الأخبار
أخبار إقليمية
حميدة: الضفادع غنية بالبروتينات ومحاربتها ليس من إختصاصي
حميدة: الضفادع غنية بالبروتينات ومحاربتها ليس من إختصاصي
حميدة: الضفادع غنية بالبروتينات ومحاربتها ليس من إختصاصي


08-15-2014 02:56 PM
الخرطوم :عازة ابوعوف

طالب وزير الصحة الولائي مأمون حميدة بضرورة الاستفادة من الضفاضع وقال"يجب الاستفادة منها لأنها غنية بالبروتينات " واضاف "محاربتها ليست من اختصاصي " .ودعا أعضاء التشريعي خلال جلسة المجلس امس للأحتفال معه لتدشين توزيع المبيدات امام قاعة الصداقة "تعالو الساعة ستة هللوا وكبروا معانا ،عشان العربات تخش مناطقكم " مؤكداً توفر الأدوية وقال "مافي اي مستشفى توقفت بها خدمة الطوارئ" .
وفي سياق مغاير كشف وزير التربية والتعليم عبد المحمود النور عن تعرض عدد من المدراس للنهب والسرقة لعدم وجود خفراء واشار إلى أن مياه الأمطار والسيول غمرت 196مدرسة كما انهار 98فصلاً دراسياً كلياً و331جزئياً، وتشرب 784 فصلاً دراسياً بالمياه ولاتصلح للدراسة ،وطالب بتغيير التقويم المدرسي لشهر 9-5 من كل عام نسبة للتغيرات المناخية ونوه إلى استلام وزارته لمبلغ مليون جنيه من اصل 2مليون مصدقة لأجراء المعالجات بالمدارس ،وقال: "يجب على المحليات صيانة المدراس" .

الجريدة


تعليقات 64 | إهداء 0 | زيارات 7803

التعليقات
#1082467 [د. محمد عبد الرازق سيد احمد]
0.00/5 (0 صوت)

08-18-2014 02:55 PM
بسم الله الر حمن الرحيم

اعزائي محرري الراكوبه بني وطني الكرام .. السلام عليكم .. لكم الحب والتقدير اكرمكم الله جميعا رددتم علي استاذنا البروفسور مأمون حميده .. ودافعتم عن كرامة الانساني السوداني ..وده العشم ..فالكلمه اقوي .. بلاغة ..من الحسام ..

ولننتهي احكي لكم نكته :

كنا صغار وطلقنا الفجراوي ونسير في الدربوق ( وهوطريق ضيق لمن لا يعرف الرطانه ) ويتوسط الدربوق حقل ذره .. كان الزمن بخير .. ومعاي ود خالتي ماسك حبل التور وانا جاري البقره وماشين فقال : شنوا كواريك القعونجات ده .. مع الفجريه .. قلت ليه ما عارف يمكن مديح قال لا لا: اظنه شافع قعونجه ينادي امه : قوققوق .. قوق قوق قوق ..

ترد عليه قوق قوقق قوقق .. قلت ليه يعني شنوا قال يمكن : يقول ليها يايمه شيليني ... تقول ليه : شايله .. اخوك شايله اخوك ..قلت ليه مادمت تعرف تفسر لغة الضفادع اسألها ما اسم اخوه هذا؟ قام صاح ياقعونجه قواققوق قوا قوق قوق قوق.. فسمعنا ترد: اسمه مأواق حم اواق .. قوقوقوقووقوقوو,,... ما قوق قوق قوقوق .. لا فوق قوقوق لا فوق ..

وارجوا ان لايتطاول صاحب سلطه باهانة انسان فقير لكنه يؤمن بالله وصبر ويصبر ويحتسب ..

[د. محمد عبد الرازق سيد احمد]

#1081861 [د. محمد عبد الرازق سيد احمد]
0.00/5 (0 صوت)

08-17-2014 10:04 PM
يالله نقوقي ... قوقوقوق...

يازمنا جيتنا وصحيح بتمر
يأكلونا الضفادع جبر وامر
والله لا.. كرعيناواطيه جمر
نلوك الحصرم وطعمه المر
وبنأكد للبروف قدرنا صبر
وبنشوف النهايه كيف بتسر
..... ونلتقي ..... علي طبق ضفادع بالهوت دج..!! نكته ,, للدوج هوت ..

[د. محمد عبد الرازق سيد احمد]

#1081833 [د. محمد عبد الرازق سيد احمد]
0.00/5 (0 صوت)

08-17-2014 08:43 PM
بسم الله الرحمن الرحرحيم

اعزائي محرري الراكوبه بني وطني الكرام .. والاستاذه : نجاة ابوزيد السلام عليكم ورحمة الله .. لكم الود والاحترام .. الله يقرفوا يااختي نجاة مليون مره ..فاذا الثروه الحيوانيه ميزه تميز بها السودان .. ويدعوا طبيب الي ان الضفادع فيها بروتين ..
منتهي الاهانه .. والاحتقار ..لانسان السودان المسلم ..وانه والله لابتلاء عظيم ..لما لم يقل له اي من نواب برلمان الخرطوم اتقي الله ..نحن ممثلي بشر يقولون : (اهدنا السراط المستقيم سراط الذين انعمت عليهم ولا الضالين - صدق الله العظيم ).

- ياوطن .. طال الليل ..واتمددفيناالهم
- يريدونا ان نأكل ضفادع ونشرب دم ..
-وين الحلال ..وين الحرام ..وشيوخنارخم..
- يشربوا لبن وقارورة مويه وياكلوا لحم ..
- وناس تتلفت لاعلاج لاطعام لا مأوي وعيشه عدم
- الزمن الجاير خلانا نهاجر ياوطني الحاير ما تهتم..
- كل اول وليه آخر وما دوامه وباكر بعيشوا ندم.
ونلتقي حفظكم الله وحفظ اهلي ووطني من اللجوء الي اكل الضفادع ..والكلاب والقطط ..وكلها بروتين زي ما قال استاذنا البروفسور .. مأمون حميده ..وانا لا اتهكم .. انما اذكره بعام الرماده .. وكيف في زمن الاسلام الحق .. عاش امير المؤمنين ..وأسأل الله ان يقي اهلي حكام ومحكومين من اكل المحرمات علي المسلمين ويلهمهم وانا اولهم الي الحق والسراط المستقيم ..واذكر ان الأوطان لا تبني الا بالحق والعدل وتقوي الله واتباع اوامره واجتناب نواهيه ..رب اغفر وارحم وانت خير الراحمين..ونلتقي ..ان شاء الله والسودان وطن واهل في حال افضل واسعد.

[د. محمد عبد الرازق سيد احمد]

ردود على د. محمد عبد الرازق سيد احمد
Sudan [nagatabuzaid] 08-17-2014 11:19 PM
د . محمد عبد الارازق لك التحية وربنا يسلم وطننا ونساله تعالى ان يعيننا على ما ابتلانا به وان شاء الله شعب السودان الصابر لن ياكل الضفادع والمحرمات وسياكلها عديمى الادب والاخلاق من امثال سجم الرماد مامون الضفدعنجى


#1081560 [nagatabuzaid]
5.00/5 (1 صوت)

08-17-2014 02:36 PM
يا مامون حميدة الضفدعانى انت قليل ادب وبطل اساءة لينا نحن الحمد لله تربينا على البروتين والاكل الجيد مهما اختلفت مستوياتنا اما انت فيبدو ان معرفة الاطعمة البروتينية ما عرفتها الابعد دراستك للطب على من حول مامون حميده الضفدعانى ويقراء تعليقاتنا ان يخبره بمدى كراهية الناس له
معقول يا جماعة يحكمنا الصعاليك وقليلى الادب ده لو كان احد من كان يسخر منهم بمستشفى امدرمان يوم تسرب الغاز اداه كف عوج خشمه لمن بقى مع الاضان كان بطل قلة ادب

[nagatabuzaid]

#1080934 [ود الباشا]
5.00/5 (1 صوت)

08-16-2014 10:17 PM
اهو دا مستوى وزراء البلد والحاله طبيب وكمان اسلامى

انا والله بقيت اقتنع شيئا فشيئا ان المشكلة فينا نحنا

كشعب اما انه غضب علينا الله جل جلاله وسلط علينا هؤلاء

اما اننا ملء الجبن قلوبنا والجنوع نفوسنا وارضينا

بالذل والهون والجزمة والشلوت وبكرة يدخلوا البيوت

ويغعلوا ما يحلوا لهم وليس ببعيد على هؤلاءو الشعب

لايسمع ولايرى ولايتكلم

[ود الباشا]

#1080819 [Mustafa I brahim Ogall]
5.00/5 (1 صوت)

08-16-2014 06:20 PM
وانت ايها السيد الوزير
غنى بالمستفزات اليس ذلك ما تسعى لتأكيده

[Mustafa I brahim Ogall]

#1080812 [ود الدمازين]
5.00/5 (1 صوت)

08-16-2014 06:13 PM
.

[ود الدمازين]

#1080801 [adil a omer]
5.00/5 (1 صوت)

08-16-2014 05:48 PM
انتو تاكلوا اسكلوب والشعب ياكل قعونجات

[adil a omer]

#1080751 [ود الفاضل]
0.00/5 (0 صوت)

08-16-2014 03:45 PM
ياجماعة الراجل متعود من زمان على اكل الضفاضع والتحلية بالقورو والقدوقدو وكدا فلا تستغربوا دعوته لاكل الضفاضع .. ليكم يوم ياأرزقية يدوسكم الشعب بالجزم انتم ومابنيتم من المال المنهوب ...

[ود الفاضل]

#1080623 [***البعشوم***]
5.00/5 (1 صوت)

08-16-2014 12:53 PM
قال لي: وينك يا بعشوم، اليومين ديل مسجل غياب عن الراكوبة وكمان عن سوق الناقة؟

قلت ليه اليويمن ديل مشغول شغلة شديدة.

قال لي شغلة شنوا يا بعشوم؟

قلت ليه: البعشوم شغال ضفادع ساكت، شي سليقة، شي شية وشي كمان ني... وسوق الناقة خليناه ذاتوا

لأهل المتسيد الوطني.

***البعشوم***

[***البعشوم***]

#1080607 [ممغوص من الكيزان]
5.00/5 (1 صوت)

08-16-2014 12:37 PM
يامامون قعونج يارمة الرمم .. السودانيين متعودين ومتربيين علي لحم العجالي والضأن .. وباين عليك مخلوع من كثرة اللغف والخم .. والمتاجره بألام أهل البلد .. ومنتظر في أي يوم الحساب ... ويومكم قريب .. وخايف من العذاب .. قبحك الله ياجربوع

[ممغوص من الكيزان]

#1080537 [محمد عثمان]
5.00/5 (1 صوت)

08-16-2014 11:28 AM
ياناس ايف للنص الجاي بس مافي زول يتف لينا في خشم القبيح ..

[محمد عثمان]

ردود على محمد عثمان
Sudan [nagatabuzaid] 08-17-2014 02:07 PM
تفافنا طاهر حيطهروا من القذارة بتاعتوا تعالوا نبلعه ضفدعه حية تقيف ليه ى حلقه وتنق واينما حل يسمع نقيقها من هم حوله يعنى بركة ضفادع متحركة التف التفاف خسارة فيه


#1080515 [أكسب زمنك]
5.00/5 (1 صوت)

08-16-2014 11:01 AM
"تعالو الساعة ستة هللوا وكبروا معانا ،عشان العربات تخش مناطقكم "

"تعالو الساعة ستة هللوا وكبروا معانا ،عشان العربات تخش مناطقكم "


"تعالو الساعة ستة هللوا وكبروا معانا ،عشان العربات تخش مناطقكم "





المسئولين ديل كلهم بيتعاطو ولا شنو.....

[أكسب زمنك]

#1080462 [Quickly]
5.00/5 (1 صوت)

08-16-2014 09:56 AM
السؤال / هل ستصبح شوارع الخرطوم خالية من القعونجات بعد تصريح الوزير المثير؟؟
هذا ماسنكتشفه في الايام القليلة القادمة

[Quickly]

#1080444 [المفقوع مغسة]
5.00/5 (1 صوت)

08-16-2014 09:30 AM
بسم الله الرحمن الرحيم

وَلَقَد أَرسَلنا إِلى أُمَمٍ مِن قَبلِكَ فَأَخَذناهُم بِالبَأساءِ وَالضَّرّاءِ لَعَلَّهُم يَتَضَرَّعونَ ﴿٤٢﴾ فَلَولا إِذ جاءَهُم بَأسُنا تَضَرَّعوا وَلـكِن قَسَت قُلوبُهُم وَزَيَّنَ لَهُمُ الشَّيطانُ ما كانوا يَعمَلونَ ﴿

[المفقوع مغسة]

ردود على المفقوع مغسة
Saudi Arabia [رانيا] 08-16-2014 03:43 PM
صدق الله العظيم .


#1080405 [بنت الناظر]
4.50/5 (2 صوت)

08-16-2014 08:12 AM
قالوا شوربة الضفادع بترم العظام وبروتيناتها بتشد البشرة ..فرأيك شنو يا سعادة الوزير ندى الشوربة لبشبش تسند ليه عضام ركبه السائبةاليومين ديل بالذات بعد إعلان باريس وإنت ياسعادتك تاكل اللحيمات وتقرمش معاها العضيمات يشدن بشرة الوجه العبوس الكالح من كثر ظلمكم للشعب السودانى..أعوز بالله من قسوة قلوبكم..

[بنت الناظر]

ردود على بنت الناظر
Saudi Arabia [رانيا] 08-16-2014 03:44 PM
من ناحية كالح فهو كالح فعلا .


#1080402 [نائل]
5.00/5 (2 صوت)

08-16-2014 07:57 AM
هذا المتأسلم الماسوني مامون حميدة الأنطوانيتي لا يعرف أن أكل لحم الضفادع محرم عند المسلمين ولقد نهي الرسول صلى الله عليه وسلم عن قتلها ولدينا ثروة حيوانية وسمكية وجنبرية وجرادية كمان غنية بالبروتينات وهل تركت لنا مضارباتكم في الأسواق وجشعكم شيئا يسهل أكله ........ أيها المتغطرس

[نائل]

ردود على نائل
Saudi Arabia [رانيا] 08-16-2014 03:46 PM
متغطرس وما عنده أسلوب وملافظه تعل .


#1080343 [ِAburishA]
4.50/5 (3 صوت)

08-16-2014 01:51 AM
ياخي قعونج السودان ما فيهو بروتيناية واحدة.. عندو سوء تغذية حاد وانيميا مزمنة.. ويحمل فيروس الايبولا والايدز زاتو... خلاص كملتونا وقبلتوا على القعونج تطهير عرقي وابادة جماعية.. قال بروتين قال.. يبرطوك بموية نار ملخبتة بشطة دنقابة....

[ِAburishA]

ردود على ِAburishA
Sudan [nagatabuzaid] 08-17-2014 02:00 PM
الله يجازيك بالخير يا ابو ريشة دعوتك على حميدة مافى زول سبقك عليها يبرطوه بموية نار ملخبطة بشطة دنقاية ده انت فرمتوا وعجنتوا عديييل وبهرتوا بالشطة اميييييييييين يارب العالمين

Saudi Arabia [رانيا] 08-16-2014 03:50 PM
طبعا إتولدوا في ظروف كارثية ما ذي البلاد التانية طبيعة خلابة وكده فأكيد حاسين بالبؤس على اليوم الجوا فيه على الدنيا .. وعلى حالهم !!

Saudi Arabia [رانيا] 08-16-2014 03:47 PM
ههههههههه


#1080342 [عجلاتي]
5.00/5 (1 صوت)

08-16-2014 01:44 AM
شوف بالله الافتراء و قلة الأدب دي
يعني عشان انت مرتاح و تاكل كل يوم في الطيبات
داير الناس التعبانة تاكل قعونج عشان فيها (بروتينات غنية)
الله ينعل ابو خاشك يا حرامي
دمرت الصحة و دمرت المستشفيات
و بقيت البلد كلها استثمار في صحة المواطن المسكين

[عجلاتي]

#1080297 [Haj Ahmed]
5.00/5 (1 صوت)

08-16-2014 12:32 AM
وقال"يجب الاستفادة منها لأنها غنية بالبروتينات. " الكلام دا ليه مابعده و ح تشوفوا.
اقعدوا اتغالطوا لي في الضفادع بالضاد ولا الدال لحدي ما تاكلوا نيم.

[Haj Ahmed]

ردود على Haj Ahmed
Saudi Arabia [رانيا] 08-16-2014 03:52 PM
أنا شخصيا إبني بينطق الضاد دال والعين حاء يعني دفادح .


#1080291 [nagatabuzaid]
5.00/5 (1 صوت)

08-16-2014 12:15 AM
ايها الغير مامون بن حميدة ولست حميدا بما انك رجل استثمارى لدرجة الجشع وعدم الشبع افيدك علما بان الضفادع اشهى والذ وجبة للفرنسيين ولدول المستعمرات الفرنسية ولذلك وبما انك انسان لاضمير لك فيمكنك استخراجها من المياه الراكضة المتعفنة ولا تصرف على نظافتها قرشا وتصديرها مباشرة الى فرنسا واكيد الدول الافريقية لا تحتاج لضفادعنا لان لديها ما يكفيها من برك
وهكذا تكون ريحت الشعب السودانى المكلوم من تقة الضفادع وتجيك الدولارات والفرنكات بالردوم ولا تنسى نصيبى مقابل الاستشارة والمشورة اشترى به حقن ومعينات طبية للمستشفيات الهالكة اهلكك الله وما تحاول تغشنى وتاكل حقوقى عائد تصدير الضفادع كبير وانا ما بتغشى وبى ما بتقدر بى تتعشى انا حسكنيته عذرا يا حسكنيت سيد الاسم وعندى سى سى واخوته فى باريس ممكن اوكلهم لمتابعة الاستلام والتسليم وشراء المعدات الطبية وغاز من نوع البف باف بتاع ابوطيرة نرشكم به ان حاولتم اعتراض دفرة بص الثورة خصوصا ان د مريم الصادق قالت انه غاز اعصاب واكيد وبلا نقاش هى طبيا اشطر منك وشدو حيلكم يلا تصدير ضفادع الى باريس الطيرت رسينكم تطيروا ما تركوا

[nagatabuzaid]

ردود على nagatabuzaid
Sudan [nagatabuzaid] 08-16-2014 09:25 PM
حبابك رانيا ده عملها بالمتاجرة بالبشر وصحة الانسان السودانى وتشليع المستشفيات وتشريد المرضى والممرضين ونوع الاستثمار ده يغضب الله عليه وغضب الله عليه يجعله عابسا لان ارواح ضحاياه تحوم حوله ومعها لعناتنا له التى تجعله ملعونا عند الله اى خارجا من رحمته عرفتى يا رانيا

Saudi Arabia [رانيا] 08-16-2014 03:57 PM
أنا ما عارفاهو بقى رجل إستثماري كيف مش في مقولة إنه الرجل العابس لا يستطيع أن يفتح دكانا.. طيب ده عملها كيف ؟


#1080289 [cymru]
5.00/5 (1 صوت)

08-16-2014 12:03 AM
لا يجوز اكلها لانا قد نهينا عن قتلها.
روي البيهقي عن سهل بن سعد الساعدي ان النبي صلي الله عليه وسلم قد نهي
عن خمسة النملة, النحلة,الضفدع, الصرد والهدهد
ننتظر رد من هيئة علماء السلطان بتحليلهااو تصديرها للخارج؟؟؟؟؟؟

[cymru]

#1080278 [نكس]
0.00/5 (0 صوت)

08-15-2014 11:38 PM
وين المشكلة الغريبة انو جماعة الانقاذ ديل صريحيين مع الشعب بس الناس ما عايزة تغيرهم - مثلا
- سرقات الاراضي عينك عينك وبالاثبات وعلي مستوي رئاسة الجمهورية وطلعت وثقائق تدلل علي ذلك وقالوا اشاعات والشعب صدق انها اشاعات وكذب عينو وصدق الكيزان
-السيول تجتاح مناطق واسعة من السودان وتتدمرها ونشرت وثائق تدلل علي سؤو التخطيط والمصارف كما هو واضح في كبري القوات المسلحة وقالوا الكيزان لا دا بس زيادة في الخير من السماء والشعب كذب عينو وصدق الكيزان
-الممارسات الشاذة للولاء والدستوريين بالصورة والفيديو والكيزان قالوا دي مؤامرات وبرضو الشعب صدق الكيزان وكذب عينو
-المؤتمر الوطني يزج بعمر البشير والكل يعرف انه رئيس صوري لا يفقه من العمل السياسي الا بمقدار فهموا في عمليات العظام وزي فهمي للغة الصينية وبرضوا الشعب صدق انوا مافي غير الزول المنتهي الصلاحية العقلية والجسمية للمرحلة القادمة
-الكورة السودانية مجرد شباب بتاعيين دافوري ومدربيين اقصي حاجة كان بيلعبوا سداسيات ولا علاقة لهم بالعلوم الرياضية وبرضوا الشعب صدق انوا عندنا كورة تستاهل اتصنم امام التلفزيون واتشاكل في اللعيبة
-الاخطاء الطبية بالكوم والامراض بالكوم والعلاج معدوم وبرضوا الشعب صدق انو دا ابتلاء من الله والحصار المضروب علي الحكومة السودانية
-اخيرا انتخابات في ظل انقسامات حتي علي نطاق الحزب الحاكم ومناطق مقفولة بسبب الحرب ومشرديين بسبب السيول والحرب وربع سكان السودان ضيوف علي دول العالم والبقية مكمميين اما بالاعتقالات او الاقصاء من الخدمة وبرضو الشعب صدق انوا دا استحقاق لابد منه .
اذا الشعب مهمتوا التصديق - فيجب ان يصدق البيتسويهوا كريت بظهر في جلدا
والضفاضع دي مرحلة الخريف دا وانشاء الله في ناس حيصدقوا ويبدو في اكلها - والنصيحة للنمل ان يهاجر حتي لا يقع في حلول حميدة لبرنامج الغذاء الصيفي

[نكس]

#1080263 [ود كترينا]
5.00/5 (2 صوت)

08-15-2014 11:11 PM
***...(..."تعالو الساعة ستة هللوا وكبروا معانا ،عشان العربات تخش مناطقكم " ...)...انتهى
***شاهدت اليوم فى احدى المواقع الالكترونية صورة للعربات المذكورة والتى ستقوم برش ولاية الخرطوم بالمبيدات!!...احدى العربات والتى دعا حميدة نواب المجلس التشريعى لمشاهدتها أمام قاعة الصداقة كانت تحمل لوحة كبيرة كتب عليها من ضمن ماكتب...(وزارة الصحة...ولاية الخرطوم...حملات...الرش (الرزازى)! بالماكينات المحمولة على العربات...الرش الضبابى بالماكينات المحمولة على الأكتاف...)!!!عدد العربات للرش تبلغ فى مجموعها 100 عربة لكل ولاية الخرطوم؟؟؟
***استوقفتنى كلمة (الرزازى!!!!؟؟؟؟)...جاء فى مختار الصحاح...(...)
الرَّزَازُ : الرصَاصُ ، واحدته : رَزَازَةٌ !!!
***بذلك فان(حميدة) يعدكم يا أهل ولاية الخرطوم هو وواليه(الخواض!!) ...يعدكم...بالرش الرصاصى بالماكينات المحمولة على العربات!!ّ!!اذا خرجتم للتظاهر عند رفع اسعار الوقود الشهر القادم...ولا حول ولا قوة الا بالله!!!
***وبذلك فان الحملة ستكون اسمها(حملة اصحاح وتطهير ولاية الخرطوم من كل الكائنات الحية!!! ذلك بالرش الرصاصى بالماكينات(أى الدوشكات)..المحمولة بالعربات...هذا للمواطنين!!أما الباعوض والذباب فلهما الرش الضبابى بالماكينات المحمولة على الأكتاف!!!يعنى سياسة الأرض المحروقة الخالية من الموانع ليبيعها حميدة والخواض كأراضى استثمارية!!!وباليورو!!!ولا حول ولا قوة الا بالله!!
***أما كلمة (الرذاذ)..فقد جاءت فى مختار الصحاح كالتالى:
...الرذاذ...المطرُ الضعيفُ ، أَو الساكن الدائم الصغير القطر كأَنَّه الغبار
الرَّذاذُ : قطرات ماء أو سائل آخر متطايرة
الرَّذاذُ : سائل يُنْفَث من علبة مُعَبَّأة بالضغط
***كلو منك يا ابراهيم أحمد عمر...منك لله!!!

[ود كترينا]

#1080258 [ود نفاش]
5.00/5 (1 صوت)

08-15-2014 11:01 PM
يا اخى دى ملئه بالبروطين

لماذا لم نصدرها لفرنسا ؟؟؟؟؟؟

ومع كل شحنة نودى سودانى وما يجى راجع ونسميهم مغتربين الضفادع

يا دكتور انت جابوك عشان تبيع مستشفى الخرطوم هى من اختصاصك

وله شنو

[ود نفاش]

#1080254 [الأنكشاري]
5.00/5 (1 صوت)

08-15-2014 10:53 PM
الراجل مستفذ جدا ... استفذ التشريعيين ...!

لكن اعجبي تعالوالساعة ستة كبرو و هللوا معانا دي ...

[الأنكشاري]

#1080236 [البسوس]
5.00/5 (2 صوت)

08-15-2014 10:03 PM
هوت دقتونا وشحتونا وضفدعتونا وغرقتونا ولبستونا مافاضل ليكم الا تقولوا خلقتونا ..استغفر الله

[البسوس]

#1080235 [خلف الله]
5.00/5 (1 صوت)

08-15-2014 10:01 PM
الله لا جاب باقيكم اسع ده كلام ؤزير الله يرحمك ي سؤدان

[خلف الله]

#1080228 [الكاره الوضع]
3.50/5 (2 صوت)

08-15-2014 09:30 PM
قالوا في وزير صحة سوداني مشي الاسواق كلها وما لقي لحمة والناس يسالوا ياسيادة الوزير ما في لحمة ونحنا عندنا نقص حاد في البروتينات الوزير نشي البيت فكر ثم فكر وشاف البلد غرقان في الخريف والضفادع مليشيات في الشوارع ونام علي كدة جاهو في المنام ضفدع كبير سمين كرشتوا كبيرة وقال ليهو ياخ الناس تعبانة وملاقية لحم والخريف وصل هسي انا غني بالبروتين بعادل عجل دعول قاق..قاق عمك الوزير صحي من النوم مخلوع علي صوت قاق برة حوش بيتوا الزول الصباح طلع للناس قال وجدت الحل ضفادع ؟؟؟الناس استغربت قالوا الوزير دا جنا ضفادع شنوا قال ليهم الحل في الضفادع يعني قعونج ياناس بدل اللحمة الغالية تمشوا تصيدوها عشان دا ما اختصاصي ومنها القعونج يبقي قليل في البلد وصوت قاق قاق تقل الناس صدقت وبقت تقبض الضفادع حتي بقت الضفادع نادرة وسعر زاد وصل كيلو لحمة الضفادع الي 50او 60 بعد شوية الضفادع عدمت في السوق والخريف انتهي والناس جاتوا تقول ليهو قاق قاق يالوزير الحل شنوا الضفادع عدمت قال ليهم انتظروا الخريف الجاي !!!!

[الكاره الوضع]

ردود على الكاره الوضع
Saudi Arabia [رانيا] 08-16-2014 03:59 PM
قاق قاق حرام عليك .. تاني ؟؟

Sudan [نكس] 08-16-2014 12:09 PM
اكلوا نمل طعموا حادق وما بحتاج ليمون


#1080223 [albrado]
5.00/5 (1 صوت)

08-15-2014 09:16 PM
حقا حقير الحرامي مامون حميدة

الضفادع تاكلوها انت والعصابة اما الشعب السوداني فلم يتعود من قبل

اكل الضفادع يا قذر يا منافق .... وانشاء الله بناكلك الضفادع والايام

بيننا ... ترونه بعيدا ونراه قريبا ......

الضفادع الغنية بالبروتينات لامثالك انت من الحرمية والاياديهم ملوثة

بدماء البشر والمابيخافوا لومة لائم في اكل اموال اليتامي والمساكين

اما الشعب السوداني الاصيل القدر يتحملك انت واشكالك 25 سنة بيتحمل

الجوع حتي نهايتكم القريبة بعون الله

[albrado]

#1080212 [ود المكي]
5.00/5 (1 صوت)

08-15-2014 08:42 PM
من اليوم سوف تكون كنيتة / مامون قعونجة / رجل دجال ، هانت .... زول زيك يتحكم في مصير الشعب السوداني! ! ! ! ! هذا زمانك يامهازل فامرحي ....

[ود المكي]

#1080163 [بومدين]
5.00/5 (5 صوت)

08-15-2014 07:17 PM
ظهـرت وجـبات جـديده لـم يحـلـم الـشـعـب الـفضـل فـي أسـوأ كـوابيسـه أن يتـعـاطـاهـا ..
حيث صار البعض يتناول لحمة الجلد ، والوجبة الجديدة ( الساوند سيستم ) وهي عبارة عن أذني البقر ، فضلاً عن “ القوانص ” وهي أحشاء الدجاج و” صبرك ” أو " الـبحـاتات "وهي أرجل الدجاج ؟؟.

أمـا بأطراف المدينة ، أصبح بعض النازحين يأكلون “ الفطايس ” !!.

هنالك المتعففين الذين يصومون عن الأكل إلا من التمر والبليلة التي يتناولونها في الساعة الرابعة عصراً !!.
( حتى البليلة دي ذاتا سعرها إرتفع ) !!.

الآن جـاء الـدور عـلي الـقـعـونـج .. " طالب وزير الصحة الولائي مأمون حميدة بضرورة الاستفادة من الضفاضع وقال " يجب الاستفادة منها لأنها غنية بالبروتينات " !!.

[بومدين]

ردود على بومدين
Saudi Arabia [رانيا] 08-16-2014 04:02 PM
كلامك أثرني شديد بالذات أرجل الدجاج وهي أقذر شئ ممكن يكون .
حسبنا الله ونعم الوكيل في العملوا كده في شعبنا العزيز .

[ali murtey] 08-15-2014 11:59 PM
الاسم الجديد : مامون قعونج


#1080155 [ود الماحي]
4.50/5 (3 صوت)

08-15-2014 07:01 PM
أما عجائب أنت فعلاً يا عجااااااااااايب. رجل لا يدري ولا يدري أنه لا يدري فهو فقري.

[ود الماحي]

#1080154 [Adam Ibrahim]
5.00/5 (2 صوت)

08-15-2014 07:01 PM
اولاً مكافحة الضفادع من اختصاصك يا وزير الغفلة يا ضفدع.. ثانياً ما دام هي غنية بالبروتينات ليه ما تعمل مصنع لتعليب الضفادع وتصدرها للصين.. وحتى تروج ليها محلياً زى مثلاً ملوخية بالضفادع، اقاشى ضفادع، تقلية بشرموط ضفادع، الخ.. هو بعض الناس من شدة الجوع بقوا ياكلوا ساوند سيستم اضنين البقر وكوارع الدجاج امبلصات والله كتلا..

[Adam Ibrahim]

#1080142 [محمد]
4.50/5 (2 صوت)

08-15-2014 06:48 PM
اها الل8 فتخ لبكم باب خير اجمعوا كل ضفدع شارد وابعتوه فرنسا بتموت في شوربة الضفادع واهه يجيب عمله لدعم الخزينه بس اوعوا التماسيح يسبقوا الحومة الرسميه

[محمد]

#1080124 [عادل احمد]
0.00/5 (0 صوت)

08-15-2014 06:02 PM
اكيدعايزين الشعب يأكل الضفادع ( غايتو الجماعة ديل طبقوا في الشعب كل النظريات ) وطبعاً البيب بالاشارة يفهم . تبقت حاجة واحدة يامعالي الوزير ما تفوتك وهي فتوي علماء السودان عن أكل الضفادع عشان نتوكل عليها وطبعاً نتيجة الفتوي معروفة ( بس والله فكرة رائعة منك ) وتهليل تكبير أرمي قدام .

[عادل احمد]

#1080104 [sudani]
5.00/5 (3 صوت)

08-15-2014 05:30 PM
هذا الرجل مشهور بقلة الادب قبل ان يأتى للسلطة
كما أنه معروف بإنتهازيته وأرائه غير الانسانية
و ما كان يحلم بمنصب فى حياته لولا أن التنظيم
العالمى الماسونى للأخوان المسلمين يصعد أسوا المجرمين
عن قصد لتدمير الدول الاسلامية وعقيدتها

[sudani]

#1080094 [محمد جمال]
5.00/5 (2 صوت)

08-15-2014 04:51 PM
ﻋﻮﺟﻪ ﻛﺒﻴﺮﺓ ﺩﺍ ﻣﺎ ﻋﺬﺍﺏ . ﻓَﺄَﺭْﺳَﻠْﻨَﺎ ﻋَﻠَﻴْﻬِﻢُ ﺍﻟﻄُّﻮﻓَﺎﻥَ ﻭَﺍﻟْﺠَﺮَﺍﺩَ
ﻭَﺍﻟْﻘُﻤَّﻞَ ﻭَﺍﻟﻀَّﻔَﺎﺩِﻉَ ﻭَﺍﻟﺪَّﻡَ ﺁﻳَﺎﺕٍ ﻣُﻔَﺼَّﻠَﺎﺕٍ ﻓَﺎﺳْﺘَﻜْﺒَﺮُﻭﺍ ﻭَﻛَﺎﻧُﻮﺍ
ﻗَﻮْﻣًﺎ ﻣُﺠْﺮِﻣِﻴﻦَ

[محمد جمال]

ردود على محمد جمال
Egypt [المفقوع مغسة] 08-16-2014 08:37 AM
والله انت الجبتها ليهم واضحة . الله سبحانه ماذكر الضفادع الا ضمن العذاب البين الواضح ,طوفان وجراد وقمل وضفادع ودم ايات مفصلات . وهاؤلاء ان جاتهم الايات البينة اسواء منزلة من فرعون الذي طلب من موسى الدعاء ليرفح الله العذاب , وهاؤلاء لايعنيهم ان يصاب الناس بالعذاب , بل هى امطار خير وبركة , والضفادع والجرادوالضفادع عندهم خير وطعام نافع منتهى اللؤم والتكبر والانكار لايات الله وعذابه.


#1080088 [شيخ كرتوب.]
5.00/5 (5 صوت)

08-15-2014 04:45 PM
ليك حق ما،،،تحاربهم
لو،،،الضفدع لبس نظاره بكون إنته.

[شيخ كرتوب.]

#1080080 [الكاره الوضع]
4.97/5 (8 صوت)

08-15-2014 04:34 PM
طيب يا دكتور مادام هي غنية بالبروتين ما تبدا لينا انت اعمل ليك ملاح ويكا بالضفاضع او ضفاضع محمرة زي المتعافي واعزم ناسكم ناس المؤتمر البطني زي المتعافي وكدا وسووا ولائم من جميع اصناف الاكل الغنية بالضفاضع عشان بعد داك نشوفكم في المجاري البتشبهكم تقولوا قاق ....قاق....قاق

[الكاره الوضع]

ردود على الكاره الوضع
[khalid] 08-15-2014 06:25 PM
الدحش الاسمه حميده ده بيستهتر بالشعب يعني الناس تاكل ضفادع الهي ربي يشبعك منها وماتلتقي الدوا


#1080069 [عصمتووف]
5.00/5 (4 صوت)

08-15-2014 04:18 PM
فيها حلاة دين شوربة ولا ما كده ي معالي الضفادع الدستورية مو هيييييييييييك

[عصمتووف]

ردود على عصمتووف
[عصمتووف] 08-16-2014 12:13 AM
اخجل من شنو ي خرع ي ف ر خ

Saudi Arabia [جون قرنق] 08-15-2014 05:53 PM
مو هيييييييييييك
إستحى على دمك وأخجل يا مو


#1080059 [jakoma]
4.57/5 (6 صوت)

08-15-2014 04:12 PM
الضفاضع وليس الضفادع

[jakoma]

ردود على jakoma
European Union [ود الماحي] 08-15-2014 06:54 PM
.

Sudan [ياسر] 08-15-2014 04:50 PM
الضـفادع صاح يا (جاكوما) وانت المفروض تكتفي بالعامية: (قعونجة والجمع قعونجات)
أو (قعوية والجمع قعوي)..
خليك على قدر حالك وابتعد عن المشاكل..


#1080058 [Rebel]
5.00/5 (1 صوت)

08-15-2014 04:11 PM
* الخراب و الفساد و الظلم و الفقر و المرض و القتل و التعذيب و التشريد الجماعى و الدوله السودانيه التى إنهارت: هذه هى مخرجات "المشروع الحضارى"المتوهم!!. إنها النتائج الطبيعيه المتوقعه لممارسات الهوس الدينى و الدجل والنفاق و الكذب و التدليس و الانانيه و اللؤم و سوء الخلق.
* فعن ماذا "يهمهم!" هؤلاء الأبالسه المجرمين, و اذنابهم من البلهاء و المتخلفين و الارزقيه!!!!.

[Rebel]

#1080056 [صداح الغنا]
4.50/5 (2 صوت)

08-15-2014 04:09 PM
ضفادع بالدااااااال ياصحافة آخر زمن...

[صداح الغنا]

ردود على صداح الغنا
Saudi Arabia [مالك الحزين جدا جدا] 08-15-2014 05:57 PM
فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آيَاتٍ مُفَصَّلَاتٍ فَاسْتَكْبَرُوا وَكَانُوا قَوْمًا مُجْرِمِينَ.

Turkey [عجاااااااااااايب] 08-15-2014 04:47 PM
عامل فيها مصصح وطالع ما عارف ابو النوم
انظر للقواميس العربية قبل ما تجي تنظر وتعمل لينا فيها عبد الله الطيب

Saudi Arabia [Abu Areej] 08-15-2014 04:25 PM
معليش يا اخ صداح المسافة بعيدة بين التعليم زمان والآن .. (صحح ما استطعت )


#1080055 [Adil A Omer]
4.75/5 (3 صوت)

08-15-2014 04:08 PM
جهزوا حالكم حتاكلوا ضفادع لما يبان لكم صاحب

بس الكيلو حيكون بى كم ؟؟

[Adil A Omer]

#1080045 [حسين احمد]
4.00/5 (1 صوت)

08-15-2014 03:49 PM
هي الضفاضع دي = الضفادع ولا شنو

[حسين احمد]

ردود على حسين احمد
Turkey [عجاااااااااااايب] 08-15-2014 04:47 PM
عامل فيها مصصح وطالع ما عارف ابو النوم
انظر للقواميس العربية قبل ما تجي تنظر وتعمل لينا فيها عبد الله الطيب


#1080044 [ود ام در]
5.00/5 (1 صوت)

08-15-2014 03:48 PM
تعالو هللو وكبرو .... هههههههههههه

[ود ام در]

#1080042 [االطفشان من الكيزان]
3.00/5 (2 صوت)

08-15-2014 03:43 PM
نأكل ضفاضع ولا شنو معنى كلامك يا حميدة؟

[االطفشان من الكيزان]

ردود على االطفشان من الكيزان
[khalid] 08-15-2014 06:29 PM
خلي بروتين الضفادع يزيد ليه مخه لانه مصاب بمرض الخرف


#1080040 [احنا مالنا]
5.00/5 (2 صوت)

08-15-2014 03:41 PM
يا بتاع الضفادع (الضفاضع) كما ورد. قرفتنا ولما قريت الخبر لزوجتي طرشت ثلاثاً. لكن بيني وبينكم قالوا الفرنسيين بياكلوا البتاعات دي عشان كده لغتهم كلها كواك نناك

[احنا مالنا]

#1080019 [أبو الحسن]
5.00/5 (2 صوت)

08-15-2014 03:25 PM
الضفادع بالدال جمع ضفدع وليس الضفاضع .. أي لغة تكتبون ؟ يا خريجي جامعات الإنقاذ !!؟

[أبو الحسن]

ردود على أبو الحسن
Saudi Arabia [Abu Areej] 08-15-2014 04:27 PM
التحية لك اخي ..
امكن السيد الوزير لا يقصد الضفادع بل شيء آخر اسمه ضفاضع!!


#1080018 [جنوبي]
5.00/5 (3 صوت)

08-15-2014 03:24 PM
قال غنية بالبروتين !! ياهو ده اللقيناه من مبارات الصينيين داير يأكلنا القعونجه !

[جنوبي]

#1080011 [د الزهجان]
5.00/5 (2 صوت)

08-15-2014 03:15 PM
منتهي التعالي والعنجهيه والتكبر والازدرا ووالهوان الذى وصل اليه الانسان في عقول الكيزان

... راجل فاسق مشعوز دجال .. مراهق .. عمرك قارب ال90 ولسه تلعب في حواجبك لعنك الله

اول شي ي بروف اشوي انت واحد وجرب وخلي شيخ الامين وحوارو الناعم يبدو

بعدها نحنا بنا كل القعونج ونخلي لك اللحم بجميع انواعو ... ي مراهق h

[د الزهجان]

#1080006 [بت قضيم]
5.00/5 (6 صوت)

08-15-2014 03:06 PM
ودوها اغاثة لغزة ان كانت غنية بالبروتينات والباقي صدروه للصين اما نحن السودانيين فقد تعودنا على لحوم الابقار والضان المصدرة اناثه لدول الخليج ولحم الجمل عندنا فيهو راي

[بت قضيم]

ردود على بت قضيم
Lebanon [ضفدعة] 08-15-2014 07:19 PM
لحم الجمل ياتو … !!!
زمن الانجليز كان طلبة جامعة الخرطوم ( ناس حميدة ديل ) بياكلو ( مجانا) في طبيخ بامية ولقو دودة صغيرة قامو توقفو عن الاكل واحتجو وجا الخواجة المسوؤل وقال ليهم وينا الدودة ولما وجدها اخذها واكلها وقال ليهم الكلام القالو ليكم حميدة دا
انا شخصيا بعد قريت القصة اي دودة في البامية بدوسا طوالي علي زمة الخواجة … والناس البتاكل كرعين الجداد افتكر اخير ليها الضفادع …


#1080005 [د. محمد عبد الرازق سيد احمد]
3.00/5 (1 صوت)

08-15-2014 03:05 PM
بسم الله الرحمن الرحيم


اعزائي محرري الراكوبه وبني وطني الكرام .. السلام عليكم ورحمة الله ..

الي سعادة البروفسور مامون حميده .. ايه الحكايه .. ونحن في السودان جربنا اكل الجراد

واراك تعقترب من الدعوه الصريحه لتجريب اكل الضفادع .. طالما سعر اللحم وصل كذا .. اظننا

مقبلين علي تنفيذ دعوتك .. عشان نصيح : قوقوقوقوقو.. قوق ..قوق .. نكته ؟!..والله وحكايه ..

[د. محمد عبد الرازق سيد احمد]

ردود على د. محمد عبد الرازق سيد احمد
Sudan [nagatabuzaid] 08-17-2014 02:26 PM
يعنى يا د اكل جراد مع الضضادع والتحلية بالقمل ده ما غضب الله جانا عديل الله يقرفك ياحميد ه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة