرات] 08-14-2014 06:54 PM
يا أخي تصور نادي زي الهلال دا "وكذلك المريخ" جماهيرهم بالملايين وتجي تلقى عضوية الهلال 600 أو قول 1000 و عضوية المريخ 400 أو قول 500 عضو بس في الجمعية العمومية .. وما في زول عارف الانتساب للجمعية العمومية دي بيكون كيف وللا متين ... بس تسمع "انتخابات" وفاز فلان ! انتخابات المؤتمر الوطني أحسن منها ... المسألة احتكار ورشاوي تقيلة يا صاحبي من ورا ظهر الجمهور المغلوب على أمره والمغلوب في كل منافسة صغيرة أو كبيرة .. أها رأيك شنو؟


#1079191 [محمد]
5.00/5 (2 صوت)

08-14-2014 11:44 AM
إختيار هذه البنت لتمثل الهلال يعتبر إهانة لجماهير الهلال وكل محبي الهلال ولفاطمة تاريخ مليء بالمناقضات عليه يجب أقصائها فورا من اي نشاط لفريق الهلال والا مكوثها سيكلف الهلال الكثير والكثير وحتى وظيفتها التي انيطت لها لا وظيفة هامة لفريق عريق نرجوا بعدم دمج الرياضة بالسياسة ففاطمة عرفت بملمعة وماسحة احذية سياسيين عليه اذا لم تطرد اليوم ناس نضال سيتركوا الهلال غزلا لاجل مسمى

[محمد]

#1079177 [غريب في وطني]
5.00/5 (4 صوت)

08-14-2014 11:25 AM
شئ طبيعي طالما الجاهل والجهلول الكاردينال هو رئيس نادي الهلال .. انا هلالابي لكن من اليوم ساقاطع الهلال فقط لفتره معينه وهي فتره الجهلاء في الهلال .. زمن المهازل

[غريب في وطني]

#1079165 [Flowers]
5.00/5 (1 صوت)

08-14-2014 11:16 AM
.

[Flowers]

ردود على Flowers
United States [Deg] 08-14-2014 03:25 PM
We extremely happy with the news of your new assignment


#1079164 [هلالابي]
5.00/5 (1 صوت)

08-14-2014 11:15 AM
فاطمة شاش ولا فاطمة قماش سياسة الكيزان لتكريه الناس في الرياضة بصورة عامة
دمروا البلد من جميع النواحي والان عاوزين يكرهوهم في المتنفس الاخير الذي بقي لهم

[هلالابي]

#1079155 [الطامح]
4.50/5 (7 صوت)

08-14-2014 11:08 AM
الطقشة هذه تحتاج الى ....

[الطامح]

#1079154 [أمة الامجاد]
4.50/5 (5 صوت)

08-14-2014 11:07 AM
والعارف عزو مستريح ليس فاسد
شعب ارعن وكل فاسد

[أمة الامجاد]

#1079141 [ابوالمكارم]
2.47/5 (7 صوت)

08-14-2014 10:53 AM
الطيو على اشكالها تقع ..الكاردينال ؟؟؟؟؟مدان بجرائم تخل بالشرف والامانة!!!!!وفاطمة شاش ؟؟؟؟؟!!!!! خائب رجاء وتعيس .... الله يرحم عبدالله الطيب وعبدالله السمانى ....

[ابوالمكارم]

#1079138 [سيد أحمد منصور]
4.00/5 (3 صوت)

08-14-2014 10:51 AM
سبحان الله، تشتم نفسها إذ ينطبق هذا القول أولا عليها بعد ذلك ينداح على البقية حسب افترائها:
كل بيت سوداني يوجد به سكير أو ساطل أو زاني .

[سيد أحمد منصور]

#1079105 [أبوقرجة]
4.88/5 (5 صوت)

08-14-2014 10:22 AM
أنا مريخابي لكن أتضامن مع جماهير الهلال .. قال فاطمه شاش حلوه شاش دي أول مره أسمع بيها .. وكمان غواصه أمن .... كيف عرفت في كل بيت زاني وسكير ومسطول ....

[أبوقرجة]

#1079102 [السر موسى]
4.25/5 (3 صوت)

08-14-2014 10:19 AM
ههههههههههههههههههههههههههههههههههههههه
يعنى الهلال ناقص

[السر موسى]

#1079098 [REEko]
4.88/5 (5 صوت)

08-14-2014 10:17 AM
بداية مبشرة لانهاء مسيرة الهلال .. عبر هؤلاء الفسدة .. شيلوا الفاتحة على الهلال.. وأناشد جماهير الهلال تشجيع فرق الاحياء والدافوري من اليوم .. حتى إشعار أخر..؟؟؟

[REEko]

#1079066 [الصديق]
4.82/5 (5 صوت)

08-14-2014 09:53 AM
هذا زمنك يا مهازل فامرحي .

[الصديق]

#1079053 [زعيم الزهاجة]
2.98/5 (8 صوت)

08-14-2014 09:41 AM
الإنحلال وصل الهلال !!!!!!!!!!!!!!!!!

[زعيم الزهاجة]

ردود على زعيم الزهاجة
[بركه بجاوي] 08-15-2014 03:50 AM
عرفنا التكرونى بتاع نجيريا مثبت ندي القلعة المرىخابية فطومة دي مثبتا منو ؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة