الأخبار
منوعات سودانية
تسابيح خاطر هل تغادر الشروق ؟
تسابيح خاطر هل تغادر الشروق ؟
تسابيح خاطر هل تغادر الشروق ؟


08-26-2014 12:28 AM
سباحة تسابيح خاطر
كانت تسابيح مبارك خاطر طالبة نابغة قبل أن ترتاد دور الإعلام والفضائيات، وكانت قد اختيرت الطالبة النابغة بعد منافسة حادة مع عدد كبير من الطالبات في مرحلة الاساس بمحلية بحري، وكانت بجانب انها نابغة اكاديمياً فقد كانت تسابيح بارعة في تقديم البرامج المدرسية والحفلات وكان والداها يشجعانها خاصة والدتها الاستاذة الإعلامية عرفة التي شغلت عدة مناصب بالإعلام التربوي وما زالت. ومعروف أن والدها إعلامي معروف.
تسابيح سلكت طريق الإعلام ولم تهتم كثيراً بالتعليم وكان يمكن أن تكون في كلية مرموقة بجامعة الخرطوم ومع ذلك هي جامعية ومتميزة.
قناة النيل الازرق صنعت نجومية تسابيح خاطر من خلال توجيهات الثنائي حسن فضل المولى والشفيع عبدالعزيز والمخرجين والمنتجين والمصورين، وقد كانت محبوبة لأنها كانت محترمة داخل القناة وخارجها وكل ما يُثار حولها كان من جراء نجوميتها الطاغية وجمالها الساحر، لكن نعرف أنها كانت مؤدبة ومحترمة، فكل ما يُثار حول نجمات التلفزيون ليس بالضرورة أن يكون كلاماً صحيحاً.
تسابيح خرجت من النيل الأزرق بسبب الزواج وعندما أصبحت حرة وجدت إغراءات من قناة الشروق والعمل يختلف، فتسابيح لم تجد نفسها فيها وهي ليست مذيعة أخبار إنما هي بارعة في تقديم برامج المنوعات والعمل في النيل الازرق أريح من الشروق.
الاخبار الواردة تقول إن تسابيح ستترك الشروق لظروف قاهرة، وإن كانت لخلافات فستعود لبيتها النيل الازرق وإن كان لظروف أسرية فهذا أمر آخر.

الشروق


تعليقات 10 | إهداء 0 | زيارات 11639

التعليقات
#1090215 [احمد المكي]
0.00/5 (0 صوت)

08-27-2014 03:55 AM
ولله انا محتار جدا في هذا الجيل من المعلقين علي مواضيع الراكوبة .. هسع بالله تسابيح دي مالها ؟ عيبوها لي ! سماحة الدنيا عليها ولكن نسوي شنو مع الموتورين وأعداء النجاح ديل الواحد ما يشوف لي زول عمل حاجة كويسة في السودان او يتميز الا يقعوا ليك فيهو نبز وشتائم ويلعنوا ليك ابوخاشو .. ولله يا اخوانا دي ظاهرة تحتاج وقفة كل التعليقات في اي موضوع كان عن السودان لا تحمل سوي الحقد والحسد وتبخيس الناس اشيائهم .. او هكذا صرنا بعد 25 سنة من حكم الانقاذ ! أمة من الساخطين واللاعنين !

[احمد المكي]

#1089957 [المحجوب]
0.00/5 (0 صوت)

08-26-2014 06:59 PM
زولة مستفزة .. لما ذهبت لاستخراج جواز جديد و الكلام ده بدري قبل الجواز الالكتروني .. جات بي واسطة و استعجلو ليها وكيل عريف كان في الخدمة في ذلك اليوم عشان هي شخصية اعلامية بارزة و افتكر كلنا نعرف عقم الاجراءات لاستخراج جواز السفر .. المهم سلمها الجواز زي الساعة 12 ظهر و بدل ما تشكره عملت فيها زهجانة و متأففة و شرطت الجواز و رمته ليه في وشه .. زولك فتح فيها بلاغين و رماها في الحجز و لولا تحنيس عقيد شرطة في نص الليل كان لحدي حسي تكون مسجونة .. اما عن خلقتها فلا رأي لي فيما خلق الخالق .. (يا ايها الانسان ما غرك بربك الكريم الذي خلقك فسواك فعدلك في أي صورة ما شاء ركبك)

[المحجوب]

#1089893 [sa]
0.00/5 (0 صوت)

08-26-2014 05:53 PM
ياجماعة الحاصل شنو في البلد .. البنت لم تهتم بالتعليم وبالرغم من ذلك هي
جامعية .. ده كسير تلج ولا شنو .. ناس قريعتي راحت .. ياجمعة دخل الشنط !!

[sa]

#1089754 [75]
0.00/5 (0 صوت)

08-26-2014 03:13 PM
ربنا يوفقك ويسترك حفظك الله ورعاك

[75]

#1089555 [ليدو]
5.00/5 (2 صوت)

08-26-2014 12:10 PM
نعم .. ربما تكون هنالك ثمة مسحة من الجمال تميز وجه تسابيح ، هذا بتجاوزنا لمسألة الكريمات وغيره ، ولكن الشيء الواضح والذي يخصم من جمال تسابيح هو أن جسمها ( تعبان ومعصعص شديد ) كما أن أطرافها وبالأخص اليدين غير متناسقة ودوماً أحس أنها أطول من اللازم ، أيضاً هناك عدة نواحي سلبية في منطقة الكتفين !!

[ليدو]

ردود على ليدو
Saudi Arabia [الكاره الوضع] 08-26-2014 07:47 PM
ياخي اخجل انت شغال اخصائية تجميل الصحيفة دايما ما تكون منبرا سياسيا واجتماعيا مفيدا وليس هو وصف لفلانة او غيرها نرجو الا تكون من مخرجات الانقاذ

Saudi Arabia [الهادي إبراهيم] 08-26-2014 05:34 PM
الله يستر من شباب اليومين ديل. بقي ما في حياء. أيام التيلفزيون أبيض و أسود و أيام المذيعات الرائدات, لم يكن يتجرأ أحد علي مجرد التعليق في صورهن و أجسادهن و غيره. كان هناك حياء و قيم مجتمعية تواضع عليها الناس و إلتزموا بها. أما الآن يا ساتر. يا أخي هي, أقصد اي مذيعة و أي بنت تقابلها في التيلفزيون أو في مقعد الجامعة أو في الموصلات أو في الشارع, إعتبرها مثل أختك. و كما لك عرض ينبغي أن يصان, فللاخرين أعراض مثلك و لا شنو؟!

Saudi Arabia [حلفانكيل] 08-26-2014 03:44 PM
الاخو ليدو داير تفصل ليها جلابية نوم ولا شنو
سيب الخلق للخالق يا مان عشان ما يجى دورك لسداد الدين

Canada [ABZARAD] 08-26-2014 02:55 PM
طبعا الكمال لله
لكن هى سمحة مافى إتنين تلاته

Sudan [نونا] 08-26-2014 02:41 PM
انت قعدت تقيس؟ سبحان الله!

Saudi Arabia [حزين جداً] 08-26-2014 02:31 PM
ياليدو عيب عليك . عندك إعتراض في خلقة الله ؟؟؟!!! والله شئ عجيب .


#1089515 [zozo]
0.00/5 (0 صوت)

08-26-2014 11:33 AM
المشاهير أو الناس اللى فى الأضواء دائماً تواجههم صعوبة فى معادلة التوفيق بين متطلبات الوظيفة وتبعاتها وإدارة خلافات الحياة الزوجية لاكين فى كل الأحوال المرا مفروض تسمع كلام راجله
أتمنى أن تكون إيحات الخبر غير صحيحة وربنا يحفظ هذه البنيه السمحه لراجله و يرزقهم الذرية الصالحة و السعادة الزوجية و القروش الكتيرة(حلال) موش زى قروش الكيزان الحراميه أولاد النجس
الإكتسبوها بغير وجه حق من دم قلب الشعب

[zozo]

#1089477 [zorba]
4.50/5 (2 صوت)

08-26-2014 11:10 AM
خبر ما ليهو اي داعي

[zorba]

ردود على zorba
[ود الركابي] 08-26-2014 02:12 PM
اهو نغير شوية من صور ناس سعاد الفاتح وبت تاور وسمية وعشمانه التانية ناسي اسمها ..


#1089405 [loay]
4.50/5 (4 صوت)

08-26-2014 10:19 AM
عجبني جدا عبارة ان كل ما يكتب عن المذيعات ليس بالضرورة ان يكون صحيحا وانا هنا اشكر ما كتبته. لانه في الحقيقة هناك من هم لا هم الا الكلام في الناس والله حرام
كلنا لدينا اخوات ولا نقبل ان يتحدث عنهم ايا كان فاتمنى ان يكون الجميع مقدر لعمل المذيعين والاعلاميين والفنانين وعدم وصفهم بصفات تعتبر قذف

[loay]

ردود على loay
Saudi Arabia [بيومي] 08-26-2014 04:19 PM
انت ياشرش مابتفهم اعوذ بالله وانا اقول الانقاذ قعدت ليه الى الآن
ماقالوا ليك ( ان كل ما يكتب عن المذيعات ليس بالضرورة ان يكون صحيحا )
انت سمعتها بلسانها ولا قريتو ؟؟!!

[shersh] 08-26-2014 02:35 PM
دى مش الشتمت ابوها.. قال بت ناس قال


#1089335 [ابومرام]
5.00/5 (1 صوت)

08-26-2014 09:22 AM
طيب وبعدين؟؟؟؟؟؟؟؟؟؟

[ابومرام]

ردود على ابومرام
Uganda [aviv] 08-26-2014 10:55 PM
ههههههههههههههههههههههههههههههههههههههههههه والله انت ظريف ودمك خفيف


#1089222 [االطفشان من الكيزان]
5.00/5 (4 صوت)

08-26-2014 03:51 AM
حره كيف اطلقت ولا شنو؟

[االطفشان من الكيزان]

ردود على االطفشان من الكيزان
Saudi Arabia [كتاحة امريكا] 08-26-2014 10:28 AM
كلام غريب


يعني اطلقت ولا شنو

[ود الركابي] 08-26-2014 09:47 AM
اماانك طفشان تمام . من الصعوبه لواحده اعلامية مثل تسابيح حياتها تنتهي بزواج وعيال ومطبخ وطبيخ مع العلم البنت زكية ونابغه منذ الصغر . ومستقلة ماديأ .. يعني عاوزه ليها زوج بمواصفات خاصه يفهم طبيعة عملها مش اي حد حتي ولو كان غني . ونتمنا لها التوفيق والتوفيق مع زوجها..

United Arab Emirates [موردة حضارة] 08-26-2014 09:19 AM
why you think this way only

she is free as she is not duty now



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة