الأخبار
أخبار إقليمية
حاج ماجد سوار : المغتربون تختلف رؤاهم وتتباين مواقفهم لكنهم يجتمعون على حب الوطن
حاج ماجد سوار : المغتربون تختلف رؤاهم وتتباين مواقفهم لكنهم يجتمعون على حب الوطن
حاج ماجد سوار : المغتربون تختلف رؤاهم وتتباين مواقفهم لكنهم يجتمعون على حب الوطن


د.غلام الدين : ترتيبات لتخصيص إسكان للمغتربين
08-19-2014 06:07 PM
الخرطوم (سونا) قال الاستاذ حاج ماجد سوار الامين العام لجهاز تنظيم شئون العاملين بالخارج أن العاملين السودانيين بالخارج رغم تباين مواقفهم وإختلاف رؤاهم إلا أنهم يجتمعون على حب الوطن وعشق ترابه ويرددون دائماً ( وللاوطان فى دم كل حر يد سلفت ودين مستحق ) .
وأكد سيادته لدى مخاطبته اليوم الجلسة الافتتاحية للمؤتمر العام السادس للمغتربين الذى يجىء تحت شعار (المغتربون سفراء الوطن وبناة النهضة) أن المغترب والمهاجر من ابناء السودان لم يخرجوا من بلادهم متسولين بل خرجوا بكفاءاتهم وشهاداتهم العلمية فساهموا فى نهضة الكثير من البلدان التى عملوا بها ونالوا شهادات التميز على مستوى العالم .
وأوضح أن المغترب السودانى تشهد له البلاد التى يقيم بها بانه ليس مصدر قلق او فتنة لعدم تدخلهم فى شئونها الداخلية حيث تم تصنفيهم عبر دراسات علمية بأنهم من أفضل الجاليات .
وأضاف أن المشاركين فى المؤتمر بلغ عددهم خمسمائة مشارك من دول المهجر عابرين آلاف الأميال ليسمعوا صوتهم وأراءهم ومقترحاتهم لحلول مشاكلهم ثم ينطلقوا ليبشروا أخوانهم فى دول المهجر مبيناً أن المؤتمر ينعقد كل ثلاثة سنوات ويأتى فى ظل متغيرات كثيرة تشهدها البلاد كما ستتم مناقشة عدد من أوراق العمل للخروج بتوصيات تسهم في دفع مسيرة التنمية بالبلاد .

د.غلام الدين : ترتيبات لتخصيص إسكان للمغتربين


الخرطوم ( سونا) -أوضح الدكتور غلام الدين عثمان الأمين العام للصندوق القومي للإسكان أن الترتيبات جارية من قبل الصندوق بالتنسيق مع جهاز السودانيين العاملين بالخارج لتخصيص إسكان للمغتربين .
وقال غلام الدين اليوم علي هامش مؤتمر المغتربين السادس الذي بدأ أعماله اليوم بالخرطوم أن اللجنة المشتركة مع جهاز المغتربين تعمل علي توفير التمويل اللازم كما تعمل علي تجهيز الخطط للأراضي وتوفير التسهيلات اللازمة لتوفير الإسكان للمغتربين ، مبينا أن السكن سيتم توفيره بالخرطوم والولايات مشيرا إلى أن اللجنة بصدد إنشاء مجمعات ونماذج ومشروعات نموذجية للجاليات السودانية بالخارج .


تعليقات 28 | إهداء 0 | زيارات 2816

التعليقات
#1084867 [hafis]
0.00/5 (0 صوت)

08-20-2014 06:03 PM
الرواتب قليله والواحد عندو من الأولاد 4 او 5 كيف يأخذو ضريبة منا وما هو المقابل لذلك اولادنا الدراسة بالفلوس و العلاج بالفلوس والخروج و العودة بالفلوس ناهيك عن السكن وتجديد الإقامات ورخصة القيادة و السيارة و الأكل و الشراب لو ماضاقت علينا الارض بما رحبة في السودان لم نكن لنهاجر خارجة استحو شويه ووفرو اقل مقومات الحياة والله كل سنة كنت بذهب فيها للسودان نصف يشتكي من الحالة في السودان و النصف الاخر عايش ولكن العام الفائت الناس بتشتكي من الطيارة وحتي رجوعي من السودان نحن المغتربين الفداء للاهل في السودان كل شيء يحدث يطلبو منك الغوث حتي لو تتدين من آخرين لتحل مشكلة في السودان المغتربين خراف السودان الخارجية التي تذبح بغير حساب من الجهات الحكومية والله الذي لا إله الا هو الدوام يكون من الساعة الثامنة صباحاً الى السادسة مساء و البعض دوامين نتلقي كل اصناف الإهانات و العذاب نحن و أهلنا هذا كله وناس الحكومة و أبنائهم مترفهين باموال المغتربين الله ينتقم منكم دنيا و آخرة

[hafis]

#1084732 [محمد عبد اللة]
0.00/5 (0 صوت)

08-20-2014 03:17 PM
هذا المؤتمر لم يفكر أحد فى السودانيين فى القاهرة يوفر لهم سكن رخيص لان فى القاهرة دخل الناس على القدر وحتى الاسكان الشعبى كان الاول تدفع ثلاثة الف ونصف حاليا أصبح ثمانية الاف وشكرا لكم

[محمد عبد اللة]

#1084662 [tareekh]
0.00/5 (0 صوت)

08-20-2014 01:58 PM
حاج ماجد الايام دى كل يوم بجيبو اخبارو
عايز يترشح للرئاسة ولا ايه العبارة

[tareekh]

#1084657 [خاتي اللوم]
0.00/5 (0 صوت)

08-20-2014 01:54 PM
قال الاستاذ حاج ماجد سوار الامين العام لجهاز تنظيم شئون العاملين بالخارج أن العاملين السودانيين بالخارج رغم تباين مواقفهم وإختلاف رؤاهم إلا أنهم يجتمعون على حب الوطن وعشق ترابه

ده شنو الكلام الفارغ ده يا حاج ماجد هرار

[خاتي اللوم]

#1084609 [YASEEN]
0.00/5 (0 صوت)

08-20-2014 01:04 PM
فى إنتظار د.غلام الدين لعرض المجمعات والنماذج المقترحه لإسكان المغتربين....

وإقتراحنا........شقق سكنيه فى مواقع مقبوله..وبتكلفه مناسبه تقدم كخدمه للمغترب يعنى مافيها

(ارباح تكون كخدمه)........ تقدمهاالدوله للمغترب على أن تدفع قيمة هذه الشقق بالعمله الصعبه

وبالاقساط الشهريه(وهنا يمكن للدوله ان تضمن تحويلات بالعمله الصعبة مضمونه ومعروف حجمهاشهريا)

لانو المغترب سيكون حريص على مصلحته...

نكرر ان يكون سعر الشقق معقول ....لانوسعر الشقق المعروضه فى السوق مبالغ فيه شقه بمليار جنيه

معقول !!!!!!!!!! او 800مليون !!!!طيب بالمبلغ دا ممكن اشترى ارض وابنيها عماره!!!

عشان كده الشقق المعروضه فى السوق بايره ... والله ماعندنا تسويق ولافهم!!هو لو عندنا فهم كان

استطعنا ان نستفيد من تحويلات المغتربين عبر البنوك ونحل مشكلة العمله الصعبه

[YASEEN]

#1084603 [ود يوسف]
0.00/5 (0 صوت)

08-20-2014 12:58 PM
كفاية أراضي النزهة ، أراضي الأندلس ، أراضي الوادي الأخضر وغيرها من أمور النصب والإحتيال ...

[ود يوسف]

ردود على ود يوسف
European Union [كيمو] 08-20-2014 02:53 PM
هجم النمر هجم النمر انا حاسى طالما تدخل المسطول فى الموضوع انشاء الله يكون فيهو خير.


#1084558 [sasa]
0.00/5 (0 صوت)

08-20-2014 12:22 PM
قال الاستاذ حاج ماجد سوار الامين العام لجهاز تنظيم شئون العاملين بالخارج أن العاملين السودانيين بالخارج رغم تباين مواقفهم وإختلاف رؤاهم إلا أنهم يجتمعون على حب الوطن وعشق ترابه ويرددون دائماً ( وللاوطان فى دم كل حر يد سلفت ودين مستحق ) .


كذاااااااااااااااااااااااااااااااااب


انتوا على قيد الحياة اها ده طرفنا من السودان

[sasa]

#1084466 [كايد]
0.00/5 (0 صوت)

08-20-2014 11:09 AM
صدقناكم المرة دي البهرجة والأضواء والكلام الكتير ما بعيد ثقة المغترب المكتوي بناركم عصفور في اليد احسن من عشرة على الشجرة خلونا في حالنا الفينا مكفينا

[كايد]

#1084435 [ممغوووووس 25 سنة]
0.00/5 (0 صوت)

08-20-2014 10:49 AM
ههههههههه ههههههه هه ههه هههه هههه هههه هههه ههاي . والله حلوة تباين اراء ومتفقين ووطن وناس الفريق ويد سلفت والحاجات دي ! هه هه هه هه

[ممغوووووس 25 سنة]

#1084403 [البشوش]
5.00/5 (1 صوت)

08-20-2014 10:21 AM
لو الإسكان الدايرين تعملوه زي مجمع الرواد السكني بلاش منو... لأنكم قايلين المغتربين ديل في المريخ !!! نحن عايزين سكن مناسب مقدور عليهو وبالأقساط المريحة مش بالتمنيات على المغتربين ...أعوذ بالله من طموحاتكم وشهوتكم للثراء الفاحش.

[البشوش]

#1084395 [المغبون]
0.00/5 (0 صوت)

08-20-2014 10:15 AM
اتحداك يا حاج ماجد وأفراد طقتمه في الجهاز في الداخل أو الخارج أن تجد واحد فقط من المغتربين يتفق معكم أو مقتنع أو مصدق ولو في نقطة واحدة مما تقولونه او تفعلونه
والموية تكضب الغطاس وابقو رجال في مؤتمركم هذا واطلعوا بنوصية بعمل استفتاء لتقييم مستوى رضا المغتربين عن الجهاز واداء الجهاز واتحداك لو طلعت بنسبة 0.001% قبول
بالله تضحكون على من
الله لا ربحكم دنيا واخره

[المغبون]

#1084376 [أبوقرجة]
0.00/5 (0 صوت)

08-20-2014 10:07 AM
اقتباس ( قال الاستاذ حاج ماجد سوار الامين العام لجهاز تنظيم شئون العاملين بالخارج أن العاملين السودانيين بالخارج رغم تباين مواقفهم وإختلاف رؤاهم إلا أنهم يجتمعون على حب الوطن وعشق ترابه ويرددون دائماً ( وللاوطان فى دم كل حر يد سلفت ودين مستحق )

هههههههههههههههههههههه حاج ماجد سوار بكثر تلج للمغتربين هههههههههههههههه

[أبوقرجة]

#1084299 [sa]
0.00/5 (0 صوت)

08-20-2014 08:58 AM
كل يوم اسكان والله بالطريقة دي تنتهي من الشغل يوم الخميس وقبل ماتصل البيت يكون السبت جاء..
معليش معليش كنت قايلة اتملت لكن اتذكرت في خلاء وفيافي في طريق الجيلي .

[sa]

#1084186 [أبـوريـالـه (سيحتجب للأبد)]
0.00/5 (0 صوت)

08-20-2014 02:45 AM
قال شنو :- ( وللاوطان فى دم كل حر يد سلفت ودين مستحق ) ... كان كده إنتو ما أحرار , ورونا إنتو شنو ؟؟؟

بالله ركزوا فى عيون ود سوار , الزول ده مسطول سطله شديده !

[أبـوريـالـه (سيحتجب للأبد)]

#1084163 [اب زرد]
0.00/5 (0 صوت)

08-20-2014 01:48 AM
الكيزان ديل ناوين ليكم يالمغتربين أعملوا حسابكم .. اعملوا حسابكم

[اب زرد]

#1084152 [Mohammed]
0.00/5 (0 صوت)

08-20-2014 01:24 AM
نهر النيل
عاشق السودان
***************
طبعاً ياجزمة
نحن بنحب السودان تمام وكمان بنعرف تمام مدى كراهيتكم له وطول ما إنتوا جاثمين على صدورنا يا طفيليات الزمن الغابر ما حتشوفوا من كل المغتربين ولا فلس بلاء يخمك ويخم اسيادك يا منافق تلقوها عند الداقس .

[Mohammed]

#1084031 [المغبون]
0.00/5 (0 صوت)

08-19-2014 10:34 PM
كدى يادكتور غلام الدين ظبطوا الوادى الاخصر الاول ودخلوا فيهو الخدمات عشان تكون عندكم مصداقية شوية لدى المغترب الوادى الاخضر المغتربين اتورطوا فيهو من حوالى خمس سنوات او اكثروالى الان بدون خدمات وبتقولواعائزين نوزع غيروا كيف يصدقوكم المغتربين مرة تانية ما عادت لكم مصداقية لدى المغترب ابدا ابدا وصعب انها ترجع مرة اخرى لانهم لدغوا منكم كذا لدغة ومثل ما بيقولوا لايلدغ المؤمن من جحر مرتين .

[المغبون]

ردود على المغبون
United Arab Emirates [albrado] 08-20-2014 01:59 AM
وادي اخضر شنو يا زول ؟؟؟؟؟

علي الحرام ديل يورطوك يدخلوك نار جهنم ولا يهمهم غير

جيوبهم ونفسهم

البيتوقع يجيه خير من وراء الحرامية ديل جاهل وغبي ما المفروض

يكون عايش في هذا القرن ... ديل يقتلوا القتيل ويمشوا في جنازته

عادي .. ده اذا سلموا جثة القتيل من اصله


#1084027 [بنت الناظر]
0.00/5 (0 صوت)

08-19-2014 10:32 PM
سفسفوا قروش البترول و قروش الدهب وباعوا أى شىء وقع فى يدهم مشروع الجزيرة سودان طير والموانىء البحرية السكة حديد باعوها خردة لسمسار السيخ..باعوا بيوت السودان فى لندن , سويسرا تشيكوسلوفاكيا والقاهرة باعوا ممتلكات مشروع الجزيرة فى لانكشاير..باعوا المدارس وميادين الكورة باعوا الأراضى ماخلوا ليهم قطعة أرض فاضية..وبرضو ماشبعوا ..قبلوا جاى وجاى مالقوا غير البقرة الحلوب ..المغتربين..
إنشاءالله تشربوا ماترووا وتاكلوا ماتشبعوا ...الله يبشتنكم ويدمركم زى مابشتنتوا السودان ودمرتوهوا..الله يزلزل أركانكم ويهدم بنيانكم..

[بنت الناظر]

#1083993 [المشروع]
0.00/5 (0 صوت)

08-19-2014 09:48 PM
الجماعة قالوا (بصدد) خلاص انتهى الامر (ننتظر بصدد)

[المشروع]

#1083940 [الفاروق]
5.00/5 (1 صوت)

08-19-2014 08:42 PM
نعم فالمغتربين يجتمعون على حب الوطن وكره الكيزان والمتأسلمين تجار الدين ..

[الفاروق]

#1083925 [abusami]
0.00/5 (0 صوت)

08-19-2014 08:34 PM
احسنت يا استاذ حيران شديد.

[abusami]

#1083914 [من المركز]
0.00/5 (0 صوت)

08-19-2014 08:21 PM
هو باقي وطن عشان نحبه وان كان باقي وطن فكرهتونا ليه . حب اللي انت جاي تقول عليه؟ لما تروحوا انتم لجهنم ممكن نحب الوطن مره تاني

[من المركز]

#1083866 [الفاتح]
0.00/5 (0 صوت)

08-19-2014 07:16 PM
جعجعة بلا طحن ( Much Ado About Nothing )

هو اسم واحدة من مسرحيات شكسبير المهمة حيث يترجمها البعض

- ضجة بلا فائدة - او - ضجة فارغة- او حتى تحت اسم - اشاعة كاذبة –

[الفاتح]

#1083858 [sshapargam]
0.00/5 (0 صوت)

08-19-2014 07:02 PM
ههههههههههههههههههههه

[sshapargam]

#1083856 [المهندس سلمان إسماعيل بخيت على]
4.00/5 (2 صوت)

08-19-2014 07:00 PM
يا حاج ماجد أنت وغلام الدين عثمان عاوزين تركبونا التونسية زى ماركبها ناس مرابيع الشريف وصالحة
خليكم عارفين حقيقة غائبة عنكم
الإغتراب البيبنى بيوت انتهى زمان واغتراب اليوم عنده فائدتين هما العيشة بعيد عنكم وعن حكومتكم وسترة حال والبناء بناء والما بناء يركب ......بتاعت زين العابدين بتاع مايو
نحن يادوب داب التميس والفول وكمونية معاوية
عندنا فى بلدنا الرباطاب رجل من صعيد مصر عاش معنا لحد اليوم مايزيد عن نصف قرن وتزوج منا وفى إمرأة أى شخص يقع فى يدها تشاكله - يوم وصلت فى مشكلاتها مع أخونا محمد الصعيدى - قال ليها بلكنته الصعيدية الجميلة ( أيه يا حاده خلصتى على كل الدماعه فضلنا ليكى أحنى )
هسي بقول لى حاج ماجد وغلام الدين
خلاص خلصتوا على كل الدماعه الجوه وما شبعتوا جايين تخلصوا علينا إحنا
يا سوار الضايق قرصة الدبيب يخاف من مجر الحبل
والمغتربين قرصهم اخوكم الصافى جعفر فى مشروع سندس الزراعى وسواها حوض سباحه فى العشاوى البقى بقدرة كيزانكم فردوس انتو ماشايفين صورته بجوار حوض السباحة بيقول للمغتربين طز فيكم
غايتو فردوس الدنيا دخلتوها لكن فردوس الأخرة طب منها هقلانين

[المهندس سلمان إسماعيل بخيت على]

#1083854 [بت الخرطوم]
0.00/5 (0 صوت)

08-19-2014 06:58 PM
دكتور!! غلام الدين عثمان ؟؟؟؟؟؟؟؟؟!!!!! انتو ياجماعة الخير وخاصة طلبة الدراسات العليا وبالأخص طلبة الدكتوراة الدرسات دى ساهلة لدرجة قف يعنى لابتطلب الامر لتفرغ ولا جرى فى المكتبات ولامراجع ولاولاولاولاولاولاولا ولا شنو حكاية دكتور الكترت ومسخت دى ؟؟؟ وزير او قول مدير عام المسئوليات العلى عاتقه لا هينة ولا ساهلة طبعا دا المفترض لكن الواقع غير كدا زمنو دا كلو ليها ما عمل الدكتوراة لما كان موظف فى بنك فيصل مالو ما عملها بس اول ماعينوه وزير بقى دكتور كسرة بدراهمى بدراهمى لا بالمراجع ولا بالبحوث أنال أعلى الدرجات العلمية ولا عزاء للكادحين المكافحين المجتهدين عقبال البروف يا دكتور

[بت الخرطوم]

#1083850 [حيران شديد]
5.00/5 (3 صوت)

08-19-2014 06:55 PM
حقيقة يا سفير الهنا السودانيين يجتمعون على حب الوطن ( ما جبت جديد ) ولكنك أغفلت انهم مجمعين على كراهيتكم
نعم يخرجوا متسولين وفعلاً خرجوا بشهاداتهم ومجبرين وفارين من جحيم الاسلامويين ومن بقى من اولاد الناس لم يجد السبيل للخروج ومن يتقلد المناصب عندك هم حثالة البشر .
نعم وكما قلت من أفضل الجاليات ولم تلوث سمعتهم الا عندما قدمتم فى جنح ليل واغتصبتم سلطتهم مرمطم سمعتهم انتم .
ما عاوزين مجمعات سكانية كفانا أراضى سندس ووادى السيل(أقصد الوادى الاخضر )

[حيران شديد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة