الأخبار
أخبار إقليمية
القبض على المتهمين باغتيال المرحوم هاشم سيداحمد‎
القبض على المتهمين باغتيال المرحوم هاشم سيداحمد‎
 القبض على المتهمين باغتيال المرحوم هاشم سيداحمد‎


08-20-2014 12:11 AM
الراكوبة - عبدالوهاب همت

في نبأ عاجل أفاد ت معلومات تلقتها الراكوبه أن سلطات المباحث الجنائيه تمكنت اليوم من القاء القبض على ثلاثه من المتهمين في اغتيال المرحوم هاشم سيدأحمد الحسن العبيد المدير الاسبق لشركة الاقطان السودانية، والذي كان قد اغتيل في أول أيام عيد الفطر المبارك داخل منزله ، ووفقاً لإفادة مصدر الراكوبة - سجل الجناة اعترافا قضائيا بجريمتهم وهم يتبعون لجماعة التكفير والهجرة الاسلاميه المتطرفة، وقد أفادت المعلومات التي تحصلت عليها الراكوبة - أن هذه المجموعه قد دخلت في نقاش مع المرحوم قبل اغتياله بايام..

وكانت الشرطة السودانية قد سارعت باصدار تصريح جاء فيه أن القاتل شخص واحد وليس عدة أشخاص كما جاء في الخبر الذي انفردت به (الراكوبة) وأن الدافع هو السرقة، ونفت أي صلة للقتيل بقضية الأقطان. و كان اول من قبضت عليه الشرطة شخص يعمل "غسال" بجوار منزل القتيل.


تعليقات 96 | إهداء 0 | زيارات 34006

صفحة 1 من 212>
التعليقات
#1085979 [النار]
0.00/5 (0 صوت)

08-21-2014 11:05 PM
الفنان المصرى اﻻستاذ محمد منير عنده غنوه بتقول ( على مين .. على مين .. على مين ى سيد العارفين .. ماتروحش تبيعش الميه فى حارة السقايين ).

[النار]

#1085529 [اباذر محمد الشيخ]
0.00/5 (0 صوت)

08-21-2014 01:57 PM
نسال الله الرحمة والمغفرة لمرحوم هاشم سيداحمد . ياسادة كل ما نقوله هذه مسرحية سيئة الاخراج وحسبى الله ونعم الوكيل

[اباذر محمد الشيخ]

#1085492 [منشى]
0.00/5 (0 صوت)

08-21-2014 01:28 PM
بس لو صادقين خلى سريع يعدموهم توالى عشان نصدقهم و فى نفس الوقت عشان الحركه دى تفقس باقى جماعات الهجره و التكفير اللى لسه فى مح بيض و الناس تعرف اشكالهم , و اذا ساوموا فى الموضوع دا يبقى دا حكايه محبوكه من ناس شركة الاقطان و كدا يكون عرفنا انو ناس تكفير و الهجره ديل جناح الناس ديلاك هناك و على الاقل كرتيلة عثمان ميرغنى برضو بتكون اتحلت و و لا كيف يا راكوباب .

[منشى]

#1085082 [Mohamed]
0.00/5 (0 صوت)

08-21-2014 01:31 AM
حقيقة الناس ماتنساق ورا أعلام الحكومة، والفساد، والفساد ذاتو بقا خشم بيوت، بالنسبة للمرحوم، هو فعلا كان خبير اقطان، ولكن السؤال هل محكمة قضية الأقطان تنظر في القطن بحد ذاته، المحكمة تنظر في موضوع استيراد محالج وتراكتروات، والحاصدات، والسماد، والغريب في أن كل هذه الأشياء دخلت البلاد، والمحكمة لاتنظر في فسادها أو عدم كفاءتها، وإنما تنظر في أسعارها، لم يتقدم أي مزارع بشكوى في فساد تقاوي او سماء، أو عيوب في الآليات، أين قضايا التقاوي الفاسدة التي بسببها ادخلت المزارعين السجون، هل استوردت مجانا، الآن لاتوجد زراعة لا ذرة، لا فول، لا قطن. وإليكم مفارقات عجيبة، التراكتورات التاف التي استوردت منها كميات كبيرة، وأثبتت كفاءتها، هل تعلمون من كان وكيلها، شركة ميتكوت، ومديرها الآن في السجن في قضية الأقطان، وهل تعلمون من يستوردها الآن أسامة داؤود وبأسعار أعلى من التي تناقش الآن في المحكمة، وهل تدرون لماذا أسامة داؤود بالذات لأنه هو الذي سوف يقوم بتمويل انتخابات المؤتمر الوطني، بصات التاتا والتي كان وكيلها أيضا مدير شركة ميتكون، وهل تعلمون من الذي يستوردها الآن امين عبداللطيف، وهل تدرون اذا كان أسامة داؤود أو امين عبد اللطيف، ماهم إلا تغطية اسمية لمن هم وراء هذا العمل، هذا العمل يقوم به أشقاء البشير، ونافع والمتعافي، وببساطة أي سوداني نجح في عمل وليس منتميا لهذه السلطة، فيسرق مجهوده عنوة، أما ترك البلد وهاجر، وأما مصيره السجن، عشان يتفسحو براحتم، ولا طالبين خبير، وغير المرحوم الحمدلله السودان زاخر بالخبراء، لكن الموضوع طبخة، وسرقة مجهود رجال الأعمال، وشوفو في السوق كل المواد الغذائية، والسلع الاستراتيجية سوف تجدون أن أصحابها لا يتعدوا ال3اشخاص،ودا التمكين، لكن بجي اليوم اليعرف فيهو الشعب السوداني ماذا كانوا يعملون، وحسبي الله ونعم الوكيل

[Mohamed]

#1085051 [moiez]
0.00/5 (0 صوت)

08-21-2014 12:06 AM
هههههههههه بس انتو عارفين احلا حاجه في الراكوبه التعليقات بتاعت القراء بحس انو لسه في خير م كل السودانين عايشين بي طيبتهم دي لسه

[moiez]

#1085022 [كجيك]
5.00/5 (1 صوت)

08-20-2014 11:07 PM
الكيزان هن صنع التكفير والهجرة وعصابات النغز كلها من صنع الكيزان سابقا كان المجانين يقومو لهم بالتصفية الجماعة اطورو صنعو التكفير والنغز ديل الشيطان احتار في افكارهم اذا كان في تكفير الكيزان اول الكفار كان يبدو بالكيزان
اذا كان الحكومة اهم جهاز عندها الامن واكبر ماعون صرف هو ماعون جهاز الامن (ومن الطرايف انك لو حلمت بالتغير سوف يتم اعتقالك)كيف لا يستطعون السيطرة علي هذه الجماعة كلهم عملة واحدة بفىات مختلفة

[كجيك]

#1084995 [jafar]
2.00/5 (1 صوت)

08-20-2014 10:08 PM
دولة القالون لا آسف القانون

[jafar]

#1084928 [koko]
0.00/5 (0 صوت)

08-20-2014 07:38 PM
هذه الحوادث تذكركنى مقولة قالها البشير بعد ان استنفد عنترياته وادعاءه الفارغ ضد دخول القوات الاممية حيث قال ان وجود القوات الاممية سيكون من الاسباب لدخول القاعدة فى السودان فاراد ان يخوفهم بفزاعة القاعدة ومرت الايام وهاهو الآن بنى قاعدته من التكفيريين ومرتادى السجون للقضاء على الخصوم فنسأل الله ان ينقلبواعليه ويزيقوه ماازاق الناس وبال امره .

[koko]

#1084916 [ابو علي]
0.00/5 (0 صوت)

08-20-2014 07:27 PM
[samar] 08-20-2014 10:30 AM
يا دبلوك الراحل ما عنده علاقة بشركة الاقطان لكن عمله في مجال الاقطان، وبالتالي يعلم اسرار الفساد والسرقة، وكان من المحتمل ان يقدم ما يفيد، لكن حصل ما حصل، اساسا المحاكمة تحصيل حاصل والجماعة ما بحصل ليهم عوجة لانهم وراهم ضهر كبيـــــــــــــــــــــــر
ياحبيب الراحل كان مدير عام الشركة ونزل معاش عليه الف رحمة ونور قبل الفضائح والسرقات بسنين ولم عن معرفة وثيقة بالراحل عليه الرحمة ولم يتم ادراجه كشاهد او معرف مطلقا في القضية لامن قريب ولا من بعيد
منصور محمد احمد] 08-20-2014 04:51 PM
اصرارك عجيب يا دبلكة والا انت ال........ قال لا.
ليس اصرارا علي باطل يامنصور والخبر المنشور يؤكد مقتل الراحل عليه الرحمة من جماعة ىناقة لها ولاجمل بقضية الاقطان الخبر بقول كده نكذب الخبر اللي اوردته الراكوبة ولا كيف ؟؟ولما كتبت معارضا التخمين وارجاع السبب للقضية حفاظا منى علي مكانة منبر الراكوبةمن حيث المصداقية وان الحقيقة ستتضح لاحقا وقد كان

[ابو علي]

#1084892 [سن ألفيل]
0.00/5 (0 صوت)

08-20-2014 06:52 PM
تكفير وهجرة ما شافو الزول بتاع العارف عزو مستريح

[سن ألفيل]

#1084856 [fa]
0.00/5 (0 صوت)

08-20-2014 05:45 PM
هل تظنون ان الشعب السوداني بهذا الغباء ليصدق هذه المسرحية ضعيفة الاخراج.لماذا تزامن القتل مع نفس توقيت الاعتداء علي عثمان ميرغني ولماذا في نفس توقيت التحقيق في قضيه فساد شركه الاقطان.حقيقه ياكيزان الاختشو ماتوا

[fa]

#1084809 [البشير جلدنا ما بنجر فيه الشوك]
5.00/5 (3 صوت)

08-20-2014 04:18 PM
وين بقرة القصر العرجاء ولا هو قايلها وجاهة وركوب عربات ودبيل نسوان ومناقشة ماجستير..
اطلع للناس وقول رايك في الانفلات الامني الجاصل اليومين ديل في الخرطوم ومسلسل القتل الماعرفين بكره جاي لمنو..

[البشير جلدنا ما بنجر فيه الشوك]

#1084760 [عصابات (الكذب السريع !!)]
5.00/5 (2 صوت)

08-20-2014 03:38 PM
لو ان ما ذكر صحيح واشك فى ذلك تكون حكومة اللصوص قد اثبتت ومن غير ان تقصد ان السودان اصبح مرتعا خصبا للعصابات الاجرامية ..ليس ابتداءا من قتلة طلاب الجامعات قالوا ديل ما نحن وقتلة متظاهرى سبتمبر قالوا ديل ما نحن وعصابات صحيفة التيار وعصابة الصحفى بتاع الجريدةواخيرا جماعة التكفير والهجرة ..هذا اذا افترضنا ان القتلة ليسوا من حزب الضفادع جماعة الكذب السريع !!

[عصابات (الكذب السريع !!)]

#1084703 [mawada]
1.00/5 (1 صوت)

08-20-2014 02:47 PM
ههههههه ضحكتني وانا مش عاوزة أضحك

[mawada]

#1084667 [alfadny]
4.00/5 (3 صوت)

08-20-2014 02:09 PM
اتعرفون من هم جماعة التكفير والهجره الذين انتسب لهم مقتل الشهيد هاشم هم لقطاء وابناء غير شرعيين تبنتهم اجهزة الأمن السوداني لتفيذ مثل هذه الاغتيالات الرخيصه لصالح تلك ا لفئه الرخيصه التي ستثبت الايام ذلك وهولاء الشرزمه حاقده علي كل المجتمع السوداني من صغيره لكبيرهم والانقاذيين استغلوا هذه الصفه فيهم ومتعوهم بي الشقق الفاخره والخمور المستورده والنساء والحصانه المفرطه حتى صاروا كلاب مسوره تقتل في اي وقت دون ان تعرف من هو المقتول لانه اكيد لا يقرب له لانه ليس له اصل بين البشريه

[alfadny]

#1084659 [د/سعد]
5.00/5 (1 صوت)

08-20-2014 01:56 PM
خوجلي عثمان
المصلين في مسجد الحارة الاولي
غرانفيل
وووووو


كلها اسرار بتتضح للناس ولو بعد حين

شنو تكفير وهجرة ؟؟؟!!

الاعيب وسيناريوهات مفهومة لمن يفهم طبيعة من يحكم!!!!

التكفير والهجر اقل من ان ينتشر مفعولها بهذا الشكل لو ارادت الحكومة وأدها

اقول ليكم شئ
مافي حاجة اسمها تكفير وهجرة زاتو

[د/سعد]

#1084656 [Zeedoh]
0.00/5 (0 صوت)

08-20-2014 01:53 PM
انا لله وانا اليه راجعون
الا رحم الله الفقيد الذي كان ضحية

[Zeedoh]

#1084634 [طارق الباز]
5.00/5 (3 صوت)

08-20-2014 01:29 PM
اكتر ناس يحبوا التلفيق, وبكل اسف تلفيق غبى وسخيف القضية واضحة تصفية شاهد مهم وجماعة التكفير ما عندهم علاقة بالمرحوم.

[طارق الباز]

ردود على طارق الباز
United States [Deg] 08-20-2014 03:09 PM
That is true


#1084562 [المهندس سلمان إسماعيل بخيت على]
5.00/5 (2 صوت)

08-20-2014 12:25 PM
وجماعة عثمان ميرغنى برضو تكفير وهجرة
منتظرين وياخبر بلفوس بكره ببلاش

[المهندس سلمان إسماعيل بخيت على]

ردود على المهندس سلمان إسماعيل بخيت على
United States [طارق الباز] 08-20-2014 08:01 PM
صدقت يا ابن اسماعيل, بكرة حيقولو رئيس صحيفة منافسة مسؤول من الجريمة دا طبعا لو ما قالوا اسرائيل.


#1084536 [كرم]
5.00/5 (1 صوت)

08-20-2014 12:03 PM
الكلام ده قولوا لواهد ماإندو هديده

[كرم]

#1084535 [دوشكا]
5.00/5 (1 صوت)

08-20-2014 12:03 PM
كذابين ومنافقين المرحوم كان الشاهد الأول في قضية الأقطان وله ادلة من هم المتورطين عشان كده تم اغتيالهو من قبل جهات معروفه لدي الشعب السوداني اما جماعة التكفير والهجرة الاسلاميه المتطرفة ليس لهو علاقة بالموضوع العب غيرها , الشعب السوداني واعي ومثقف يا ابالسة قال ايه التكفير والهجرة قال : والله انتو اوسخ حكومة مرت على تاريخ السودان .

[دوشكا]

#1084517 [mani]
0.00/5 (0 صوت)

08-20-2014 11:54 AM
non

[mani]

#1084512 [الفاروق]
5.00/5 (2 صوت)

08-20-2014 11:52 AM
المرحوم قالوا جاي راجع بعد صلاة العشاء والقتلة كانوا يتربصون به .. يعني ما كانوا بيصلوا ولا صلوا فعلى ماذا يناقشنونه ان كانوا تكفيريين او غير ذلك .. ؟؟
الموضوع تمييع لقضية شركة الاقطان والمرحوم كان يعرف الكثير المثير الخطر ...
عشان كدة لحقوه (محمد طه) الصحفي و(محمود محمد طه) المفكر ولحقوه امات طه... وهذا ديدن الكيزان لاخفاء جرائمهم وفسادهم ..

[الفاروق]

#1084500 [rasco]
0.00/5 (0 صوت)

08-20-2014 11:40 AM
ربنا يرحمه انشاء الله طيب هو قال انا مستهدف يعني يكون عارف ناس التكفير دايرين يصفوه ,طيب ناس التكفير الزول بعرفم كيف ما كلهم ملتحين ( كيزان,انصار سنه.اخوان مسلمين مااخوان ) يعنى الزول ما يناقش , كدببببببببببببببببببببببببببببب دي ادوات ارهاب يا كيزان وتصفية الزول تصفوه بعدين تقولوا ديل جماعة حمزة , ديك ناس التكفير , داعش فرع السودان والوسخ والقرف كلوا جاء في زمنكم الله يورينا فيكم يوم

[rasco]

#1084492 [ابراهيم]
0.00/5 (0 صوت)

08-20-2014 11:34 AM
جماعة المؤتمر الوطني عائزين اتخلصوا من مجموعه منافسه ليهم, ما هم اكبر جماعة ادت الي ان يكفر الناس بكل شيء ..القضية ستدخل مرحلة التنويم القضائي ذي كل قضايا الفساد السابقة واللاحقة.
ابراهيم

[ابراهيم]

#1084474 [قرفان خالص]
4.75/5 (4 صوت)

08-20-2014 11:18 AM
A. Rahman+ عصام علي دبلوك +[د الزهجان !!!
اصرار عجيب على نفي علاقة المرحوم بشركة الاقطان !!

وضحوا لينا في الاول لمصلحة مين كل هذا الاصرار ؟؟
هل حرصا منكم على العدالة ؟؟

وحاولوا في الاول قبل كل دا اثيتوا لينا عدم علاقتكم بجهاز كلاب المؤتمر العفني ؟

[قرفان خالص]

#1084471 [ِAburishA]
5.00/5 (2 صوت)

08-20-2014 11:14 AM
يالسذاجة جهاز الامن!!! ويا للضحك على دقوننا !!!! وهاشم ده متين كفر عشان تقيموا عليه الحد!!
من هوالكافر؟؟ الكافر هو.. كل من لديه اي معلومة عن فساد التيران الكبار !!!!
افعلوا ما شئتم وكما تدين تدان.. والروح ما بتروح... حسبنا الله ونعم الوكيل فيكم يا قتلة...

[ِAburishA]

#1084467 [الكاهلى]
0.00/5 (0 صوت)

08-20-2014 11:10 AM
(دخلو معه فى نقاش) والله قوية جدا الجاعة ديل حقو امشو هوليود
حتى يستفيدوا من التمثيل والاخراج

[الكاهلى]

#1084448 [شايقي من الريف]
0.00/5 (0 صوت)

08-20-2014 11:00 AM
اوكي خلاص اعدموهم نهارا جهارا يكونوا عظه . ناس الهجره والتكفير ليه ماعندهم نشاط وندوات غيره كان في الجامعات او الاسواق اووسائل التواصل الالكتروني وغير ذلك مانسمعبهن الا عند اعلام الهناء

[شايقي من الريف]

#1084443 [معاويه]
5.00/5 (1 صوت)

08-20-2014 10:56 AM
اشــــــــــــــــــــــــــــــــاعه مدفو ع اجرها مقدما

[معاويه]

#1084437 [الشعب الفضل]
1.00/5 (1 صوت)

08-20-2014 10:53 AM
انتو فاكرين الشعب السوداني دا غبي للدرجة دي ؟ الاعيبكم بقت مكشوفة !!!!!!!!!!!! بس السؤال الوحيد هو زوجتة ( الشهيد ) سمحة زي وداد ؟ عشان تكونو كتلتو زوجها وعزيتو فيهو واتزوجتو زوجته

[الشعب الفضل]

ردود على الشعب الفضل
Saudi Arabia [ابو الدقلونا] 08-20-2014 12:22 PM
مثل هذا الكلام لايجوز يا الشعب الفضل من انسان مؤمن بالله ومسلم هل ترضى مثل هذا الكلام فى زوجتك او اختك؟؟؟ اتقى الله فى ماتقول ... سامحك الله .


#1084430 [جنوبي]
4.81/5 (8 صوت)

08-20-2014 10:45 AM
دخلت في نقاش مع المرحوم ؟!!
مالو ؟ كان شيخ طريقة صوفية ؟ ولآ انكر حديث الذبابة ؟ ولا قال المسلمة ممكن تتزوج كتابي ؟ ولا قال العارف عزو مستريح آية ؟ ولا كان عنده رأي في عذاب القبر ؟ !!

[جنوبي]

ردود على جنوبي
Saudi Arabia [جنوبي] 08-21-2014 11:55 AM
يا علي مع اني ما عرفتك انت فهمت مداخلتي دي من ياتو ناحية ! لكن كلامك في انو انا وانت كنا ميتين ثم احيانا الله ثم يمتنا ثم يحيينا زي ما انت قلت , فلو كنت تعني بموتتنا الاولي مرحلة الاجنة لما كنا نطفه, هل كان عندنا صحيفة اعمال نحاسب عليها ؟ كدي بعد ده موت تاني وخش القبر عشان تآمن !! هههه
في حديث عن الرسول ( ص ) في معناه انو الزول الصالح لمن يخش القبر بتتفتح ليهو طاقة ويشوف منها مقعده من الجنة , والزول العمايله كعبه تتفتح ليهو طاقة يشوف منها موقعه في النار ولو سلمنا انو مافي عذاب قبر بمعني الزول يدقوا جوه قبره والثعبان يخبتك وما عارف شنو , وخلينا بس نمسك في انك تري مقعدك في النار دي براااها ما عذاب نفسي وقالوا كتلوك ولا جوك جوك ياخوي

Norway [ali] 08-20-2014 11:16 PM
طيب انا وانت كنا ميتين ثم احيانا الله ثم يمتنا ثم يحيينا هل كنا نشعر بي عذاب القبر مافيه اي عذاب من بعثنا من مرغدنا هذا دي خوزعبلات والله اعلم


#1084427 [محمد احمد]
5.00/5 (1 صوت)

08-20-2014 10:44 AM
والله يا ابضلعا حديد طلعت راجل تفتيحة ... بارك الله فيك ... طبعا قليل من الناس عارفين حكاية تصفية المرحوم الفنان خوجلي عثمان الذي تمت تصفيته لانه صادفت عودته من اثيوبيا بعد انتهاء الحفل الذي اقامه هناك - صادفت محاولة اغتيال حسني مبارك وقد استغلت المخابرات السودانية هذه الحادثة في تهريب من قاموا بالمحاولة بالطائرة على اساس انهم الفرقة الموسيقية للمرحوم خوجلي عثمان الذي علم بالأمر داخل الطائرة فقط وشاف أنو جميع اعضاء فرقته الموسيقية قد تم تغييرهم فجاة .... وبعد فترة قليلة من هبوط الطائرة بالخرطوم قاموا بعمل تمثيلية الراجل المعتوه بتاع اتحاد الفنانين وقالوا هو من قتله وحتى أن القوى العقلية للأخير أو الحكم عليه بالإعدام فعلا ما هي إلا تمثيلية ... وحسبنا الله ونعم الوكيل.

[محمد احمد]

ردود على محمد احمد
United Arab Emirates [بشير] 08-20-2014 06:19 PM
بدورنا نسأل من قتل المرحوم خوجلي عثمان ولماذا تمت تصفيته؟ من اغتال (علي البشير - رئيس لجنة التحقيق في محاولة اعتيال حسني مبارك ) امام عائلته ؟ من هو قاتل الدكتور عوض دكام ( صديق خوجلي عثمان وكاتم اسراره ) بالقاهرة ؟ ناس الانقاذ صفوا جماعتهم المنتمين اليهم تنظيميا دون ان ترمش لهم عين ، وين الفرار من عذاب النار يا اهل سنار ؟ من هو قاتل مجذوب الخليفة يا ناس التكفير والهجرة ؟


#1084424 [ابو محمد]
0.00/5 (0 صوت)

08-20-2014 10:39 AM
حسبي الله ونعم الوكيل ربنا يرحمه ويجعل الجنة مثواه ..لابد ان ننظر الي من هو المستفيد من هذا العمل الذي لايشيه اي مسلم ولا اعتقد ان سبب نقاش بين جماعة يؤدي الي تصفية المرحوم بهذه الصورة البشعة .. اتمني ان الا نكون وصلنا الي هذا المستوي للاخفاء معالم الحقيقة .

[ابو محمد]

#1084419 [المشروع]
5.00/5 (2 صوت)

08-20-2014 10:36 AM
هم ناس التكفير والهجرة ديل عميانين من الكيزان؟
تكفير عرفناه هجرة دي كمان شنو؟

[المشروع]

ردود على المشروع
Saudi Arabia [ابوصالح] 08-20-2014 02:13 PM
الهجرة الى الدار الآخرة وهم الذين يحددون من يمشى للدار الآخرة ومن لايمشى حسبنا الله ونعم الوكيل فيهم هؤلاء الكفرة الظلمة دايرين جماعة تكفر ناس التكفير وتصفيهم لعنهم الله دنيا وآخرة ياريت يجيبوا لينا خلقهم خلينا نشوف ناس ابولؤلؤة المجوسي


#1084416 [محمد]
5.00/5 (1 صوت)

08-20-2014 10:35 AM
هاشم رجل حيي خفيض الصوت لا يدخل في نقاش ولا يجادل أحدا يعرف أنه ضيق الأفق، ثم لا يمكن أن يكون حادا في نقاشه حتى لو افترضنا جدلا أنه ناقش هؤلاء الجماعة، ثم أن جماعة التكفير والهجرة لا يعترفون بالمسلمين الآخرين لذا لا يصلون إلا في مساجدهم الخاصة بهم، فما الذي اتى بهم للمسجد الذي يصلى فيه المرحوم هاشم في الرياض؟

[محمد]

#1084388 [ممغوص من الكيزان]
4.10/5 (12 صوت)

08-20-2014 10:12 AM
لو عندنا قنابير برضو ما ح نصدق الهطل بتاعكم دا ... مافي لاتكفبر ولا هجره .. في كلاب أمن وجنجويد بس

[ممغوص من الكيزان]

#1084358 [yagoub]
3.25/5 (3 صوت)

08-20-2014 09:56 AM
ماقولابسرعه ده لقيتو الجاني علي منو يا كلاب البسكير قال الهجره والتكفير هههههههههه

[yagoub]

#1084353 [ود الناير]
5.00/5 (6 صوت)

08-20-2014 09:51 AM
ناس التكفير ديل مفروض يعملو ليهم حلقات خاصة مع كل الكيزان عشان اي واحد مايتفقو معاهو يودهو التوج واول واحد عمك مامون قعونج
قال شنو ؟ قال ناس التكفير قال ؟؟؟

[ود الناير]

#1084348 [ود الشيخ]
4.38/5 (6 صوت)

08-20-2014 09:44 AM
وبكره يمهدوا ليهم بالهروب من السجن..
قديمة دى ..ألعبوا غيرها..
كل ورقكم بقى مكشوف...

[ود الشيخ]

#1084343 [alshafy]
1.00/5 (1 صوت)

08-20-2014 09:39 AM
خلاص نكذب الجهات الرسميه ونصدقكم ...

[alshafy]

ردود على alshafy
United Arab Emirates [بنت الناظر] 08-20-2014 09:52 PM
ياتو جهات رسمية ؟ ياهم ناسك الملولوين ديل ولو فى حهة غيرهم..؟؟ حسبى الله عليكم

United Arab Emirates [بنت الناظر] 08-20-2014 09:40 PM
هى فضل فيها جهات رسمية كلها لولوه فى لولوه والله المستعان..

United Arab Emirates [ود الباشا] 08-20-2014 06:18 PM
صدقهم انت براك مالك انت حشاك محروق مع الناس

United States [Abuzaid Musa] 08-20-2014 01:39 PM
أخجل يازول ( جهات رسميه بتاع مين ) إلا إذا كنت تقصد
( الجهات القمعية )


#1084336 [موجوع وطن]
3.00/5 (2 صوت)

08-20-2014 09:33 AM
لولا لا إختلاف الجواميس الكبار في حظيرة الكيزان علاي قصعة الوطن لما قبض علي جناة سيد أحمد الذين أجرموا بليل وترك المعتدين علي مكاتب الصحيفة و صحفيها بوضح النهار وبكتيبة من الجناة الملثمين وسط غابة من كميرات تصوير شوارع الخرطوم الأمنية... الهجرة و التكفير و جماعة حمزة و حظيرة الدندر و الخليفي وقتلة قرانفيل وهبة سبتمبر والجنجويد كلهم..كلهم خدام الشيطان المتمثلة في الكيزان يحركونهم من دون أن تنظرون فيحققون مآرب الكيزان قبل أن ترتد إليهم أبصارهم... صدقوني لا تستبعدوا أن تتم تسوية مقتل سيد أحمد بين الجواميس ويترك الخدام لحوجتهم إليهم و لأن ظرفهم لا يحتمل...

[موجوع وطن]

#1084335 [عكاشه]
4.99/5 (11 صوت)

08-20-2014 09:32 AM
جماعة التكفير والهجرة فرع (جهاز الامن)

[عكاشه]

ردود على عكاشه
Saudi Arabia [المندهش] 08-20-2014 11:52 AM
حلوة دي يا عكششة..


#1084334 [جركان فاضى]
5.00/5 (1 صوت)

08-20-2014 09:31 AM
يكون قتلوه عشان بيستخدم الواتسب؟....اصلا اليومين ديل طالعة فتوى بتحريم الواتسب....اعملوا حسابكم يا شباب...استخدموا الواتسب بالدس...ما يشوفوكم جماعة التكفير والهجرة
والرحمة والمغفرة للشهيد هاشم سيد احمد...فقد استشهد بسبب قولة الحق وبأيدى من لايعرفون الحق

[جركان فاضى]

#1084331 [بنت الناظر]
5.00/5 (1 صوت)

08-20-2014 09:30 AM
ناس التكفير والهجرة ديل مالوا ما شايفين شغلهم مع الكفار الحقيقيين؟ كان يظبطوهم لينا وجزاهم الله كل خير..

[بنت الناظر]

ردود على بنت الناظر
Saudi Arabia [المندهش] 08-20-2014 11:54 AM
وجزاهم الله كل خير دي برضو حلوة يابت الناظر ..


#1084324 [osama]
3.00/5 (2 صوت)

08-20-2014 09:19 AM
يا خوي هوي دا كله استخفاف بعقولنا . اي انسان لديه دلائل فساد تعكر مزاجهم بلقوا ليه حل اما كتلوه او ضربوه وبعد زمن ياجرو ليهم جماعه يعترفوا زورا بالشهر او بالسنه . لكي يصدق عقلناانو في شرطه او مباحث كلها مسرحيه . بدليل اصبر فتره تجد الجماعه القابضين عليهم تجار معاكم جوه السوق. البلد دي اي زول جوه الخرطوم وكل المواطنين يجبو ان يتسلحو لان اذا هجمو عليك مثل هولاء علي الاقل بتقتل فيهم خمسه . بعد داك انشاءالله اذا متا حتكون مرتاح لان اخذت حقك بنفسك . والا تنتظر عدالة دوسه البطنيه.

[osama]

#1084323 [القريش]
0.00/5 (0 صوت)

08-20-2014 09:18 AM
ياراكوبه الا تكونوا بقيتو راكبوبه مابتمسك المويه فى الخريف السبب لد الان وباصرار غريب(مصرين انو القتيل كان المدير الاسبق لشركه الاقطان).الرجاء التصحيح والاعتذار فوى المتعبعات القاده ارجو توضيح الامر وعدم الخلط!!!حكايه تكفير وهجره دى شويه مضحكه SO FUNNY

[القريش]

#1084320 [barracuda]
5.00/5 (1 صوت)

08-20-2014 09:16 AM
تكفير وهجرة ، تكفير منو وهجرة لوين ( حلوا عن طيـــــــــــــــ..............نا ) بلا افك ونفاق ومراوغة .

[barracuda]

ردود على barracuda
Saudi Arabia [المندهش] 08-20-2014 12:01 PM
طيفنا ... طيرنا... طينا... طيشنا .. طيـ ..... لالالالا دي قلة أدب ما بقولها!!!


#1084314 [أبوقرجة]
0.00/5 (0 صوت)

08-20-2014 09:09 AM
بهذا الكلام أنه في السودان جماعات متطرفه ولها نفوذ وتقتل وتسلب وتعمل الدايره ...... يا جماعه بكده بكونوا أضروا بمشروعهم بتاع الاستثمار ... مين مستثمر يحضر إلى السودان وبه جماعات كهذه... أنا عايز أصدق الحاصل .... لكن السودان ما بقى زول بيجي يعمل فيه حاجه .... سرقه وجماعات متطرفه ... أنا لو عندي قروش أروح إلى أي بلد مستقر واستثمر فيه ..... يعني ناس الانقاذ بخبرهم هذا يكونوا زي الزول الشال أصبعه وطبظ بيه عينه ...

[أبوقرجة]

#1084300 [Haj Ahmed]
4.75/5 (5 صوت)

08-20-2014 09:00 AM
لو في حاجة اسمها التكفير وشنو ماعارف دي بناقشوا الناس واي واحد بختلف معاهم بكتلوه. اذا افترضنا انه الجماعة دي ظهرت في رمضان. يعني لحدي الان اختلف معاهم زول واحد بس (ربنا يرحمه ويغفر ليه). شوفوا ليكم حاجة تانية ياناس الامن

[Haj Ahmed]

#1084296 [مهاجر]
4.44/5 (7 صوت)

08-20-2014 08:56 AM
كذب في كضب من قتلوه هم من يرعي الفساد في بلدي والموضوع واضح والخوف من الفضيحة وقتل الخيط الذي سيكشف الفساد .

[مهاجر]

#1084289 [Salah Al Deen P]
4.82/5 (6 صوت)

08-20-2014 08:46 AM
والله كويس ناس الامن ما قالوا ليكم قتلوه ناس داعش

[Salah Al Deen P]

#1084283 [ahmed]
4.79/5 (8 صوت)

08-20-2014 08:40 AM
لا اعتقد هذا الأمر صحيحا والغالب على ظنى أن جماعة التكفير والهجرة هى مجرد شماعة لأنها تحتمل ذلك طالما الأمر فيه اسلاميين فالأمر واضح وكل الجماعات الأخرى اصبحت جماعة التكفير شماعة لهم ، بحكم أن جماعة التكفير هى التى ترتكب مثل هذا النوع من الجرائم لمجرد الإختلاف فى الرأى ... ولكن لا نقول إلا البلد خربت ...

[ahmed]

#1084281 [A. Rahman]
3.00/5 (2 صوت)

08-20-2014 08:40 AM
يا أصدقاءنا في الراكوبة، للمرة الألف لم يكن المرحوم هاشم سيد احمد مديرا لشركة الأقطان في يوم من الايام، بل كان يعمل في المؤسسة العامة للاقطان و التي انشئت عند تقسيم وزارة الماليةو الاقتصاد في نهاية الستينات من القرن الماضي الى "وزارة خزانة" و "وزارة تخطيط" و "المؤسسة العامة للاقطان". عقب قرارات التأميم و المصادرة عام 1970، عين هاشم مديرا منتدبا لشركة بورتسودان للاقطان، احدى الشركات الاربع المؤممة و التي كانت تعمل في تصدير و تسويق القطن السوداني. بعد ذلك ترك هاشم الخدمة في الحكومة و أسس في عام 1977 شركة خاصة بالمشاركة مع شركة انجليزية، و بدا نشاطه بالعمل في تصدير القطن التالف الذي لا يصلح لشركات و مصانع النسيج داخليا او خارجيا بل يستخدم في صناعات أدنى، ثم دخل في نشاط الاستيراد و ظل يعمل به رغم مضايقات الإنقاذ لكل رجال الاعمال غير التابعين لجماعتهم. الغرض من كل ما ذكر هو الرجاء بالكف عن ترديد ربط اسمه بعبارة "المدير الأسبق لشركة الأقطان".

[A. Rahman]

ردود على A. Rahman
Qatar [A. Rahman] 08-20-2014 07:29 PM
الى خليفة احمد الفاهم جداً
اذا انت متابع الراكوبة ياخوي زمان قلنا الكلام بتاع انه ربما يكون قد طلب رأيه كخبير، و كل من عمل في ذلك الجيل في مجال القطن يصلح لا يكون خبيرا و هم كثر. و ادارة القطن في الستينات كانت ادارة كبيرة بدليل انه عند تقسيم وزارة المالية و الاقتصاد وقتها اصبحت مؤسسة قائمة بذاتها، و لا يزال العديد منهم احياء و يمكن استدعاء اي منهم كخبير، و هذا ما يجعلني استبعد مسالة الخبير دي، لانه يمكن للمحكمة ان تستدعي اي واحد من الاخرين. كخبير.كما أني مثلك استبعد مسالة التكفير و الهجرة دي، خاصة و الحكومة و شرطتها عاجزون عن توفير الحد الأدنى من الكفاءة، لذلك يخرجون لنا كل يوم بفرية يشغلون بها الناس حتى ينسوا ما حدث. انظر حولك للجرائم الواضحة مثل قضية عوضية و قضية القتل التي اتهم فيها إخوان نافع و كادت ان تشعل حربا قبلية و قضية طلاب الجزيرة الاربعة الذين عثر عليهم في ترعة ضحلة و قالوا لنا انهم غرقوا و غيرها و غيرها.

United Arab Emirates [kalifa ahmed] 08-20-2014 06:32 PM
طيب عشان ماتزعل مننا يا دجاج يالكتروني الشهيد هاشم الذي قتل على يد جماعة التكفير والهجرة (حسب بيان الشرطة بتاعتكم) كان يعمل مديرا منتدبا لشركة بورسودان للأقطان بعد ذلك ترك هاشم الخدمة في الحكومة و أسس في عام 1977 شركة خاصة بالمشاركة مع شركة انجليزية، و بدا نشاطه بالعمل في تصدير القطن التالف الذي لا يصلح لشركات و مصانع النسيج داخليا او خارجيا (حسب كلامك ).... معنى معلوماتك أن الرجل ضليع في تجارة الاقطان ودهاليزها وعلية فالشهيد يمكن ان يكون شاهد في قضية الأقطان والمتورط فيها تماسيح كبار من بني كوز لهم مصلحة حقيقية في تغيب مثل هذا الشاهد وهذا مايسعى كتاب الراكوبة وغيرهم لاثباته !!!!! أرجو أن تكوت فهمت حاجة باجدادي ؟؟؟؟؟؟؟؟؟

United Arab Emirates [بشير] 08-20-2014 05:49 PM
علي ضوء ما ذكرت فان المرحوم له علاقة وطيدة بشؤون الاقطان وكيفية تسويقها وهو يعتبر الخبير الوحيد الذي يمكن ان يدلوا برايه في قضية الاقطان كخبير منتدب للمحكمة ورايه الفني ذا اهمية ويمكن يكشف مصائب وفساد لم تراه عين ولم تسمع به اذن لذا وجبت تصفيته لتغطية المستور والتحلل بفقه السترة من جبل الفساد المغمور


#1084264 [د الزهجان]
5.00/5 (1 صوت)

08-20-2014 08:18 AM
القاء القبض على ثلاثه من المتهمين في اغتيال المرحوم هاشم سيدأحمد المدير الاسبق لشركة الاقطان السودانيه, هو المرحوم كان مدير وله ليس له علاقه بالشركه


اثبتوها لينا بالمستندات .. حيرتونا معاكم h

[د الزهجان]

#1084254 [عبد الحكيم]
4.00/5 (3 صوت)

08-20-2014 07:58 AM
إنا لله وإنا إليه راجعون ،نسأل الله أن يتغمده بواسع رحمته ، أياً كانت الجهة الفاعلة فعقابهم عند الله عظيم وسبحانه يمهل ولا يهمل

[عبد الحكيم]

#1084240 [.....مزاهر نجم الدين]
4.97/5 (11 صوت)

08-20-2014 07:31 AM
يظن جهاز الأمن السوداني أنه يستغفل الشعب بمثل هذه الروايات السخيفة فيرمي بها للصحف وللسازجين منا بغرض إزالة اللبس عن أشياء تقلقهم ومنها موضوع الأقطان هذا

... قتل (بضم القاف) الصحفي محمد طه محمد أحمد علي يد (جماعة متطرفة) ...!! وكذلك شاهد الأقطان؟ العالمين ببواطن الأمور قالوا أن المتهم ينتمي لمجموعة علي عثمان محمد طه هذا هو (المطب) .......وعلي عثمان سوف (يجرجر) رؤوسا" أكبر وهذا ما لا يريدونه -مهما إختلف اللصوص وتشاكسوا هنالك خط سديد الحمرة لابد من الوقوف عنده وإلا ................



هكذا تعمل أجهزة الأمن لها عدة أجسام واقسام وشعب (بضم الشين) (شعبة التكفير ) مع مسمياتها الأخري واحدة من فروع جهاز الأمن وأدواتها لتصفية خصوم (بيت الكلاوي) أما الآخرين فيتخلصون منهم عينك عينك ولاداعي لإرهاق شعبة (التكفير والهجرة) بالإعداد لقتلهم لأنهم (كفار من يومهم) ................التحية للراكوبة .......................مزاهر نجم الدين

[.....مزاهر نجم الدين]

#1084223 [سكسك]
4.38/5 (6 صوت)

08-20-2014 06:07 AM
الخرطوم فيها عشرون مليون راس يتطح راس مايغتالون الا هاشم ده انتو ياحكومة نحن عندنا قنابير قايلين بطلو الكذب الزول ده راسه ملان ادلة وبراهين وماتستخفو بعقولنا البلد دي مافيها دس وسر عمر البشير ده جوه القصر اخباره تجدها في الشارع سيبو النفاق وابقو صادقين يوم

[سكسك]

#1084215 [ابضلعا حديد]
3.00/5 (2 صوت)

08-20-2014 05:24 AM
اهااا دا عرفناهو الشاهد الاول لحسوهو في شاهد تاني علي الاقطان دي واللا الحكاية انتهت علي كدا والله ياجماعة
قالو القروش حقت الاقطان ضارباها كترة ياخي فوق ال2تريليون قروش خم الخرااااابل الياخدكم اااابان دقون والله ضربكم شين خلاص وكمان الشاهد بروح فيها
زي الماحصل شئ وقضيتو تروح زي قضية خوجلي عثمان والله يلاقيكن عدوي يلاقيكن عدوي يا الكيزان

[ابضلعا حديد]

ردود على ابضلعا حديد
Saudi Arabia [محمد احمد] 08-20-2014 10:43 AM
والله يا ابضلعا حديد طلعت راجل تفتيحة ... بارك الله فيك ... طبعا قليل من الناس عارفين حكاية تصفية المرحوم الفنان خوجلي عثمان الذي تمت تصفيته لانه صادفت عودته من اثيوبيا بعد انتهاء الحفل الذي اقامه هناك - صادفت محاولة اغتيال حسني مبارك وقد استغلت المخابرات السودانية هذه الحادثة في تهريب من قاموا بالمحاولة بالطائرة على اساس انهم الفرقة الموسيقية للمرحوم خوجلي عثمان الذي علم بالأمر داخل الطائرة فقط وشاف أنو جميع اعضاء فرقته الموسيقية قد تم تغييرهم فجاة .... وبعد فترة قليلة من هبوط الطائرة بالخرطوم قاموا بعمل تمثيلية الراجل المعتوه بتاع اتحاد الفنانين وقالوا هو من قتله وحتى أن القوى العقلية للأخير أو الحكم عليه بالإعدام فعلا ما هي إلا تمثيلية ... وحسبنا الله ونعم الوكيل.

Saudi Arabia [جركان فاضى] 08-20-2014 09:24 AM
الموضوع مافى الشاهد التانى...الموضوع ان القاضى ذاتو الماسك القضية غاب من جلسة الحكم وفك البيرق...شوفوا ليكم قاضى فى الاول ثم بعد داك فتشوا للشهود....الشئ دا فيه قطع راس عديل


#1084210 [ابو الرخاء]
4.69/5 (7 صوت)

08-20-2014 04:38 AM
لا حول ولا قوة يعنى القضية انتهت بعد مراسم الدفن ولا شنو يا جماعة ؟؟؟ و اللمه الاقطان بالتكفير شنو ؟؟ مسرحيات لا تنتهي الا بزوال الكيزان

[ابو الرخاء]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة