الأخبار
أخبار إقليمية
شاهد الصور: بركلات الترجيح المريخ يتفوق على عزّام ويصعد لنصف نهائي سيكافا
شاهد الصور: بركلات الترجيح المريخ يتفوق على عزّام ويصعد لنصف نهائي سيكافا
شاهد الصور: بركلات الترجيح المريخ يتفوق على عزّام ويصعد لنصف نهائي سيكافا


08-20-2014 06:44 PM
تمكن فريق المريخ السوداني من التفوق على فريق عزام التنزاني والصعود لنصف نهائي بطولة سيكافا بعد فوزه بركلات الترجيح باربعة أهداف مقابل ثلاثة.
فريق (عزام) التنزاني .
جرى اللقاء في العاصمة الرواندية كيغالي ضمن فعاليات ربع نهائي بطولة شرق ووسط أفريقيا (سيكافا)، وانتهى زمنه الأصلي بالتعادل السلبي.
وأضاع المريخ ركلة الجزاء الأولى، وأحرز لاعبوه كل الركلات المتبقية، أما الفريق التنزاني فقد أحرز الضربات الثلاث الأولى ولكنه أهدر الضربتين الرابعة والخامسة، لتنتهي المباراة بفوز المريخ وصعوده لنصف نهائي البطولة المحببة إليه.

يذكر أن المدير الفني للمريخ الكوتش برهان تية قد صرح بأن عزام فريق أكثر من عادي متوقعاً الا تكون المباراة صعبة من واقع أنه شاهد عزام كثيراً وقال: مثلما في هذا الفريق الكثير من نقاط القوة فيه ايضاً الكثير من نقاط الضعف التي يمكن استغلالها، وأضاف: هناك العديد من مفاتيح اللعب في الفريق التنزاني وقد رصدتها جيداً وساضعها تحت الرقابة اللصيقة ووقتها لن تكون للفريق أي خطورة هجومية.

image

image

image


تعليقات 18 | إهداء 0 | زيارات 11312

التعليقات
#1085896 [بدرالدين]
0.00/5 (0 صوت)

08-21-2014 08:20 PM
مبروك للمريخ ودورة سيكافا عندها مذاق خاص عندنا نحن المريخاب وعقبال الفوز بالبطولة إن شاء الله ودي خطوة حلوة في تأهيل اللاعبين الجدد للمشاركات الأفريقية الأقوى

[بدرالدين]

#1085785 [كاسبر]
0.00/5 (0 صوت)

08-21-2014 05:44 PM
زغروتة حلللللللللوة!!!
أيويويوي ىووووووووووووووووووووووووووووووووووووووووووووووووووووووووووووووووووووووووووووووووى

[كاسبر]

#1085754 [مريخابي زمان قبل صعوبة لقمة العيش]
0.00/5 (0 صوت)

08-21-2014 05:22 PM
ههههههههههههههههههههههههههههههههههههه فعلا دا مستوي وطموحنا في عهد الموتمرجية اخوان الشياطين ههههههههههه

[مريخابي زمان قبل صعوبة لقمة العيش]

#1085516 [عمر عبد العزيز]
5.00/5 (1 صوت)

08-21-2014 01:45 PM
انتو ياأخوانا فريق عزام ده في فلسطين ولاتنزاانيا . يخربني اول مره اسمعبها . وده ماغلبا يفرحوبوا . كان ده حال المريخاب هاكم دي ...... ةبكره نشوف

[عمر عبد العزيز]

#1085244 [عاطف عبدالله / السعودية]
5.00/5 (1 صوت)

08-21-2014 10:10 AM
فريق المريخ لقد قام يتغير جلده فى التسجيلات السابقة وكان لابد ان يشاركو في مثل هذه الدورة حتي ينسجمو كل اللعيبة الجدد والقدامة واري ان المريخ ماشي في تتطور ملحوظ من الاحسن للاحسن فلا تبخسو حقهم ياضعاف النفوس

اخوكم عاطف عبدالله
ابو محمد

[عاطف عبدالله / السعودية]

#1085080 [لصق]
5.00/5 (1 صوت)

08-21-2014 01:26 AM
انتم ياهلالاب جيبو للبلد دى كاس حتى ولو فوق ركشة أوعجلة حننتظركم ولو طال الزمن .

[لصق]

#1085075 [مالك]
0.00/5 (0 صوت)

08-21-2014 01:17 AM
بكره تعال شوف ناس زعيط ومعيط بكتبوا شنو في الصحف الرياضيهتقول المريخ غلب الارسنال

[مالك]

#1085005 [صلاح]
5.00/5 (2 صوت)

08-20-2014 10:22 PM
مبروك نصف النهائ وعقبال الكأس محمول جوا

[صلاح]

ردود على صلاح
Saudi Arabia [السفير] 08-21-2014 02:51 AM
يا حالم بوطن احلى كاس محمول جوا يعنى من خارج السودان يعنى ما محلى يا محلى انت فهمت ولا لسه...طبعا الكاسات المحمولة دى بعيد عنكم وعقدتكم وسبب كراهيتكم للمريخ ...جيبو كاس من بره انشاء الله من الصومال بس جيبوهو ...فصاحتكم ولسانكم الطويل دا !!!!

European Union [حالم بوطن أحلى] 08-20-2014 11:44 PM
يعني شنو محمولا جوا وفي كاس بجيبوها من الخارج على رقشة والله المريخاب ديل عليهم جنس خيبة


#1084978 [المهمش]
0.00/5 (0 صوت)

08-20-2014 09:21 PM
فوز بطعم الهزيمة يامريخ الهناء

[المهمش]

ردود على المهمش
[سامي] 08-21-2014 10:22 AM
حتي فى الكورة الناس حاقدة وماعندها وطنية . التحية للمريخ العظيم وللنجمة . وامنياتي بالتوفيق ايضا للهلال العظيم .


#1084977 [الضكر]
5.00/5 (1 صوت)

08-20-2014 09:20 PM
شائف معظم المعلقين يرتكزوا على حاجة اسمها التاريخ كرة القدم لاتعرف كبير ولا صغير تعرف عطاء وبذل وتكتيك وتطبيق لخطة لعب بإمتياز مع الغيرة والتركيز الذهني تحقق الفوز حتى لو كان فريق مثل البائن او الريال وغيرها من الاندية فكرة القدم لعبة جماعية ومتى مااحترمت الخصم وادار المدرب شوط اللعب الثاني بحنكة يضمن النصر وضربات الترجيح التركيز هو سلاح الفوز بها فمثلاُ غاب التركيز في الضربة الأولى من احمد الباشا فضاعت ولكن وانقا ركز في الثانية وركز بعد مجدي وايمن وكذلك على جعفر اما الفريق التنزاني ركز في الضربات الثلاث الاول وغاب عنه في الضربتين الرابعة الخامسة وكسب المريخ والتحية للحارس الكبير جمال سالم فحراسة المرمى تعني 90 من قوة الفريق

[الضكر]

#1084968 [باشري]
5.00/5 (1 صوت)

08-20-2014 08:58 PM
يا سبحان الله صرنا نفرح بالفوز على عزام التنزاني بضربات الترجيح ونفرح بالفوز على فريق (اطلع برا) الصومالي .....!!! بعدما كنا نقهر الأهلي المصري والترجي التونسي والوداد البيضاوي وأشانتي كوتوكو الغاني وأسيك أبيدجان الغاني ... وضعنا في السودان على جميع المستويات متدهور من سيئ إلى أسوأ .

[باشري]

#1084962 [ودعمر]
5.00/5 (3 صوت)

08-20-2014 08:45 PM
المريخ منتهي تماماُ. البيحير فريق تعبان زي ده وفي تشيكلتو في 5 ولا 6 محترفين!!! محترفين عشان يقلب بيهم فرق تنزانية وصومالية وبضربات جزاء!!!!!!!!!!؟ قوم لفوا وحلوا من سمانا امة وهم.

[ودعمر]

#1084949 [ود الجبال]
5.00/5 (1 صوت)

08-20-2014 08:22 PM
مبروك لجميع عشاق الوهج الأحمر ودمتم لرفعة اسم الوطن في كل المحافل الدولية والإقليمية

[ود الجبال]

#1084941 [السايح]
5.00/5 (1 صوت)

08-20-2014 08:03 PM
اخيراً المريخ يتأهل بضربات الحظ ..........الحمدلله

[السايح]

#1084929 [ركابي]
4.50/5 (5 صوت)

08-20-2014 07:40 PM
مبرووووك للصفوة وان شاء الله يعود المريخ ومعاهو كاس سيكافا يمكن ساجور البلد يتفك لانو اخر كاس دخل السودان كان كاس مانديلا مع جية البعدا ويمكن ده يكون مع مشيتهم هههههههههه

[ركابي]

#1084907 [صلاح الدين محمد السيد]
5.00/5 (1 صوت)

08-20-2014 07:17 PM
كل الدول لعيت كره بعدنا اصبحت احسن مننا نحن واقفين فى مكاننا ومره كرتنا فى السماء ومره فى الارض لذلك تركنا التشجيع اريدكم ان تنظروا للكره السعوديه تقدمت كيف والدورى السعودى كيف

[صلاح الدين محمد السيد]

#1084904 [ابوبدر]
0.00/5 (0 صوت)

08-20-2014 07:15 PM
انا مريخابى لكن بالاسف الشديد بالركلات الترجيحية يفوز على فريق مغمور وبصعوبة وان يدل على شى انما يدل المريخ غير قادر على احراز البطولة ياحرااااااااااااام

[ابوبدر]

ردود على ابوبدر
Sudan [طبووش] 08-21-2014 01:24 PM
في ذمتك انت مريخابي ؟؟؟؟؟؟؟؟؟؟؟؟؟؟

Saudi Arabia [Abu Areej] 08-20-2014 11:43 PM
اول حرف يا اخ جركان الهلا....

Saudi Arabia [جركان فاضى] 08-20-2014 09:03 PM
مريخابى زيك...وحتى كان احرز البطولة بيكون شكلها مسيخ...المسألة ما بطولة وبس...المسألة اللعب بفن وان يكو الاداء رجولى...والمريخ فاقد الفن والرجولة...بس برضو احسن من ناس تانين ما عايز اجيب اسمهم


#1084900 [مريخ سجمان]
5.00/5 (1 صوت)

08-20-2014 07:06 PM
حمام ميت

[مريخ سجمان]

ردود على مريخ سجمان
United Arab Emirates [ود المك] 08-21-2014 04:07 PM
الهلال اشترك في البطولة اكتر من اربعة مرات وما وصل دور التمانية ولو تذكرو كمبالا سيتي سيتي كمبالا وبعدها قورماهيا الكيني والمطابع الصومالي , واخر بطولة في السودان 88 خرج الهلال بضربات الجزاء من المريخ وخسر المريخ النهائي مع البيرة الكيني ,,, يعني الهلال سيكافا ما قدر يجيب فيها كاس ,,, متين الكاس ياهلالاب !!!!!!!!

European Union [كيمو] 08-21-2014 10:57 AM
احسن مركز للهلال فيها اسوا مركز للمريخ ... كيف تحكمون اليس فيكم رجل رشيد.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة