الأخبار
أخبار إقليمية
عمليات تشليع تطال السكة الحديد بالشرق
عمليات تشليع تطال السكة الحديد بالشرق
عمليات تشليع تطال السكة الحديد بالشرق
صورة من تاريخ السودان


08-26-2014 12:11 AM
الخرطوم:عبدالرحمن حنين
أبلغ مواطنون عن عمليات تشليع واسعة طالت السكة الحديد بشرق البلاد، شملت مناطق قرى همشكوريب. وقال المواطنون إن مجموعة إجرامية متخصصة درجت على تشليع قضبان السكة الحديد وترحيلها الى داخل اريتريا كخطوة لبيعها هناك، وأوضح الأهالي أنهم قد أخطروا إدارة السكة الحديد بعمليات التشليع والتي بدورها حسب إفاداتهم قامت بكتابة تقارير حول الحادثة ورفعها الى رئاسة السكة الحديد بالخرطوم لوضع التحوطات اللازمة. وحذر الأهالي من تمدد عمليات التشليع لجهة أن السكة الحديد ناقل وطني ومال عام يجب التصدي لمن يعبث به.

الوطن


تعليقات 7 | إهداء 0 | زيارات 2162

التعليقات
#1092174 [نمر العرب]
0.00/5 (0 صوت)

08-29-2014 10:42 AM
المسألة لااازم يتوضع ليها حد .زسواء من الجهات الرسمية أو الأمنية أو من المواطنين لازم أي واحد أرتري نعلموا الأدب ..والله لو فكونا في الأرتريين والحبش ديل نقبضهم حيين.. والسكة حديد دي حقتنا كلنا والتنبيه كويس لكن براهو ماابنفع الزول البلغ دا كان يقتل ليه 3 أو4 من الحرامية الأرتريين او حتي لو سوداني ماعندو ضمير وبعدين أنا مافاهم قصة الرشايدة ديل مالهم يعني ماعندهم إنتماء للسودان ولا هم جو السودان زمان وعجبهم القعاد ولا هم بالضبط شنو ؟؟

[نمر العرب]

#1090155 [solli]
0.00/5 (0 صوت)

08-27-2014 12:40 AM
احزنني منظر تشليع السكه حديد بين كسلا وخشم القربه والقضبان مبعثره والفلنكاتف يستخدما الرشايده في عمل الزرائب والرواكيب علي جانبي الطريق لهذه الدرجه اصبح المال العام سائب؟ والمؤليم ان هذ الخط عملوه الانجليز قبل دخول الرشايده للسودان و جلدا ما جلدك جر فيه الشوك. حليل الجنسيه الودانيه الفيها شعارنا وحيد القرن (الخرتتب)

[solli]

#1089751 [مكرام]
0.00/5 (0 صوت)

08-26-2014 03:08 PM
وامن عطا المولي لضرب الشرفاء وليس لحماية الوطن،عند سقوط قرورة شلع الجيش الارتري الزنك والنوافذ ومعدات المكاتب ونقلها الي ارتريا

[مكرام]

#1089501 [عصام]
5.00/5 (1 صوت)

08-26-2014 11:25 AM
عووووووك انت كنت وين نايم نوم اهل الكهف ياخى الموضوع ده قديم الخط اتشلع ليهو 15 سنة

[عصام]

#1089493 [تفتيحة لمن فضيحة]
0.00/5 (0 صوت)

08-26-2014 11:19 AM
شوفو شغل السرقة بالشركات الوهمية وفضيحة تغيير القضبان الطلعت مامطابقة وتاني اعادوهاوشوفو سرقة القضيب المشاركين فيها كبار المسئولين. انا بعرف عسكري (نفر) حرس شغال مع ناس الشركة يملك منزل قيمته مليار ويركب عربية دبل كابينة 2012!!!!

[تفتيحة لمن فضيحة]

#1089455 [تعليق]
0.00/5 (0 صوت)

08-26-2014 10:54 AM
حتلحق أعمدة الخشب في الولاية الشمالية

[تعليق]

#1089396 [المتجهجه بسبب الانفصال]
0.00/5 (0 صوت)

08-26-2014 10:12 AM
لا حول ولا قوة الا بالله ،، دار ابوك كان خربت شيل منها شيلة فأين ايلا ،،،

[المتجهجه بسبب الانفصال]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة