الأخبار
أخبار إقليمية
تصريح صحفي من الدكتور علي الحاج
تصريح صحفي من الدكتور علي الحاج
تصريح صحفي من الدكتور علي الحاج


بالصور: حوار الأخوان المسلمين
08-24-2014 11:48 PM
إلتقيت نهار امس بمقر إقامتي بمدينة بون في ألمانيا بالأخ الكريم البروفيسور إبراهيم غندور مساعد رئيس الجمهورية، نائب رئيس حزب المؤتمر الوطني ،وقد إتسم اللقاء بروح أخوية إيجابية حيث تناولنا مواضيع الحوار الوطني وقضايا السلام بالسودان.

وقد تطابقت وجهات النظر بشأن الموقف المبدئي الثابت بدعم الحوار الوطني بين كافة مكونات الطيف السياسي بالبلاد وأن يكون شاملا لجميع القضايا، ومستوعبا للجميع دون عزل لأحد بما في ذلك حاملي السلاح. وقد أطلعني البروفيسور غندور على خطوات الحوار الوطني بالداخل والمجهودات المبذولة في تذليل العقبات وبناء الثقة بين جميع الأطراف وتهييئة الأجواء، وإستيعاب كافة وجهات النظر مهما كانت متباينة.

كما تباحثنا في قضايا البحث عن سلام عادل وشامل يضع حدا للإحتراب بين أبناء الوطن ويوقف نزيف الدم الوطني ويفتح الباب لمعالجة التظلمات ويتيح الفرصة لتنمية متوازنة. وتبادلنا وجهات النظر بشأن تجارب إتفاقات السلام السابقة والمجهودات الكبيرة التي بذلت بشأنها والعقبات التي واجهتها.

وكلي ثقة بأن الأخ البروفيسور غندور سوف يعكس نتائج مباحاثاتنا إلى المؤسسات الرسمية بالداخل ليتم التداول حولها والتعاطي معها بشفافية، وأرجو أن يكون فيها ما يرفد مسيرة الحوار والبحث عن السلام ويسهم في دفع الحل الوطني الشامل.
image

image


تعليقات 19 | إهداء 0 | زيارات 5871

التعليقات
#1089182 [albrado]
0.00/5 (0 صوت)

08-26-2014 01:45 AM
اعوذ بالله من الشيطان الرجيم ومن الاخوان المسلمين

علي الحاج سرق قروش الانقاذ الغربي ووجهه بقي زي الجزمة القديمة

وهذا مصير كل واحد اكل قروش اليتامي والمساكين باسم الاسلام والاسلام

برئ من هؤلاء الاوغاد

[albrado]

#1089163 [عاصم البشير]
1.00/5 (1 صوت)

08-26-2014 12:47 AM
قبل ذلك ذهب لعلى الحاج على عثمان وطلب الجك 80 مليون دولار قيل انها سلمت لتجار بسوق ليبيا وبعدين تصريحات على الحاج مقروءة مع تصريحات السنوسى الذى كان اكثر الداعين للحوار وهو يقول ان الحوار بين الاسلاميين فى الوقت الراهن ليس من مصلحة البلاد بينما يرى علة الحاج عكس ذلك فهل هذه تباشير انقسام جديد يكون باسم 3ونص زايد ثلاثة ونص علة منوال الية سبعة زايد سبعة؟

[عاصم البشير]

#1089078 [سيف الله عمر فرح]
1.00/5 (1 صوت)

08-25-2014 09:35 PM
صحيح ابالسة ,
ما معنى أن يذهب مساعد الرئيس , إلى شخص مطلوب القبض عليه بالإنتربول , بتهم الفساد .
أعوذ بالله من الابالسة , يمكرون ويمكر الله , والله خير الماكرين .

[سيف الله عمر فرح]

#1088900 [علي البرقاوي]
1.00/5 (1 صوت)

08-25-2014 04:28 PM
الصورة دي اكيد مخدنا في ميدان جاكسون منتظرين مواصلات سوق ليبيا

[علي البرقاوي]

#1088798 [أبوعلي]
1.00/5 (2 صوت)

08-25-2014 02:19 PM
50 مليون دولار نهبتها وعايش بها في بحبحة أيّها الكوز
ألا تختشي وتخاطبنا كأنّك الرجل الطاهر وقلبه على وطنه

[أبوعلي]

#1088795 [المتجهجه بسبب الانفصال]
1.00/5 (2 صوت)

08-25-2014 02:15 PM
الزول القاعد وراء علي الحاج ده أخو قندور ،، هذه الملاحظة الوحيدة المستغربة في هذا الخبر غير المستغرب فكل يوم عندهم مقلب،،،

[المتجهجه بسبب الانفصال]

#1088737 [المشروع]
1.00/5 (2 صوت)

08-25-2014 01:28 PM
وغندور وعلى الحاج هنا في بلد الديمقراطية ماشين برجليه يعنى كداري ولكن في السودان السيارةقدام الباب ويفتح له باب السيارة سبحان الله .. ما لكم هنا تتواضعوا وهناك تتفرعنوا؟

[المشروع]

#1088735 [مكرام]
1.00/5 (2 صوت)

08-25-2014 01:25 PM
اجتماع اراذل القوم

[مكرام]

#1088718 [المرفعين]
1.00/5 (2 صوت)

08-25-2014 01:14 PM
حرامي الانقاذ الغربي

بيبيع في الجعبة الثورية

[المرفعين]

#1088706 [زعيم الزهاجة]
1.50/5 (3 صوت)

08-25-2014 01:04 PM
خلوها (مشطووورة) !!!

[زعيم الزهاجة]

#1088677 [Clicker]
1.50/5 (2 صوت)

08-25-2014 12:43 PM
صورني بالله !!! أيوه خلينا نقعد أنا والدكتور (علي) في الكنبة دي وبعدين صورنا...عايزين صور كده نوهم بيها الشعب السوداني ... أيوه الصورة طلعت جميلة والله .... يلا تاني خلينا نمشي نحنا الثلاثة في الشارع كده وبرضو أخد لينا صورة حلوة لازم نقاء الصورة يكون واضح ..... يا سلام والله صور جميلة ....

يلا خلونا ناخد آخر صورة واحدة بس ونحنا قاعدين نتغدي كده والطربيزة مليانة بالأكل الألماني ... بس ما تاكلوا الأكل كله الناس تقول علينا جعانة خلو ليكم حبة أكل شوية بعدين أهم شيء ياجماعة تعاينوا كلكم للكاميرا ... أها خلاص جاهزين ياجماعة ؟؟؟ يلا ما ترمشوا عيونكم يلا واحد اثنين ثلاثة ( شكك شكك فلاش )..... الله علي الصورة دي !!! تجنن مش كده يا غندور ههههههه ... كدي ياجماعة النشوف الصور دي كلها بالترتيب ..... بس يا دكتور (علي) إنت مالك مكشر كده في الشمس حتي شمس ألمانيا بتخليك مكشر ولا الكشرة دي عندك طبيعية بتخليك تكشر حتي وإنت في الظلام؟
غندور: يا دكتور (علي) أها يا خوي ما عايز حاجة ما عندك طلب؟
علي الحاج: ههههههههه لا يا اخي الحمد لله مستورة.
عندور: أهاههههههههه حلوة مستورة يا (علي ) يا ود يا شقي....
يضحك الإثنان هههههههههههههههههههههههههههههههه.
...
...
...
...
The End
تشششششششششششششششش////////

[Clicker]

#1088450 [كتاحة امريكا]
1.00/5 (1 صوت)

08-25-2014 09:52 AM
إلتقيت نهار امس بمقر إقامتي بمدينة بون في ألمانيا بالأخ الكريم البروفيسور إبراهيم غندور مساعد رئيس الجمهورية، نائب رئيس حزب المؤتمر الوطني ،وقد إتسم اللقاء بروح أخوية إيجابية حيث تناولنا مواضيع الحوار الوطني وقضايا السلام بالسودان.



وين طريق الانقاذ


خلاص اتفقتوا على تسوية جديدة

كلاب كلكم

[كتاحة امريكا]

#1088413 [سوداني]
3.00/5 (3 صوت)

08-25-2014 09:20 AM
مجموعة من الدهماءوالرجرجة وسقط المتاع ساقهم الحظ التعيس لمراتب السيادة على شعب مسكين وبائس وطيب. غندور منو الجابو عشان يكون مسؤول عن شؤون الشعب؟ وعلي الحاج اللص الهارب يسرق ويكنز في المانيا، ولابس ليهو جزمة بيكون إشتراها من سوق الشمس الفي موربارك في برلين، والا تغطية منه عشان يقولو مسكين وما عندو قروش، والا ده ذوقه في البراطيش، كلو جائز.
السودان خربو ناس جامعة الخرطوم الإتعلمو بقروش الناس المسكينة والسفروهم بقروشهم عشان يعملو دراسات عليا بره السودان، ولمن رجعو عملو ليهم فيها إنهم متعلمين ولازم يحكمو الشعب، بلف بدوران، بتعرصة مع الجيش الزاتو شايل بندقيتة على الشعب، بدين فصلو عند ترزي المنشية (القرا بقروش الناس في جامعة الخرطوم وفرنسا وبريطانيا)وعمل فيها نبي القرن 21.

[سوداني]

ردود على سوداني
Saudi Arabia [osama dai elnaiem] 08-25-2014 12:53 PM
اخي الكريم -- لك الود والتقدير-- ما تظلموا الجامعات والعتب علي ( النخبة) السودانية عموما هي انانية منذ مؤتمرها الاول سمت نفسها مبتعدة عن السودان والسودانيين وظهر ( مؤتمر الخريجين ) بدلا من مؤتمر السودانيين والعيش الذي قدمه الانجليز لنا في الداخليات والبعثات السهلة في ذلك الزمان ايضا ساهمت في تدليعنا وخراب ذممنا وتناسلت الكيمان واصبح (لافتة الاسلاميين) و( الشيوعيون) و( الناصريون ) و(البعثيون) كلها لافتتات لفرز اكوام الخريجين وتناطحنا للفوز بالقصعة من افواه الشعب السوداني لنعيش في الدلال دون كد او تعب واذا لم تتغير هذه العقلية النخبوية السودانية العاطلة لا يمكن ان نتقدم وجامعة الخرطوم لا ذنب لها في ما وصلت اليه عقلية النخبة السودانية لانهم شتات جامعات مختلفة واس البلاء الاخواني مصري الجنسية تلاقح مع عبط من بعض خريجي جامعات السودان سواء اكانت الخرطوم او الفرع او معهد المعلمين العالي او المعهد الفني.


#1088344 [kmal Abaid]
1.00/5 (1 صوت)

08-25-2014 07:47 AM
الخبر الاكيد ان غندور ذهب لمقابلة وفد الجبهة الثورية والوسيط لذلكح علي الحاج.....كلهك يسعون لحكم الشعب السوداني وقسمو الكيكة...
شقيق المرحوم دكتور خليل ابراهيم الدباب مناي مساعد البشير اخذ حقة ومطالب بالمذيد...التوم هجو الاتحادي وممثل مولاهم...المكانتة محجوزة في الاتحادي..الحلو واقار الوالي ونائب الوالي....نصرالدين ممثل الصادق لاعبين لعبة الترابي...عرمان ممثل الشعب السوداني غصبا عنه....معارضة شايفة السودان يباع للعرب ولاتعلن رفضها لذلك وتري الدول خاصة مصر تقتطع جزء من السودان ولاتستنكر ذلك معارضة تري النظام يقتل ابنا الشعب وهي تلهث خلف الحوار ومناخه ..ماعلموا ان الشعب السودان لن يحرك ساكن لتغير النظام لانه لايريدهم بديل كفاية لن تحكمنا المميات

[kmal Abaid]

#1088322 [المشروع]
1.00/5 (1 صوت)

08-25-2014 06:32 AM
كان احسن تسكت من بيانك الهزيل سكتم 25 سنة والم يحن الوقت بعد لتقولوا الحقيقة مرة واحدة ولو في حياتكم؟ قلت خلوها مستورة وهل ستكون مستورة كدي الى يوم القيام ولم يبلغك قول رسول الله صلى الله عليه وسلم ( لا ألفين أحدكم يجيء يوم القيامة على رقبته بعير له رغاء يقول : يا رسول الله ! أغثني ، فأقول لا أملك لك شيئا ، قد أبلغتك ..) الحديث..

الم يبلغك ان الحوار مكر وخديعة اخرى وهي محاولة لإعادة انتاج الفلم وتغيير الكاس والقناني فقط وان الاحزاب المشاركة في الحوار هلامية وهي مشاركة في الحكومة اصلاً.. يعنى مقطوع حلوها ومعروف امرها ..

الم تقل له ان احزاب الحكومة السبعة تحاور ثلاثة احزاب فقط هي (الحقيقة الفدرالى - وحزب قوى الشعب العاملة وحزب منبر الشرق تبع امال ابراهيم ) ثلاثة احزاب غير معروفة الاصل او المنشأ بعد انسحاب الامة والاشتراكي الناصري واندماج الشعبي في المؤتمر الوطني (قال 7+7) اي حوار الذي اطلعلك عليه الذي لا يستثنى احداً.

وان الشعبي صار ملكيا اكثر من الملك ويتحدث باسم المؤتمر الشعبي ... وان غازي يتأرجح ذات اليمين وذات اليسار وكلبهم باسط ذراعيه بالوسط لو اطلعت عليهم لوليتم منهم فرارا ولملئت منهم رعباً...

على الحاج غندور شنو البيطلعك على الحوار وانه لا يستثنى احداً وهم حتى الان لم يوفروا مطلوبات الحوار بل كل يوم يغلقوا الطريق امام الحوار بمزيد من الاعتقالات..

الم يطلعك ان انتخاباتهم قائمة وان المؤتمر الوطني هو الذي سيشرف على الانتخابات ..

[المشروع]

#1088254 [zoalmin alnas]
1.00/5 (1 صوت)

08-25-2014 01:13 AM
ياكيزان شنو الحاصل هل انعم الورنيش في المانيا ام هي اشواق الاسلاميين انستكما تلميع الجزم, علي الحاج عرفناه مفلس لكن مساعد الرئيس مالو؟

[zoalmin alnas]

ردود على zoalmin alnas
[أبو حسين] 08-25-2014 10:38 PM
الكنبة كانت وسخانة وعلى الحاج نظفها وجلس في الجريدة هههههه

[أبو حسين] 08-25-2014 10:26 PM
الكنبة كانت وسخانة وعلى الحاج نظفها وجلس فيها هههههه

Saudi Arabia [saad] 08-25-2014 11:09 AM
هم جالسين في محطة المواصلات


#1088246 [Arbab Abu Kaief]
1.00/5 (1 صوت)

08-25-2014 12:56 AM
حبيبي تعال تعال نتلم ننسى الفرقة وننسى الهم

[Arbab Abu Kaief]

#1088221 [abusami]
1.00/5 (1 صوت)

08-25-2014 12:04 AM
هو علي الحاج عايش في المانيا من حر مالة قرفتونا.

[abusami]

ردود على abusami
United Arab Emirates [عمده] 08-25-2014 08:55 AM
حر مالو؟ لا ياخ.. انت نسيت طريق الإنقاذ الغربي...وخلوها مستورة..وال 2 مليار شطه.

.وما عارف كم مليار عملوا اللحم شرموط للعمال...سخف واكل مال السحت... كلهم مدانون


#1088218 [عصمتووف]
1.00/5 (1 صوت)

08-24-2014 11:58 PM
وقد تطابقت وجهات النظر بشأن الموقف المبدئي الثابت بدعم الحوار الوطني بين كافة مكونات الطيف السياسي بالبلاد وأن يكون شاملا لجميع القضايا، ومستوعبا للجميع دون عزل لأحد بما في ذلك حاملي السلاح.
العزل والعزل والعزل والحظر الابدي والنهائي لكم اما كليمات بين كافة مكونات الطيف السياسي هو خوفا من عزلكم وحظركم تريدون تامين جانبكم الامامي وانتم عارفون باننا لن نغدر من الخلف

[عصمتووف]

ردود على عصمتووف
Germany [بكري الصايغ] 08-25-2014 12:16 AM
بيان؟!!
1-
ومن هو علي الحاج حتي يصدر بيان؟!!
2-
وباسم من.. او باسم اي جهة هذا البيان؟!!
3-
علي الحاج - بحسب وجهه نظر الحزب الحاكم- مطلوب القبض عليه، والانتربول علي علم بذلك؟!!
4-
علي الحاج لاينتمي لحزب الترابي..ولا لحزب البشير، فما معني اصدار بيان؟!!
5-
هل يريد علي الحاج ان يوهمنا بانه مازال (زولآ مهم وعنده رأي وكلمة في الشأن السوداني)؟!!
6-
علي الحاج لم يذكر في كلامه ولا كلمة واحدة عن الحريات المصادرة !! ولا رأيه في "اعلان باريس"!!
7-
زيارة غندور له تذكرتنا بالمثل المعروف:" اتلم المتعوس على خايب الرجا)...
8-
من يطالع هيئة وصورة علي الحاج المرفقة مع خبر "الراكوبة"، لا يصدق باي حال من الاحوال انها صورة شخص عنده 50 مليون دولار!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة