الأخبار
أخبار إقليمية
مجهولون يعتدون على الاستاذ / حيدر خيرالله ويسرقون منزله‎
مجهولون يعتدون على الاستاذ / حيدر خيرالله ويسرقون منزله‎
مجهولون يعتدون على الاستاذ / حيدر خيرالله ويسرقون منزله‎


خاطب احدهم الآخر : ( اضربه في راسه )
08-15-2014 05:05 AM
الخرطوم : سعاد الخضر
اقتحم ثلاثة مجهولين عند الثالثة والنصف من فجر أمس منزل الزميل والكاتب الصحفي بالجريدة حيدر خير الله وقاموا بسرقة أجهزة موبايلات ثمينة ، وحاول خير الله صد المجرمين ودخلوا معه في عراك عنيف وقال إنه تفاجأ بوجودهم داخل منزله يحملون( طوبا ) في أيديهم بعد أن دخلوا الغرفة واستولوا على الأجهزة النقالة ولما اكتشفوا استيقاظي خاطب احدهم الآخر ( اضربه في راسه ) وأضاف بعد أن سمعت ذلك خشيت على أبنائي اللذين كانوا نياما بالقرب مني وتصديت للطوبة التي أصابتني في يدي ، ثم حاول المعتدين الفرار فلما أسرعت ناحيتهم فروا الى خارج المنزل ثم أصابتني طوبة منهم للمرة الثانية في قدمي فلم أستطع اللحاق بهم لإصابتي ولان كل واحد منهم سلك طريقا مختلفا.. وحمّل والي ولاية الخرطوم دعبد الرحمن الخضر مسؤولية ماحدث واعتبره المتهم الأول لعجزه عن توفير الأمن لسكان الولاية ، ونوه الى إن المتهم الثاني : هم كل دعاة العنف الذين برزوا فى هذا الليل السودانى وجدد التزامه بمحاربتهم واضاف سنكون حربا عليهم أونسقط دون ذلك . واستبعد الكاتب أن يكون الهجوم على منزله بغرض السرقة وأكد إن المقصود ايصال رسالة وصفها بالغبية على حد قوله وتعهد بمواصلة المقاومة لكل عبث ودلل على ذلك بأن المهاجمين الثلاثة وهم يهمون بالخروج من المنزل صاح أحدهم في الآخر ( اضربه في راسه ) وقطع بأن السارق الحقيقي لايكون مشغولا باصابة من سرقهم بالأذى ..


تعليقات 37 | إهداء 0 | زيارات 9004

التعليقات
#1080680 [احمد]
0.00/5 (0 صوت)

08-16-2014 01:01 PM
الهجوم دا يحمل رساله لهذا الصحفى .والرساله هى (ما تعمل مجمجه وارعى بقيدك)

[احمد]

#1080487 [كوكي]
0.00/5 (0 صوت)

08-16-2014 09:26 AM
لالا حرامية لانهم لو دايرين يوصلو رسالة كان جوك بمسدساتهم ونص النهار ما تعمل لينا فيها بطل

[كوكي]

#1080417 [hafiz]
0.00/5 (0 صوت)

08-16-2014 07:35 AM
هذا هو عهد الرئيس عمر البشير ، يا ترى كيف يكون شكل التطورات اللاحقة لمثل هذه العمليات الإجرامية ؟إذا لم تدمر لبنة هذا الإجرام فى مهدها،حتما تتطور النظرية سينتقل بدون شك إلى الدرجة السالبة وهى التى تعنى فى عالم الإجرامالإنتقال إلى الحالة الأسوأجرماً ...

[hafiz]

#1080302 [Isic]
0.00/5 (0 صوت)

08-15-2014 11:37 PM
حمد الله على السلامة.

[Isic]

#1080275 [وندينق]
0.00/5 (0 صوت)

08-15-2014 10:35 PM
الاخ شريف كنت متوقع هذا التعليق لكن من لهجتنا العاميه ممكن اقول لك من انت وبكره بجى بطقك فى راسك الغليد ده امسك الخشب . مالك عاوز تندمنى على تعليقى

[وندينق]

#1080253 [هدهد]
5.00/5 (1 صوت)

08-15-2014 09:51 PM
الحمدلله على السلامة لكن يا اخوة المفروض اى شخص يعمل حسابو لمثل هذه الظروف ويكون جاهز ومستعد داخل بيته لأى طارىء لا قدر الله ولا بد ان يكون كل اب اسرة لا ينام الا وبجواره مسدسه واعلم يا اخى من يدخل عليك فى بيتك وسط ابناءك وزوجتك فهو مجرم واذا حاولت تدافع عن نفسك او تطارده سوف يطعنك بسكين او بساطور لأن من يدخل فى البيوت فى مثل هذه الاوقات لابد ان يكون مسلحا ويضمر الشر دائما ، امثال هؤلاء دمهم اصبح دم غزال فلا بد من قتله قبل ان يقتلك او يقتل ابناءك واذا قتلت تكون مت شهيدا من اجل مالك وعرضك نصيحتى لكل مواطن ان يكون مستعدا وسلاحه بالقرب منه فلا أمان لهذه البلد ولن يحرسك الللصوص اخى المواطن . فلا بدان تحرس نفسك ومن السهل الحصول على السلاح فى الخرطوم وخارجها احذروا ومافى داعى للندم والحسرة القصاص لكل من دخل بيتا بغرض السرقة او الخيانة او اى سوء .

[هدهد]

#1080242 [خلف الله]
0.00/5 (0 صوت)

08-15-2014 09:22 PM
سيادة الدؤله في مؤاطنيها احترمؤنا شؤي كده الضفاضع ده صدرؤها الصين

[خلف الله]

#1080138 [ahmed]
0.00/5 (0 صوت)

08-15-2014 05:31 PM
يمكن ديل جماعة مكتب الوالي اصلا مافي شئ فضل غير البيوت. الحمد لله علي سلامتك يا استاذ.بس انت متأكد ما في واحد سمين ليه كرش معاهم؟

[ahmed]

#1080098 [طبنجة ورا والقاش قدام]
0.00/5 (0 صوت)

08-15-2014 04:12 PM
لقد كثرت الحوادث مثل هذه وصار الأفضل تسليح المواطنين بطبنجات . هل تعلمون أن عصابات النقرز في كل زقاق مظلم ؟ ولقد سمعنا بعدة حكايات لنهب داخل العاصمة. لا بد من تسهيل مسدس لكل مواطن لديه أسباب مقنعة للخوف على حياته وممتلكاته. بعد ده ما حنسمع بحرامي نط بيت الناس شال الممتلكات وقتل صاحب البيت

[طبنجة ورا والقاش قدام]

ردود على طبنجة ورا والقاش قدام
[ود الركابي] 08-15-2014 08:21 PM
الغريبه قبل كده قرات خبر في الراكوبة . دخل حرامي بيت الناس ضربوه مات . غير ليهم البلاغ للقتل العمد المادة 130 . الكيزان ديل بيجيبوا القوانين دي من وين ماعارف .. يعني الحرامي زي كأنه يجيك متلب الحيطه بتاعتك وشيل ليهوا بوكيه ورود مش سكين ولا ساطور .. انا غايتوا بسلح نفسي علي طول بلقانون او دونه ..


#1080097 [امدرماني سوداني]
0.00/5 (0 صوت)

08-15-2014 04:10 PM
حمدالله علي اسلامه با استاذ المفروض الان كل مواطن يتسلح انشاءالله سكين سيف عصايه والواضح مافي قانون الان وحتي الان كل القضايا مرفوعة ضد مجهول من الفاعل جهاز الامن با التنسيق مع الشرطه القصه واضحه الان والقضاء رحمه الله .

[امدرماني سوداني]

#1080067 [عبدالله النوبي]
0.00/5 (0 صوت)

08-15-2014 03:16 PM
http://www.alrakoba.net/articles-action-show-id-52432.htm

[عبدالله النوبي]

#1080061 [عبدالله النوبي]
0.00/5 (0 صوت)

08-15-2014 03:12 PM
ألف سلامة يا أستاذ أجر وعافية ان شاء الله وكم هو مرعب ومنغص القلم الجرئ واعتقادي الشخصي

بسبب كشفك للطقوس الظلامية للامام وكريمته مريم والرقص مع الذئاب حيث ذهب الإمام حبيس باريس

وأتت مريم ليعلو ذكرها بالاعتقال وربما التعذيب المسيس ذو المآرب الأخرى

طوبى لمن قتلهم وقتلوه كلاب أهل النار

[عبدالله النوبي]

#1080009 [A. Rahman]
0.00/5 (0 صوت)

08-15-2014 02:14 PM
كفارة يا استاذ حيدر،
انا متاكد لو كان قدرت تطلع وراهم برة كنت حتلقاهم ركبوا عربية سائقها الخضر ذات نفسه و معاه موكب يقوده غسان على الموتورسيكل. على اي حال لو رفعت قضية ضد الخضر بالسوط المسلح بالطوب ساكون انا شاهدت الاول ضد ابن المراغة.

[A. Rahman]

#1079994 [الشايل المنقة]
5.00/5 (1 صوت)

08-15-2014 01:52 PM
...اسحق فضل الله قال معاه مسدس,فمن المفترض والطبيعي يكون معاك K-47..حمدا لله على السلامة..تاني خلوا نوم الحوش وادخلوا الغرف وتكون معاك ام دلدوم تحت اللحاف ..او ربوا كلب ,وانسوا حكاية دخول الملايكة والبيت والكلب..!!

[الشايل المنقة]

#1079988 [بابكر مكاوى]
0.00/5 (0 صوت)

08-15-2014 01:40 PM
الاخ حيدر لك التحية والاجلال سوف تظل هامتك عالية وقلمك مرفوع فوق من اجل الفكرة وانسان السودان قلمك سيف بتار ضد الفساد ومن اجل اهلنا المهمشين فى دار فور والنيل الازرق وجنوب كردفان ذلك على وجة الخصوص وبقيةالسودان على وجه العموم وابشرك ان السودان سوف يعود آمنا عن قريب

[بابكر مكاوى]

#1079977 [nagatabuzaid]
0.00/5 (0 صوت)

08-15-2014 01:16 PM
الف حمد الله على السلامة الان اذان الجمعة ارجو ان تدعوا على اللصوص المجرمين وصدقت تلك التى مدحت من كان زوجها ثم قالت جن واتقلب من تابع الاخوان المجرمين

[nagatabuzaid]

#1079970 [عمر عبد الله عمر]
0.00/5 (0 صوت)

08-15-2014 01:01 PM
الأستاذ حيدر خيرالله, حمد الله على السلامة و لا نامت أعين الجبنا.
فأنت أحد " الكتاب الأذكياء الذين يختارون المواضيع الذكية و يكتبون عنها بذكاء" كما وصفك حسين خوجلي و أشار إلى أحد مواضعيك و لكن بطبيعة لؤمه رفض يسميك!
كفارة للروح و الجسد

[عمر عبد الله عمر]

#1079966 [ود الركابي]
0.00/5 (0 صوت)

08-15-2014 12:52 PM
حمدالله علي السلامة يااستاذ .. الشى الغريب الصحفيين المستهدفين ديل مفروض كل واحد فيهم يكون معه مسدس للحماية مرخص من الحكومة اذا مااعطوك رخصة اشتري من السوق السوداء .. وبعدين ياحليل الحيشان وزمن البلد امان . انا مفكر اقفل بيتي كله من الاربعة جهات يكون زي سجن كوبر باعوضه ماتقدر تدخل فيهوا ضمان وامان واشتري سكين ومسدس ورشاش وقاذفة آر بي جي بلدنا بقت غير آمنه ..

[ود الركابي]

#1079943 [غسان بابكر]
0.00/5 (0 صوت)

08-15-2014 11:50 AM
حمدا لله على السﻻمه....
فوق الحمار الخرج والي الخرطوم الله أكبر عليه الحرامي...

[غسان بابكر]

#1079923 [المرفعين]
5.00/5 (1 صوت)

08-15-2014 11:17 AM
جريمة عادية

حقو يتم تناولها في الاطار ده

التضخيم بيضر بالحركة الحقوقية والديمقراطية

[المرفعين]

#1079919 [د. ياسر الشريف]
0.00/5 (0 صوت)

08-15-2014 11:12 AM
الحمد لله على سلامتك. ونرجو أن تجتهد الشرطة في القبض على الجناة، وان لا تكون المسألة عملا مدبرا للارهاب ومحاولة إسكات الصحفيين والمعارضين.

[د. ياسر الشريف]

#1079908 [محمد سعيد]
5.00/5 (1 صوت)

08-15-2014 10:56 AM
الف سلامة أيها الرائع
وحرامية السودان الزمان لا ياذون أمثالك ولك التحية

[محمد سعيد]

#1079899 [فاروق بشير]
5.00/5 (1 صوت)

08-15-2014 10:34 AM
حمد الله على سلامتك.

[فاروق بشير]

#1079894 [ربش]
5.00/5 (2 صوت)

08-15-2014 10:25 AM
حمداً لله علي سلامتك ... الظلم ساعة و العدل لقيام الساعة ... ربنا ينتقم من الظالم .

[ربش]

#1079889 [أبوعلي]
5.00/5 (1 صوت)

08-15-2014 10:14 AM
هي حيلة العاجز العاجزة
أولاد الترابي يعتقدون
إنّ الإرهاب سوف يحميهم

[أبوعلي]

#1079871 [mohd haj]
5.00/5 (1 صوت)

08-15-2014 09:32 AM
الف حمدا لله علي سلامتك الي اين تساق البلاد والعباد معروف ان العنف يولد العنف لا نريد لهذا الوطن العزيز ان يجر الي هذا المنحدر واي كان الغرض من هذا الاعتداء فحسب فهم المسؤليين عندنا ان اردت ان تقلل من حجم الحدث فانسبه لغرض السرقه فهو امر عظيم لان البلد اذا لم يتوفر فيها الامن فتلك كارثه لانه اساس الحكم الناجح والرشيد اقامة العدل وحفظ الامن ان يكون المواطن امن في الشارع وفي المنزل وان توفر له العيشه العيشه الكريمه لان المولي عز وحل كرم الانسان فما بالنا نحن .نحن نجر من فشل الي فشل في كل شئ بفعل فاعل ربنا احفظ البلاد والعباد .

[mohd haj]

#1079867 [ممغوص من الكيزان]
3.50/5 (3 صوت)

08-15-2014 09:20 AM
حمدلله علي السلامه أستاذ حيدر .. ولانامت أعين عصابة الكيزان الأرهابيه

[ممغوص من الكيزان]

#1079858 [لست موتمر بطني]
5.00/5 (1 صوت)

08-15-2014 09:05 AM
بعد اي صحفي مفروض يحصل علي ترخيص بحمل السلاح وحماية نفسه وياريت لو كان نوع السلاح اربجي عشان ينسف اي وسخ يحاول الاعتداء عليه...

[لست موتمر بطني]

#1079856 [mostapha]
0.00/5 (0 صوت)

08-15-2014 09:01 AM
ب

[mostapha]

#1079846 [m]
4.75/5 (3 صوت)

08-15-2014 08:38 AM
السودان فى تاريخه لم التهديد والاغتيال السياسى.............ان ما اصاب عثمان مريغنى وحيدر وتهديد الطيب مصطفى...امر خطير.........وعلى الحكومة ان تدرك انها تلعب بالنار......والسودان اذا دخل هذا المستنقع ان يخرج منه ابدا

[m]

#1079845 [سعيد شاهين]
5.00/5 (1 صوت)

08-15-2014 08:37 AM
الفكر لا يحارب بالطوب والعنف والتهديد والارهاب
الفكر يحارب بالفكر الاقناع والاقتناع
من يحارب الفكر بغير الفكر فهو انسان
عاجز
فاشل
خااااااااااااااااااااااااائف
و سلامتك الف سلامه
مع تحياتى

[سعيد شاهين]

#1079844 [بعانخي]
0.00/5 (0 صوت)

08-15-2014 08:35 AM
جماعة ابو حمزة الامتجية تغير اسلوبها ... برضو اغبياء

[بعانخي]

#1079839 [وندينق]
5.00/5 (1 صوت)

08-15-2014 08:11 AM
يمكنك من اللهجه التى تكلموا بها ان تعرف هويتهم إن كانوا لصوصا محترفين ام من الجماعه اياهم لانه الحراميه بقولوا (طقو) بضم الطاء ودون تحديد بمكان الضربه اما اضربه فى راسو فهذه يجب التفكير فيها وبعدين هل كتبت موضوع ممكن يمس اى شخص كان من قريب او بعيد؟ وبرضه لابسين شنو؟ ناس المباحث شطار فى هذا النوع من الجرائم. واشكر ربك على السلامه

[وندينق]

ردود على وندينق
Saudi Arabia [شريف] 08-15-2014 12:02 PM
انت كنت حرامي و لا شنو كيف عرفت بيقولو طقو ما اضربو و ده كود و لا شنو


#1079836 [بركه بجاوي]
4.00/5 (3 صوت)

08-15-2014 07:55 AM
حمد اللة علي السلامة يا أستاذ لكن خليك مفتح وامشى اشتري سفروك لان الجوك ديل هم فعلا مجازفية الكيزان لو عاىزين يختوها ليك برسلو ليك واحد معاهو ميج وبعدين يطلعوه طولي وجنوني بس الناس الجازفوك شكلهم من ال T وديل لو رفعوا البيرق انسي

[بركه بجاوي]

#1079815 [Sadrik]
1.00/5 (1 صوت)

08-15-2014 06:42 AM
خلو الكتابه افسحو الطريق لمالك عقار النصر بقريب

[Sadrik]

#1079799 [ali]
5.00/5 (2 صوت)

08-15-2014 05:37 AM
الف حمدا للة يااستاذ ياجماعة تسلحوا تسلحوا تسلحوا دى بلد فوضى

[ali]

ردود على ali
Saudi Arabia [ادروب الهداب] 08-15-2014 10:24 AM
فعﻻ خﻻص البلد وصلت مرحلة الفوضي وﻻزم كل مواطن يتسلح ﻻنه الكﻻب ديل ما عندهم ضمير وﻻ انسانيه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة