الأخبار
أخبار إقليمية
تماسيح نيلية ضخمة تثير رعب سكان جنوبي الخرطوم
تماسيح نيلية ضخمة تثير رعب سكان جنوبي الخرطوم
تماسيح نيلية ضخمة تثير رعب سكان جنوبي الخرطوم


08-16-2014 03:47 AM


الخرطوم - بليغ حسب الله

ظهرت ثلاثة تماسيح نيلية ضخمة في بحيرة سد جبل أولياء الواقعة على النيل الابيض جنوبي العاصمة السودانية الخرطوم اثارت الرعب وسط آلاف السكان الذين يقطنون بالقرب من الشاطىء.

وأكد معتمد محلية جبل أولياء مجاهد الطيب محمد سعيد العباسي في تصريحات تلفزيونية ظهور التماسيح الثلاثة، مشيرا الى أن السلطات تمكنت من اصطياد أحدها فيما بقي اثنان منها طليقان في البحيرة.

وناشد العباسي السكان أخذ أقصى درجات الحيطة والحذر عند اقترابهم من الشواطئ النيلية.

ويرتبط موسم الفيضان في السودان بقدوم تماسيح من النوع الضخم غالباً ما تأتي من مجاهل افريقيا على مجري مياه النيل الابيض الذي ينبع من بحيرة فكتوريا في يوغندا.

ويدفع ارتفاع مناسيب مياه النيل التماسيح من مناطق تواجدها جنوب النيل الأبيض باتجاه الشمال.

الرياض


تعليقات 33 | إهداء 0 | زيارات 16019

التعليقات
#1081146 [أبو مصطفى]
5.00/5 (2 صوت)

08-17-2014 09:03 AM
يا جماعة انتوا ما سألتوا السؤال الصحى ، التمساحين التانيات اتحللن بفقه التحلل والمسكين القبضوه كان كرت محروق.

[أبو مصطفى]

#1081098 [عودة ديجانقو]
5.00/5 (3 صوت)

08-17-2014 07:06 AM
غالباً ما تأتي من مجاهل افريقيا على مجري مياه النيل الابيض الذي ينبع من بحيرة فكتوريا في يوغندا.
*******************************************

كيف تتدعى إنها آتيه من مجاهل افريقيا يا غبى وانت تحدد المسار بدقه متناهيه....مجرى النيل الابيض الذي ينبع من بحيرة فكتوريا في يوغندا....ثم ان بحيرة فكتوريا تقع على ارض ثلاثه دول يوغندا..كينيا وتنزانيا والمويه واحده بمعنى جزء يوغندا ليس هو المكون الاساسى للنيل الابيض.
وبما إنك قمت بتحديد من اين أتى النيل الابيض فهذا ينفى صفة المجاهل الافريقيه التى الصقتها بالنيل الابيض زورا وبهتانا يا صمويل بيكر.

[عودة ديجانقو]

#1080948 [النسر الذهبي]
5.00/5 (2 صوت)

08-16-2014 10:32 PM
وااااااو تماسيح نيلية ضخمة!!!! ده مخطط صهيوني علي قول ناس الأنقاذ

[النسر الذهبي]

#1080898 [ابوفهد]
5.00/5 (7 صوت)

08-16-2014 09:01 PM
التمساح النيلي احتمال يكتفي باحداطرافك كان يد.....اورجل(كراع)لكن...التمساح ابودقن
مايخلي فيك عظم.

[ابوفهد]

ردود على ابوفهد
Switzerland [محمد احمد على العاقب] 08-17-2014 02:14 AM
عسل عديل كدا، اجمل تعليق
التحية لك


#1080881 [ود الحلال]
5.00/5 (1 صوت)

08-16-2014 08:12 PM
اين جنود حمايه الحياه البريه يقبضو التماسيح لو ما عايزنها يصدروها او يرجعوها محل ما جات طوالي جاريين للكتل اه في الجنوب التماسيح لا تهاجم الناس خوف من ان تخلق عداوه مع الناس

[ود الحلال]

#1080859 [موجوع وطن]
5.00/5 (6 صوت)

08-16-2014 07:14 PM
(اثارت الرعب وسط آلاف السكان الذين يقطنون بالقرب من الشاطىء.) ليس صيحيحاً أن يرتعب اليوم سوداني من تمساح.. فقد ألفوا منذ عقود التعايش مع فصيلة الكيزان أشرس تماسيح عرفتها البشرية...لدرجة أن أكلت إبنائهم في صمت مريب...

[موجوع وطن]

ردود على موجوع وطن
Switzerland [محمد احمد على العاقب] 08-17-2014 02:19 AM
التحية ليك ذكى ولماح وتعليق رائع


#1080715 [هيثم الخلا]
5.00/5 (12 صوت)

08-16-2014 02:56 PM
تماسيح النيل ساهل أمرها، الكلام في تماسيح الانقاذ الواحد فيهم بفطر بألف لوح زنك وألف كيس أسمنت وبتغدى بشارع ظلط وكذا طن سيخ، وبتعشى بكوبري كامل، أنا ما عارف ليه ناس انترناشونال جيغروفيك ما يجوا يسجلوا حلقه كاملة عن حياة وسلوك هذه التماسيح، سوف تكون خبطة كبيرة جدا

[هيثم الخلا]

#1080696 [DR SAME AL]
5.00/5 (3 صوت)

08-16-2014 02:20 PM
اها ديل بتقبضوا بس البقبض التمساح العشاري مامون حميدة منو

[DR SAME AL]

#1080647 [عشا البايتات القوا]
4.75/5 (4 صوت)

08-16-2014 01:15 PM
المصريون سيتوافدون علي بحيرة جبل اولياء لصيد تلك التماسيح لا نهم يهيمون حبا في حلل التمساح المقوي الجنسي كما يعتقدون,, خاصة وان سد النهضه سيقلل من وجود التماسيح في مصر وهذا واحد من اضرار سد النهضه علي مصر,,,ولا ايه رائك ياهاني رسلان ؟؟؟

[عشا البايتات القوا]

#1080629 [ام كرتبو]
4.94/5 (7 صوت)

08-16-2014 12:56 PM
التماسيح جاية تزور اقاربها ..صلة الرحم برضو واجبة واتمني ان يجدو حق الضيافة.

[ام كرتبو]

#1080626 [عدو الكيزان]
4.50/5 (4 صوت)

08-16-2014 12:54 PM
تماسيح النيل هينة تماسيح الكيزان حلها شنو يا معنمد الغفلة ؟

[عدو الكيزان]

#1080613 [hussein musa]
5.00/5 (5 صوت)

08-16-2014 12:41 PM
تماسيح البلد زادت...

[hussein musa]

#1080595 [***البعشوم***]
5.00/5 (2 صوت)

08-16-2014 12:25 PM
دي ما تماسيح نيلية، دي ضفادع نيلية كبيرة، وغنية بالبروتينات... الله أداي التماسيح، وكمان البعشوم معاهم.

[***البعشوم***]

#1080593 [ABDUL NOUR]
4.88/5 (5 صوت)

08-16-2014 12:24 PM
ارجو ان تعمل ادارة الحياة البرية على القبض على التماسيح و ترحيلها حية الى مناطق اكثر امانا لها وللمواطنين حفاظا على الحياة البرية وتنوعها ، و ارجو ان لا تقتل هذه التماسيح رميا بالرصاص و يصبح صادئها بطلا تغنى له اغاني الحماسة والفروسية

[ABDUL NOUR]

#1080590 [خرباش]
5.00/5 (1 صوت)

08-16-2014 12:21 PM
العنوان مفروض يكون القبض على تمساح وهروب اثنين ..كدة ممكن الناس تدخل الفلم ...

[خرباش]

#1080570 [المتشائل]
5.00/5 (3 صوت)

08-16-2014 12:02 PM
يقال ان دهن التمساح يساعد على علاج العقم والركب المخلخلة ومرض القلوب بكل انواعه والطمع وكذلك الحد من سفك الدماء والعنصرية وغيرها من الامراض المزمنة.."والله أعلم"..فاصطادوها عسى ولعل..

[المتشائل]

ردود على المتشائل
[موجوع وطن] 08-17-2014 11:52 AM
يا المتشائل الله يديك العافية...أنشاء الله ما متشائل همومهم...إلا روشتتك دي غالية بالحين أعرضها لناس رويال كير بالدولار ما بالمحلي....أصلوا هم مودرين ليهم رأي في علاج مريضهم دا...


#1080536 [سقد]
4.75/5 (3 صوت)

08-16-2014 11:26 AM
هاهاهاهاه والله انحنا بنتمنى الموت بدل الحياة نص كم دى وانشاء الله ضربة اسرائلية شاملة وبعدين الراى العام ماحيتاثر بهذه المفرقعات الغير مؤثرة فى حياتهم والان فى مجاعة داخل الخرطوم وهنالك هبة الجياع التى حذركم منها كبيركم الزى علمكم الظلم والهرج

[سقد]

#1080503 [محمد علي]
4.50/5 (5 صوت)

08-16-2014 10:46 AM
لا يستحق الكيزان أن يطلق عليهم لفظ التمساح
لن التمساح عندنا في السودان رمز للرجال الشجاعة
"على ظهره الخبوب والطين"

ديل من فيصلة الورل والسحالي والعناكب

[محمد علي]

#1080494 [ahmed]
4.72/5 (7 صوت)

08-16-2014 10:36 AM
عليك الله شوف المتخلفين ديل!! مجاهل افريقيا !! تقول خلاص هم تامين التحضر

[ahmed]

#1080485 [جنوبي]
5.00/5 (3 صوت)

08-16-2014 10:25 AM
عليك النبي يا التمساح التماسيح العندنا شوية ؟!!
اها ومامون حميدة قال شنو ؟ البروتين وكده ,,

[جنوبي]

#1080473 [ahmed]
5.00/5 (4 صوت)

08-16-2014 10:08 AM
وزارة الصحة تعلن عن منتجها الجديد ضفادع معلبة بطريقة شرعية والمفاجئة الكبري تماسيح شرعية وارد كافوري للحجز والإستعلام إتصل بمأمون حميدة .

[ahmed]

#1080447 [أبو هشام]
5.00/5 (1 صوت)

08-16-2014 09:34 AM
سؤال: أي التمساحين اشد خطرا ? تمساح بيبلع ام تمساح بيسف أفيدونا أفاد كم الله

[أبو هشام]

ردود على أبو هشام
Switzerland [محمد سعيد] 08-17-2014 02:28 AM
الببلع أشد خترا لان البسف ببزغ

Netherlands [Mohammed] 08-16-2014 08:36 PM
نهر النيل
عاشق السودان
**************

ههههههه هههههه ههههههه قر قر قر قر قر
الإتنين اولاد حرام وعضتم والقبر هههههههههه
ض ح ك ت ن ي والله يا ابو هاشم يديك العافية .


#1080442 [زول وطني غيور]
5.00/5 (1 صوت)

08-16-2014 09:26 AM
البلد ناقصة تماسيح !!

[زول وطني غيور]

#1080411 [mabo]
4.79/5 (11 صوت)

08-16-2014 08:20 AM
تماسيح الحكومة أشد خطرا وأشد فتكا بالمواطن من التماسيح الليلية فهل من منقذ ؟

[mabo]

#1080410 [التمساح]
4.91/5 (10 صوت)

08-16-2014 08:18 AM
معقولة فى تمساسيح اكبر من تماسيح الكيزان؟

[التمساح]

#1080408 [صالح عام]
4.50/5 (8 صوت)

08-16-2014 08:17 AM
هذه ثلاثه ماسيح نيليه عندنا تماسيح بشريه ه الخضر والجاز االمتعافى اسامه عبدالله كمال البكاى اشريف ودبدر اخوان واهل البشير وانتو تمو الباقى

[صالح عام]

#1080397 [طه جعفر الخليفة]
4.88/5 (16 صوت)

08-16-2014 07:02 AM
" مجاهل افريقيا "

ليس في افريقيا مجاهل يا عالم
فالبلاد معروفات حدودا
المجاهل فقط في العقل العربي المريض
و اللعنة علي مرضي الاستعلاء العرقي

[طه جعفر الخليفة]

ردود على طه جعفر الخليفة
United States [الله يلزمنا الصبر] 08-16-2014 09:42 AM
هذه االجمله كانت تستخدم قبل الف سنه حينما كانت اقريقيا فعلا مجاهل ولا زالت تستخدم حتي بعدما صارت افريقيا بلاد ولها حدود و لا توجد اي مناطق مجهوله في افريقيا.منتهي الجهل


#1080386 [Sawt Al Hag]
4.86/5 (19 صوت)

08-16-2014 05:39 AM
التماسيح النيلية هين امرها .. المشكلة فى التماسيح البشرية
زمان كنا نستمع لمدائح اولاد حاج الماحي الجيل الاول .. وكنا نردد معهم ..
شئ لله يا ابوجلابية .. يا عثمان شيخ الختمية .. التمساح سكن الشايقية ..
اما الان .. فالتماسيح سكنت كافوري والمنشية .. و (( يا ابوجلابية )) ..!!!!

[Sawt Al Hag]

ردود على Sawt Al Hag
Libyan Arab Jamahiriya [محمد محمد صالح] 08-16-2014 11:18 AM
ابو جلابية ظاتو بقي تمساح عشاري!!!!!!

Sudan [وليد النيل] 08-16-2014 10:41 AM
وابو جلابية الان بقي تمساح عشاري


#1080384 [ركابي]
4.88/5 (16 صوت)

08-16-2014 05:18 AM
اثارت الرعب وسط آلاف السكان الذين يقطنون بالقرب من الشاطىء.!!!!!!!!!!قاعدين ليكم ربع قرن مع اخطر نوع من التماسيح في العالم البخوف شنو مفروض يكون حصل تأقلم

[ركابي]

#1080375 [Haj Ahmed]
4.75/5 (8 صوت)

08-16-2014 04:42 AM
ما كفانا تماسيح الجبهه الاسلامية يااخوانا

[Haj Ahmed]

#1080372 [ككك]
4.75/5 (8 صوت)

08-16-2014 04:13 AM
دى بروتينا أعلى من ضفدع حميده!! وخالى من الكلوسترول...

[ككك]

#1080370 [بنج]
4.86/5 (12 صوت)

08-16-2014 04:02 AM
التماسيح النيلية مقدور عليها الكلام تماسيح الانقاذ لا بتشبع لا بتستحي

[بنج]

ردود على بنج
United Kingdom [الكاهلي] 08-16-2014 03:15 PM
افتكر انو التماسيح النيليه دي ارحم من تماسيح الإنقاذ



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة