الأخبار
أخبار إقليمية
مساعد للمبعوث الأمريكى يزور السودان وسفيرة واشنطن تدعو للاسراع بالقبض علي البشير
مساعد للمبعوث الأمريكى يزور السودان وسفيرة واشنطن تدعو للاسراع بالقبض علي البشير
مساعد للمبعوث الأمريكى يزور السودان وسفيرة واشنطن تدعو للاسراع بالقبض علي البشير


قالت : البشير تورط في جبهتين في ما يتعلق بمعاملة شعبه بقدر من اللامسؤولية وتعميق علاقته مع حماس وايران
08-18-2014 12:31 AM
الراكوبة - افادت مصادر اعلامية ان احد مساعدى المبعوث الأمريكى الخاص دونالد بوث زار الخرطوم خلال الايام الماضية.
واشارت المصادر إلي ان الزيارة غير المعلنة هدفت لاستطلاع الراي الحكومي في مستقبل عملية السلام مع الحركة الشعبية في اديس ابابا في ظل الجمود المحيط بالمفاوضات.
وكانت الحكومة السودانية قد اعلنت عدم ترحيبها بزيارة المبعوث الامريكي الخاص دونالد بوث إلي السودان بسبب تحفظها علي مهامه التي تتعلق بقضايا داخلية سودانية ولاتمتد للعلاقات الثنائية بين الدولتين.
وتطالب الحكومة السودانية بتحسين علاقاتها مع واشنطن ورفع اسمها من قائمة الإرهاب الامريكية المدرجة فيها منذ العام 1993م.
وفي مؤشر علي تدهور العلاقات بينهما، شددت سفيرة الولايات المتحدة في الأمم المتحدة سامانثا باور على ضرورة محاسبة الرئيس السوداني عمر البشير. وقالت باور إن أدلة المحكمة الجنائية ضد البشير قوية وتزداد قوة يوما بعد يوم.

ودعت سامانثا في تصريح - الدول الافريقية إلى العمل على تنفيذ أوامر القبض على البشير، وأضافت أنه من المهم أن تسّرع الدول الافريقية خطواتها "للضغط على البشير أكثر في ضوء الجرائم التي ارتكبت في الماضي، والتي ادت إلى اصدار أوامر القبض عليه".

وأردفت بالقول "إن وجود نظام أفريقي للمحاسبة حين يرتكب الأفراد او الجماعات جرائم خطيرة أمر ليس له أثره الفاعل في المستقبل فحسب، وإنما أيضا كونه مؤشر على ثقتنا في الأفارقة لمحاربة الارهاب والتطرف وغير ذلك.

وختمت بالقول: "من الملاحظ أن البشير قد تورط في جبهتين في ما يتعلق بمعاملة شعبه بقدر من اللامسؤولية وتعميق علاقته مع حماس وايران".



تعليقات 34 | إهداء 0 | زيارات 14908

التعليقات
#1082862 [على دينار]
1.00/5 (1 صوت)

08-18-2014 11:20 PM
البشير يركب التيتل

[على دينار]

#1082691 [Mohammed Ahmed Mustafa]
1.00/5 (1 صوت)

08-18-2014 06:58 PM
وأضافت أنه من المهم أن تسّرع الدول الافريقية خطواتها "للضغط على البشير أكثر في ضوء الجرائم التي ارتكبت

And these crimes still going on in Darfur, South Kordofan and Blue Nile. These crimes are getting worse, unless the world community say its word on that. Pease get up

"من الملاحظ أن البشير قد تورط في جبهتين في ما يتعلق بمعاملة شعبه بقدر من اللامسؤولية وتعميق علاقته مع حماس وايران".

He completely forgot his people by making relations with those of Hamas and Iran. Please help

[Mohammed Ahmed Mustafa]

#1082648 [Kori]
1.00/5 (1 صوت)

08-18-2014 06:23 PM
All the indications refer that world leaders look so smart with Al Basher Regime, except in some miner aspects, but what happened to let AU most, trust this man after all and give a green light to go for his own created national dialogue ashes plans has Mbeki known anything realistic and useful to let him encourage this IC’s wanted man for his true genocide deeds to cancel everything and bless his killing continuity?? Yes, it seems that practically interests are beyond human live importance.
History will say one day that during the period of the President Barack H. Obama, the world leader of the most powerful country in the world, during his ruling time, something number one barbaric and the ever worst terrorism phenomenon appeared too in IRAQ and SYRIA, of the kind to dismantle every non-believer of their so indifferent fait had that is no any doubt that if Sudan of Al Basher moves the same way then soon DIASH will replace the Janjaweed and Rapid Support Forces, which could be underground organ, not yet fully disclosed to see that light in practice. What Omer Al Basher stated in Al Gadaref during 2012 is leading to that point really and that we have to prepare ourselves for the worst scenario here in Sudan.
Better for Sudan to see new splitting comprising the New South Sudan etc...

[Kori]

#1082628 [njmy]
1.00/5 (2 صوت)

08-18-2014 05:57 PM
طز طز يو اس ايه

[njmy]

#1082617 [Asra]
1.00/5 (1 صوت)

08-18-2014 05:40 PM
لا لا يا ناس امسكو القرن الجاي ؟؟؟؟؟؟

[Asra]

#1082537 [حكومة مؤلمة]
3.00/5 (2 صوت)

08-18-2014 04:11 PM
طيب ما تقبضوا عليه الحاميكم منو كرهتونا وقرفنا من اب ركبتين وناسه العفن

[حكومة مؤلمة]

ردود على حكومة مؤلمة
Saudi Arabia [عبد الله عبد الله] 08-18-2014 09:32 PM
> كما عودتنا امريكا دائماً تتخلى عن عملائها في آخر لحظة عندما تعلم بأن لا فائدة من وجوده بعد الآن ،،،
>> فعلت ذلك مع الرئيس المصري حسني مبارك أكبر حليف عربي للولايات المتحدة في المنطقة، والقذافي الذي سلم ترسانته النووية لواشنطن، ومع بن علي والرئيس اليمني علي عبد الله صالح (بعد أن سربت ويكيليكس كم هائل من الرسائل والخطابات بين الخارجية الامريكية وحكومات تلك الدول)،،،

>>> والخطة كالعادة، هي القبض على الرئيس البشير وتسليمه للمحكمة الجنائية لعدم تسرب أي فضائح تتعلق بسياسة امريكا مع الكيزان في السودان، خصوصاً أن وضعه الصحي لا ينبئ بمستقبل له في الحكم،،،

>>> والاهم من ذلك هو السيطرة على الامور البحث عن بديل مناسب لخلافته يكون تابع للسياسة الامريكية
خصوصاً وأن المنطقة بدأت تتجه للمعسكر الشرقي من جديد ،،،


#1082514 [ابو السمح]
1.00/5 (1 صوت)

08-18-2014 03:45 PM
دخول الخرطوم للجنوب بجانب مشار و بقوة قد يؤدي الى تغيير ميزان القوى الأمر الذي يزعج أمريكا بشدة و ترى فيه تجاوز و لا تتفق ما تسعى اليه لإطفاء نيران الحرب و تشكيل حكومة قومية بالجنوب يعنى الصبر على البشير قد لا يطول

[ابو السمح]

#1082503 [عطيتو الاسوانى]
1.00/5 (2 صوت)

08-18-2014 03:40 PM
وختمت بالقول: "من الملاحظ أن البشير قد تورط في جبهتين في ما يتعلق بمعاملة شعبه بقدر من
كما نطالب بمحاسبة بوش على الجرائم والتى ارتكبها بكل من العراق وافغانستان وكذلك نطالب بمحاسبة الحكومة الاسرائيلية على فظائع حرب غزة وكذلك محاسبة بشار الاسد على استعمال قنابل محرمة التى قتل بها الاطفال والنساء والعجزة كما لا يجب ان يفلت من العقاب كل من حقار وعرمان والحلو وبقية عملاء الجبهة الثورية

[عطيتو الاسوانى]

ردود على عطيتو الاسوانى
United Kingdom [خالد حسن] 08-18-2014 10:22 PM
الجداده دي مخها في مؤخرتها!
اها والبشكير يتحاسب ولا لا؟
في فرق بين من يقتل شعبه ومن يقتل شعوب اخري لمصلحة بلده ياجداده
لكن مادام فهمك في مؤخرتك ماحاتفهم الكلام ده

Sudan [nagatabuzaid] 08-18-2014 06:49 PM
بوش امريكى قتل شعب اخر ليس من عرقه او من دينه والان العراقيون يقتلون بعضهم البعض والافغانستان نازلين قتل وتفجيرات وفظائع فى بعضهم وهم مسلمون واسرائيل عدو صهيونى مجرم يقتل الفلسطينيين وهم ليسوا من ملته والفلسطينيون يقتلون بعضهم البعض بشار الاسد يسانده ويساعده حلفاء حكومتك ايران وحزب الله وكل الشيعة وانتم وحكومتكم العرجاء ام ركب سايبة تساعدونهم فى قتل شعب سوريا اطفال ونساء وعجزة وبشيركم شقيق بشار وحليفه يقتل شعبه ويمتص دمه انك شيطان اخرس لانك من تبعيتك غير قادر على كلمة الحق بوش لم يقل انا مسلم والحاكم بامر الله اسرائيل معروفة صهيونية ولم تقل نحن القائمون فى الارض على امر المسلمين ولم تلحس شعبها كوعه احسن تسكت وتتفرغ لالتقاط ما يرمى لك


#1082448 [منشى]
2.50/5 (2 صوت)

08-18-2014 02:29 PM
يا امريكا من كثرة ضرب الركب بتاعكم للزول دا خليتو لامن غير ركبو كلو عشان تانى ما تسيحوا ليهو ركبو و لا تضربوا تانى فيهو , يعنى بالبلدى الصريح الزول دا ركبو صناعيه يعنى ما بحس بالضرب فيهو فهمتو الكلام دا شوفوا ليكم عضو تانى ما بتغير كلو كلو , يعنى زى ................. مثلا... لا ما تقولوا حنجره لأنو دى زاتو غيروا و مركب واحده صناعه يابانيه اصليه و صوتو اشد من زمان .

[منشى]

#1082430 [Future]
3.00/5 (2 صوت)

08-18-2014 01:56 PM
يااخوانا نقول للمرة الاف ما فى حاجة اسمها امريكا. فقط هنالك دولة اسرائيل وهم الذين يحددون سياسة امريكا والاتحاد الاوربى فيما يختص بالمنطقة العربية.فعلينا ان نختار بين السعودية والامارات ومصر واسرائيل وامريكا والاتحاد الاوربى ودول الهشاشة الاخرى او ان نختار حماس وجبهة النصرة وتنظيمات الهشاشة الاخرى. اللهم قد بلغت.

[Future]

ردود على Future
United Kingdom [خالد حسن] 08-18-2014 10:18 PM
ونحن حانستفيد من حماس شنو؟
مالنا ومال حماس بلدنا ومصالحنا اول بلاش هوس وكلام فارغ

United Arab Emirates [Zoal Saket] 08-18-2014 02:30 PM
فيوطشر

"السعودية والامارات ومصر واسرائيل وامريكا والاتحاد الاوربى ودول الهشاشة الاخرى"

أها اخترنا .....الرأي كيف؟


#1082422 [ana sudani ana]
1.00/5 (1 صوت)

08-18-2014 01:50 PM
انباء عن وصول احد موظفي اليوناميد الي مطار الخرطوم ثم الفاشر قادما من ليبريا وهي احدي الدول الموبوءه بفيروس ايبولا.

[ana sudani ana]

#1082418 [نزار عوض]
2.50/5 (4 صوت)

08-18-2014 01:44 PM
اني اعتقد والله اعلم ان امريكا لا تريد القبض على البشير ومحاكمته انما تريد انقاذه في الوقت المناسب من قبضة شعبه الثائر وتوفير ملاذ هادى وجميل بعد تقليده جائزة ابن امريكا البار

[نزار عوض]

ردود على نزار عوض
Sudan [شايقي من الريف] 08-18-2014 04:07 PM
كلامك صاح


#1082397 [النوبى الشهم]
3.00/5 (2 صوت)

08-18-2014 01:18 PM
امريكا تستعمل سياسة العصا والجزره مع هذا الجرز .. يجب على امريكا ان تضرب منازل واوكار هؤلاء المجرمين ... بصواريخ كروز موجهة كما فعلوا لما يسمى مصنع الشفاء ..

[النوبى الشهم]

#1082390 [الأشـعـة الـحـمــراء]
1.00/5 (1 صوت)

08-18-2014 01:11 PM
شــوف .. الـحـكـايـة /
وختمت بالقول: "من الملاحظ أن البشير قد تورط في جبهتين في ما يتعلق بمعاملة شعبه بقدر من اللامسؤولية وتعميق علاقته مع حماس وايران".
:
صــواريـخ حـمـاس عـبـر الـســودان مـن إيــران !!
:
و بـدأت إســرائـيـل .. بــرد الـصــاع .. صــاعـيـن عـبـر أمـريـكـا و الدول الأفـريـقـيـة و قـلـيـل مـن الدول الـعـربـيـة الأكـثـر عــروبــة مـن حـكـومـة الـبـشـيـر ؟

[الأشـعـة الـحـمــراء]

#1082382 [radona]
3.00/5 (2 صوت)

08-18-2014 01:04 PM
ماهو الرقم الحقيقي لقتلى دارفور
الامم المتحدة تعتمد الرقم 3000000قتيل
الحكومة السودانية قالت انهم فقط 10000قتيل
مجلس الامن منح اختصاصا قانونيا للمحكمة الجنائية الدولية في هذا الشان
الحكومة السودانية تنكر اختصاص المحكمة الدولية
المحكمة الدولية تصدر اوامر قبض على الرئيس السوداني البشير وثلاثةلامن اعضاء حكومته
الرئيس البشير يرفض تنفيذ امر التوقيف ويتحدى قرار المحكمة برحلات مكوكية الى بعض دول الجوار ويعود سالما عدا رحلة نيجيريا التي كادت ان تنفذ امر القبض اما كينيا متذبذبة بين تنفيذ وعدم التنفيذ اما الرحلات الى الصين وايران وغيرها باتت محفوفة بالمخاطر
المحكمة الجنائية افسحت المجال للسياسيين لممارسة ابتزاز سياسي بغيض على الحكومة السوداننية كان ابرزها اتمام فصل الجنوب بالثروة البترولية التي بذل الشعب الغالي والنفيس لاستخراجها وتصديرها
الان عادت نبرة المحكمة الجنائية مجددا فهل ياترى من اجل ابتزاز جديد واستنساخ نيفاشا جديدة تم الاعداد له بخبث ومكر يفوق مقدرات الحكومة السودانية سياسيا بالحاقهم البروتوكولات الثلاثة بالمشئومة نيفاشا ام ان امر القبض هذه المرة امر واقع
الايام وحدها ستجيب على هذا السؤال على ايتها حال !!؟

[radona]

ردود على radona
Saudi Arabia [abusami] 08-19-2014 02:22 AM
البشير حيركب التونسية قريباً.

Saudi Arabia [ahmed] 08-18-2014 10:40 PM
يا خوي ولا جنائية ولا يحزنون كل ما قي الامر ان هنالك اجندة يريدون تمريرها, لذلك يلوحون بالكرت الاحمر لهذا النظام. واؤكد لك أخي بأن هذا النظام سيرضخ لكل مطالبهم. بس الله يستر علي السودان.ويحفظه.

United Arab Emirates [SDN] 08-18-2014 07:41 PM
جبتها من الاخر
تحليل سياسي مختصر مفيد دقيق اقرب الى الواقع في رأيي
احييك واشجعك بشدة ان تكون كاتبا


#1082270 [منو العوض]
3.00/5 (2 صوت)

08-18-2014 11:40 AM
امريكا خلاص قنعت من البشير ونفذ لها ماتريد وهو فصل الجنوب ولذلك تريد ازاحته وتعلم يقين بان الشعب السوداني كرهه وتريد رئيس محبوب لشعبه ويعمل علي الاستقرار في الشمال والجنوب!!!!!!

[منو العوض]

#1082250 [حرية]
3.00/5 (3 صوت)

08-18-2014 11:09 AM
كل يوم يضيق الخناق علي الزنادقة الكيزان أبناء الحرام والمرتزقة الذين يحمون في حماهم، اللهم عجل لنا زوال الكيزان وأرسل عليهم من لا يرحمهم.

[حرية]

#1082249 [kamal]
3.00/5 (3 صوت)

08-18-2014 11:07 AM
الا يا رعاكم الله ، من تلومون وعلى من تحقدون ..

الحكومة الامريكية بنت الكلب تعمل : لمصلحة ورفاهية المواطن الامريكى .. والرئيس كان

بقى نبى لايمكث رئيسا سوى ولايتين .. نجح فى الاولى تجدد له الثانية ..ومن بعدها 8 سنوات

يروح لامه ..

الحكومة الاسرائيلية بنت الكلب تعمل : لمصلحة ورفاهية المواطن الاسرائيلى .. والرئيس كان

بقى نبى لايمكث رئيسا سوى ولايتين .. نجح فى الاولى تجدد له الثانية ..ومن بعدها

يروح لامه ..

الحكومة السودانية بت الحلال تعمل : دائما ابدا لسحل و عذاب المواطن السودانى .. والرئيس

كان بقى عمر البشير يمكث فوق الرقاب ويضرب الاعناق بلا سقف زمنى ولا حد اخلاقى .. ومن بعدها

ستثكله امه ..

لييييييه كدا ..!

او تدرون لماذا..؟

اسالوا الطواغيت ..

[kamal]

#1082226 [كاره الكيزان محب السودان]
3.00/5 (2 صوت)

08-18-2014 10:43 AM
على الشعب السوداني المقهور بآلة حزب الجبهة الاجرامية ولصوص المؤتمر البطني أن لا يرجى خيرا من أمريكا فهي تميل حيثما وجدت مصالحها إن كانت مع من يطحن في شعبه ليل نهار أمثال مخاننيث حكومة هذا العوير.

منذ أن صرح المدعي العام للمحكمة الجنائية بتورط العوير ورهطه وضرورة تسليمهم للجنائية، ظللنا نسمع جعجعة ولا نرى طحينا مرات كثيرة من بنت سودة وميئات المرات من المسؤلين الأمريكان. ولكن إنها أمريكا كلما أرادت أن تذل هؤلاء المخانيث لوحت لهم بالجنائية وما أن وجدت حاجتها منهم تنسى الشعب السوداني في ستين داهية.

على الشعب السوداني أن يأخذ حقه بيده ولا ينتظر عدالة من المجتمع الدولي الذي تحكمه المصالح الذاتية الضيقة.

[كاره الكيزان محب السودان]

#1082218 [علي جحا]
3.00/5 (2 صوت)

08-18-2014 10:38 AM
هههههههههههههههه والله محللين ممتازين وانتو مطلوبين فى قناة الجزيرة.. وبعدين خلوا خالتكم السفيرة تاكل تبن وممكن تقاسموها برضو

[علي جحا]

#1082217 [مستغرب]
3.00/5 (2 صوت)

08-18-2014 10:36 AM
اللهم ربنا دمر الأمريكان والصهاينة ومن معهم وأرنا فيهم يومآ نفرح به وأشفي صدورنا وصدور قومآ مؤمنين .. اللهم أفتن بينهم وبين الروس ليدخلوا في حرب عالميه ثالثة تدمرهم تدميرا ويصبحوا كلهم غنيمة للإسلام والمسلمين اللهم آمين.

[مستغرب]

ردود على مستغرب
[سودانى شديد] 08-19-2014 01:11 AM
و انتوا مالكم ما بتغنموا الغنائم براكم زى الرجال؟؟ بس شبكوكم فى الدعاء ده زى الشفع الصغار.

Saudi Arabia [abusami] 08-18-2014 11:34 PM
حلم الجعان عيش تحيا امريكا ويسقط حكم البشير.

Sudan [nagatabuzaid] 08-18-2014 06:54 PM
للاسلام والمسلمين نعم ولكن ليس للبشير والمتبشرين ولا للمؤتمرجية والمتامرين ولا لجداد الكوش والمتكوشين

Sudan [الراجل] 08-18-2014 02:36 PM
والله انا مستغرب الكلام الدرر ده يطلع منك. روق المنقة شوية وخليك لذيذ

Saudi Arabia [آل الكلاكلة آل] 08-18-2014 11:48 AM
ومن بعدها نصبح نحن غنيمة وعبيد وجواري للكيزان واهلهم .

تستغرب في شنو .. بركة الله يستغربوا فيك الجيران . قول امين


#1082203 [ممغوص من الكيزان]
3.00/5 (2 صوت)

08-18-2014 10:26 AM
الضغط الأمريكي علي أبو ركب وعصابته نسمعه كل فتره وأخري ... وفي الغالب تكون هناك مطالب أمريكيه من تحت التربيزه بالتزامن مع رفع العصا الأمريكيه في راس أبوركب زايغه ... يعني نفذ مطالبنا من غير ماتتلفت ... صدقوني أمريكا والغرب عموما وجدو ضالتهم في حكومة الكيزان الأرهابيه وهي في قمة الضعف ... تنفذ كل الأجنده الغربيه ومعها هواده ... أمريكا ستحافظ علي كنزها الثمين

[ممغوص من الكيزان]

ردود على ممغوص من الكيزان
France [ahmed] 08-18-2014 12:21 PM
انت فهمت الامريكان هم يريدون ان النظام يستمر في افعاله ضد الشعب وكل ما راؤو ان البشير اترخا قامو شدوه وكررو له الجنائيه وغيرها وهذا دليل من الامريكان والغرب يريدون ازلال الشعب وهذا المخزن يفتحوه متي ماشاؤو


#1082176 [جركان فاضى]
3.00/5 (2 صوت)

08-18-2014 10:12 AM
السفيرة دى عاصرة البشير عصرة حارة كدى لى شنو؟...دايرة منو شنو؟...دايراه يفصل النيل الازرق وجبال النوبة زى ما فصل الجنوب؟...انا شاف العصرة الشديدة دى وراءها شئ خطير...وهل بتعمل ذلك لانها عارفة ان البشير بجيبو العصر؟

[جركان فاضى]

#1082151 [الحالم]
1.00/5 (1 صوت)

08-18-2014 09:55 AM
عندما لا تتصالح الشعوب مع نفسها فان مصيرها التشرزم والتشظي تعبى الرياح اذا اجتمعنا تشتتا واذا افترقنا تكسرت احادا دائما ما ننشر غسيلنا عند الاخريين ونتجاهل عن عمد قضيانا الداخلية وامريكا ان لم ترى بنياننا تصدع من الداخل لما ساعدة على هدمه اللهم حاننا بيننا واهدينا سبيل الرشاد

[الحالم]

#1082091 [nouri]
1.00/5 (1 صوت)

08-18-2014 09:12 AM
دة شنو? عكاكيز سااااكت! مافي ولا جزرة?!ان شاءالله تصقدوا يا أمريكان.

[nouri]

#1082054 [الجقرم]
3.00/5 (8 صوت)

08-18-2014 08:13 AM
أليس منكم رجل رشيد؟؟؟؟
الحركة الشعبية المبعوث دونالد!!
الجنائية السفيرة الامريكية!!
الموضوعين فى توقيت واحد
اما تلبى طلبات الحركة الشعبية (تمهيدا لانفصال المنطقتين)
وإما سنحرك ملف المحكمة الجنائية!!!
الغريب ان اميريكا نفسها ليست عضوا فى الجنائية!!!
الانقاذ او ما يسمى بالمؤتمر اللاوطنى سيفتت ما تبقى من السودان
وسترون ستساعد امريكا البشير لولاية اخرى فى الانتخابات المقبلة

فيا شرفاء بلادى لا يضيع السودان منا
الثورة الثورة ولا شئ غير الثورة

[الجقرم]

#1082043 [وراق احمد]
2.91/5 (7 صوت)

08-18-2014 07:40 AM
الامريكان لا يمكن ان ياتي منهم خير علي الاطلاق فهم يتعاملون
حسب ما تقتضيه مصالحهم في البلاد .
ولكن من لهذا الشعب المكلوم القابض علي الجمر ليل نهار, وقد انهكته السنون والايام وهو يقبع تحت مذلة الجوع والحاجة والحرمان.
نحن محتاجون الي مصالحة لكل اهل السودان لا غالب ولا مغلوب وان تكون تحت شعار كل شئ يهون من اجلك يا سودان.
لاننا جربنا الحروب فكان الخراب, والدمار ,اما ان نستقوي بالاجنبي فالعراق خير مثال.
علي الحكومة ان تعلم ان المصالحة والسلام والامن والامان يحتاج الي صبر ومزيد من التنازلات وصدق توجه وتجرد من كل النزوات.وعلي المعارضة ان تستفيد الدرس ان القوة ما عادت تجدي لنيل الحريات وماتاخذه وانت تحمل غصن زيتون تعجز ان تحققه الاساطيل والطائرات.
اسال الله ان يحفظ السودان واهله وان يجمعهم علي كلمة الحق حتي يعم الخير العميم كل ارجا البلاد.

[وراق احمد]

ردود على وراق احمد
Sudan [ننقولي] 08-18-2014 04:26 PM
بالحيل كلامك بعجب الا ديرلو بصيره وصبر وصدق التوكل. يدي علي ايدك انشاء الله ربنا يوفق.


#1082031 [hassan]
2.88/5 (6 صوت)

08-18-2014 07:13 AM
الشعب السوداني الصابر يطالب امريكا بالقضاء علي

اركان حكومة الفساد بقيادة البشير حتي ولو بصاروخ

عابر للقارات كما فعلت مع القذافي من قبل

[hassan]

ردود على hassan
Sudan [nagatabuzaid] 08-18-2014 07:02 PM
الشعب السودانى الصابر لا يحتاج لامريكا ولا شيطان رجيم للقضاء على الفاسدين الشعب السودانى الصامد باذن الله الذى نصر اهل بدر وهم قلة سيعينه ويعوض صبره و سيقضى على المجرمين
نحن راجين الله ما راجين امريكا

[ابو محمد] 08-18-2014 10:27 AM
العاقل من اتعظ بغيره ...
اميركا غيرت حكومة طالبان فهل افغانستان احسن حالا الان؟
اميركا غيرت صدام حسين فهل العراق احسن حالا الان؟
اميركا غيرت القذافي فهل ليبيا احسن حالا الان ؟
اميركا دعمت التغيير في مصر واليمن فهل باحسن حال الان؟

الشعب هو من يقود التغيير والثوره

بطلو انتكالية وخيابة

Saudi Arabia [ابو منذر] 08-18-2014 09:55 AM
لو انت معتقد إنو امريكا أو اي دولة من اوروبا حتنقذ السودان تبقي واهم لانو أنسب واحد يحقق مصالحهم البشير ساعد على تفكيك البلد ويسعى لضمان تفكيك الباقي .


#1082013 [شاهد اثبات]
2.91/5 (7 صوت)

08-18-2014 06:05 AM
نذر الفصل السابع
يا ناس الراكوبة اقروا كلام الامريكيين ده كويس وارجعوا لي كتاب د.منصور خالد الاخير السودان تكاثر الزعازع وتناقص الاوتاد ومقالات د.عمر القراي
المجتمع الدولي مصر على اديسا ابابا لانها بتوصل النظام فعلا الفصل السابع وقطاع الشمال يتسكع مع حركات دارفور الامام في فرنسا
"ميثاق باريس "دي المباراة في النصف نهائي بين تكتلات متناقضة وتضليل للشعب السوداني الذكي الذى تخطى الجميع
المباراة النهائية
السودان الجديد"دولة المؤسسات"× السودان القديم"دولة الزعيم والامام والراعي والرعية والريع والرعاع" النموذج المصري الردي من 1964-2014
والملعب في اديس ابابا والقرار 2046 ومبادرة نافع عقار 2011
قطاع الشمال× المؤتمر الوطني
او
الطوفان وسقوط النظام في الفراغ اسوة بدول الجوار العربي البائسة
والجمهورين ود.منصورخالد لا يحبون ولا يكرهون..يذكرون الحقائق التاريخية ويعرون بؤسكم المستمر
وجون قرنق المرررق 5 مليون في الخرطوم و18 مليون في لانتخابات 2010 ده يجب ان يوقظ ادمغتكم النائمة
الحركة الشعبية ورؤية جون قرنق لا تحتاج الى تشرزمات غبية مع حركات دارفور المسلحة ولا احزاب السودان القديم وهذا ما يربك الشعب فعلا ويزهده في النظام والمعارضة القديمة معا
ابراهيم الشيخ وحزب المؤتمر السوداني هوالذى سيغير السودان وسينشا تحالف جديد وناس و نظيفين فعلا لا يخافون من الديموقراطية والاعلام الحر ونقد الذات
لا ماضي مشين موثق
لا حاضر مضطرب
ولا مستقبل مظلم

[شاهد اثبات]

ردود على شاهد اثبات
Saudi Arabia [abusami] 08-18-2014 11:36 PM
التحية للمناضل إبراهيم الشيخ

Yemen [شاهد اثبات] 08-18-2014 01:35 PM
مصر تمنع مؤتمر الجبهة السودانية العريضة
عشان انتو ما بتتعظوا من فشلكم ولا من تجارب الاخرين...مصر دي "الاصر" العطل السودان 60 سنة وما عندها علاقة بالديموقراطية في السودان ومسؤلة عن كل ما حاق بالسودان منذ الاستقلال والاستلاب المريع والمشين الدخل فيه النخبة السودانية وادمان الفشل وان شاء الله الانقاذ دي اخر الوجوه القبيحة التي تضعنا دون مصر وبضاعتها الكاسدة-الاخوان المسلمين-..ونعود لمنصة تاسيس وست منستر 1 يناير 1956 ونحصل الهند والبرازيل والسودان لا تنقصه كفاءات ولا موارد فقط حكمته الحثالة السياسية بالايدولجيات المصريةرغم انه في برنامج سودانية
البرنامج السودانية
1- الحزب الجمهوري "اسس دستور السودان 1955"
2- الحركة الشعبية نيفاشا ودستور 2005
3- حزب المؤتمر السوداني والبطل ابراهيم الشيخ
زول تاني يباري مصر ما بنفعنا في االسودان
والحريات الاربعة اولى بيها دولة جنوب السودان
وانا حذرتكم في الراكوبة دي من المشي لي مصر ومن بدري -
امشو اديس ابابا انتو وقطاع الشمال امريكا منتظرا المؤتمر الوطني هناك والقرار 2046 ومبادرة نافع والتغيير في السودان قادم من الحبشة ملاذ كل السودانيين عبر العصور...ما في زول كتلهم في ميدان عام-ميدان مصطفى محمود- والحبش احسن ناس يغنو معانا لي وردي مش ناس المامبو السوداني
ومن الليلة احسن تقروا الكلام البتكتب في الراكوبة او تتابعو مسلسل "صديقي الحميم"
خلو الدناوة لا تمشوا لي الرئيس السيسي ولا غيره -هو ما عارف يعني..ارجعو لندن بس...وشوفو برنامج وفضايات خاطبو بيها شعب السوداني -لازم تقلعو من مصريين البي بي سي ديل برنامج ساعة كاملة -ملفات سودانية- كان عندكم رجالة...ويا شماتة عمي شوقي بدري فيكم اكد بسن في مقال لخذلتكم دي..

Saudi Arabia [Adroab] 08-18-2014 10:17 AM
فعلاً شاهد اثبات ورصدك للاحداث وتحليلاتها أصابة عين الحقيقة الغائبة لجميع القراء وارجو ان لا تتوقف عن رصد الاحداث والمرة القادمة أن لايكون تعليق علي مقال بل مقال تحليلي توثيقي للاحداث ومجرياتها وبكل حياد حتي يطلع كل سوداني علي مستقبله وحاضره وماضيه المضطرب في ظل حكومة بنوا علي بابا !!!!!!!!!!!


#1082009 [احمد]
3.00/5 (8 صوت)

08-18-2014 05:22 AM
اللهم اهلك البشير وكل ظالم ببلادنا

[احمد]

ردود على احمد
Saudi Arabia [abusami] 08-18-2014 11:37 PM
آمين يا رب العالمين.


#1082005 [بركة بجاو]
2.75/5 (5 صوت)

08-18-2014 05:11 AM
يعني الأمريكان ما قادرين يعكشوا وعايزين الأفارقة يقبضوا علية باللة شوفوا غيرها دي قديمة

[بركة بجاو]

ردود على بركة بجاو
United Arab Emirates [ود الباشا] 08-18-2014 08:00 AM
البركة فيك اخونا (بركة) الامريكان يلعبوا على الحجرين يريدون ضعف وتفكيك الدولة وبعدما يتحقق لهم هذا الغرض يعتقلوا البشير اعتقال البشير مضمون بالنسبه لهم ومسألة وقت ليس الا ولكن بعد تحقيق غرضهم الذى ذكرته ولذلك يلعبوا على عقل الشعب السودانى ويخدعوا فى الراى العالمى البشير بالنسبه لهم مطلوب وهذا ليس من اجل عيون الشعب السودانى وفى نفس الوقت منفذ جيد لاجندتهم الخبيثة


#1081988 [سيمو]
2.97/5 (8 صوت)

08-18-2014 03:33 AM
عندما تصل الأمور بين السودان وأمريكا إلى هذا الحد فإن ذلك يعنى تلاشى أى أمل في عودة العلاقات إلى حالة طبيعية والإمريكان لا ينسون فحادثة إغتيال قراندفيل في شوارع الخرطوم وتمكين هروب الجناة من سجن كوبر بعد حكم الإعدام عليهم ثم إصدار البشير العفو عن أحد الضالعين في الجريمة برغم الحكم عليه بالسجن بجانب تصريحات وزير الدفاع غير المسؤولة عن علاقتهم بحماس والحكم القضائى الأخير عن تغريم السودان وإيران عن علاقتهما بتفجيرات نيروبى السابقة وتغريم البنك الفرنسى بلايين الدولارات لتعاملها مع السودان وإيران كلها مؤشرات تعنى لديهم أن السودان ضالع في جرائم الإرهاب حسب تقديراتهم، الغريب في الأمر أن الدبلوماسية السودانية فشلت ولا تعرف حتى الآن كيف تتعامل مع المسألة الأمريكية بإدراج شواغلها في لب إستراتيجية إصلاح العلاقات وظلت تجتر بطريقة بائسة ويائسة وساذجة مطالبتها الخجولة بتحسين العلاقات ورفع إسم البلاد من قائمة الدول الراعية للإرهاب وقد تمثل ذلك في جانب منها، حسب ويكليس، أن مصطفى عثمان إسماعيل وزير الخارجية وقتها قد سأل القائم بالأعمال الأمريكى في الخرطوم صراحة عن ماذا تريد أمريكا من السودان؟ إذا كان هو لا يدرى وهو من هو فعلى العلاقات الودية السلام.

لقد صبرت أمريكا على الإتحاد السوفيتى 70 سنة لكى تنهار ولا أظن أن هذا النظام قادر على بقاء فاعل للخمس سنوات القادمة والقلق الأكيد أن التصريحات أعلاه قد قفل باب الأمل نهائيا في نجاة البشير من القبض عليه.

[سيمو]

#1081977 [sudani .com]
2.69/5 (5 صوت)

08-18-2014 02:25 AM
omer AlBashir step down peacefully you have shed a lot of blood .

[sudani .com]

ردود على sudani .com
Estonia [abuleila] 08-18-2014 10:50 AM
دا الكلام الصاح يا سودانى دوت كم...الرجل دا لو عندو ذرة عقل وشئ من الشجاعة يحب ان يتنازل عن الحكم هو واصحابه المطلوبين للجنائية وبذلك يخسر الامركان كرت ضغط على البلد ....هم الامركان ملائكة يعنى..... من الذى يحاسبهم على جرائمهم فى العراق وغيرها ......


#1081961 [خالد حسن]
2.88/5 (22 صوت)

08-18-2014 01:41 AM
نذير الشوم ان شاءالله ترقد زي شارون وتصيبك كل امراض الدنيا وتتعذب قبل الموت عذاب لم يذقه اخد من قبلك
وندعو الله ان يحشرك في الدرك الاسفل من النار
نكرهك اكثر من كرهنا لابليس يابعشوم ياشوم

[خالد حسن]

ردود على خالد حسن
Saudi Arabia [abusami] 08-19-2014 02:21 AM
آمين يارب العالمين .

United Kingdom [خالد حسن] 08-18-2014 01:10 PM
ياجداده قلبي اسود ليه قتلت 300 الف في دارفور ولا بقذف اطفال جبال النوبه بالقنابل ولاعذبت الناس في بيوت الاشباح ولاقتلت الناس قي رمضان في الاشهر الحُرم ولا قتلت 200 متظاهر بدم بارد
ولا شردت الناس من وظائفهم ومكنت تجار الدين ولابعت الجنوب وفصلته .. ولاجوعت الناس وافقرتهم ؟ ولا قاعد اكضب علي ربنا باسم الدين والشريعه؟
نسأل الله ان يحشرك مع من تحب ياجداده

Saudi Arabia [ليدو] 08-18-2014 11:44 AM
آمييييييين يارب ،، نشوفك يا البشير راقد فطيسة معفنة زي شارون .

[فيصل أحمد عمر أحمد الرياض] 08-18-2014 10:45 AM
حاقد وفاجر فى الخصام وقلبك اسود والله لاتتقدم ولا يكزن لك شان

United States [اعوذ بالله] 08-18-2014 07:18 AM
امييييين.ليه يااخي مالك عليه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة