الأخبار
أخبار إقليمية
شرطة أمن المجتمع توقف حفلات «حنَّة الخريج» بمتنزه المقرن
شرطة أمن المجتمع توقف حفلات «حنَّة الخريج» بمتنزه المقرن



08-23-2014 12:50 AM
أوقفت مباحث شرطة أمن المجتمع عدداً من احتفالات (حنة الخريج( بمنتزه المقرن العائلي، وذلك بعد توفر معلومات بقيام عدد من احتفالات تخاريج جامعية وحنة خريج مختلطة بمنتزة الشهيد (المقرن(، وبالتحري مع مدير المنتزه اتضح أن التصاديق لمناسبات زواج، وتعهد مدير المنتزة بإيقاف حفلات الطلاب والطالبات ووضع مزيد من الضوابط الرقابية للحد من الظاهرة، وأكدت معلومات خاصة أن المنتزه شهد عدداً من الاحتفالات المماثلة أثارت غضب الكثيرين من رواد المنتزه ووصفوها بالحفلات الماجنة.

الانتباهة


تعليقات 13 | إهداء 0 | زيارات 5660

التعليقات
#1087665 [آمال]
5.00/5 (2 صوت)

08-24-2014 12:47 PM
لزومها شنو حنة الخريج اصلا

[آمال]

ردود على آمال
Sudan [تجمع المكوجية] 08-24-2014 03:15 PM
كيف لزومها شنو ؟
ماتراعى مشاعرنا نحن منتسبى المهن الصاجية والدقارية


#1087191 [نكس]
0.00/5 (0 صوت)

08-23-2014 11:35 PM
رقم اني ما مع الظاهرة دي الا ان مافي في الدستور ما يمنع الاختلاط بين البنات والاولاد اذا كانت حنة او حفلة - ودا نوع من القمع واستخدام التطرف الديني وقريبا سنشهد تاني ظاهرة بوليس الاداب ومسائلة اي راجل ماشي مع بت في الشارع العام عن صلة الغربة وما بعيد يظهر متطرفيين زي ما في تونس ويهاجموا دور السينما والاندية العامة والمسارح بحجة الاسلام الصحيح - ما قلنا السعودية متصدر المذهب الوهابي عن قصد لافساد العقيدة الاسلامية الوسطية - خدمة لامريكا واسرائيل - وبدل ما تخلي الناس في تفكير اسلامي معاصر زي التفكير في لماذا تاخرت الامة الاسلامية بعد ان كانت الرائدة في الحضارات وموقف المسلميين من القضية الفلسطينية وسبل الارتقاء بالامة الاسلامية وتطورها - عايزيين الناس يتقالطوا في مسلم وكافر ونرجع للعهد القديم وحرام وحلال ورجم وقطع

[نكس]

#1087182 [chanson]
5.00/5 (1 صوت)

08-23-2014 11:11 PM
حفلة تخريج و حنة خريج هو الخريج ذاته المتحنن ليها شنو ؟

[chanson]

#1087173 [Nura]
5.00/5 (1 صوت)

08-23-2014 10:37 PM
يجب وقف هذا العبث ،،، وبعدين المتخرجين ليها شنو ؟ ويين الشغل

[Nura]

#1087157 [جنوبي]
5.00/5 (2 صوت)

08-23-2014 09:55 PM
انا مع القرار ده 100%
ما شفتوا حفلات التخريج بقت كيف ؟ ! حفلات التخريج بقت عبء علي الاسر !
تصدقوا البنات بقن يحجزن الكوافير عشان تسريحة الخريج وبعملن حنة الخريج ده طبعا غير الساونا وواحدات بيتدخنن عديييييل عشان النورة ..
ياخي الاولاد بقوا يتحننوا للتخريج ..
واقسم بالله بعض الخريجين بيمشوا يدفعوا قروش لشاعر عشان يعمل ليهم قصيدة خاصة بيهم للمناسبة دي ويدفعوا للملحن وللفنان عشان يسجلا ليهم في سي دي عشان يشغلوا ليهو الاغنية لحظة طلوعه المنصة !!
قبل سنتين وانا في الاجازة صادف احتفال تخريج بنت اسرة صديقة وهي اكبر اولاد الاسرة دي ولقيت الام والاب في هم وغم وحيرة في انهم كيف يوفروا قروش التخريج لبنتهم , ولما انتقدتهم قالوا لي صحباتها كلهن مشاركات في الحفلة دي والبت متحسسة وكل يوم تبكي لينا !! تصدقوا اضطروا يتسلّفوا عشان الحفلة !!!
ياخي نحنا شعب فارغ خلاص نصرف في اولادنا دم قلبنا عشان يقروا الجامعة ونجي يوم حفلة التخريج ندفع دم قلبنا عشان في النهاية الولد او البت نشوفهم اليوم كله عاصرين السرير وراقدين !! هو في شغُل !!

[جنوبي]

ردود على جنوبي
Sudan [الطيب ود مصطفى دلوكة] 08-24-2014 02:54 PM
هوى هوووووووووووووووووى ياجنوبى ارجع لبلدك اخير ليك
انت قاعد تسوى هنا شنو؟؟؟؟


#1087119 [Sadrik]
0.00/5 (0 صوت)

08-23-2014 08:34 PM
الفاتحة علي الشباب حفله تخريج خروجو البشير وبعدين اتحننو والله الشباب بالجد بقي يحنن

[Sadrik]

#1086996 [jungoor]
5.00/5 (3 صوت)

08-23-2014 03:54 PM
انتوا في حنة الخريج وﻻ في الخريج الذي جمع كلمة تخرج علي صيغة تخاريج..ده في اي لغة يا حضرة الصحفي )الخريج(؟

[jungoor]

ردود على jungoor
Saudi Arabia [بامكار] 08-24-2014 10:30 AM
برافوا مظبوط خريج خريجين مادام اتحنن كمان يروح الكوفير ويعمل شد الوجه والمناكير واحمر شفايف ويجب ان يكون الحديث عن مبدأ الرجوله لماذا هذا التميع فى فترة مهمه فى حياة الشاب والسودان ينتظر؟؟؟؟؟


#1086944 [ابو ياسر]
4.00/5 (3 صوت)

08-23-2014 02:32 PM
ياحليل الشباب الكانوا بيشتغلو طلب فى الاجازة عشان يوفرو حق العام الدراسى ويساعدو اهلهم كانوا رجال موش زى سحاسيح الليومين ديل غير الحنكشة ماعندهم شغلة .

[ابو ياسر]

#1086857 [dafalla]
5.00/5 (1 صوت)

08-23-2014 01:07 PM
ديل تانى بمسكو بيت يا اصحاب المشروع الحضارى .دبل تانى بزرعو ارض .ديل تانى بذودى عن الولية .ديل تانى بكرمو ضيف .دبل زاتو اتعلمو شنو فى الجامعات .دة عمل ناس ما اتعلمت .كان الله فى عون البلد والام والاب والاخت والولد والعمة والحالة والعم والخال .كان دى حال المستقبل . 25سنة بدل الناس تمشى لقدام ما شين لوراء كل انتهى القبم الاخلاق الجامعات الزراعة الصناعة الصحة .الله غالب

[dafalla]

#1086768 [خرباش]
5.00/5 (1 صوت)

08-23-2014 11:10 AM
قال ليك واحدة غمرت لما لقت بتها محننة ومدخنة يوم حفلة التخريج ...

[خرباش]

#1086766 [مالك الحزين جدا جدا]
5.00/5 (1 صوت)

08-23-2014 11:09 AM
عشان كده ربنا إبتلاكم بالكوارث والسيول ,, والغلاء ,, إتقوا الله ,, كفاكم مجون ,, وكفاكم إنحلال ,, وكفاكم بدع ما أنزل الله بها من سلطان ,, ولاحول ولاقوة الابالله

[مالك الحزين جدا جدا]

#1086681 [abubaker]
0.00/5 (0 صوت)

08-23-2014 08:55 AM
حته الفرحة للاهل والاحباب منعتوها (سبحان الله )

[abubaker]

ردود على abubaker
Saudi Arabia [ابو مؤيد] 08-23-2014 01:40 PM
كان علي التخاريج ذاتها بالشكل ده تمنع وكمان بقوا يعملوا ليها حنه وقيدومه !! بعد شويه يعملوا فيها رقيص عروس !!

Saudi Arabia [عادل] 08-23-2014 11:23 AM
فرحة اهل واحباب ؟؟؟؟ دي مليون % من وراء الاهل ،،، ياتو خريج البعملوا ليهو حنه ده ؟؟؟


#1086610 [ابضلعا حديد]
4.94/5 (8 صوت)

08-23-2014 02:47 AM
حنةالخريج!!! والله بعد شوية تطلع لنا جرتق الخريج ودخلة الخريج والله ياجماعة ياحليل الرجال الماتو في كرري الناس دي مالي بقت عاصرة علي المياعة الرجالة دي في اسمح منها اجلدوهم جلد غرائب الابل حتي يعودو لرشدهم ورجالتهم ويبطلو الهنجكة البعملو فيها دي قال حنة خريج قال@!!!!!!!!

[ابضلعا حديد]

ردود على ابضلعا حديد
Saudi Arabia [صابر مصبر] 08-23-2014 10:33 AM
قالو البعيش كتير بشوف كتير وماهذه الاشياء الي هي البداية من البدع ولسع القادم كتير من هذا المياعة قال حنة تخرج صحي الاختشو ماتو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة