الأخبار
أخبار إقليمية
حالة تأهب في سنار لمواجهة قوات الحركة الشعبية
حالة تأهب في سنار لمواجهة قوات الحركة الشعبية



اعداد كبيرة من ابناء ولاية سنار انضموا للجيش الشعبي
08-18-2014 12:26 AM
الراكوبة - اعلنت ولاية سنار حالة الطوارئ في مناطقها المحاذية لولاية النيل الازرق وسط ترقب بهجمات عسكرية محتملة للجيش الشعبي علي المنطقة.
وتفقد الوالى أحمد عباس ، بصحبة اعضاء لجنته الامنية وضباط القوات المسلحة المعسكرات والقوات المرابطة فى منطقتى الدالى والمزموم والتى تعمل على تأمين وحماية الموسم الزراعى.
وكانت هذه القوات قد تم نقلها للمنطقة بعد الهجوم الذى تعرضت له منطقة أقدى فى ولاية النيل الأزرق المتاخمة.
وطاف والى سنار على متن مروحية عسكرية على المناطق الزراعية فى الولاية للوقوف على الأوضاع ، فيما قالت حكومة ولاية النيل الأزرق انها اتخذت تدابير أمنية تحسباً لأى طارئ ، ورفعت وتيرة الإستعداد فى المحلية.
وأفادت مصادر أن لجنة أمن سنار عقدت إجتماع مع قيادات الرعاة والمزارعين بجانب العائدين من دولة جنوب السودان ، وإستمع الإجتماع إلى المشكلات التى تعترض الموسم الزراعى ، وكيفية تفادى النزاعات بين المزارعين والرعاة .
وتفيد مصادر ان اعدادا كبيرة من ابناء ولاية سنار انضموا للجيش الشعبي تحت إمرة المرشح السابق لمنصب الوالي والقيادي في الجبهة الثورية التوم هجو.


تعليقات 9 | إهداء 0 | زيارات 8777

التعليقات
#1083109 [أبو مصطفى]
0.00/5 (0 صوت)

08-19-2014 09:06 AM
من ابناء سنار أنا، ولقد تعودنا أن كل ما يخرج من فم سلطات الولاية هو الكذب البواح ، أحمد عباس يبحث عن بطولة فى غير معترك ، هذا الرجل الذى جلس على كرسى الولاية الوثير زمناً طويلاً يبحث له عن موارد مالية ودعم للأرزقية من الدفاع الشعبى والشرطة الشعبية ، كما يبحث عن العودة بالانقاذ إلى مربعها الأول حيث دفاعنا الشعبى ياهو ديل ، قوم ي أحمد عباس لف مافى بلا أكتر منك على الولاية انت وأذنابك من الكيزان.

[أبو مصطفى]

#1082331 [الامير]
1.00/5 (1 صوت)

08-18-2014 12:31 PM
رد للجاهل عودة ديجانقو
المتخلفين امثالك و الزين لا يفرقون بين خلق الله و اخلاق الناس .. فانصحك ان تبتعد من الاشياء التي ليس للانسان دخل فيها كأشكال الناس و الوانهم و و و و لك مطلق الحرية فى الكلام عن اخلاقياتهم لانها من كسب انفسهم

[الامير]

#1082234 [magdi]
1.00/5 (1 صوت)

08-18-2014 10:50 AM
سيبوا الاماني التعبانة دي جيش شعبي في النيل الازرق مافيش عشان يقدر يهاجم 5 عساكر فقط يهاجمون الرعاة و المزارعين المهمشين دي رجالتكم يا جيش المهمشين

[magdi]

#1082196 [زول اصيل]
2.75/5 (3 صوت)

08-18-2014 10:23 AM
احمد عباس ده كمل بيع الميادين العامة بولاية سنار خلاص بقى على الانتاج الزراعي صحيح الاختشوا ماتوا

[زول اصيل]

#1082129 [كتاحة امريكا]
3.00/5 (2 صوت)

08-18-2014 09:46 AM
وتفيد مصادر ان اعدادا كبيرة من ابناء ولاية سنار انضموا للجيش الشعبي تحت إمرة المرشح السابق لمنصب الوالي والقيادي في الجبهة الثورية التوم هجو.



وبعدين استنوا الجاي


يمكن يكونوا بالخرطوم

[كتاحة امريكا]

#1082121 [ابو محمد]
3.00/5 (2 صوت)

08-18-2014 09:42 AM
هذا مجرد كذب وكلام عارى من الصحه لااحد يذهب مع التو م هجو ان شعب ولاية سنار يعرف قدر نفسيه وليس امه من الغنم والبهائم لكيى يتبع التوم هجو هم بعرفون التوم هجو حق المعرفه مجرد وصولى نفعى ليس الا

[ابو محمد]

ردود على ابو محمد
United States [SESE] 08-18-2014 12:51 PM
اهل مكة ادرى بشعابها....

التوم هجو ابن المنطقة الخارج من صلب الغلابة وهو يعرف كيف يخاطب الناس هناك وهو يعرف تماما اين موضع الوجع ومتى ما انضم اليه ابناء المنطقة فحكومة الظالمين قد اصبحت في حيص بيص ولا يمكن ان تأتي بالغرباء للدفاع عن مصالحها في تلك منطقة المعنية.......

هكذا هم ارادوها دوائر وها هي الدوائر تضيق وتضيق بالتفاف كل ابناء منطقة حول قائدهم ثم التكتل والزحف نحو الخرطوم من جميع المحاور.......

[موجوع وطن] 08-18-2014 12:14 PM
مثل قولك و أكثر قيل في القائد و المناضل الفذ عبدالعزيز الحلو لكن مازالت جحافل الكيزان وجنجويدهم تنكسر في صخرة الحلو بل و في آخر معركة معهم فقدوا فيها قائدهم الأعلي لمليشيا جنجويدهم المسماة بالدعم السريع.. و الحلو يواصل إنتصاراته في صمت... ولا يأبه بالهراءات كما قولك...


#1082100 [أبوقرجة]
3.00/5 (4 صوت)

08-18-2014 09:16 AM
اقتباس من الراكوبة (وتفيد مصادر ان اعدادا كبيرة من ابناء ولاية سنار انضموا للجيش الشعبي تحت إمرة المرشح السابق لمنصب الوالي والقيادي في الجبهة الثورية التوم هجو)
دا الكلام الصحيح مفروض كل السودانيين بمختلف توجهاتهم التوجه إلى الجبهة الثوريه لانه دا الحل الوحيد هذا النظام لا يفهم سوى لغة القوة .. يلى يا أبناء الشمال انضموا وقاتلوا صدقوني المعركة لن تكون طويله .. لان المدافعين عن هذا النظام جبناء ولا يريدون الموت ... سيهربون من أول طلقة عليهم فهم يريديون المال والذهب والفضة والنساء .. فكيف لإنسان بمثل هذه المواصفات يقاتل ... حتى الفي الخرطوم لا يقاتلون سيهربون من أول رصاصه تطلق عليهم ..

[أبوقرجة]

ردود على أبوقرجة
Sudan [hfakf] 08-18-2014 01:56 PM
والله ده احساس اي زول عايش في الان في السودان لانو الحالة بقت صعبه والظلم اصبح لا يطاق وللاسف ناس الانقاذ حا يحولون الي مليشات اخشي ان تكون قبلية اللهم دمر الانقاذ بكل سهوله حتي لا نتحول الي صومال اخر


#1082014 [ابوعنجة]
2.72/5 (6 صوت)

08-18-2014 06:05 AM
يا الوالي دة معناهوا سقوط الخرطوم... الدخول من تلات محاور...لان اكتمل محورين وجا ري العمل في المحور التالت..... اما المحور الرابع للقطط السمان للجري ...حقوا تعرف المحور الرابع لان الهلكوبتر بتشوفوا بطي......عليك الله بعدين ورونا الرجالة لمن تقعوا في يد الشباب. خاصتن الرقاص وناس شوت كيل وبتاع الكوع وابو النظر.... والله انا شفقان لي حالكم بعدين .... شايل ليكم هم من الجرسة تفضحونا قدام العالم... ونكون مضحكة قدام الناس.....دولة الظلم ساعة... يعني قربت بس اقيفوا زي الخليفة التعايشي ترفعوا راسنا فوق. ما تنسي.

[ابوعنجة]

ردود على ابوعنجة
[كاكا] 08-18-2014 05:55 PM
ابو الركب بعد التعميرة دي لازم يقطعو رحطوا ويترتر ورا وقدام لامن يقد السباتة هو قايل الرقيص دا لعب !

Saudi Arabia [Kamal Mustafa] 08-18-2014 11:44 AM
أتظن أن الرقاص حا يكون راجل زي الشهيد صدام الذي لم يطأطي رأسه في المحكمه أو عند الاعدام والله أنا شايف نجيبوا ونرقصه رقصة القرد وطبعا نحن كسودانيين لا نقبل محاكمة سوداني خارج السودان في محكمة دوليه لكن احسن نتخارج منه ونسلمه ايهم عشان ما نشيل هم حقوق انسان واعدمتوه ليه وليه ولا رأيك شنو يا أبو عنجه


#1081990 [عودة ديجانقو]
2.88/5 (7 صوت)

08-18-2014 03:50 AM
وتفقد الوالى أحمد عباس ، بصحبة اعضاء لجنته الامنية وضباط القوات المسلحة
******************************************

بالله إنت محتاج للجنه أمنيه وظباط....وشك العامل زى تربيزه اللحام ده يفرتق كتيبه....بلاء يخمك يا ****.

[عودة ديجانقو]

ردود على عودة ديجانقو
Sudan [بت مكوار] 08-18-2014 05:25 PM
ذكرتني يا ديجانقو ايام الانتخابات المزورةالبسموها انتخابات الخج ، شيخ التوم هجو كان مترشح لمنصب الوالي منافسآ " لوش تربيزةاللحام" ،وكانت هنالك ندوة للحزب الاتحادي بميدان المدرسة الجنوبية في مدينة سنار تحدث فيها الشيخ التوم. خرجت سنار عن بكرة ابيها في تلك الليلة،ناس السوق قفلوا من بدري عشان يلحقوا الندوة،الناس كانت مشتاقة للحرية والديمقراطية، قايلنها انتخابات جد جد، اظنك تعلم ان التوم هجو ود شيوج شبعان وعينو ملانة وكمان طلعتو بهية ،مش ذي الجعانين العيونهم ابت تتملي لحدي الآن ، في ذلك اليوم الشارع المؤدي للميدان شهد حركة لم يشهدها قط ،الرجال النساء، الأطفال ،حيران الشيخ كانوا زي حمام السلام، والله اولاد شباب ملانيين تقوي وورع، يكفوا العين ،وكانو يهتفون الشيخ التوم طرد البعشوم ، لكن للأسف حصل الحصل والبعشوم ظل كاتم علي انفاس ناس سنار لحدي الآن وجايب ليهم الشوم، داهية تاخدو .

United Arab Emirates [silik] 08-18-2014 10:09 AM
ههههههههههه قوية ياحبيبنا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة