الأخبار
أخبار إقليمية
المغتربون يؤكدون نجاح المؤتمر ويطالبون بالوزارة
المغتربون يؤكدون نجاح المؤتمر ويطالبون بالوزارة
المغتربون يؤكدون نجاح المؤتمر ويطالبون بالوزارة


08-23-2014 12:37 AM
الخرطوم (سونا)-أجرت وكالة السودان للأنباء عدد من الاستطلاعات مع المغتربين المشاركين في المؤتمر السادس للسودانيين بالخارج ،أكدوا خلالها أن المؤتمر من انجح المؤتمرات والذي استفتح بقرارات وتوجيهات أصدرها النائب الأول لرئيس الجمهورية ، داعين لإنشاء وزارة خاصة بهم .
وقال د. محمد يحيى الطيب رئيس الجالية السودانية بمكة المكرمة ومساعد رئيس المجلس الأعلى للجاليات " إن المؤتمر محمده للدولة لاهتمامها بقضايا المغترب حتى تمكن المغترب من التواصل مع الدولة وأجهزتها المختلفة في طرح القضايا وبيان المطلوب من المغترب تجاه وطنه " .
وأضاف أن هذا المؤتمر من انجح المؤتمرات التي عقدت للمغتربين نظراً لما أصدره من قرارات وتوجيهات من اعلي هرم في الدولة أدخلت في نفوسنا كثير من الرضاء ،معربا عن شكره للدولة على تجاوبها مع المغتربين لحل قضاياهم .
وأكد استعدادهم لدعم الاقتصاد الوطني ، وقال " طالبنا بإلحاح بإنشاء وزارة للمغتربين وستصبح من أوائل الدعامات للاقتصاد السوداني من خلال التواصل بين المغتربين والجهات التنفيذية " .
إلى ذلك قال د.صلاح عباس أبو نوره ممثل المجلس القومي السودان ببريطانيا وايرلندا أن تكريم السيد رئيس الجمهورية للشيخ إبراهيم الطيب الريح رئيس المجلس بمنحه وسام الرئاسة يعد حافزاً للانجازات التي قام بها الريح والمجلس ، مبينا أن المجلس قدم خدماته منذ عام 1993 م وتم تسيير 24 قافلة طبية طوعية وتدريب للكوادر بالداخل شارك فيها أطباء سودانيين وبريطانيين وأجريت عمليات في القلب وطب الطوارئ والكلى وتبرع بثلاثة أجهزة لمستشفى غسيل الكلى .
وأعلن عن تنظيم عمليات للقلب شهر سبتمبر المقبل في مستشفى الخرطوم ومدني ،مؤكداً أن المجلس يهتم بالتخصصات النادرة .
وان القوافل الطبية يتم تسييرها كل ستة أشهر ،إضافة إلى مشاركة الكفاءات في التخصصات الأخرى في المجالات الثقافية بجانب مجالات التمريض العالي والبيطرة والإعلام ، وأضاف إن ما يقدم جزء من حق الوطن علينا .


تعليقات 29 | إهداء 0 | زيارات 2190

التعليقات
#1087828 [المستعرب الخلوى]
0.00/5 (0 صوت)

08-24-2014 03:19 PM
ما هو مقياس النجاح ؟؟
وهل يعنى أن كل المؤتمرات الفاتت كانت فاشلة ؟؟
من هم ممثلوا المغتربين وكيف تم أختيارهم لتمثيلنا فى كسير التلج ..ومن الذى فوضهم ليتحدثوا بإسمنا ..؟؟
اى نجاح يتحدثون عنه وأنا ضيعت 3ايام من الإجازة لكى اكمل إجراءات تاشيرة الخروج من أمازونيا العظمى ..ولولا الواسطة لما خرجت من جنة عدن ..

[المستعرب الخلوى]

#1087818 [bado]
0.00/5 (0 صوت)

08-24-2014 03:12 PM
خمسون عاما من الاغتراب ماذا حققتم للمغتربين أبناءنا مشردون بدون دراسة وزوجاتنا بدون مأوي رغم السنين الطويلة لم يعطى المغترب أي تسهيلات في العفش أو العربة يا جماعة انتوا لو مابتعرفوا تشتغلوا استعينوا بالدول الحققت نجاحات في هذا الصعيد وأولهم مصر وين الضمانات الاجتماعية وين التأمين الطبي وين وين عيب والله 50 عام ولا زلنا نترنح وماعارفين ماشين على وين ولا تاج الدين المهدي ولا كرار ولا ماجد سوار هم حيحلوا لينا مشكلتنا حرام عليكم افنينا عمرنا ولا وصلنا لي حل لانو كل المروا على رئاسة الجهاز هم مؤتمر وطني ولا وطنيين

[bado]

#1087667 [عبيد الله]
5.00/5 (1 صوت)

08-24-2014 12:48 PM
مؤتمر المغتربين البنعرفو نحنا والبناقش مشاكل المغتربين ويحلها فعلا يتعمل في دول الاغتراب أو يقولو اكتبوا لينا ونكتب ليهم وبعدها يجتمعوا بالناس في السفارات ويناقشوهم فيما كتبوا وبعد داك ينعقد بترشيح من المغتربين انفسهم . والحلال بين والحرام بين وبينهما أمور مشتبهات فمن اتقي الشبهات فقد استبرأ . تقول لي شنو !

[عبيد الله]

#1087636 [أبوقرجة]
0.00/5 (0 صوت)

08-24-2014 12:31 PM
هههههههههههههههههههههههههه المغتربين قال ............ ههههههههههههههههههههههه

[أبوقرجة]

#1087560 [عمـــــــــــــــو]
0.00/5 (0 صوت)

08-24-2014 11:34 AM
وين المغتربين الحضرو عشان يقولو ناجح ولا لا ...

[عمـــــــــــــــو]

#1087128 [Abo]
3.00/5 (1 صوت)

08-23-2014 08:48 PM
وزارة ؟ لا لا لا ومليون لا لهذا الاقتراح . وزارة يعني صرف أموال المغتربين علي وزير وحاشية . جهاز المغتربين الحالي كافي جدا لتسيير شئون المغتربين . يجب التركيز علي عودة المغترب واعتبار الاغتراب ظاهرة مؤقتة.

[Abo]

#1087110 [FRTAAAK]
0.00/5 (0 صوت)

08-23-2014 08:21 PM
أطالب بقوة بتصفية واغلاق جهاز المغتربين .. تقول وزارة !! .. يعني مؤتمركم دا طبلتوا عاوزين ترفعوا سوار لوزير وخلاص .. تباً لكم أيها المطبلاتية .. انتو لو عاجباكم الحكومة دي مغتربين ليه أمشوا أقعدوا معاها في السودان

[FRTAAAK]

#1087062 [ود الناس الزمان]
0.00/5 (0 صوت)

08-23-2014 06:22 PM
يطالبون بوزارة لا ثم الف لا لان وزارة تعني وزير له مخصصات وعربات وجيش جرار من الموظفين اخير لينا الجهاز وكان في طريقة يحففوا او يقللوا الوزارات الاخرى يكون كويس .. من طالب بوزارة فهو لا يعرف معناها وعليه التوبة من هذا الكلام الذي يضيف عبء حديد علي المغتربين اتقوا الله في اقوالكم وافعالكم يا من تريد ارضاء البعض على حساب الاغلبية المرهقة والمتعبة...

[ود الناس الزمان]

#1087038 [زول اصيل]
0.00/5 (0 صوت)

08-23-2014 05:22 PM
الحل هو حل جهاز شئون السودانيين العاملين بالخارج وتحويلهم للضرائب لاننا ندفع الضرائب مرتين احسن ندفعها لاهلها عديل مرة واحدة هم ما خايفين من حرام او حلال المهم يحصلوا الضرائب و بلا مؤتمر بلا كلام فارغ وهو سوار لو نافع كان حل مشاكل المغتربين في ليبيا لدينا اناس حتى هذه اللحظة مسجونين بسجن الزاوية بليبيا بدون سبب من زمن الهالك القذافي ولا احد يسال عنهم

[زول اصيل]

#1087023 [عبيد الله]
0.00/5 (0 صوت)

08-23-2014 04:36 PM
والله حاجة تحير . أولا أعملوا قنوات ثابتة لتحويل العملات زي باقي خلق الله الفي الاغتراب . مش العملات تحويلها عشواي بلدي نظام قديم كل من هب ودب يتاجر فينا . تبيع قروشك بسعر وترجع تلقى واحد باع بسعر بينك وبينو 70 الف و50 الف في الريال الواحد ؟؟؟؟؟؟؟؟؟؟؟؟؟؟؟؟؟؟؟؟؟؟ بالله دي بلد دي . وتقول لي مؤتمر ناجح ؟؟؟؟ ناجح كيف !!!!! تعالو أعملوا هنا في السفارات عشان نوريكم النجاح كيف . وتقابلوا كل الناس . انت تجيب ليك ناس مامعروفين منو البقاهم زعماء جاليات وتعمل بيهم مؤتمر وتقول نجحنا . !!!! والله البلد دي مائة سنة تاني ماتتقدم بطريقتكم دي !!!!! أخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ يابلدي .كان نفسي تتقدمي فعلا ....

[عبيد الله]

ردود على عبيد الله
[YASEEN] 08-24-2014 10:17 AM
والله صدقت مشكلة تحويل العملات ماقادرين على حلها ..دى بلد دى؟؟؟؟؟؟؟؟
مصر القريبة دى عندهم الان مشروع لاصلاح سته مليون فدان... وين ......فى صحراء سيناء وللزراعه ونحن عندنا اراضى صالحة للزراعة ماقادرين نزرعها.......الشقه عندهم فى استطاعة اى واحد يشتريها وهم 80 مليون ونحن 30 مليون الشقه عندنا بمليار ..مشكلة اولادهم المغتربين الذين يدرسون بدول الخليج وخاصة السعودية ويرغبون فى الدراسه فى مصر تم حلها بكل بساطه وكل الاطراف راضيه ونحن لسه مره كوته ومره جوطه...بلد فاشله فى كل شى....




الحل عرض السودان للبيع وكل قرد يطلع شجرته!!!!!!!!!!


#1086993 [عنتر]
0.00/5 (0 صوت)

08-23-2014 03:45 PM
هههههههههههههههههههههه الناس الفي المؤتمر ديل ما مغتربين اساسا ديل مرتزقه النظام و حأقول الاسباب :
اولا بنك المغتربين دي اغبى فكره ممكن ان يطلع بيها حمار لانها ممكن تتنفذ في دوله اقتصادها ثابت موش في دوله سعر الصرف بتغير كل ساعه .
ثانيا كيف يمكن لمغترب ان يكون عضو في البرلمان و هو غير مقيم في الدوله اساسا
ثالثا كان يجب على الدوله ان تحل مشاكل المغترب المزمنه اللي ليها عشرات السنوات من تعليم لابنائه و اعفااءت جمركيه و تقديم خدمات توازي ما يدفعه من جبايه اولا ثم تنظر لدولاراتو موش العكس .
رابعا اللي احنا عارفينوا ان المغتربين ديل هم خارج البلد حتى من يمثلوهم هم ايضا خارج البلد فبالله كيف تنظمون مؤتمركم في غياب من هم اولى بالحضور .

[عنتر]

#1086992 [تاج الدين عبد العزيز]
5.00/5 (1 صوت)

08-23-2014 03:43 PM
اكرر قولى ان هؤلا ء اصحاب الجلابييب البيض لايمثلون سوى قيمة المكواه للمكوجى وانا اسف لكلامى يا اخى الوزير امشى شوف الصفوف ف والبهدلة فى جهاز المغتربين صلحو لينا اداء الموظفين وزيدوا فى عدد الشبابيك قبل مل تعملو لينا وزير صلحو اداء الموظف واختصرو لينا الزمن نحن ما عندنا ندفع اكثر مقابل الخدمة

[تاج الدين عبد العزيز]

#1086938 [ود الريف الحريف]
5.00/5 (2 صوت)

08-23-2014 02:26 PM
النظام يعرف متى وكيف يؤكل الكتف ، ما يعرف بجهاز المغتربين الذى أُنشأ فى عهد الحقبة المايوية المقبورة ....، حتى هذه اللحظة تسيطر الفوضى بداخله . عندما تطأقدامك هذه البقعة غير المباركة ترى تزاحما وتدافعا بشريا كأنما هنالك شعيرة من شعائر الحج قد أوتى بها إلى هذا المكان .... الفوضى هى السمة البارزة داخل وخارج هذا المبنى . إذا كان الحال كذلك فكيف يكون هنالك مؤتمر يخص المغتربين وإدارات الجهاز السابقة واللاحقة لا تستطيع أن تقوم بعملية تنظيمية داخل وخارج الجهاز تساعد المغترب فى دفع الجباية المفروضة عليه قسراً ولاسيما ما يعرف زوراً وبهتاناً بالزكاة .. وقد دخلت فى محاججة مع إحدى العاملات فى قسم الزكاة خلال هذا الشهر ، حينما قلت لها : هذه ليست زكاة ، أغلبنا غارمون فكيف ندفع زكاة لا تنطبق شروطها الشرعية علينا فكان ردها .. هذه زكاة مرتـــبات ، هكذا قالتها . قلت لها هنالك زكاة واحدة شرعية ... ولا توجد زكاة يتم حولها جدولة وكتابة إسترحام فالزكاة تدفع فوراً حين حلولها وإكتمال نصابها ( وأتوا حقه يوم حصاده )
الذين وردت أسماؤهم فى المقال وهم يشيدون بما جرى وتمخض عن هذا التجمع الكاذب كسابقاته،، ماهم إلا حارقى بخور ومطبلاتية لما هو باطل ونتائجه معروفة سلفاً ... عدوا من هذا اليوم وحتى العام القادم ثم صوبواالنظر مرات فلن تروا شيئاً .. يوم متى كان هنالك قرار قد تم تطبيقه منذ مجىء هذه العصبة أولى التكريس فى الأرض لجماعتها وكل من شايعها وسار على نهجها ... إن غدا لناظره قريب إن لم يكن غريباً فى عهد هؤلاء الأبالسة

[ود الريف الحريف]

#1086876 [احمد]
5.00/5 (2 صوت)

08-23-2014 01:27 PM
اتو مغترب بلاه يا ناس الراكوبه ما تنشروا كلام فارغ

[احمد]

#1086858 [عدس]
5.00/5 (5 صوت)

08-23-2014 01:08 PM
أنا لم ولن أطالب بوزارة بل أطالب بإلغاء جهاز المغتربين نفسه.

[عدس]

#1086829 [ظلال النخيل /فريد محمد مختار]
5.00/5 (4 صوت)

08-23-2014 12:37 PM
طبيعي بعد ما الواحد ياكل كويس ( يكرررررررررررررع ) ..المشاركون هم الذين اكدوا نجاح المؤتمر بعد أن ملوا كروشهم بما لذ وطاب ونزلوا في فنادق 7 نجوم على حساب المغترب.. والأغلبية الصامتة حكمت علي المؤتمر بالفشل كبقية مؤتمراتهم التلميعية
( مش حتتلمع يا سوار يا دباب حتى لو غسلوك بموية دهب ) انت الشعب السودان بيكرههههههههههك

[ظلال النخيل /فريد محمد مختار]

#1086808 [اسير الغربة]
5.00/5 (2 صوت)

08-23-2014 12:08 PM
كيزان حرامه




خلو المغترب في حالو بلاش وزارة جديده ولا جهاز مغتربين كلها جبايات عصابة المافيا


اسالكم بالله خلونا في حالنا ماعايزين منكم حاجه كفايه خلينا ليكم السودان الحبيب

الله لايبارك فيكم وفي عيالكم لا يوم الدين

[اسير الغربة]

#1086800 [جنوبي]
5.00/5 (3 صوت)

08-23-2014 12:00 PM
ههههه ووزارة ليه ؟ ما تعملوها ولاية عديييييل !!

[جنوبي]

ردود على جنوبي
[أسه] 08-24-2014 12:40 PM
نلتنتتلتان


#1086794 [Abu sami]
5.00/5 (2 صوت)

08-23-2014 11:53 AM
محمد الطيب قالوا رتئيس الجالية السودانية بمنطقة مكة المكرمة و أنا من سكانها اتسآل منو العملو رئيس و كيف؟

[Abu sami]

ردود على Abu sami
Malaysia [ابو هند] 08-26-2014 10:13 AM
هاك يا استاذ دا الرابط بتاع صفحة الجاليه السودانيه بمدينة مكه المكرمة , على الفيس بوك
حسة الان عرفت انو في جالية .

https://www.facebook.com/groups/moaltaib77/771461439559636/?ref=notif&notif_t=group_activity

Malaysia [ابو هند] 08-24-2014 09:25 PM
السلام عليكم اخي الكريم ابو سامي.
كم سنة لك وانتا عايش في مكة المكرمة ومن سكان اي حي ؟


#1086774 [داوودي]
5.00/5 (1 صوت)

08-23-2014 11:22 AM
والله يا ناس الراكوبة زهجتونا بقصص بياع الكلام دا ، انا شخصيا دا اخر تعليق ، في حكايات سوار دا

مرة واحد من المعلقين قال بدون تصريحات واجتماعات وما عارف شنو خلو الامور تمشي براها والمغترب بعرف

مصلحتو وبطلو كلام الانشاء دا الانتو ما مقتنعين بيهو .. سلام

[داوودي]

#1086739 [ودالعمدة]
5.00/5 (2 صوت)

08-23-2014 10:37 AM
كيزان من لصوص الجاليات اجتمعوا اكلوا وشربوا وسكنوا الفنادق من جبايات المغتربين لم يحلوا او يناقشوا مشاكل المغتربين الاساسية وانفضوا غير ماسوف عليهم الله لا يردهم لصوص السفارات ....
قال الامام الشعراوي :
اذا لم تستطع قول الحق ...
فلا تصفق للباطل

[ودالعمدة]

#1086702 [Sulaiman]
5.00/5 (1 صوت)

08-23-2014 09:36 AM
الجاليات وما أدراك ما الجاليات بلاء عظيم حسبنا الله ونعم الوكيل

[Sulaiman]

#1086692 [السودان]
5.00/5 (2 صوت)

08-23-2014 09:11 AM
اتحدى اى واحد ينزل القرارات دى لانها كلام عام وفاضى

[السودان]

#1086680 [abubaker]
4.00/5 (1 صوت)

08-23-2014 08:53 AM
وأكد استعدادهم لدعم الاقتصاد الوطني ، وقال " طالبنا بإلحاح بإنشاء وزارة للمغتربين وستصبح من أوائل الدعامات للاقتصاد السوداني من خلال التواصل بين المغتربين والجهات التنفيذية "

اخي الدكتور محمد يحي الطيب اولا ان هذه الوزارة ستصبح حمل آخر على المغترب لان كل العاملين فيها سوف تكون رواتبهم على المغترب مثل دمغة الجريح والفضائية وضرائب اخرى ) كفانا الحمل الاول وما في داعي تزيدو لينا بحمل آخر
بعدين يادكتور امر المغترب ما بحتاج لدكتوراة ولا درس عصر مع العلم (كل الموتمرات السابقة كانت ناجحة مثل نجاح موتمرك هذا ) والنتيجة ما فيش اي محصلة . والموضوع ما بحتاج لموتمر ولا درس عصر
حدد في كتيب صادر من وزارة المالية وقسم الضرائب توضح فيه لكل مغترب الآتي:-
تحول كذا الف دولار عن طريق القنوات الرسمية مسموح لك بادخال كذا بدون ضرائب (وافتكر هنا كل مغترب بحول عشان يأسس شي لحياته بالسودان

[abubaker]

#1086672 [ابو الخير]
5.00/5 (1 صوت)

08-23-2014 08:37 AM
المغتربون الكيزان هم الذي حضروا واكدوا نجاح المؤتمر
تعالوا لينا في اماكننا وادعونا واجلسوا معنا في اجتماعات مفتوحا بعيدا عن السفارة

[ابو الخير]

ردود على ابو الخير
Saudi Arabia [اسير الغربة] 08-23-2014 12:34 PM
ابــــــــــــــو الخيـــــــــــــــــــر



سلمت اناملـــــك
كلام جميل احييك بالف تحيه ديل المغتربين الكيزان


#1086655 [abu hamdi]
5.00/5 (1 صوت)

08-23-2014 08:12 AM
داعين لإنشاء وزارة خاصة بهم - بلد علي وشك الانهيار ولم نطلب وزارة يامؤتمرجية

وحليمة لن تبرح قديمة

بس المهم ماجد سوار يبقي وزير ويستمتع بمخصصات وزير ومافي حد احسن من حد يالكانو سبب في فقدو وجاهة سفير في ليبيا

[abu hamdi]

#1086625 [Neema]
5.00/5 (3 صوت)

08-23-2014 05:21 AM
ما شاء الله وناس الوزارة دي حيصرفو مرتباتهم بالدولار ولا بالريال اكيد ماكلة جديدة ومن وزيرها لغفيرها حيكونوا من ناس الجاليات الما عندها غير كسير التلج للسفارات والجري لمصالحهم الشخصية

[Neema]

ردود على Neema
[أسه] 08-24-2014 12:41 PM
hi vai



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة