الأخبار
أخبار إقليمية
أخطاء هندسية فادحة في كوبري (الجيش)
أخطاء هندسية فادحة في كوبري (الجيش)
 أخطاء هندسية فادحة في كوبري (الجيش)


08-26-2014 12:58 AM
الخرطوم: أسامة عبدالماجد

كشف مهندسون عن وجود أخطاء هندسية وصفوها بالفادحة ظهرت في كوبري القوات المسلحة بالخرطوم رغم إغلاق الكوبري لنحو عامين وخضوعه للصيانة، وقالوا إنها تستوجب المساءلة والعقاب الفوري. وأبدى أحدهم - المهندس أحمد عثمان - انزعاجه من وجود أربعة (مطبات) بالجهة الغربية للكوبري وصفها في حديثه أمس بالأخطاء الجسيمة،
وقال إن (المطبات) لم تكن موجودة في وقت سابق وتسببت في حدوث ازدحام بشكل راتب معظم اليوم بجانب حالة من الارتباك وشكك عثمان في نية عودة الشركة المنفذة للمراجعة وتصحيح الأخطاء واستدل بفتح الكوبري أمام العابرين ما يعني انتهاء عمل الشركة، وتساءل أين الجهات التي يفترض أن تمارس دور الرقيب على الشركة المنفذة.

آخر لحظة


تعليقات 11 | إهداء 0 | زيارات 4798

التعليقات
#1090003 [sa]
0.00/5 (0 صوت)

08-26-2014 08:25 PM
مافي اخطاء هندسية ياجماعة .. ده قدر قرايتو .. خريج جامعة الشهيد فلان الفرتكاني
ياخي مهندسين شنو ديل مابعرفو الفرق بين الملطم والعرموس ..ديل ناس دقيت ليهو مارد

[sa]

#1089985 [طارق الباز]
0.00/5 (0 صوت)

08-26-2014 07:52 PM
ياخى العطاءات بدوها للاقارب والمعارف وما ضرورى سيرة الشركة او انجازاتا السابقة اى واحد بنى ليهو حيطة بقا مهندس واستشارى.

[طارق الباز]

#1089713 [shersh]
0.00/5 (0 صوت)

08-26-2014 02:32 PM
مهندسين شنو ديل . المهندسين هاجرو وخلوها ليهم
كسرة:
اذا كان المهندس بيقيف فى المحل العالى ويبول والبول يحى راجع لى تحت كرعينو , كما قال احد القاولين ديل ماقادرين يهندسو بولهم ..
قال مهندسين قال

[shersh]

#1089712 [aljafaary]
0.00/5 (0 صوت)

08-26-2014 02:31 PM
للامانة هذا الكبرى عملته شركة RECKY ايطالية وافتتح فى حدود 1973 المشكلة تأخرت الصيانة

[aljafaary]

#1089696 [المر]
0.00/5 (0 صوت)

08-26-2014 02:16 PM
بالله عليك شنو السوهو بقي تمام ماكلوا خربان

[المر]

#1089481 [محمد مصطفى]
5.00/5 (1 صوت)

08-26-2014 11:12 AM
مهندس؟ مهندس جاهل! العمل لسة ما انتهى . فتحوا المسار الغربي لتسهيل حركة المرور. حسه قفلوه للسفلتة الأخيرة. الخمسة فواصل منها أربعة أعلى من مستوى المسار وبالسفلتة الأخيرة كل الفواصل حتكون مستوية وبعدها يكون العمل في المسار الغربي للكبري انتهى. حيمشوا للمسار الشرقي ويركبوا "اليايات" في الفواصل الخمسة واسفلتوا الشارع وبعدها تكون الأعمال أنتهت وريحوا العباد من حركة المرور البوظت أعصابنا والمهندسين الجهلة البوظوا أعصابنا. ألغلطة من ناس الجرايد أنهم بكتبوا أي كلام

[محمد مصطفى]

#1089417 [زول وطني غيور]
5.00/5 (1 صوت)

08-26-2014 10:27 AM
أنا أشك في المهندسين والفنيين الذين نفذوا هذه الكباري وهذه الطرق بأن يكون معهم مؤهلات أصلا !! كل الطرق التي تم تنفيذها بالسودان بل والكباري في الفترة من عام1989 وحتى الآن تحتاج إلى فحص فني من جديد وربما صيانة أو إزالة كاملة !! حتما سوف يتم إكتشاف عيوب فنية كثيرة جدا!!إذا لم يكن فيها كلها قطعا سوف يكون في أغلبها..
من يتحمل تلك المسئولية الجسيمة ؟؟ الإجابة ببساطة هي حكومة الإنقاذ التي لا تعطي العيش لخبازه كما كانت تقول وتروج .

[زول وطني غيور]

#1089266 [امير]
5.00/5 (2 صوت)

08-26-2014 07:37 AM
صيانة لمدة سنتين طيب لو طلبنا بناءه من البدايه تكون عشرين سنة ولا شنو
ثانيا: الاعمال التي تمت كان من الممكن ان تتم في اسبوع واحد فقط لان الكبري ليس به جديد سوى طبقة اسفلت مصنوعة بشكل رديء

[امير]

#1089210 [SESE]
5.00/5 (3 صوت)

08-26-2014 03:20 AM
ابحثوا عن الجيش نفسه فهو ايضا قد ذهب نتيجة لاخطاء فادحة ومرتكبوها معروفون......

[SESE]

#1089206 [الجعلى الحر]
5.00/5 (1 صوت)

08-26-2014 03:12 AM
كبرى القوات المسلحة بهذا الشكل اذن هذه القوات مهزومة لا محالة

[الجعلى الحر]

#1089193 [pacifier]
5.00/5 (1 صوت)

08-26-2014 02:38 AM
انتو الناس دي بتكتب ساكت ؟
1 .و المهندس دا مهندس شنو كان ما عارف انو دي ما مطبات , دا الياي بتاع الكوبري
2. الكبري قفلوهو ليهو يومين و قاعدين اسفلتوا , ما حيكون في "مطبات"
3. كانوا 5 "مطبات " زاتو ما 4

[pacifier]

ردود على pacifier
Sudan [احنا مالنا] 08-27-2014 12:56 AM
الياي بتاع الكبري؟ ومساعد الياي بركبوه متين؟
احنا مالنا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة