الأخبار
منوعات سودانية
رجل يقتل زوجته بـ"الشلوت" في حلفا الجديدة
رجل يقتل زوجته بـ"الشلوت" في حلفا الجديدة



08-22-2014 12:53 AM

الخرطوم ـ حلفا الجديدة ـ محمد عبدالباقي

لقيت سيدة مصرعها أمس الأول بضربة (شلوت) أودت بحياتها في الحال، وبحسب مصدر فإن حياة الزوجين قبل وقوع الحادثة بلحظات كانت تسير وفقاً للأعراف الأسرية السائدة بمدينة حلفا الجديدة، حيث أعدت المجني عليها وجبة العشاء و(شاي المغربية) وعندما أرادا الذهاب لفراش النوم نشب بين (الزوج) المتهم و(زوجته) المجنى عليها خلاف كان يمكن أن يمر دون نكبة إلا أن الزوج أراد أن يكون حدا فاصلا لحياة امتدت عدة سنوات، وسدد لشريكة حياته ركلة (شلوت) قاضية أودت بحياتها في الحال، وبعد تأكده من مفارقة زوجته الحياة بسبب اعتدائه عليها فر هارباً من مسرح الحادث وتركها جثة هامدة، وبإبلاغ الشرطة تمكنت مباحث شرطة محلية حلفا من القبض عليه بعد لحظات قلائل من وفاة المجنى عليها وحل الجثمان للمشرحة لمعرفة الأسباب الحقيقية المؤدية للوفاة

اليوم التالي


تعليقات 6 | إهداء 0 | زيارات 2387

التعليقات
#1086540 [آمال]
0.00/5 (0 صوت)

08-23-2014 12:11 AM
اﻷخلاق الضيقة بحد ذاتها مشكلة

[آمال]

#1086243 [ركابي]
0.00/5 (0 صوت)

08-22-2014 01:06 PM
الحصل شنو في اخلاق الناس والله ما سمعنا في اهلنا الزمان انو في زول حتي مد يدو علي مرتو والبيدق مرتو في اعرافنا بتكون طالق .....الظاهر الراجل السوداني بقي مضطهد برة البيت وبيجي يفشوا في مرتو واولادو زي الموظف البيكون المدير بتاعو مطلع عينو ومن جبنه بيجي يتفش في اهل بيتو...لاحول ولاقوة الا بالله وربنا يرحم الزوجة ويسكنها فسيح جناته ..الماعندو اخلاق ما يتقندل ويعرس يقعد كده زيو وزي اي حيطة

[ركابي]

#1086222 [بركة بجاوي]
0.00/5 (0 صوت)

08-22-2014 12:06 PM
إعدام اي راجل يضرب زوجتة ناقص رجولة وما ننسي ان الدين وصانا بيهم وما في عزر وما اظن انو في اخ يرضي ان اختو تهان من زوجها لكن دي مصيبة من المصائب الحلت بالمجتمع السوداني العنف المنزلي وزي دا ما لية علاج الا بي عقوبات مشددة وأخينا الوضيع الحقير الناقص ابن الحرام دا مفروض يعدم عشان يكون عبرة لغيرو تبا لة ولي كل رجل يهين النساء

[بركة بجاوي]

#1086184 [الهونكر]
0.00/5 (0 صوت)

08-22-2014 10:15 AM
حسبنا الله و نعم الوكيل...لها الرحمة...لنا العظة و العبرة فالفعل عند الغضب هزه نتائجه دمار و خراب و خسران انفس و مال و ولد
ردا علي زهجان ..شلووووتو دا ما كان يشوف ليهو اقرب مسعوووول حيكومي و يلصقو ليهو
لها الرحمة و المغفرة

[الهونكر]

#1086166 [شيخ كرتوب.]
1.00/5 (1 صوت)

08-22-2014 09:35 AM
تعددت الأسباب والموت واحد
الله يرحمها ويغفر لها لو،،،الشلوت
بقتل أنا كل يوم بأخد شلوت وبنيه
من أم أولادي العامله زي الملاكم والمصارع
لكن،،،برضه حلو وبارد علي.

[شيخ كرتوب.]

ردود على شيخ كرتوب.
Sudan [gggg] 08-22-2014 03:53 PM
ياريت الناس كلها تكون زيك يا شيخ كرتوب يا سلام عليك وضحكتني بمزاج ضحكة غابت عني سنين عددا


#1086148 [زول زهجان]
5.00/5 (1 صوت)

08-22-2014 08:44 AM
هههههههههههههههههههههههههههههههههههههههههههههه
دا شلوت شنو إنت مفروض تمشي اتحاد المصارعة ، أخلاقنا بقت ضيقة غايتو ربنا يحفظ أولانا وزوجاتنا، دا لكن برضو سببو الكيزان ، المعيشة ضاغطة شديد ، ما بنتحمل أي حاجة

[زول زهجان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة