الأخبار
أخبار إقليمية
بدء محاكمة قيادي و(15) رئيس لجان شعبية
بدء محاكمة قيادي و(15) رئيس لجان شعبية



باعوا الاغاثة
08-19-2014 12:22 AM
الخرطوم: مسرة شبيلي :

أصدرت محكمة جنايات حي النصر برئاسة القاضي محمد عثمان أمس أمر قبض في مواجهة متحري في بلاغ قيادي و(15) رئيس لجان شعبية متهمين بالتصرف في إغاثة خارجية وبيعها بالسوق للمواطنين جنوب الخرطوم.

وأرجأت المحكمة جلسة الأمس إلى نهاية الأسبوع الحالي لغياب المتحري في الدعوى، ومن ثم البدء في إجراءات الدعوى وسماع قضية الاتهام. وتعود خلفية البلاغ إلى العام 2007م حيث جاءت إغاثة خارجية عبارة عن مواد تموينية للمتضررين من الأمطار والسيول التي اجتاحت المواطنين جنوب الخرطوم وقام بعض رؤساء اللجان الشعبية بالمنطقة وبينهم مسؤول قيادي ببيع المعونة للمواطنين وعرضها بالسوق جنوبي الخرطوم واستخدموا العائد لمنفعتهم الشخصية، وعندما علم المواطنون بذلك تم تدوين بلاغ في مواجهتهم وعددهم (20) متهماً تم القبض على (16) منهم وفصل الاتهام في مواجهة أربعة آخرين لم يتم القبض عليهم وحددت جلسة لبدء السير في إجراءات الدعوى.

اخر لحظة


تعليقات 17 | إهداء 0 | زيارات 4742

التعليقات
#1083977 [عبدالرحمن باسبار]
0.00/5 (0 صوت)

08-19-2014 09:24 PM
السلام عليكم اولا الي متى نرمز للصوص بالقابهم او وظائفهم لملذا لا نقول ان فلان ابن فلان يعمل فى المكان الفلانى قد استحل واستغل وظيفته فى اخذ اغاثه ناس هم فى اشد الحوجه لها انا استغرب كيف تكون هذه اخلاق مسؤل

[عبدالرحمن باسبار]

#1083800 [شفق الغيب]
0.00/5 (0 صوت)

08-19-2014 05:37 PM
دقيادى ولا حرامى وطنى من 2007 إلى 2014 ديل بنوا كم عماره ي القاضى البتنفخ فى قربه محرومه الله يعينك

[شفق الغيب]

#1083778 [ممغوووووس 25 سنة]
0.00/5 (0 صوت)

08-19-2014 05:20 PM
المتهم منو والشاكي منو والقاضي منو ومنو قبض على منو والقضاء دا واقف وللا قاعد وللا طاير وللا الحاصل شنو ما فهمنا حاجة ! و2007 دي جاية وللا فاتت ؟ وللا الاتهام في قضية سرقة هتحصل الخريف الجايي ؟ وسرقة المعونة بتاعة الخريف دا هينظرو فيها الخريف الفات وللا الخريف الجايي ؟ منو الناس ديل ؟

[ممغوووووس 25 سنة]

#1083428 [زول اصيل]
5.00/5 (2 صوت)

08-19-2014 12:02 PM
من 2007 نحن نسرق في المعونات ونتلاقاها الله المستعان

[زول اصيل]

#1083325 [Babiker Shakkak]
0.00/5 (0 صوت)

08-19-2014 11:03 AM
و أى قضاء هذا الذى لم يبت فى قضية سرقة لفترة سبعة أعوام ؟

[Babiker Shakkak]

#1083297 [موهوم بن موهوم]
0.00/5 (0 صوت)

08-19-2014 10:46 AM
وتاريخ القضية في عام 2007 م ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[موهوم بن موهوم]

#1083251 [اسد]
5.00/5 (1 صوت)

08-19-2014 10:26 AM
كيف يحاكموا الان وعملوها العام 2007 / يعني القضاء كان نايم كل هذه المدة، يا عالم ارحمونا.

[اسد]

#1083232 [حسن جحا من كوستى]
0.00/5 (0 صوت)

08-19-2014 10:18 AM
اعتقد لو قريتوا من اليسار لليمين بكون صح

[حسن جحا من كوستى]

#1083225 [محمد عثمان]
0.00/5 (0 صوت)

08-19-2014 10:15 AM
مسرة شبيلي لمن تكتب ليك كلام تاني قوم راجعه قبل الطباعة عشان نحن اصلا كده قرفاين فما تقرفونا باخطاء قبيحة ..
المتحري يختفي علي كيف ......... ؟؟
ولا هناك دوافع اخري ؟؟

[محمد عثمان]

#1083213 [الممكون شديد وبطنه فايرة]
5.00/5 (1 صوت)

08-19-2014 10:10 AM
أمر قبض في 2014 لقضية حصلت في 2007 أي بعد سبعة سنوات. يعني إغاثة هذا العام المسروقة ،إن أكتشفت، وتم فيها فتح بلاغ سيصدر أمر قبضه في 2021 م . موت يا حمار.

ليهم حق يسرقوا ويعملوا الدايرنوا.

[الممكون شديد وبطنه فايرة]

#1083208 [المر]
0.00/5 (0 صوت)

08-19-2014 10:08 AM
تعود خليفة البلاغ الي العام 2007 ايه اللعب دا نحن في نهاية عام 2014دي قضية شنو؟؟وليه القضية ظلت حبيسة الادراج لمدة سبع سنوات ولماذا تقدم الان للمحكمة وفي هذا التوقيت بالذات مرت كم سنة وكم خريف وكم سرقة تم التستر عليها من عام 2007 الي تاريخ يومنا هذا رحم الله قضاء بلادي

[المر]

#1083193 [جركان فاضى]
0.00/5 (0 صوت)

08-19-2014 10:01 AM
تعود خلفية البلاغ الى العام 2007....اما بعد 2007 فلا توجد بلاغات بأكل مال الاغاثة....الحمد لله على ذلك

[جركان فاضى]

#1083123 [أبو مصطفى]
5.00/5 (1 صوت)

08-19-2014 09:19 AM
من سنة 2007 الكترابة يعنى السرقوا إغاثة 2014 حا يحاسبوهم يوم القيامة بس

[أبو مصطفى]

ردود على أبو مصطفى
Saudi Arabia [المعترب] 08-19-2014 04:01 PM
iiiiiiiiiiiiiiiiii


#1083072 [abdo]
0.00/5 (0 صوت)

08-19-2014 08:21 AM
شئ عجيييييييييييب البلاغ عام 2007 المحكمة عام 2014

[abdo]

#1083065 [moiez]
0.00/5 (0 صوت)

08-19-2014 08:13 AM
الخبر دا انت عاوز توصلو لينا كيف ...وتاني حاجه اليلاغ دا من 2007 يخ الخريف جا 8 مرات بعدي وفي ال/8 مرات سرقو الاغاثه والسودان كلو عارف الكلام دا اها الجديد شنو يعني

[moiez]

#1083052 [بدر السماء]
0.00/5 (0 صوت)

08-19-2014 07:54 AM
يا خي كرهتونا . شنو( أصدرت محكمة جنايات حي النصر برئاسة القاضي محمد عثمان أمس أمر قبض في

مواجهة متحري في بلاغ ) .

المتحري متهم ولا الباعوا الحاجات ؟ ولا كل الحاجات في بلدنا بقت خربانة حتى الصحافة ؟

[بدر السماء]

ردود على بدر السماء
United Arab Emirates [عصام النويري] 08-19-2014 09:15 AM
كلامك صحيح والله صياغة الخبر غريبة جداً وغير واضح إذ يشير العنوان لبدء محاكمة قيادي و(15) رئيس لجان شعبيةبينما يبدا الخبر بعبارة إصدار أمر قبض في مواجهة متحري في بلاغ قيادي و(15) رئيس لجان شعبية متهمين بالتصرف في إغاثة خارجية
حتى الآن غير معروف من المتهم هل هو المتحري أم القيادي وجماعته؟؟؟؟؟
الله ألزمنا الصبر على كل شئ


#1082988 [ركابي]
5.00/5 (2 صوت)

08-19-2014 05:30 AM
صياغة الخبر عجيبة جدا لكن الفهمتو انو قيادي في المؤتمر الوطني وناس اللجان الشعبية باعوا الاغاثة المفروض تصل للمواطن....القيادي ده الظاهر عليهو من المغضوب عليهم او يكون كوز تايوان لانو الناس دي اتعودنا انهم غير خاضعين للمحاسبة والعقاب

[ركابي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة