الأخبار
أخبار إقليمية
الحزب الشيوعي وحركة الاصلاح الان يتفقان علي شروط الحوار
الحزب الشيوعي وحركة الاصلاح الان يتفقان علي شروط الحوار
الحزب الشيوعي وحركة الاصلاح الان يتفقان علي شروط الحوار


08-24-2014 11:05 AM
الخرطوم:أسامة حسن عبدالحي

اتفق وفدا الحزب الشيوعي وحركة الاصلاح الان،علي ضرورة تهئية الاجواء لاي حوار،وقال الطرفان في تصريح صحفي مشترك،بعد انتهاء اجتماع ضمهما بالمركز العام للحزب الشيوعي السوداني-امس- ان الحوار الجاد هو افضل حل لمشكلات السودان،بشرط ان تتوفر له مطلوبات اساسية علي رأسها:اطلاق الحريات العامة،ووقف الحرب، واطلاق سراح كل المعتقلين والمحكومين سياسيا،والغاء كافة القوانين المقيدة للحريات،كما اتفقا علي ان يكون الحوار شاملا غير اقصائي ولا ثنائي،وان يقود لحل مشكلات السودان،وليس لقسمة السلطة،كما اكدا علي عقد اجتماع موسع يضم كل القوي المعارضة لتوحيد اسس الوضع الانتقالي ومستقبل حكم السودان،ونادي الطرفان بضرورة اطلاق سراح رئيس حزب المؤتمر السوداني،ابراهيم الشيخ،ونائب رئيس حزب الامة القومي مريم الصادق المهدي،وقال رئيس حركة الاصلاح الان غازي صلاح الدين ل(الميدان): ان الزيارة اتت بطلب من حركة الاصلاح الان لمقابلة الحزب الشيوعي،وذلك لايمانها بدوره الوطني،وخبرته الكبيرة، وفي اطار التواصل مع القوي السياسية، وفي اطار توحيد القوي المعارضة.يذكر ان وفد الحزب الشيوعي كان برئاسة صديق يوسف عضو اللجنة المركزية للحزب،ووفد حركة الاصلاح الان بقيادة غازي صلاح الدين رئيس الحركة.

الميدان


تعليقات 14 | إهداء 0 | زيارات 3080

التعليقات
#1088130 [moiez]
0.00/5 (0 صوت)

08-24-2014 09:56 PM
الحزب الشيوعي السوداني مممممممم العملو فيكم الاسلامين اكتر من العملو نميري عاوزين تصلو لي شنو

[moiez]

#1087892 [صوره مقلوبه]
0.00/5 (0 صوت)

08-24-2014 04:42 PM
اهم نقطة نسوا ناس الحزب الشيوعي تأكيدها لناس الاصلاح الآن و هي الاتفاق على (الغاء الاسلام السياسي) في خارطة السياسه السودانيه تماما.

[صوره مقلوبه]

#1087882 [ابو ركبه]
0.00/5 (0 صوت)

08-24-2014 04:20 PM
يادوبك عرفت الحزب الشيوعى ما عندو راس .. والله يستر !!!!

[ابو ركبه]

#1087767 [عبد الرحمن محمد الحسن]
0.00/5 (0 صوت)

08-24-2014 02:28 PM
رد على أيام لها ايقاع..
دي صورة جوزيف قرنق

[عبد الرحمن محمد الحسن]

ردود على عبد الرحمن محمد الحسن
[Alkanzi] 08-24-2014 03:38 PM
افتكر الصوره للقائد النقابي العمالي قاسم امين


#1087715 [خالد حسن]
3.00/5 (2 صوت)

08-24-2014 01:29 PM
الكوز الغازي داير يخترق المعارضه باي صوره وعارف انه الحزب الشيوعي هو المدخل للتحالف
فياشيوعيين انتو اكثر ناس عارفين الكيزان فكيف تفتحوا ليهم الباب عشان تاني يغيروا جلدهم؟

[خالد حسن]

#1087694 [ممغوص من الكيزان]
0.00/5 (0 صوت)

08-24-2014 01:12 PM
الأصلاح الأن ... الشعبي ... السائحون ... وماعارف أيه ... شوية كيزان زعلانيين ... بترضيه ومنصب وصلاحيات .. سوف يرجعو لحظيرة الصنم الوثني

[ممغوص من الكيزان]

#1087685 [Quickly]
1.00/5 (1 صوت)

08-24-2014 01:04 PM
الشيوعين انتو دايرين شنو بالظبط لييه ماتمشوا توقعوا في باريس مع الجبهة الثورية كان الخطيب ولا الشفيع ؟!!
حركة الاصلاح دي شنو ؟! مرافيد المؤتمر الوثني يكونو حزب قال ,,,,, لايملك الا لوحة خارجية في بيت مؤجر
قصتكم شنو ياشيوعية ؟!! ولا من نسى قديمة تاه؟؟
ليه دائماّ ماشين مع الانقلابيين ؟؟

[Quickly]

#1087657 [أمة الامجاد]
1.00/5 (1 صوت)

08-24-2014 12:41 PM
الغاية تبرر الوسيلة
يريد بنى كوز الجلوس على كراسى السلطه واشباع شهوتى الفرج والبطن بأى ثمن
اعملوا حسابكم يا بنى شيوع

[أمة الامجاد]

#1087645 [المشلهت]
4.00/5 (3 صوت)

08-24-2014 12:37 PM
مش دا الحزب الشيوعي القالو عليهو حزب الملحدين والمنحلين اخلاقيا والمفسدين في الارض
هل آمن الشيوعيون ام كفر غازي

[المشلهت]

#1087625 [أبوقرجة]
5.00/5 (2 صوت)

08-24-2014 12:20 PM
والله دي عجيبه ... شنو دا يا شيوعيين .. والله لو المرحوم/ محمد إبراهيم نقد قاعد لكان ضربكم بالجزمه .... غازي صلاح الدين دا جبهجي ... وهو عاش في النظام الحالي 25 سنه ... طلع من النظام أشك في ذلك لانه دا تكتيك جبهة إسلامية علشان يعيشوا فتره أطول في السلطة .............. عيب عليكم يا شيوعيين والله عيب الجلوس مع شخص زي دا ..


شنو القاعه الحلوه دي .. الطربيزه الطويله دي .... والله يا شيوعيين بقيتوا رأسماليين هههههههههههههههههههه ....... نحن زمان الكراسي مكسره ههههههههههه

[أبوقرجة]

#1087584 [سوداني]
4.00/5 (1 صوت)

08-24-2014 11:48 AM
اخجل ياغازي
مافي كلام في الشيوعي بس ظهرت انك انتهازي
هذاا الغاازي غواصه

[سوداني]

#1087564 [ابو فاطمة]
3.75/5 (3 صوت)

08-24-2014 11:36 AM
عليك الله ناس صديق يوسف ديل برتكول ما بعرفوا غازي قاعد في منصة قيادة الاجتماع مع انه الاجتماع في المركز العام . عموما خطوه لا نعلم ان كانت جيدة ام لا الا بعد ندرس التفاصيل لكن سعال واحد لعم صديق . هل اطراف التحالف بعلم بهذه الخطوه حتى لا نفتح باب لا نعرف سده . بكرة كل حزب يقعد مع الجهة التى تراها مناسبة للوصول للحوار المرجو وللمعلومية حركة غازي عبارة عن مغضوب عليهم وحبة حلب حرم ديل خيط ما يجروه .

[ابو فاطمة]

ردود على ابو فاطمة
Saudi Arabia [حاجة كولن كولن] 08-24-2014 03:35 PM
حركة غازي عبارة عن مغضوب عليهم وحبة حلب
حلب حلبة بتاعين بحري العديل ديل ... انت قاصد شيخ اسامة ده تركي ما حلبي
الله يقطع شنبك يا ابو فاطمة (الله يلانك دهكتيني)


#1087559 [المتجهجه بسبب الانفصال]
4.50/5 (2 صوت)

08-24-2014 11:33 AM
لقد ابتلتنا المقادير بسياسيين جميعهم ينظرون الى وجوهمم في مرآة خادعة ويعتقدون انهم حلوين ،، ما معنى احزاب تقليدية وفيها دعاة ديمقراطية حقيقيين،، ما معنى قوى ديمقراطية حديثة رغم ان فيهم من ينتسب الى جهات انقلبت كذلك على الديمقراطية ،، ان السودان هذا الكتاب المكتوب بالقلبة لابد ان يعدل وضعه لتتم قراءته قراءة صحيحة واسقاط التوافه اللاعلمية التي ملأت حواشيه ،،، ان هذا السودان الذي تأسس بحدوده الادارية والسياسية ومن ضمنه الجنوب المنفصل ما هو الا صدفة تمت على يد محمد علي باشا
وهاهي الجهود التي تمت بالصدفة تعود الى اصولها وفصولها الاولى في حمية مناطقية وكأنها بدون وعي تسعى الى رده الى ممالكه القديمة قبل الاتراك لعله يبدأ من جديد النضوج على نار هادئة طفتها الدولة التركية الغازية من اجل الرجال والذهب ثم الانجليز من اجل حماية منابع النيل لا غير،،، ومن القول المبتذل ان اغلبية من اهل السودان لازالوا يتبعون أساطير الاولين في اعتقادهم بأن السودان كان الجنة بالنسبة للانجليز وهو قول مردود بشواهد وثائقية،،، فالموضوع كان موضوع الموقع الجغرافي لا الخيرات التي فيه واين هي هذه الخيرات التي لم تكن فيه وانشأها الانجليز ،،، ان هؤلاء المجتمعون علنا لازالوا في ضلالهم وعداوتهم القديمة سرا بل لم يغيروا افكارهم رغم العواصف التي عصفت بالبلاد مستصحبين معهم صراعاتهم الطلابية في ايام الجامعات واسقاطها على وطن حدادي مدادي ما عرقل مسيرته بشخصنة المسائل الوطنية،، لذلك يقف محمد احمد البسيط وعمنا الحاج ود عجبنا موقفا غريبا بين المعارضة والحكومة فقد اعيته الحيل بعد ان اصبح لا يأتمن من ضيعوه سنين عددا بحجة انهم النخبة التي اصبحت سبة في جبين الوطن بل بلغوا عمرا يقل فيه العطاء والفهم والتطلع واستشراف المستقبل بعقلية الاجيال الجديدة،، ان البلاد في حاجة الى شخصيات شبابية فهؤلاء المتاعيس تمكنوا من غرس مفهوم يا دنيا ما فيك الا انا ،، اين مواليد الستينات والسبعينات والثمانينات والتسعينات ،، انهم قادمون ولا ما كدة يا دكتور مامون ،،،

[المتجهجه بسبب الانفصال]

#1087543 [ايام لها إيقاع]
5.00/5 (2 صوت)

08-24-2014 11:17 AM
سبحان مغير الأحوال ،، غازي صلاح الدين وصورة قاسم أمين فوقه ،،

[ايام لها إيقاع]

ردود على ايام لها إيقاع
United Kingdom [سن ألفيل] 08-24-2014 11:48 AM
سبحان الله !!!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة